“Google Chrome” -yň täze dizaýny işe girizildi: Soňky 5 ýylda iň uly üýtgeşiklik!

Soňky aýlarda Google Chrome üçin yglan edilen “Material You” tendensiýasyndaky täze dizaýn, bütin dünýäde ulanyjylara hödürlenip başlandy. Täze dizaýn, programmanyň has döwrebap görünmegine ýardam edýär.

ABŞ-da ýerleşýän tehnologiýa ägirdi “Google” dünýäniň iň meşhur internet brauzeri “Chrome” üçin täze dizaýn taýýarlady. “Material you” atly dizaýn häzirki wagtda paýlanyş tapgyrynda we ulanyjylar bu interfeýsi ýakyn wagtda ulanyp başlarlar.

“Google Chrome” -yň täzelenen dizaýny sentýabr aýynda yglan edildi. Şeýle-de bolsa, täze dizaýn şol döwürde kiçi ulanyjy bazasyna hödürlenipdi. Indi bu ýagdaý üýtgedi. “Google Chrome” -yň täze interfeýsi indi ähli ulanyjylar üçin elýeterli bolar. Şeýlelik bilen, täze dizaýn ulanyjylara nähili täzelikler getirýär?

“Google Chrome” -yň täze dizaýny programmany has döwrebap gorkezer.

Google Chrome iň soňky gezek 2018-nji ýylda dizaýn täzelenmesini aldy we şol döwür üçin gaty döwrebap görünýärdi. Bir näçe ýylyň geçmegi bilen“Chrome” -yň umumy görnüşi köneldi. Muny bilip, kompaniýa has döwrebap brauzer döretmek üçin işledi. Iň soňky ýeten nokadymyzda, has tegelek burçly täze görnüş bilen ýüzbe-ýüz bolýarys. Gaty setirler indi Google Chrome-dan geçmez.

“Google Chrome” -yň täze dizaýnyna seredenimizde, hemme ýerde diýen ýaly üýtgeşiklik görýäris. Mysal üçin, geçmişden bilýän salgy setirimizdäki gulp nyşany indi ýok. Onuň ýerine funksional aýratynlyklary bolan täze düwme çalyşdy. Mundan başga-da, häzirki ýokardaky üç nokatly menýu başgaça görünýär.

Google Chrome” -yň täze dizaýny «şahsylaşdyrmaga» has köp üns berer. Bu kontekstde indi programma üpjünçiliginiň ýokarky çarçuwasyndan başlap, täze tab sahypasyndaky Google nyşanyna çenli islän reňk äheňiňizi islendik ýerde ulanyp bilersiňiz. Bu täzelik köne dizaýn sebäpli içgysgynç görünýän, we çäklendirilen mümkinçilikler sebäpli umytsyz ulanyjylaryň göwnünden turar.

Google Chrome-yň täze dizaýnynda boş nyşanlar ulanylyp başlandy. Şereket, nyşanlaryň görnükliligini ýokarlandyrmak üçin bu üýtgetmäni girizdi. Bellikler ýa-da başga wariantlar üçin ulanýan nyşanlarymyz indi başgaça görüner. Şeýle-de bolsa, saýlawlar bilen baglanyşykly nyşanlar ýokarky sag tarapdaky bölüminde görkeziler.

Google Chrome, internete girýänleriň hemmesiniň diýen ýaly ulanýan we gaty öwrenişen programmasy. Şeýle bolsa-da, Google programma üpjünçiliginiň umumy gurluşyna düýpgöter üýtgeşme girizmedik ýaly. Dizaýn üýtgese-de, niredediginiňizi tapmakda kynçylyk çekmersiňiz.

Habarlarymyzyň başynda belläp geçişimiz ýaly, bu täze dizaýn häzirki wagtda paýlanyş tapgyrynda. Şonuň üçin bu dizaýny eýýäm ulanyp başlap bilersiňiz ýa-da entek üýtgeşiklik görmedik bolmagyňyz mümkin. Köne dizaýny ulanýan bolsaňyz we täze dizaýna geçmek isleseňiz, Google Chrome-yň "Sazlamalar" bölümine giriň. Soňra "Chrome hakda" basyň. Täzelenme bar bolsa, bu täzelenmäni amala aşyryň.

Täze dizaýn gelen bolsa gerek.

çeşme : webtekno.com

Google her ýyl Apple 100 milliard dollar töleýär.

