Mowzuklar ❤GÜLHANYYM❤ » Sahypa 3

❤GÜLHANYYM❤

21.08.2022 15:40

Ýüregim gysdy Düýn agşam şeýlebir ýüregim gysdy, Tapmady özüne ýekeje höwür, Gam-gussa itekläp,egnimden basdy, Göterjek bolsamda ol juda agyr. Oturdym şem ýakyp,duýgulam bilen, Keç ykbalma sorag

❤GÜLHANYYM❤

19.08.2022 12:45

Azaşan arzuwlar🖊 Şäheriñ giñ,edil aýna ýaly tekiz ýollaryndan ulaglar iki ýana geçýärdiler.Başlary asmana hyýal etýän ak mermerli beýik,owadan binalar,mylaýymjak öwüsýän şemala ýaşajyk başlaryny

119

❤GÜLHANYYM❤

03.08.2022 21:05

Syrly mukam🖊 Agşamky çagyrylan toýyndan mazalyja ýadan giñ eginli,saryýagyz,garamtyl mele saçlary gapdala daralan bagşy ýigit,ejesiniñ demläp beren gyzgynjak çaýyny howlukman başyna çekdi.Çaý şirin

❤GÜLHANYYM❤

26.07.2022 21:25

121

❤GÜLHANYYM❤

26.07.2022 20:54

Soñlanmadyk hat🖊 Tawus dessine ýerinden galdy.Umyt "Gelme"diýen manyda eli bilen yşarat etdip,soñra ýuwaşlyk bilen ysgynsyz halda öz otagyna girip gitdi.Şol pursat gapydan Güljahan gelneje

❤GÜLHANYYM❤

17.07.2022 21:15

Soñlanmadyk hat🖊 -Umyt sen tamañy üzäý,Tawusy öz daýzasynyñ ogluna durmuşa çykarýarlar.Toý sähedi hem bellendi.Özüñi gynama. Sada,köne eginbaşyñ içindäki ak ýürekli oglan içini gepletdi:"Beýlede

❤GÜLHANYYM❤

16.07.2022 22:10

Soñlanmadyk hat🖊 -Diýip duranlaryñ näme aý oglan?!Öz aýtýanlaryñy gulaklaryñ bir eşitýärmi?!Maña diýenje sözleriñi özüñ ýala aýdaýmaly ekeniñ.Has dogrusy deñiñi gaşa!Indiden beýläk seni ýolumda

❤GÜLHANYYM❤

16.07.2022 21:07

Soñlanmadyk hat🖊

Lukman hem gözlerine ynanman doñup durdy...
Şatlygyñ lukmana ýüzlenmesi Umydy özüne getirdi.Umyt şepagat uýalaryna hem garaşman Tawusyñ elindäki çagajygy garsa alyp hassahana girdi.Ýolda barýarka çagajygyñ nurly ýüzüne seretdi,ýüregi gyýyldy.Umyt bu pursatdan peýdalanyp Aýnajygy bagryna basdy,özüne uly agram salyp,gözlerini berk ýumdy.Haýal etmän ýürek uruşyny barlap,gerekli bejergileri etdi.

Yzygiderli edilip goýulan oturgyçlaryñ birinde oturan Tawusy gaýgylar egninden basdy.Şol pursat edil ýagdaýy bilýän ýaly el telefonyna Döwletden jañ geldi.

-Tawus bardyñyzmy sag-aman,gyzym mamalaryna baryp begendimi ýa meni göresi gelýärmi?!

-Ýok...oba geldik,biz hassahanada.

Döwlet geñirgendi...

-Hassahanada?

Tawus ýoldaşyna bolan zatlaryñ baryny başdan aýak aýdyp berdi.Döwlet bu wagt işinden gelip saçak başynda oturypdy.Nabat ene hem-de Sülgün gelin habary eşitdiler.Döwlet ejesine oba ugrajakdygyny aýtdy.

