awadan
29.04.2024 15:10

Alymlar ukynyň dört görnüşini we olaryň saglyga täsirini aýtdylar
Alymlar 3683 adamyň maglumatlaryny seljerip, ukynyň aýratynlyklaryny häsiýetlendirýän dört görnüşi ýüze çykardylar. Soňra olaryň her biriniň adam saglygyna uzak möhletleýin täsirini aýtdylar. Alymlar gözlegiň netijelerini Psychosomatic Medicine žurnalynda neşir etdiler. Şeýlelikde:

- Ýeterlik ukusyny alýanlar. Şeýle adamlar gözlegiň bütin dowamynda we maglumatlary ýygnamak döwürleriniň arasynda iň kadaly uky tertibini berjaý etdiler, ýagny hepdede azyndan dört gün 7-9 sagat ýatdylar.

- Dynç günleri ukusyny alýanlar. Gözlegiň bu gatnaşyjylary yzygiderli däl ýagdaýda we ortaça ýedi sagatdan az ýatdylar. Ýöne dynç günleri olaryň uky dowamlylygy kadaly wagta çenli ýokarlanýardy ýa-da dokuz sagatdan geçýärdi.

- Ukusyzlykdan ejir çekýänler. Şeýle adamlarda ukusyzlygyň kliniki alamatlary, şol sanda ýedi sagatdan az uky, gündizine ýadawlyk we uklama bilen bagly kynçylyklar ýüze çykaryldy – uklamak üçin 30 minutdan köp wagt gerek bolýardy.

- Ukusyny oňly almaýanlar. Gatnaşyjylaryň bu topary üçin, esasan, gowy uky häsiýetlidi, ýöne olar özüni gowy duýmak üçin günüň dowamynda dört gezekden köp uklamaly bolýardy.

Soňky iki topara gözlege gatnaşyjylaryň 77%-i degişli edildi. Şol bir wagtyň özünde gözleg ukusyzlygyň hroniki keselleriň, şol sanda ýürek-damar keselleriniň, süýji keseliniň we depressiýanyň ýüze çykmak howpuny 72-188% ýokarlandyrýandygyny görkezdi.

Makalanyň awtorlary gün tertibini üýtgetmegi ýa-da, iň bolmanda, uky gigiýenasyny berjaý etmegi: düşekde ykjam telefonlary ulanmazlygy, yzygiderli sport bilen meşgullanmagy, agşamyna kofe içmezligi maslahat berdiler.
29
101
1
awadan
28.04.2024 10:02

ÝAGŞYLYK ÝAMANLYK BARADA NAKYLLAR İÑLİS DİLİNDE

Ata-babalarymyz tarapyndan döredilen nakyllarymyzy dünýä halk köpçüligine Iňlis dilinde ýetirmäge dowam edýäris.

1.Dişlejek bolýan it dişini syrtardýan däldir. – A dog that intends to bite does not bear its teeth.
***

2. Edilen ýagşylygy bilmeýän näkesden itiň öňüne taşlanan süňk ýagşy. – A bone thrown at a dog is more of a worthy act than kindness to the wicked.

***

3. Goltukdaky ýylan kelte kesewi ýalydyr. – A person’s evil intention is more dangerous than a snake’s poison.

***

4. Her kim öz pälinden tapar. – A bad one breaks his board.

***

5. It aýaldan akyllyrak, ol eýesine üýürmeýär. – A dog is wiser than a woman; it does not bark at its master. A dog never forgets his master.

***

6.Ne sakgala minnet, ne-de murta hyzmat. – A dog in the manger.

***

7. Nebisleri agyrandan, goý, görübilmezçilik etsinler. – Better be envied than pitied.

***

8. Oňat gylyk adamyň ýüzi. (Adamyň ýüzi onuň ýüreginiň aýnasy). – A good face is a letter of recommendation.

***

9. Ynsanperwerlik ähli zatdan belentdir. – A good heart’s worth gold.

***

10. Ýagşy ýigidiň dosty köp. – A good deed will make a good neighbour.

***

11. Ýagşylyk birinde gaýtarylmasa, birinde gaýtarylar. – A good deed is something one returns.

***

12. Ýagşylyk et-de, derýa at, balyk bilmese, Halyk biler. – A good deed dies when it is spoken about.

***

13. Ýagşylyk, mähermilik dünýädäki ähli gowluklary bilelikde alanyňdan-da oňatdyr. – A good heart is better than all the heads in the world. –

**

14. Ýagşylyk-ýamanlygyň galkany. – A good deed saves a person from action. A good deed is a shield from action.