“Google” we “Apple” özara enjamlar we amaly programmalar bilen bäsdeş bolsalar-da, elbetde hyzmatdaşlykda. Bu hyzmatdaşlyk baradaky habarlar wagtal-wagtal ýüze çykýar. Bu barada iň soňky habarlara görä, Google “Apple” -iň “Safari” brauzerini ulanyp, Google-dan gözleg edilen mahaly gazanan ähli reklama girdejisiniň 36 göterimini “Apple” töleýär.

Google soňky gezek reklamlardan 280 milliard dollar gazandy

Iň soňky maglumata görä, gizlin saklanmaly bu waka Çikago uniwersitetiniň ykdysadyýet professory Kewin Merfiniň duşenbe güni Waşingtonda dowam edýän Adalat ministrliginiň kazyýet işinde Alphabetiň adyndan beren görkezmesinde aýan boldy

Bu san, soňky birnäçe ýylda monopoliýa gözegçilik astynda saklanýan dünýäniň iň uly iki tehnologiýa kompaniýasynyň arasyndaky gatnaşyklary hasam aýdyňlaşdyrdy. DOJ, Google-dan milliardlarça iPhone, iPad we Mac enjamlaryny ulanyjylary bolan Apple ýaly kompaniýalara Safari-de esasy gözleg motory bolmak bilen töleg töläp, bazarda agalyk etmegini saklamak üçin özüniň uly resurslaryny ulanmakda Google-ny günäkärledi.

Nýu-York Taýms gazetiniň habaryna görä, Google 2021-nji ýylda Safari-de esasy gözleg motory bolmak üçin Apple-a "18 milliard dollar" töledi.

“Bloomberg” geçen hepde “Google” we “Apple” -iň şertnamanyň jikme-jiklikleriniň köpçülige aýan edilmegine garşydygyny aýtdy.

Google kazyýet işinde has jikme-jik maglumat bermek "Google-yň bäsdeşleri we beýleki garşydaşlary babatynda bäsdeşlik pozisiýasyny esassyz gowşadar" diýdi. Şeýle hem, Google-yň gözleg motorynyň statusyny saklamak we traffigi gazanmak üçin 2021-nji ýylda “Apple”-e 26,3 milliard dollar töländigi hem mälim edildi.

Google-yň Safari-den näçe mahabat girdejisi alýandygy entek doly belli däl, ýöne bu görkezijiniň 36 göteriminiň 100 milliard dollara golaý boljakdygyny aýtmak ulaltdygymyz bolmaz. “Google” -iň 2022-nji ýylda umumy mahabat girdejisi 279,8 milliard dollar boldy.

çeşme: shift delete.net

ʏ̈ᴇɴ̃ɪš (ᴛʏᴍsᴀʟ)

Gadym wagtlarda ýaş ýetginjekleriň arasynda iň beýik dagyň çürbaşyna çykmak boýunça ýaryş gurnalýar. Dag şeýle bir beýik eken welin, orta bilinden aňyrsyny bulutlar büräpdir. Ýaryş başlanandan ýetginjekler daga dyrmaşmaga başlaýarlar. Aşakdan dagyň beýikligine haýran bolup duran adamlaryň hersi bir zat diýip gygyrýar. «Bu belentlige çykmak mümkin däl», «Hiç kim oňa çykyp bilmez», «Hemmesi orta ýoldan yzyna dolanar»...

Şeýle hem bolýar. Daga dyrmaşyp barýanlar bir-birden yzyna dolanyp başlaýarlar. Edil şol wagt aşakda

duranlaryň biri: «Oňa serediň!» diýip, batly gygyrýar. Görseler, bir ýetginjek henizem daga dyrmaşyp barýardy. Hemmeler sabyrsyzlyk bilen onuň yzyna dolanaryna garaşýarlar. Ýaryşyň şertine görä, ol dagyň çür depesinde bitýän owadan güllerden ýygyp gelmelidi.

Ep-esli wagtdan soň, ýetginjegiň garasy görnüp başlaýar. Adamlar: «Gelýär-de gelýär» diýşip, gygyryşmaga başlaýar. Ýetginjek owadan güllerden boglan çemeni eminlere gowşurypdyr. Ondan bäsleşigiň ýeňijisi bolandygy üçin näme isleginiň bardygyny soraýarlar. Emma

ol sesini çykarman duran eken. Görüp otursalar, oglanyň gulagy eșitmeýän eken. Adamlar şondan soň hälki

aýdylan sözleriň ýaryşyjylara nähili täsir edendigine düşünip galýarlar.

