Poet
Poet
10.07.2022 09:13
DÖRT SANY ADAM (Erkin şygyr) Beýnimiň içinde dört sany adam, Her gün kelle döwýär Goşgularyň üstünde: Biri goşgy ýazýar, Biri okaýar, Biri tankyt edýär, Biri redaktirleýär. GÜNBATAR PEÝZAŽY Iň soňky
10
116
10
Poet
07.07.2022 07:42
DÜŞÜNMEÝÄRDIŇ
(Erkin şygyr)
"Anlatamıyorum"
Orhan Veli

Gözleriňe seretsem söýgüme düşünermiň?
Eşdermiň
Gaýalara batly urýan tolkunlaryň sesini
Ummanlarda?
Kalbymda ençe tupanlar turýar,
Bilip bilermiň sebäbini?

Üstüňde mydama bulutlar bardy,
Men bir damjasyny görmedim,
Emma bilýän,
Sessiz-sessiz ýagýardy.
Herne gussaňy bildirmejek bolýardyň.
Bolmaýardy.
Seniň juda sada gözleriň aldap bilmeýärdi.

A men?
Şol gaýanyň öňünde du:rdum.
Näçe sorasaň-da inkär edýärdim.
Saňa näçe ýakynlaşsam,
Şonça-da daşlaşýanymy bilmeýärdiň.
Düşünmeýärdiň.



SENIŇ...

Ol garasuw gözleriň ýokmudyr,
Göýä diýersiň tebigy çeşme.
Ukysyndan oýanan säherler,
Meňzeýär ol ýalkymly güneşe.

Seniň umman gözleriň ýokmudyr,
Alkymynda daşgynlaryň yzy.
Balkyldap durýar owadan gije,
Röwşenli tümlügiň täk ýyldyzy.

Seniň asman gözleriň ýokmudyr,
Ak bulutlaryň rehimsiz gary.
Bir seretseň-ä gülümsiräp dur,
Bir seretseňem şeýle gazaply.



SÖYDÜM SENI

"Seni söýdüm. Söýüp bir gez beýgeldim.
Seni söýdüm. Has giňedi bu dünýäm"
Gurbannazar Ezizow

Söydüm seni, ýüregime sygdyrdym,
Söýdüm seni, has giňedi gursagym,
Bagtyň ýüregiňde joş alan wagty,
Has bagtly, has owadan pursadyň.

Söydüm ýaşamagy,
Söydüm her güni,
Söýdüm säherleri saýran bilbili,
Guşlar owazyňy duýan pursady,
Gözleriň äleme ýylgyran güni.

Söýdüm, bar saýalar Eremiň bagy,
Düzlendi zeminiň, kalbymyň dagy.
Söýdüm baharlaryň ilkinji güni,
Ilkinji gülüniň açylan çagy.
11
79
8
Poet
06.07.2022 07:39
IKI ÝOLUŇ ARASYNDA
(Erkin şygyr)

Bir şygyr ýazasym geldi,
Gözlerden uzak,
Ýürege ýakyn,
Sözlerinde duzak,
Düşünmesi kyn.
Edil umman ýaly bolmaly diýdim
Öz-özüme,
Asman ýaly sada, arassa.
Edil ynsan ýaly bolmaly diýdim.
Ynsan ýaly
...



IÝUL MESELESI

Ilki "l", soňra "m", soňra "n" gelýär,
Emma ol nämüçin ikinji ýerde
Diýip paňkelleler sowal beripdir,
Akylly kelleler galypdyr derde.



AŞGABADYŇ AGŞAMLARY ASUDA

Aşgabadyň agşamlary asuda.
Şowhunly çyralar umyt paýlaýar.
Kimler öýlerinde,
Kimler ýodada,
Penjireler garaňkydan saýlanýar.

Aşgabadyň agşamlary asuda.
Kino teatrlar - ýylgyrýan yüzler.
Ulagly gatnalýan ýollar arassa,
Gelse-de baharlar,
tomuslar,
güýzler.

Aşgabadyň agşamlary asuda.
Ak şähere meňzäp duran ulaglar
Akja şöhleleri serpýär yzyna.
Göterilýär al-asmana ak buglar.

