atakulyyewa_humay
14.03.2023 17:40
Her bir halkyň öz milli buýsanjy we gymmatlygy bolýar. Çindo iti wepaly jandar hökmünde koreý halkynyň milli buýsanjy diýlip yglan edilendir. Ol wepalylygy we gulluk etmäge ýaramlylygy bilen tapawutlanýar.
Çindo aw itleriniň bir görnüşi bolup, Koreýanyň Çindo adasynda ýaşandyklary üçin şeýle at alypdyr. Başgaça oňa koreý hindosy, çindokke hem diýilýär. Bu aw itiniň boýy 45 — 55 santimetr, agramy 15 — 23 kilogramdyr. Bu görnüşiň gelip çykyşy barada käbir maglumatlara görä, olar müňýyllyklaryň dowamynda Çindo adasynda ýaşapdyrlar. Adanyň howa şertlerine laýyklykda, olar öz gadymy daşky görnüşini saklapdyrlar. Olar ikileýin ýüňi bilen tapawutlanýan akylly, güýçli, ýyndam itlerdir.
![Koreý halkynyň gymmatlygy...]()
1-nji surat
Häzirki wagtda aw itiniň bu görnüşini gorap saklamak üçin Koreýada ýörite kanun hereket edýär. 1962-nji ýylda Koreýanyň hökümeti çindo itlerine milli gymmatlyklar diýen derejäni berip, şondan soň olary ýurduň çäginden çykarmak gadagan edildi. Bu itler 1988-nji ýylda Seulda geçirilen tomusky Olimpiýa oýunlarynyň hem açylyşyna gatnaşdyryldy. Koreýada bu görnüşi öwrenýän ylmy merkez hereket edýär. Koreý hökümeti we Samsung kompaniýasy çindo itleriniň halkara derejesinde ykrar edilmegi üçin köp işleri ýerine ýetirýärler. 1995-nji ýylda bu itler Halkara Kinologiýa Federasiýasy tarapyndan wagtlaýynça, soňra 2005-nji ýylda hemişelik ykrar edildi.
![]()
2-nji surat
Çindo itleri juda wepalydyrlar. Käbir çindolar öz eýesinden başga biriniň elinden iýmit iýmeýärler. Şeýle bir rowaýat bar. 1993-nji ýylda Çindo adasynyň 83 ýaşly ýaşaýjysy tarapyndan ösdürilip ýetişdirilen 7 ýaşly çindo iti — Pekku (,,Ak it" diýmek) Çindo adasyndan, takmynan, 300 kilometr uzaklykda ýerleşýän Tedžon adasynyň ýaşaýjysyna satylýar. Bu it gaçyp, 7 aýdan soň, hor-homsy ýagdaýda yzyna dolanyp gelýär. Bu waka Koreýa halkyna güýçli täsir edip, bu hakynda birnäçe dokumental filmler döredildi, çagalar üçin kitaplar ýazyldy. Şu wakadan soňra, 2004-nji ýylda Çindo welaýatynda Pekku atly itiň ýadygärligi dikildi. Halk arasynda çindolaryň ilkinji eýesine jany-teni bilen ynanýandyklary üçin olary satmak gowy däp hasaplanylmaýar.
![]()
3-nji surat
Bu itler aw awlananda hem giňden peýdalanylýar, çünki olaryň duýuş ukyby iňňän ösendir. Adatça, olar ümsüm, parahatçylygy saklaýan itlerdir, emma öz duşmanyny gören badyna hüjüme geçmegi başarýarlar. Koreýada 3 sany çindonyň Amur gaplaňyndan üstün çykyşy hakynda rowaýat hem bar.
![]()
4-nji surat
10
247
atakulyyewa_humay
13.03.2023 00:55
🔵 Çaý ýa-da kofe demlenilende gaýnag suwy näçe beýiklikden guýulsa şonça hem gowy. Birinjiden,içgi kislorod bilen baýlaşýar. Ikinjiden hem, tagamyna oňat täsir edýär.
***********************************************
![Peýdaly maslahatlar...]()
1-nji surat.
🔵Ukusyzlykdan ejir çekýän bolsaňyz, ýatmazdan ozal iki sany kiwi iýiň. Kiwi miwesi peýdaly antioksidantlara we foliý turşusyna baý önüm. Bedende onuň ýetmezçiligi ukusyzlyk döredip biler. Kiwi bedeniň uka we keýpiçaglyga ýardam edýän serotonini işläp çykarmagyna peýdalydyr.