Umytda boluber. (Gülküli kyssa)

Bir gün tanymal ýazyjy nähoşlady.

Ony eşiden ýaş galamdaşlarynyň biri görmäge geldi. Nähoşlan ýazyjy ýaş

galamdaşynyň gelenine hoş bolup, birneme dikeldi. Tirsegine galyp oturdy.

Olar çaý başynda döredijilik, durmus

barada kän gürrüň etdiler. Gürrüňçiligiň arasynda ýaş ýazyjy halypa ýazyjynyň göwni üçinmi ýa-da çynymy, garaz, onuň döredijiligi barada uly göwrümli makala ýazmagy hyýal edenini ýaňzytdy. Ençe wagt bäri eser döredip, şolar bilen il-halkyň hormatyna mynasyp bolanam bolsa, özi hakda yazylan makalany bir gezegem okap görmedik ýazyjynyň ýaş galamdaşynyň sözlerine has-da göwni galkdy. Onuň ýazjak zatlaryny okap görmek höwesi döredi. Şol günden soň ýaş ýazyjynyň tanymal ýazyjynyň ýanyna birki ýola gatnap, özüne gerek maglumatlaryny belleşdirip gitmegi onuň

höwesini has-da artdyrdy.

Hassa ýatan ýazyjy özi hakda oňat makalanyň ýazylaryna umytda bolup, her günki gazetleri gözden geçirip başlady. Ol näçe garaşsa-da, gazet žurnalda özi hakda ýazylan makala gözi düşübermedi. Onda-da arzuw, umyt bir gowy zat, makalanyň ahyrda ýazylaryna ynam bilen garaşdy.

Aradan iki aýdan gowrak wagt geçensoň, ýaş ýazyjy jaň edip, makalany ýazyp ýörendigini habar berdi. Bu habar halypa ýazyjynyň goltugyndan gop berlen ýaly etdi. Ýüzi nurlandy.Bedenine güýç-gurbat gelen ýaly boldy. Umydy has berkedi. Makalanyň ýazylyp gutarylmagyna garaşdy.

Aradan ýene-de dört aý töweregi wagt geçdi. Ýaş yazyjy jaň edip, makalanyň başky ýazylanyna göwni ýetmän, düýbünden başgaça edip

başlandygyny aýtdy.

Özem onuň örän üýtgeşik makala boljagyna ynandyrdy. Şondan soň

özi hakda ýazyljak üýtgeşik makalany

okamaga bolan umydy halypa ýazyja

şeyle bir güýç berdi welin, düşeginden

galanyny özem bilmän galdy. Onuň

işdäsi açylyp, süňňi ýenledi-de, bir günem aýak üstüne galyp ötägitdi, Ony ýolda-yzda görenler bir ýyla golaý düşekde ýatan hassadyram öytmediler.

Ýüz-gözi gülüp duran, süňňi sagat ýaşulynyň aýak urşy dagy ýaş ýigitlere

gaýra dur diýdirýär.

Ana, şol günleriň birinde ýas galamdaşyndan habar almak üçin jaň

edende, onuň ýarawsyz batandygyny eşitdi. Halypa ýaş galamdaşynyň

öýüne bardy. Görse, ol ýorgan-düşekli ýatan eken. Halypa onuň düşen yagdaýyna gynandy. Ýaş yazyjy bolsa

halypa yazyjynyň daýanykly syratyny

görüp haýran galdy.

- Halypa, tüweleme, aýak üstüne

galaýypsyň, ýüz-gözüñem durlanypdyr. Lukmanlaryň güýçli eken-ow.

-Hawa, aýak üstüne galdym. Lukmanlaryň eminiň täsiri bolsa-da bardyr welin, ýöne meni seniň şol yazýan

makalaňy okap görmek umydy ayak üstüne galdyrdy. Şol makalany çalt

ýazyp, çap etdirmedigiňe sag bol. Ony okamak umydym şeýle uzaga çekmedik bolsa, bu wagta çenli maña näme boljagy belli däl eken. Menem seniň ýagşylygyňa ýagşylyk gaýtarmasam bolmaz. Şu günden başlap menem seniň döredijiligiň hakda makala ýazyp başlajak. Meniň elimiň çaltlygy seniňkiden tapawutly däl. Şonuň üçin umytda bol-da, garaşyber. Ahyrda, wagty gelende makalany tamamlaryn-diýip, halypa ýazyjy hoşlaşyp çykyp gitdi.