Aşgabadyň agşamlary asuda.
Şowhunly çyralar umyt paýlaýar.
Kimler öýlerinde,
Kimler ýodada,
Ynha-da awtobus, Änewe barýar.
10
65
5
Poet
05.07.2022 00:18
BIRI MEN BOLSAM, BIRI SEN.

Barsam kenaryna giden ummanyň,
Tämiz howalara erkimi bersem.
Hol ýanda oturan iki juwanyň
Biri men bolsam,
Biri Sen.

Oýansa tebigat säher şapagy,
Eýýäm ak nokatlar bezän topragy.
Tänipdir gülünden gülüň ýapragy.
Biri men bolsam,
Biri Sen.

Geçipdir baglardan yzlary gyşyň,
Seret, alabahar töwerek-daşyň.
Hanha, şo-ol şahada saýraýan guşuň
Biri men bolsam,
Biri Sen.

Suwsapdyr baldakda näzik gunçalar,
Belki, teşnelikden gansa dynç alar.
Ýapraklaň ýüzünde ýüzýär damjalar.
Biri men bolsam,
Biri Sen.

Gelipdir baharym, gözellik ýaýýar,
Şeýle gözellige bilbiller haýran.
Ynha, şemallara tozgalar gaýýar,
Biri men bolsam,
Birem
Sen...



ÇYN SÖÝGI
(Erkin şygyr)

- Sen onuň owadanlygyny söýdüm diýersiň,
Gözlerini, gaşlaryny söýdüm diýersiň.
Şunça gözleriň içinde,
Şunça gaşlaryň içinde
Diňe şony görersiň.
Emma bilmersiň.
Aslynda onuň owadanlygyna däl,
Sen häsiýetine aşyk bolansyň.

- Megerem, çyn söýgüdir
Häsiýetini söýmek.
Bilmedim...
Ýöne şu dünýäde ýeke täk bilýän zadym bar:
Menem çyn söýdüm...
Şunça gaşlaryň içinde,
Şunça gözleriň içinde
Ýeke täk şony,
Şol gyzy gördüm.



PLATONİK SÖÝGI

"Uzakdan seviyorum seni"
Cemal Süreyya

Söýýan seni örän, örän uzakdan,
Rugsatsyz söýgümi duýdurman saňa.
Hyýalymda ýaşaýaryn keşbiňi,
Diňe hyýalymda barýan ýanyňa.

Söýýän seni örän, örän uzakdan,
Garşylyksyz söýgä çekemok arman.
Seň söýgiňi asla umyt edemok,
Söýýan seni seň söýgiňe garaşman.

Söýýän seni örän, örän uzakdan.
Bu söýgim hasapsyz, bihasap,
Bilýän,
Ýöne ak bulutlar örtse üstüňi,
Gülgüne gar bolup ýagsyn isleýän.

Söýýän seni örän, örän uzakdan,
Daşyňdan seredýän, daşdan guwanýan.
Ykabylmda, hyýalymda, ruhumda
Sensizlik söýgümi sessiz ýaşaýan.
7
49
2
Poet
04.07.2022 00:08
Başarmaklyk - başlamakdan başlanýar.

Kerim Gurbannepesowyň
äheňinde

Başarmaklyk - başlamakdan başlanýar.
Erk - çilimi taşlamakdan başlanýar.
Nahar iýmek - dişlemekden başlanýar.
Öz terbiýe - işlemekden başlanýar.

..."A" harpyn öwrenip bilim başlanýar,
"Ýe..." harpyn öwrenip bilim taşlanýar.
Ondan soň arakdyr, çilim başlanýar,
"Oglanlar uruşmaga geliň!" başlanýar.

Jahyllykda hemme zatlar başlanýar,
Gowy erbet hemme zatdan goşlanýar.
Soň düşünip,
Soň düşünip başlanýar:
Çilim zyýan - soň düşünip başlanýar,
Arak zyýan - soň düşünip başlanýar.
"Aý kelle!., waý aýak!., bilim!.." başlanýar,
Şeýdip, wagtyndan öň ölüm başlanýar!..
Emma ne arak, ne çilim taşlanýar.



Pespäl şahyr.