***

15. Ýagşylyk unudylmaz. (Ýagşylyk ýerde ýatmaz). – A good deed is never lost.

***

16. Ýetim oglanyň agzy aşa ýetende, burny ganar. – Only just an orphan’s life is returning to normal, it goes to pieces.

***

17. Ýüpek donuň içinde ýagşy-ýaman tanatmaz. – A fair face may hide a foul heart (soul). – (ýylmanak ýüzüň astynda gara niýet gizlenmegi mümkin.

***

18.Ýylanyňam daşy ýylmanak bolsa-da, zäheri awy. Ýüpek donuň içinde ýagşy-ýaman tanatmaz. – A fair face may hide a foul heart (soul).

***

19. Zoraýakdan edilen ýagşylykdan minnetdalyga garaşma. – A forced kindness deserves no thanks.
31
88
3
awadan
27.04.2024 09:20

DÜNÝÂNİÑ İÑ TÂSİN ÝÄDİGÄRLİKLERİ WE HEÝKELLERİ 🔹1️⃣🔹: adamlar, haýwanlar we zatlar
Ýadygärliklere we gözel ýerlere baryp görmek islendik syýahatçynyň hökmany medeni maksatnamasynyň bir bölegidir. Adatça, ýadygärlikler käbir syýasy ýa-da jemgyýetçilik işgäriniň, ýa bolmasa-da bir taryhy wakanyň hormatyna gurulýar. Ýöne dünýäde şeýle bir täsin, özboluşly, haýran galdyryjy ýadygärlikler bar — olar hem gülkünç, hem geň, hatda ilkinji göreniňde Ýeriň kanunlarynyň çygryndanam çykýan eken diýdirýär.

Bir düwün daňylan rewolwer. Düwün bilen daňylan rewolwer görnüşindäki ýadygärlik Nýu-Ýorkda ýerleşýär. Onuň awtory — şwesiýaly suratkeş Karl Fridrih Reýterword bolup, ýadygärlik Jon Lennonyň ölüminiň hatyrasyna gurlupdyr.

Las Kolinasyň Mustanglary. Tehasyň Irwing şäheriniň meýdançalarynyň birinde adatdaky görnüşinden az-kem uly bolan bürünçden ylgap barýan mustanglaryň birtoparynyň heýkelleri oturdyldy. Heýkeltaraşlyk kompozisiýasy ýabany atlaryň suwdan ylgaýan dinamikasyny ajaýyp şöhlelendirýär. Haýwanlaryň aýaklarynda suwuň syçramagyny alamatlandyrýan ýörite kiçijik çüwdürimler bar.

«Syýahatçylar». Howa garylýan ýaly görünýän, adaty bolmadyk bir topar adamyň şekili Fransiýanyň Ortaýer deňziniň kenarynda ýerleşýän Marsel şäherinde oturdyldy. Olaryň awtory — heýkeltaraş Bruno Katalano. Olaryň merkezi bölegi ýok diýen ýaly bolup, ýokarsynyň howada nädip saklanýandygy hem belli däl, ol hamala ählumumy agyrlyk kanunyny inkär edýän ýaly görünýär.

Nelson Mandelanyň GAR-daky ýadygärligi. Bu heýkelde oturdylan 50 sany polat sütün Günorta Afrikanyň meşhur syýasatçysy we ýerli halklaryň hukuklaryny goraýjy, aktiwist Nelson Mandelanyň ýüzüniň keşbini emele getirýär. Şol bir wagtyň özünde, onuň ýüzüni diňe belli bir burçdan görmek bolýar, başga gyralaryndan seretseňiz welin, ol adaty görnüşdäki «diwar» mysalydyr.

Suwa bökýän çagalar Singapurdaky derýanyň kenaryny bezeýär. Bürünçden ýasalan bäş ýetginjek diri ýaly bolup görünýär — olardan biri çalasynlyk bilen suwa bökýär, ýene biri aýaklaryny oýnadyp kenarda otyr, ýene biri basym suwa çümmek niýeti bilen eşiklerini zyňýar. «Suwa düşüjiler» diýlip atlandyrylýan heýkeliň awtory Çong Fah Çongdyr.
36
131
2
awadan
26.04.2024 06:37

Google täze nesil emeli aňly wideo generatoryny döretdi
Google» amerikan korporasiýasynyň «Google Research» bölüminiň emeli aň ulgamy boýunça hünärmenleri «Lumiere» atly tekste esaslanýan wideokontent generatoryny döretdiler. Topar öz işleri baradaky hasabaty «arXive» ylmy neşirleriň platformasynda ýerleşdirdi.