Nurberdi DÄDEBAÝEW.

Iň bolmanda ylym biziň başga

mahlukdygymyzy subut edýänçä, adamlygymyza galjak bolalyň!

sᴀᴘᴀᴋ. (ɪɴ̃ʟɪs ᴛʏᴍsᴀʟʏ)

Uçar menzilinde oturan gyzyň bolşy nirädir bir ýere howlugýana meñzeýārdi. Munuň özi ýöne ýerden däldi. Onuň uçmaly wagty eslije soňa süýşürilipdi. Ol biraz oturansoň, turup gitdi-de, wagt geçirmek üçin kitap, iýer ýaly bir gap köke satyn alyp geldi. Soňam öňküje ýerine geçip oturdy. Kitabyny çykardy-da, goştorbasyny gapdaldaky boş oturgyçda

goýdy. Ol goştorbasynyň yanynda goýan kökesinden iýip, kitap okap başlady. Şol wagt boş durandan aňyrky oturgyçda žurnal okap oturan ýaş ýigidem onuň kökeli gabyna elini uzadyp, birini alyp, agzyna atdy. Gyzyň muňa gahary gelse-de, sesini çykarman, kitap okamagyny dowam etdirdi. Her gezek köke alanda, gapdaldaky ýigidem birini alyp, agzyna atýandygyna gyzyň gahary ýetjek derejesine ýetdi. Ýöne köpçülikde

goh turuzmazlyk üçin sesini çykarmady.

Gapda ekeje köke galanda gyz öz ýanyndan: «lndi bu gödek kişi näme ederkä?» diýip pikir etdi. Göýä onuň pikirini okaýan ýaly, ýaş ýigit kökäni aldy-da, ikä bolüp, gabagyny-da galdyrman oturyşyna, ýarysyny gyza uzatdy. Şondan artyk çydap oturyp bilmedik gyz goşlarvny aldy-da, ol ýerden

daşlaşmak bilen boldy. Biraz soň uçara münüp, bir zat almak üçin goştorbasyny açanda, gaby açylmadyk kökä gözi

düşen gyz geň galmakdan ýaňa doňup galdy. Ol diňe şonda hälki kökäniň özüniňki däldigine göz ýetirdi. Şeýle gödek hasaplap, gapdalyndan tasanjyrap turup gaýdan ýaş ýigidiniň bolsa göwnüne zat getirmän, onuň bilen öz kökesini paýlaşandygy barada pikir edende, ol utanyp, ahmyr bilen başyny ýaýkady.

Bu waka ol gyza aňyrsyna göz ýetirmezden hiç kimden kine etmezligi öwretdi.

ᴘɪᴛᴇʀ ᴘᴇɴ

Çagalyk - ynsanyň iň gyzykly döwri.

Ýöne näme üçindir ähli çagalar basymrak ulalmagy arzuw edýärler. Emma dünýäde ýekeje çaga hiç haçan ulalmazlygy saýlap alypdyr. Gürrüñiň kim baradadygyny eýýäm aňan bolsaňyz gerek. Bu gezek sizi Piter Pen multfilmi baradaky gyzykly maglumatlar bilen tanyşdyrarys.

Multfilm Piter Pen atly 14-15 ýaşlaryndaky bir oglanjygyň öz kölegesini yzarlap, Londonda ýaşaýan Wendi atly gyzjagazyň öýlerine barmagyndan başlanýar. Oglanjygyň käbir üýtgeşik aýratynlyklary bar, mysal üçin, ol ganatsyz bolsa-da howada uçup bilýär ýa-da onuň kölegesi ondan aýrylyp bilýar, üstesine-de, ol hiç haçan ulalmaýar. Haçanda Wendi bilen tanyş bolanda, ol gyzjagazy hem-de onuň iki sany oglan jigisini öz ýaşaýan gizlin mekanyna gezelenje alyp gidýär. Piter Pen gyzjagazy hem-de onuň jigilerini ýanyndan goýberesi gelmeýär.

ol Wendini jadylap, ony hem özi

ýaly elmydama çagalyk döwründe

saklamak isleýär. Bular indeý taýpasynyň arasyna düşüp, Piter Peniň duşmany bolan kapitan Gaňyrçagyň duzagyndan gutulmak üçin birnäçe howply başdangeçirmelere sezewar bolýarlar. Emma hemme zat kiçijik jadyly Jaňjagaz atly gahrymanyň kömegi bilen şowly tamamlanýar. Multfilmiň ahyrynda bolsa Wendi hemişelik çagalygyna galasy gelmeýändigini aýdyp, Londona dolanyp

barýar. Netijede, ol ulalmagy saýlap alýar.