-Oglum,gorkuly zat ýok,giñiräk bol.Gyzgyny galandyr,lukmanlar em etse derew aýrylyp gider.

-Ola şeýledir eje,ýöne ynjalamok...

Sülgün ýoldaşy Döwranyñ öñünde bir çäýnek demini alan gök çaý goýyp,hüñürdemäne başlady:

-Ejemler,ejemler diýip aldy halys,ana gitdemdä ejelerine,jagasyny keselledip,hassahananyñ gapysynda bükgüldäp otyr indem...

-Ýene başladyñmy...?Bes et indi şu gürrüñleriñi,basyp bilmedigiñ Tawus gelin boldy.

Döwranyñ sesi batly çykdy.
Sülgün:

-Haýalyrak gürleseñem eşitýän,ejeñdagyñ gulagyna degse näme...?!Ýenede men gara atly bolup galaryn.

-Bolşuñ şu bolsa ak at almanjyk geçersiñ-diýip, Döwran elindäki çaýly käseden owurtlady.
Sülgün ýoldaşyndan öýkelän bolup,uzyn ýaşmagyny eliniñ tersi bilen çep egnine atdy-da,ädimlerini bir az çaltlandyryp çykyp gitdi.

Tawusyñ ýanyna Umyt lukman geldi,gyzynyñ ýagdaýynyñ gowudygyny,gorkuly zadyñ ýokdygyny aýtdy,soñra bolsa gürrüñleşip oturmak isledi. Umyt bilen Tawusyñ geçmişi uzakdy...
Tawus gyzynyñ ýatan otagynyñ aýnasyndan boýnuny uzadyp,biraz ynjaldy.

-Tüweleme,Tawus gyzjagaşyñam ediljek özüñ,häsiýeti hem seniñki ýaly kejirjemi?!

Umyt sözüni soñlap ýetişmänkä ony iş meselesi bilen çagyrdylar."Häzir gelýän"diýen yşarat edip howlukmaç gitdi.
Tawus durmuşyñ oýnuna geñ galyp geçen günler añynda aýlady,geçenleri ýatlady...

Umyt kiçilikden ene-atadan jyda düşen ýetim oglandy.Tawus her gün sapaklaryndan soñra kitaphanadan kitap alyp wagtynyñ köp bölegini şol ýerde geçirýärdi.Umyt bolsa kitaphananyñ gapdalyndaky naharhanada işçi bolup pul gazanýardy.
Umyt Tawusy sulhy alypdy,her gün kitaphanadan çykanda öýlerine çenli ugratmak isledi.Ýöne iş wagty gije çenli bolanlygy sebäpli onyñ bilen gabatlaşyp bilmedi.Obada bir üýşmeleñ bolsa Umyt assyrynlyk bilen Tawusy synlaýardy.
Günlerde bir gün Umyt işinden rugsat alyp Tawus bilen ganbatlaşmany makul bildi.Kitaphananyñ gapysynda Umyt Tawusyñ gaýtmaly wagtyndan birnäçe sagat öñ dañylyp durdy.Inede ep-esli garaşanyndan soñ edil tawus guşy ýaly owadan,gülýakasy günüñ çoguna öwşün atyp,ýaldyrady.Gyz assa ýöräp basgançakdan düşdüp geldi.Umydyñ gabadyna ýetende,oglanyñ garaşyp durandygyna geñirgendi.

-Salam Tawus...

-Salam-diýdi-de,boýdan başa oglany synlady.Sary giden jalbar,güne arkasy solan gök köýnek,aýagynda bolsa köneje köwşi,elinde bolsa iş hakyndan niýetläp alan terje bägüller.
Daş-töwerek adamlardan doludy,her kim öz işleri bilen başagaý.
Gyz gapdalyndaky oglanyñ egin başyndan utanyp gyra çekildi.Onuñ bilen bu eginbaşynda bile ýöräp gitmegi özüne kiçilik hasaplady,"Adamlar görse näme pikir eder" diýen düşünje añyna geldi.
Beýle bolar diýip oglan oýlamandy.Umyt şonda-da ondan-bundan gürrüñ açdy.Indi wagtynyñ bolandygyny bilip,uludan demini aldy-da ençe wagt aýtmaly sözlerini añynda aýlanlaryny daşyna çykardy....
Elindäli gülleri Tawusa uzatdy.
Gyzyñ beren aýgytly jogaby oglany aklyna aýlady...