Düşündirişe görä, täze neýroulgam «kitap okaýan iki ýenot» ýaly gysga jümlelere laýyklykda, ýokary durulykly taýýar wideolary döredip biler.
«Google» täze guralyň tehnologiýasyny «rewolýusion U-Net giňişlik-wagt arhitekturasy» diýip häsiýetlendirýär. Ol emeli aň modeliniň bir seansynda wideo döretmek üçin döredildi.
Gural noldan wideo döredip ýa-da isleglere laýyklykda, taýýar klipleri redaktirläp biler. Şeýle hem «Lumiere» statiki şekili janlandyrmagy hem başarýar.
«Google» entek «Lumiere» guralyny köpçülige elýeterli hyzmat etmegi meýilleşdirip-meýilleşdirmeýändikleri, eger meýilleşdirýän bolsalar munuň haçan boljakdygy barada aýtmady. Bu «Lumiere» tarapyndan awtorlyk hukugynyň kanunlaryny bozýan wideolaryň döredilmegi esasynda ýüze çykyp biljek ýuridik netijeler bilen baglanyşykly bolup biler
28
63
1
awadan
25.04.2024 08:40

TÄZELİK
Iň täze Land Cruiser 250 özgerdilenden soň iki adamlyk ýatalga aldy
IXBT-niň habar bermegine görä, Ýaponiýada täze Land Cruiser 250-niň (şol bir Land Cruiser Prado 250) satuwy başlandy we olar bilen birlikde Ýaponiýanyň Jaos, Modellista we Toy Factory atelýeleriniň özgerden ilkinji toplumlary hödürlenýär.

Tebigatda dynç almagy halaýanlar üçin Toy Factory kompaniýasy wnedorožnigiň ýükdanynda iki adamlyk ýatalgany ýerleşdirmäge mümkinçilik berýän toplumy taýýarlady. Agaç karkasdan we dört ýassykdan ybarat toplumyň bahasy 1980 dollar. Ähli bölekler ýükdana sygýar, olardan islendik wagt aňsatlyk bilen ýatmaga ýer salyp bolýar.
Jaos öňdäki bamperiň demir plastinkaly we gurnalan yşyklandyryşly gorag toplumyny (700 $) hödürledi. Mundan başga-da, kapotyň astyndaky düýbi goramak üçin poslamaýan polatdan plastinany satyn alyp bilersiňiz ($ 250).

Şeýle-de, Jaos-yň özgertme toplumyna şu aşakdakylar girýär:

• Tigir arkalaryny giňeldijiler (600 $)
• Gara gapdal aýakgoýarlar (855 $)
• Enkei-niň öndüren 18 dýuýmlyk Jaos Tribe Cross garyndy tigirleri
• Yokohama Open Country palçyk şinalary
• Palçykdan goraýjylaryň toplumy ($ 230)
Modellista has üýtgeşik özgertme görnüşini hödürleýär, oňa şu aşakdakylar girýär:

• Goşmaça yşyk (500 $)
• Krylolary giňeldijiler (855 $)
• Gapdal moldingler
• Defender stilinde "žabralar"
• Wnedorožnigiň şinalary bilen örtülen 20 dýuýmlyk garyndy tigirleriň toplumy (3115 dollar)
• Yzky uly spoýler (390 $)
• Yzky gapydaky gara gorag bezegi
Şeýle hem, Toyota Land Cruiser 250 üçin sowadyjy, üçek tekjesi (1210 dollar), çüýşe saklaýjy we hapa üçin sebet ýaly markaly esbaplary hödürleýär.

23.04.2024 11:27
35
124
3
awadan
24.04.2024 10:00

TÄZELİK:
Iýip bolýan innowasiýa: Özbegistanda palaw iýilýän “tabaklarda” berlip başlandy
Özbegistandaky jemgyýetçilik iýmiti kärhanalarynyň birinde myhmanlara iýip boljak “tabaklarda” palaw hödürlenip başlandy. Bu barada repost.uz habar berýär.

Bu täze önüm palawyň lezzetli ysy siňdirilen, üýtgeşik tagamly çörek görnüşindedir.
Iýip bolýan “tabaklar” baradaky maglumatlar sosial ulgamlara çalt ýaýrady we ulanyjylaryň arasynda uly gyzyklanma döretdi. Köp adamlar eýýäm öýde şuňa meňzeş tagam taýýarlamaga we tejribe reseptlerini internetde paýlaşmaga synanyşýarlar.