«Piter Pen» multfilimi ýazyjy Jeýms Metýus Barriniň adybir pýesasy esasynda surata düşürilipdir. Aýtmaklaryna görä, ýazyjy bu eseri 14 ýaşamagyna bir gün galanda bu dünýäni terk edip giden doganyna bagyşlap ýazypdyr. Şonuň üçin hem ol ejesiniň hem-de jigisiniň aňynda

14 ýaşap ýetişmedik oglanjyk hökmünde galypdyr.

Uolt Disneý çaga wagty bu pýesanyň teatrda sahnalaşdyrylmagyna tomaşa etmek üçin ähli ýygnanan puluny sarp edipdir. Mekdepdäki sahnada bolsa ol Piter Peniň keşbini ýerine ýetiripdir. Mundan ençeme ýyl geçensoň, Uolt Disneý bu pýesany ekrana geçirmegi ýüregine düwýär. Emma bu multfilme awtorlyk hukugyny gazanmak üçin oňa on ýyldan gowrak wagt gerek bolupdyr.

Ahyrsoňy «Piter Pen» 1953-nji ýylda

Disneýiň kompaniýasynyň çykaran

14-nji doly mazmunly multfilmi

bolup, mawy ekranlarda görkezilip başlapdyr.

Multfilmiň meýilleşdirilip başlanan döwründen başlap, Jaňjagazyň daşky keşbi birnäçe gezek üýtgedilipdir. Mundan başga-da, multfilmiň käbir ýerleriniň mazmuny hem üýtgedilipdir. Mysal üçin, ilki Wendiniň güjügi Nanany hem Piter Peniň gizlin mekanyna alyp gitmek göz öňüne tutulypdyr. Hatda Nana nyň Jaňjagazy kowalaýan gülkünç

wakasy hem düşürilipdir. Emma soňra ssenariýanyň üýtgemegi esasynda güjük Londonda galdyrylýar.

Multfilmiň animatorlarynyň öňünde duran iň kyn mesele bolsa, Piter Peniň uçuşyny sahnalaşdyrmak bolupdyr. Olar hiç hili ganaty bolmadyk adamy howada gaýdyrmagyň juda kyndygyny belläp geçipdirler.

Multfilmiň şowly çykanyna hem-de tomaşaçylaryň göwnüne ýarandygyna garamazdan, Uolt Disneýiň Özi Piter Peniň keşbini ýerine düşen hasaplamandyr.

ᴘᴇʀɪᴏᴅɪᴋ sɪsᴛᴇᴍᴀɴʏɴ̃ ᴀᴄ̧ʏʟʏśʏ .

ᴅᴍɪᴛʀɪʏ̈ ᴍᴇɴᴅᴇʟᴇʏ̈ᴇᴡ.

Alymyň iş stolynyň üstünde kagyzlar depe bolup durlar. Himiki elemetleriň hersinin özboluşly, häsiýeti anyk görkezilensoň kagyzłaryň ýekesine-de galamyň «deminden sypmak» başartmandyr. «Bularyň arasynda hökman baglanyşyk bolaýmaly. Ýöne ony tapmak maña başardanok. Ýene men näçe wagt kösenmelikäm?» diýip, alym içini gepledýär, otagda eýläk-beýläk gezmeleýär. Ýene stoluň başyna geçýär, gözlerini bir nokada dikip, çuňňur pikire çümýär. Gijänin köpi ötüp, azy galanda kellesine we gözlerine dynç bermek üçin, lapykeç halda ýerinden turýar. Diwana geçip gyşaryar. Bolýan täsinligi gör-ä: elementleriň peroidiki ulgamy tutuş aýdyňlygy bilen düýşüne girýär. Mendeleýew derrew ukudan açylýar, gören zatlaryny kagyz yüzüne geçirmäge howlugýar. Şeýlelikde, beýik açyş dünýä inýär...