************************************************
![]()
2-nji surat.
🔵Nahar iýmezden ozal, 2 bulgur suw içiň şeýtmek bilen, artykmaç iýmitlenmek ähtimallygyny peseldersiňiz.
**********************************************
![]()
3-nji surat
🔵Eger keýpiňiz ýok bolsa, bir minutyň dowamynda gülküli, şähdiňi açaýjak täsirli pursatlary ýada salyp, ýylgyrmaga çalşyň. Bu usul, beýnimizdäki bagta jogapkärli gormonyň işini işjeňleşdirýär.
************************************************
![]()
4-nji surat.
🔵Keýpiňi ýokarlandyrmagyň ýene bir usuly aýdym-saz diňlemek. Diňe halaýan söýgüli aýdym-sazyň sanawyny açaýmaly.
***********************************************
![]()
5-nji surat
🔵Eger öýjükli telefonyňyzdan nätanyş adama tötänleýin habar iberseňiz, telefonyňyzdaky «uçarda» atly hyzmatyny (авиарежим) çalt işjjeňleşdiriň.Şeýtseňiz SMS habaryňyz iberilmez we ony arkaýyn pozup bilersiňiz.
**************************************************
![]()
6-njy surat.
🔵Öýjükli telefonyňyzy dessine işletmek zerurlygy ýüze çyksa, onda onuň «uçarda» atly hyzmatyny açyp, güýç beriň. Şonda telefonyň batareýasy has çalt iýmitlenip, elektrik güýjüni alar.
*************************************************
![]()
7-nji surat.
🔵Telefonyňyzy ulanmaýan wagtyňyz, ekranyň ýagtylygyny iň pes derejesine öwrüň. Bu usul telefonyň akkumulýatorynyň zarýadynyň dowamlylygyny artdyrar.
************************************************
![]()
8-nji surat.
🔵Öýjükli telefonlara gereginden artyk güýç bermek maslahat berilmeýär. 100 göterim güýç alanyndan soň, ondan güýç berijini aýyrmaly.Sebäbi köp güýç bermek telefonyň batareýasynyň işleýjilik kuwwatyny peseldýär.
************************************************
![]()
9-njy surat.
🔵Kesilen miweleriň garalmazlygy üçin limon ýa-da ary baly garylan suwy çalmalydyr. Limon suwundaky C witamini we balyň düzümindäki peptid reňkiniň garalmagyna sebäp bolýan oksid täsirleşmesini togtadýar.
*************************************************
![]()
9-njy surat.
🔵Tötänlikde egin-eşiklere degen tegmili aýyrmak üçin ony ýuwmazdan ozal, suwly legeniň içine goýup, onuň üstüne 5-6 sany aspirin gerdejiklerini owradyp çalmaly we ýarym sagat saklamaly. Bu usul eşiklerdäki tegmiliň eşigiň özüne zyýan ýetirmän aýrylmagyna kömek eder.
**********************************************
![]()
10-njy surat.
🔵Käbir täze alnan gap-gaçlardaky ýa-da beýleki öý goşlarynda ýelmenen öndüriji hakdaky maglumatly kagyzy (etiketkasy) aýyrmak kyn bolýar. Ony saç guradyjy enjam aýyrmaga kömek eder. Ýelmenen kagyzyň üstüne saç guradyjynyň gyzgyn howasyny tutsaňyz, ol ýeňillik bilen aýrylar.
************************************************
![]()
11-nji surat
16
272
atakulyyewa_humay
12.03.2023 00:00
Haýwanat dünýäsinde her bir haýwan özboluşly aýratynlygy bilen tapawutlanýar. Kenguru hem şolaryň biri. Ol torbaly süýdemdirijilere degişli.
Kengurularyň 50-ä golaý görnüşi bar. Olar, esasan, Awstraliýada, Täze Gwineýada, Täze Zelandiýada ýaşaýarlar. Kengurularyň göwresiniň uzynlygy 30—160 santimetr aralygynda bolup, guýrugynyň uzynlygy 15—105 santimetre barabardyr. Kengurularyň agramy bolsa 1,4—90 kilograma çenli ýetýär. Olar sagatda 40—50 kilometr tizlikde hereket edýärler. Olaryň guýrugy deňagramlylygy saklamaga kömek edýär.