11 ýaşly gyzjagazyň tapyndysy gadymyýetdäki iň uly deňiz süýrenijilerini suratlandyrmaga kömek etdi
Beýik Britaniýada 11 ýaşly Rubi Reýnolds we onuň kakasy Jastin paleontologiki açyş etmäge kömek etdiler. Gyzjagaz deňizde iň uly deňiz süýrenijilerine degişli äpet ihtiozawryň äňiniň bir bölegini tapdy diýip, PLOS One žurnalynda çap edilen gözlegiň netijesine salgylanýan Naked Science habar berýär.

Ichthyotitan severnensis-iň - ölçeglerine we Sewern derýasyna ýanalyp atlandyrylan Ihtiotitan Sewernyň uzynlygy 25 metre ýetdi. Taryhdan öňki äpet janawar takmynan 202 million ýyl ozal ýaşapdyr we Trias-urura heläk bolma wagtynda ýitirim bolupdyr.
Ihtiotanyň äňiniň ilkinji bölekleri 2016-njy ýylda daşa öwrülen galyndylary ýygnaýjy Pol de la Salle tarapyndan tapyldy. 2018-nji ýylda ol Mançester uniwersitetiniň Din Lomaksyň ýolbaşçylygyndaky alymlar topary tarapyndan beýan edildi. Şeýle-de bolsa, ýetginjek paleontologyň tapyndysy gözlegçileriň netijeleriniň üstüni ýetirmäge we netijelerini takyklamaga mümkinçilik berdi.
Tapyndyny özboluşly edýän zat bu ihtiotitanyň soňky belli geologiki garyndaşlaryndan takmynan 13 million ýyl soň ýaşanlygydyr.
Tapyndylar ýakyn wagtda Bristol muzeýinde we sungat galereýasynda görkeziler.
22.04.2024 15:38
18637
40
120
0
awadan
23.04.2024 09:14

ŞAMPUNYÑYZA ŞEKER GARYÑ WE NETİJÄNİ GÖRÜÑ!
Saçyňyzy ýalpyldawuk, goňaksyz we owadan etmek üçin dürli-dürli usullary synap görensiňiz. Bu usullaryň arasyna ýene-de täze bir usul goşuldy. Mundan beýläk ulanylýan şampunyňyza azrak şeker goşsaňyz, saçyňyzyňdaky üýtgeşmäni has gowy duýarsyňyz.

Köpümiz, köplenç, saç stilimize we derimiziň gurluşyna görä şampun saýlaýarys. Käbir adamlaryň saçy ýagly, käbirleriniňki bolsa tersine gury bolýar. Edil ýüzüňizdäki ýaly, ölen deri öýjüklerinden dynmak üçin kelläňize hem wagtal-wagtal gowy süpürgiç gerek bolup durýar. Dermatolog Françeska Fusko şekeriň saç üçin täsinlikleri döredip biljekdigini öňe sürýär. Dr. Fuskonyň pikirine görä, şampuna şeker goşup, saçyňyzy has owadan we sagdyn etmek siziň öz eliňizde. Şampunyňyza takmynan bir çemçe şeker goşup, soňra garyp ýuwaşlyk bilen kelläňize çalmaly. Birnäçe minutdan soň saçyňyzy mylaýym suw bilen ýuwuň. Şeker şampuny bilen bir hatarda saçyňyzy siňdirer we bu görnüşde ýaglylygyň öňüni alar. Şeýlelik-de, şampunyňyzyň saçyňyzy nemlendirýändigine göz ýetirersiňiz. Dermatolog, şeker şampunyny her gün ulanmakdan gaça durup, 4 gezekden 1 ulanmagy maslahat berýär.

Sagdyn kelle sagdyn saç diýmekdir. Sagdyn we owadan saçly bolmak üçin şampuna şeker goşmak, kelläňdäki ýagy arassalamaga we ölen derilerden dynmaga ýardam edýär. Saç ideg önümleriniň (nemlendiriji, kondisioner, saç maskasy ýaly) saçyňyza täsirini artdyrýar. Şeker saçyňyzyň has arassa, sagdyn we çygly görünmegine kömek edýär. Bu usul arkaly saçyňyz isleýşiňiz ýaly gözelligiňiziň bir bölegine öwrüler!
30
74
3
awadan
22.04.2024 10:39

TASİNLİK
Italiýada dünýäde iň uly lakga balygy tutuldy, balykçy Alessandro Býankardi tarapyndan ýurduň iň uzyn Po derýasyndan tutulan ýaýyn balygyň boýy 285 santimetre deň diýip, «Habar 24» ýazýar.