1869-njy ýylda açan periodik kanuny ony bütin dünýäde şöhratlandyrýar. Bizin şu günlerimize çenli ulanylyan himiki elementleriň toparlanyşyny 1869-1871-nji ýyllar aralygynda gutarnykly düzende, ol jemi 63 sany elementi açyp bildi. Ýöne alymyň özi

bu zatlaryň birden bolmandygyny, elementleri kanunalayyk etmek üçin 20 ýylyň gerek bolandygyny aýdypdyr.

Alym periodik tablisany düzende öýjükleriň ep-eslisini doldurman goýupdyr. Çünki ol wagtlarda otnositel atom massasy we häsiýetleri boyunça șol oýjüklerde ýerleşdirer yaly elementler belli bolmandyr. Mendeleýew bu elementler hakyky bar elementlerdir. Emma entek olar açylanok diýen netijä gelipdir.

Elementleriň periodik sistemasy himikleriň barlag işlerinde olara kompas, ugur salgy beriji ýyldyz boldy. Olar şoňa daýanyp, täze himiki elementleri açdylar, öňden bilnen täze, gerekli häsiýetli maddalary döredip başladylar. 2016-njy ýylda periodik tablisa soňky goşulan himiki elementler bilen bilelikde bu san biziň häzirki döwrümizde 118-e ýetdi.

Mendeleýew hemişe «Goý, saglyk üçin nähili zyyýany bolsa bolubersin, maksadyña ýetmek aňsat däldir, işlemeli, üznüksiz işlemeli» diýer eken. Ol «Organiki himiýa», soňra «Himiýanyň esaslary» diýen kitaplaryny ýazanda dünýäni unutmak derejesine ýetipdir. Kitaplaryň üstünde işlän mahaly birnäçe aýlap stoluň başyndan turmandyr, ine-gana dynç almagy we iýip-içmegi unudan wagtlary köp bolupdyr. Ol

şol döwürlerde bary-ýogy 26 ýaşynda eken.

Döwürdeşleri onun irginsizligine, erjelligine, zähmetsöýerligine haýran galypdyrlar. Zehinine hormat goýýan adamlar: «Siz geniý» diýseler, Mendeleýew derrew gaşyny çytyp: «Ol niräniň genisi? Men ömürboýy işledim, bolany şol»diýip, jogap gaýtarýan eken. Ol mylaýymlygy we öte ýowuzlygy bir göwrede jemlän şahsyýet bolupdyr. Mysal üçin, çagalary aýratyn gowy görüpdir, olar üçin dürli şagalaňlary

gurapdyr, hiç kimden çekinmezden, körpeler þilen kowalaşypdyr, ýüpden towsupdyr.

Dmitriý Iwanowiçi has ýakyndan tanaýan adamlar: «Ol häsiýetiniň gödekliginden ezýet çekýärdi, şonuň üçin hem, töweregindäkilere däl-de, umuman, özüne gygyrýardy» diýip belläpdirler. Alym bilen bile işlän adamlaryň arasynda-da şeýle hasap edýänler köp bolupdyr. Ady tutuş dünyä yaýran alym talyplaryň öňünde her sapar tejribe sapagyny geçirmeli bolanda, hamala diýersiň, ilkinji gezek ýaly juda tolgunypdyr. Talyplar ony hormatlapdyrlar.

Ol himiýadan daşgary tebigy resurslar, metallurgiýa, kömürdir nebitiň çykarylyşy, meteorologiýa, agronomçylyk bilen hem içgin gyzyklanypdyr. Hepdede bir gezek alymlary, sazandalary, suratkeşleri, ýazyjylary öýüne nahara çagyrypdyr. Özi myhmançylyga gitmegi halamandyr, teatrlara seýrek barypdyr, ýöne çeperçilik sergileriniň welin ýekejesinem sypdyrmandyr.

Beýik rus alymy, jemgyýetçilik işgäri, şahyr hem-de suratkeş, ilkinji rus akademigi 1907-nji ýylda, 73 ýaşynyň içinde aradan çykýar.

Alym: «Hakyky ylmy açyşlar bir alymyň akylynyň netijesi däldir, eýsem, köpleriň bilelikdäki pikirleriniň önümidir, ýöne ol alymlaryň haýsy-da bolsa biri köplere degişli bilimleriň netijesini jemläp, has

görnükli beýan etmegi başarýar» diyip belläpdir.

Kakalar ölmeýär...

Kakalar ölmeýä, kaka ýaşaýar,

Ýaşap ýörler kakasyzlañ deminde.