Ýok, ýok, men-ä şahyr bolup biljek däl,
Sebäbi şahyra çyn duýgy gerek.
Her kim çyn duýgyny tapyp bilmeýär,
Çünki hemmelerde ýok ýanan ýürek.

Ýok, ýok, men-ä şahyr bolup biljek däl,
Sebäbi şahyra çuň paýhas gerek.
Akyl ummanyndan paýhas tapmasaň,
Goşgynyň bendinde bolmazmyş derek.

Ýok, ýok, men-ä şahyr bolup biljek däl,
Sebäbi goşgulam çaň bolsa gerek.
Bagyşlaň! Bu goşgym gowy bolmady,
Belki gowsun ýazaryn indiki gezek.



Gapy toý.

Adam doly jelegaý,
Hemme kişi başagaý.
Dikildi ak palata,
Bolup otyr gapy toý.

Şol palataň içinde,
Törde biri otyrdy.
Ýarty käse çaý içdi,
Ýene käsä çaý guýdy.

Biri otyr zol gürläp,
Biri ýatyr horruldap.
Gürrüň edýär köpüsi,
Otyryn men şol diňläp.

Bir mesele barada,
Gürrüň bolýar arada.
Her kim pikirni aýtdy.
(Bilmen näme barada)

Düşünmedim näm boldy,
Şol meselä em boldy.
Ýaňky adam asgyrdy,
Ähli kişi sem boldy.
8
89
13
Poet
03.07.2022 10:05
Bir gojanyň aýdan sözleri.

Gahar bilen bolan wagtyň medetkär,
Ruhuňy syndyryp kalbyň daş eder.
Gaharny ýuwutmagy başarmaz her är,
Başarsa özüni mähek daş eder.

Adam özün ýaltalyga uranda
Maksadyna ýetmez, ýöne duranda.
Niýetini ýaman işe guranda,
Öz başyny uly bela duş eder.

Hudaý saňa bir agyr dert berdimi,
Merdem dek götergin beren derdini.
Ýöne kalbyňda garratma derdiňi,
Ýyllar seniň bedeniňi läş eder.



Bir gojanyň aýdan sözleri 2.
(Erkin şygyr)

Elmydama dogrulary diýmek kyndyr.
Emma dogrulara ynanmalydyr
Ýalanlara ýer bermez ýaly.
Käbir adamlar dogrulara däl-de,
Ýalanlara ýakyndyr.
Ol kä kişileriň işi,
Kä kişileriň ýalňyşy.

Dogry zada dogry diýmek işini är eder.
Seniň häsiýetiňi inkär eden,
Dogry sözleriňi hem inkär eder.



* * *

Her kim özi üçin dogry ýaşaýar,
Şonuň üçin men köpleri synladym.
Kimiňki dogry, kim beýik ýalňyşýar?
Dogry adamlary beýik syladym.

Dogry adamlardan aldym görelde,
Dogry sözlemleri gursagma guýdum.
Soň özümiň ýalňyşymy göremde,
Düzetmeklik üçin zerurlyk duýdum.

Deýl Karneginiň ýolundan başlap,
Edebiýatyň jümmüşinde bitirdim.
Lezzet alyp, kemçiligi taraşlap,
Zerurlyklarymyň üstün ýetirdim.

Düşündim şondan soň diňe bir zada:
Durmuşdan närazy bolanda ýürek,
Şol pursat ynanýan dogrularyňy,
Juda dogrulara düzetmek gerek.
11
102
4
Poet
02.07.2022 00:12
Sussupes adam.

Sussupeslik boldy meniň ýalňyşym,
Adamlara ýakyn bolmadym gaty.
Az boldy hemişe dostum, ýoldaşym,
Hemişe bir gyzyň bolmadym bagty.

Ähli adamlardan özüm sakladym,
Her kim meni ejiz diýip çaklady.
Men ejizi boldum ähli barlygyň,
Seslenen pyrsadym sesim çykmady.

Bolup adamlaryň içinde bir san,
Gülmeli pursatlam ýylgyrman gezdim.
Ýalňyzlygy söýüp bilermi ynsan?
Elmydama ýalňyzlygy gözledim.

"Seniň bu halyňa kimler düşüner?"
Atdym öz dünýäme gussaly owaz.
Gezdim tapylmadyk jogabym bilen,
Maňa azap berdi jogapsyz sowal.