Erkek kişi öz awuny uzak wagtlap sabyrlylyk bilen yzarlapdyr. Býankardi indi öň uzynlygy 281 santimetr bolan ýaýyn balygy tutan nemes Stefan Sýuzyň rekordyny täzeledi. Ol öz awuny foto we wideo düşürip, suwa goýberdi.

ABŞ-da Tommi lakamly öküz dünýäde iň uly diýlip ykrar edildi diýip, «Oddity Central» neşirine salgylanýan «Gazeta.ru» ýazýar, Onuň boýy 1,87 metrdir.

13 ýaşly öküz doglanyndan bäri Massaçusetsdäki fermada saklanýar. Eýesi Lori Balawender onuň beýlekilerden tapawutlanýandygyny görüp, 10 dollara satyn alypdyr. Erkek kişi onuň maşgalanyň bir agzasy ýaly eý görülýändigini gürrüň berýär.

Göwresiniň mähnetdigine garamazdan, Tommi özüni asuda alyp barýar, her gün 13 kilogram däne iýýär, 151 litr suw içýär. Ol şeýle-de alma iýmegi halaýar, eýesi onuň üçin eýýäm ep-esli miwe satyn alandygyny gürrüň berýär. «Tommi otluk meýdanlarynda ýabany alma gözläp köp ygýar, ol şeýlebir akylly, nädip agaçlary silkeläp, almalary ýere gaçyrmagyň usulyny-da bilýär» diýip, Lori aýdýar.

Balawender Tomminiň Ginnesiň rekordlar kitabyna girizilendigine, özüniň şeýle mähnet öküziniň bardygyna buýsanýandygyny hem sözüniň üstüne goşdy.
43
278
12
awadan
21.04.2024 08:50

smartfon

Dünýäde iň ýagty ekranly smartfon hödürlendi

Realme kompaniýasy häzirki wagtda iň ýokary pik ýagtylygy bolan ekrany we Qualcomm çibini alan GT Neo6 SE smartfonyny hödürledi. Bu barada ixbt.com portaly habar berýär.


Smartfon BOE-den 1,5K durulygy (2780х1264 piksel) we 6000 nit rekord pik ýagtylygy bolan 6,78 dýuýmlyk LTPO OLED ekrany bilen üpjün edildi, ýöne adaty režimlerde ýagtylyk 1000 we 1600 nite barabar. Şeýle-de, 2160 Gs ýygylyk bilen PWM-den goragyň we Gorilla Glass Victus 2 aýnasynyň bardygy bellenilýär.

Smartfonyň öndürijiligine Qualcomm Snapdragon 7+ Gen 3 çibi, 8, 12 ýa-da 16 GB operatiw ýat, şeýle-de 256 ýa-da 512 GB içerki saklaýjy jogap berýär.

Esasy kamerada 50 Mp durulykly Sony IMX882 datçigi ulanylýar. Öňünde 32 Mp selfi kamerasy bar.

5500 mAs sygymly akkumulýator 100 Wt zarýad berşi goldaýar. Realme GT Neo6 SE-niň beýleki aýratynlyklarynyň arasynda Android 14 esasly Realme UI 5.0 sistemasynda birnäçe emeli aň funksiýalarynyň goldanylmagy we frontal kameranyň üsti bilen hereketli dolandyryş, IK porty, güýçli wibromotor, NFC, ekranasty barmak yzlaryny skanerleýji, IP65 goragy aýratynlandyrylýar.

Täze smartfon Hytaýda 8/256 GB wersiýasy üçin 1699 ýuan bilen bahalandyryldy. 16 GB operatiw ýady we 512 GB saklaýjysy bolan uly model 2399 ýuana düşer.
38
121
2
awadan
20.04.2024 10:29
MENI TANAÝAN BOLSAŇ SEN

Meni tanaýan bolsaň sen,
Suratyn çek ýüregimiň.
Suratda sebäbi bolsun,
Meniň uçup ýörenimiň.

Çekip ber gülüň suratyn,
Hiç haçan solmaýan bolsun.
Çekip ber suwuň suratyn,
Hiç haçan doňmaýan bolsun.

Çekip ber Günüň suratyn,
Sensiz hiç dogmaýan bolsun.
Çekip ber, seniň suratyň,
Mensiz hiç oňmaýan bolsun...

Aýgül GARAÝEWA.
35
60
1
Yene yükle