Olar balalarnyñ ýükün daşaýar,

Gyzyl guma siñip ýeriň teýinde.

Kakalar ölmeýär, kaka ýaşaýar,

Jigerlerniñ janynda hem teninde.

Ene garnyndaka kakadan galyp,

Gundalmadyk çagaň zaryn heñinde.

Kakalar ölmeýär, kaka ýaşaýar,

Emma ir gidýärler baky ýurduna.

Näme üçindir ömür gysga berilýär,

Daglañ peleñine, çölleñ gurduna.

Näme üçin gysgaka, inerleñ ömri,

Bu kysmatmy, ýazylanmy daşa, ýa?!

Megerem olaryñ göterýän ýüki,

Agyrrak bolarly çenden aşa, ýa?!

Ýa, biten ýerinde gadry ýokmuka,

Sürme edemzokmy, göze-gaşa, ýa?!

Olar bolsa ''perzent' diýip jan berip,

Sessiz söýüp, sessiz ölüp başarýa.

Kakalar ölmeýär, kaka ýaşaýar,

Goýmaz olar bizi hiç haçan ýetim.

Mazaryna daş goýmazdan öñürti,

Baş goýup döşüne kalbyna ýetiñ.

Olaryň söýgüsi, olañ yhlasy,

Etmez sizi asla dumly-duşa zar.

Ýetim sözün diýmäň, diýmäň siz, çünki

Kakalar ölmeýä, kaka ýaşaýar.

Sadi Sädiýew

ʏᴢʏɴ̃ᴅᴀ ɴᴀ̈ᴍᴇ ɢᴀʟᴅʏʀᴅʏɴ̃

Talypkam filosofiýadan bir täsin professor sapak berýärdi. Özüniň aşa agraslygy hem-de burnunyň üstünde kök uran köne äýnegi bilen ol kärdeşlerinden tapawutlanýardy. Wagtal-wagtal filosof adamlara mahsus bolan, adaty bir «Durmuşyň manysy näme?» diýen ýaly

gürrüñdeşlikli pikir alyş sapaklaryny geçirýärdi. Käbiri netijesiz bolsa, kämahal örän täsirlileri-de bardy. Şu gezekki hem ikinjilerdendi:

«Berjek sowallaryma eliňizi galdyrmak bilen jogap beriň» diýip, professor tabşyrdy. «Siziň näçerägiňiz kakaňyzdyr ejeňiz barada ýatda galyjy derejede gürrüň berip bilersiniz?» Hemmeleriň eli ýokary galdy. «Näçäňiz ataňyzdyr eneňiz barada bir zat aýdyp bilersiňiz?» toparyň 4-den 3 bölegi elini galdyrdy. «Näçäňiz

garry eneňiz ýa-da garry ataňyz barada gürrüň berip biljek?» tutuş 60 adamdan ikisi elini galdyrdy. Ol: «Töweregiñize serediň» diýdi. «Bary-ýogy iki-üç arka aýlanandan soň köpimiz öz garry atamyzyň, garry enemiziň kim bolandyklaryny hem bilemizok. Elbetde, belki-de solup ýatan fotoalbomlaryň birinde köne surat galan bolup biler ya-da birimiz olaryň biriniň mekdebe çenli 10 menzil aýakýalañaç ýörändikleri barada eşiden bolup bileris. Ýöne näçe adam olaryň aslyýetinde kim bolandygyny, nämä begenip, nämeden gorkandyklaryny, nämeleri arzuwlaryna besländigini anyk bilýärkä? Oýlanyp görün, üç nesilden soň ata-babalarymyz iñ daşky ýatlamalarymyzda-da galmady.

Ýeri, bolýar, dogrulap aýdaly. Geljekki 3 nesle nazar sal. Seniň dünýäňi täzeläniñe esli wagt bolupdyr diýeli. Bu otagda bolsa saña derek, seniň çowluklaryň otyrmyşyn. Olar sen barada näme diýerler? Olar sen barada, heý, bir zat bilýälermi? Ýa-da senem ýatdan çykarsyňmy? Seniň durmuşyň olar üçin etmeli däl zatlaryň sanawy bolarmy ýa-da görelde almaly nusga bolarmy? Yzyňda näme galdyrarsyň? Özüñe bagly. Çykyp bilersiñiz».

Bäş minutlap hiç kim ýerinden hem gozganmady.