Gerek däl hiç gynansynlar halyma,
Ýöne barlygymda azdy islegim.
Men olardan garaşmadym köp zada,
Men olardan diňe Söýgi isledim...



Ýalňyzlyk.

Dostum, men seni şeýle gowy görýän,
Sebäbi sen meniň bar syrym bilýäň.
Men saňa öz duýgularmy aýdamda,
Sen darykman yhlas bilen diňleýäň.

Dostum, men seni şeýle gowy görýän,
Sebäbi sen maňa kän goldaw berýäň.
Meni köp gaýgylar basmarlan wagty,
Sen haýal etmäni ýanyma gelýäň.

Dostum, men seni şeýle gowy görýän,
Sebäbi her bendiň dört setir düzýär.
Özgeler adyňa goşgy diýse-de,
Men-ä saňa dostum diýip ýüzlenýän.



Ýalňyzlyk 2

Oturýan, oturýan, ýene garaşýan.
Şol bir kitap, depder,
Şol bir penjire.
Şol bir aýak sesler, tanyş adamlar:
Hanha pylan aga,
Plyan gelneje.

Otagymda bolsa tukatlyk, ümsüm.
Men bu sessizlikde gygyrýan sesli,
Şonda-da hiç kimiň çekemok ünsün,
Şonda-da mydama çaga höwesli.

"Höwes - bir pursatlyk.
A men gözleýän
Has ullakan höwes iller mysaly"
Onda nä sebäpden sesiň gizleýäň,
Nä sebäpden paýlaşmaýaň gussaňy?!
8
78
5
Poet
01.07.2022 00:03
Bir gün oýanarsyň säher şapagy,
Açarsyň gözlerňi pessaýlyk bile.
Ýorganyňda ak gündiziň ýagtysy,
Gapdalyňda ýagty berýän penjire.

Owadansyň ak düşegiň üstünde,
Meýmireder seni säheriň ysy.
Gapdalyňda ýagty berýän penjire:
Aýdym aýdar çagalaryň gülküsi.

Şonda şu kalbyňda duýarsyň bada,
Şat owazlar seniň üçin bagtdyr.
Görersiň. Zemine gijeden galan -
Asmandan şeýle bir garlar ýagypdyr.

Bu - zeminiň görülmedik ahwaly.
Seniň bagtyň kimin gelen şol garlar,
Meniň şu dünýede arzuwym bolup,
Hem-de söýgim bolup ýanyňa barar.
11
112
11
Poet
30.06.2022 14:02
Ýürek sagady.

Diňle!
Onuň sesi ýöne-möne däl,
Ol bar sagatlardan başgarak güýçli.
Ol saňa şeýle bir duýgyny berýär,
Başgarak häsiýetli, başgarak tüýsli.

Diň sal
Sessizlikde batly urşuna,
Bir zatlary diýýär her bir minudy.
Belki, ýanýandyr ol bolup durşuna,
Belki, bir zatlardan bardyr umydy.

Gör,
Niçe arzuwny edipsiň yrýa,
Indi galmandyr hiç sabyr-takady.
Diňle, seniň kalbyň nämüçin urýa!
Diňle, näme diýýär ýürek sagady!
5
114
13
Poet
29.06.2022 00:25
Aşgabat.

Ýol ugrunda garaşyp du:rn,
Durdy şofýor ýagşyzada,
Diýdi: "Inim, ugruň nirä?"
Diýdim: "Şofýor, Aşgabada"

Mündüm. Ýolda gidip barýas.
Ümsümligi bozup bada,
Diýdi şofýor: "İş bilenmi,
Keýpinemi Aşgabada?"

Sorag sada, adam sada,
Menem jogap berdim sada:
"Baglar gözel, jaýlar gözel,
Şoň üçin barýan Aşgabada"

Serim oýda, gözüm ýolda,
Ak şäherim düşdi ýada.
Ýetdim eýýäm çuň hyýalda,
Aşgabada, Aşgabada.

Soňra görki görüp göwün,
Küýüm sowdum başga zada.
Binalara düşdi gözüm,
Geldim ine, Aşgabada!
Geldim şäher Aşgabada!
10
130
4
Yene yükle