Kengurularyň öň aýaklary gysga, bäş barmakly bolýar. Olar, esasan, bir zady tutmak we ýapyşmak wezipesini ýerine ýetirýärler. Bedeniniň yzky bölegi, yzky aýaklary we guýrugy juda güýçli we berkdir. Yzky aýaklaryndaky dört sany barmagynda uly dyrnaklary ýerleşýär. Şol yzky aýaklar kengurulara hereket etmek üçin mümkinçilik döredýär. Kengurular oturanlarynda hem yzky aýaklaryna we guýrugyna daýanýarlar. Aslynda kenguru duranda, oturanda, ylganda, hereket edende esasy agram bedeniň yzky bölegine düşýär.
Bu torbaly haýwanlaryň iri görnüşleriniň böküşiniň uzaklygy ortaça 3 metre deň. Kengurularyň görşi we duýşy has ösen. Olar ürkek bolýarlar, emma gahary gelen wagty, esasan, yzky aýaklary, öň aýaklarynyň dyrnaklary we dişleri bilen goranýarlar.
📍📍📍📍📍📍📍📍📍📍📍📍📍📍📍📍
![🦘Kengurular 🦘]()
Kengurular köplenç otluk meýdanlarda we tokaýlarda ýaşaýarlar. Adatça olaryň sürüsinde 50—100 we ondan-da köp kenguru bolýar. Bu haýwanlar köplenç irden we agşam otlaýarlar. Olar, esasan, ot, agaçlaryň ýapraklary we kökleri bilen iýmitlenýärler.
Kengurularyň göwrelilik döwri juda gysgadyr, ýagny 27—40 gün aralygyndadyr. Meselem, olaryň uly görnüşleri hasaplanýan ispolin kengurusynyň göwrelilik döwri 39 güne deňdir. Olaryň dünýä inen çagalary ýaş wagtynda kengurunyň torbasyndan çykman oturýar. Şol ýerde ol 6—8 aýa çenli ene süýdünden iýmitlenýär. Şondan soň hem kenguru çagajygy torbadan aýra düşmäge howlukmaýar. Kenguru ony goramak maksady bilen özünden daşlaşdyrmaýar. Kenguru çagasy gorksa ýa-da howply ýagdaý ýüze çyksa şol bada torbanyň içine sümüp gizlenýär.
📍📍📍📍📍📍📍📍📍📍📍📍📍📍📍📍
![]()
Kengurular öz üýtgeşik gurluşy, täsin hereketleri, ürkek çagajyklary bilen tapawutlanýar. Awstraliýanyň döwlet gerbinde kengurularyň şekillendirilmegi aýratyn bellenmäge mynasypdyr.
📍📍📍📍📍📍📍📍📍📍📍📍📍📍📍📍
![]()
Uly erkek kengurular:
📍📍📍📍📍📍📍📍📍📍📍📍📍📍📍
![]()
📍📍📍📍📍📍📍📍📍📍📍📍📍📍📍📍
![]()
Awstraliýada Kenguru adasyndan käbir parçalar:
📍📍📍📍📍📍📍📍📍📍📍📍📍📍📍📍
![]()
📍📍📍📍📍📍📍📍📍📍📍📍📍📍📍📍
![]()
📍📍📍📍📍📍📍📍📍📍📍📍📍📍📍📍
![]()
16
282
atakulyyewa_humay
11.03.2023 12:57
***RUBAGY***. Omar Haýýam
Adam öz döşüne kakyp: ,,Men" diýer,
Jübüsinde teňňe böküp: ,,Men" diýer.
Ýaňy bir işlermi düzetdim diýse,
Ölüm hem bir ýerden çykyp: ,,Men" diýer.
Terjime eden
Atamyrat ATABAÝEW
![Bir rubagynyň üç terjimesi...]()
* * *
Päh-päh, abşarlyp seslendi:
—Walla, bu men-dä! — diýdi,
Zerbap puşeşe beslendi,tylla:
— Bu men-dä! — diýdi.
Bagty çüwüban ugranda zompa çykyp garymdan,
Ajal baglaýyp seslendi, ylla: — Bu men-dä! — diýdi.
Terjime eden
Guldurdy SÄHETDURDYÝEW
![]()
* * *
Hiç äsgermän: ,,Men!" — diýip, ,,men-menligi" emen bar,
Altyny köp, kümüşi bol, baý diýseň baý, emeldar,
Baýlyk, şöhrada mes bolup: ,, Dünýä meňki!" diýen wagty
Böküp çykdy-da bukudan, Ajal diýdi: ,,Menem bar!"
Terjime eden
Orazguly ANNAÝEW
![]()
13
149