GÜLHANYM MUHAMMEDOWA

❤GÜLHANYYM❤

15.07.2022 21:06

Soñlanmasyk hat🖊

Ýaz paslynyñ ajap bir gününde säher bilen oýanan Tawusyñ näme üçindir ýüregi gysdy.Gapdalynda uklap ýatan balasynyñ çişijek ýañaklaryndan taýly gerek ogşap,kiçijek barmajyklaryny eline aldy.Dünýäsine şatlyk getiren gyzyny otdan,suwdan gorap mähri bilen her wagt ýylaltýardy.Eje söýgüsi çäksiz emma ýañy dil bitip başlan Aýnajygy her hal küýsäp duran kakasynyñ söýgüsem kem gelenokdy.Döwlet gyzy bilen oýnamak üçin işleri näçe köp bolsada wagt aýryp,günlerini şatlykly geçirýärdiler.Oýunlarynda edil çaga ýaly gyzjagaşynyñ yzyndan yglaýan Döwleti balasynyñ iki ýana galgaýan saryja saçlary hem-de jykyr-jykyr edip gülmegi hasda şatlandyrýardy.
Sülgün Nabat enäniñ uly gelnidi.Sülgün eltisi Tawus bilen kän bir mäşi bişişenokdy,ýöne bu sulhunyñ almaýandygyny Sülgün içinde saklap,daşyna çykarmady.Biş-düş ugrundan üstün gelmegi hem bir sebäpkäridi.
Ertirlik taýýarlan Tawus gelin demlän çaýyny gaýyn enesiniñ öñünde goýdy.Saçak başynda Nabat ene oglunyñ işleri barada sorady:

-Döwletjan balam işleriñ nähili,arada täze bir binañ üstünde işleýändigiñi aýdypdyñ, şowly bolýarmy?!

- Hawa eýýäm tamamlap gelýän eje,şeýle gözel boldy,nesip bolsa hemişekiler ýaly şäherimizi ajap binalarymyz bilen bezäris.

-Tamada şeýledir,ýurdymyzyñ ösüşine goşant goşýan şeýle oglumyñ bardygyna begenýän.
Tawus gelin işe başlamagyña intäk wagt barmy balam?!-diýip gelnine nazar aýlady.

-Hawa,dynç alyş günlerimde ejemlere gidäýsem diýýän,soñky sapar gidip gelenime hem ep-esli wagt bolupdyr.

-Gitseñ sag-amanja gidip gel aýal doganymada,öýüñizdäkileriñ hemmesine bizden salam aýt.

Nabat ene ogluna öz aýal doganynyñ gyzy Tawusy gelin edinipdiler.Bir-birilerini sylaýan agzybir maşgalanyñ abraýlary obada hem-de şäherde uludy.Döwletiñ işi şäherde bolandygy sebäpli paýtagta alty ýyl mundan ozal göçüp gelipdiler.Döwlet:
-Öñüräginden aýdan bolsañ özüm eltip gaýdardym-da oba-diýip,gelnine ýüzlendi.

-Şu gün näme üçindir ýüregim ýöne obany,ejemleri küýsäp dur,sen arkaýyn işiñe gidiber oba gatnaýan ulaglar kän indi bir salymda eltýärler.

-Men häzir dostum Şatlyk bilen habarlaşaýyn özi gapyñyza eltip gaýdar.

Tawus ýol şaýyny tutanyndan soñ Şatlyk geldi.
Döwlet gyzjagazyny bagryna basdy,hiç göýberesi gelmedi.Hoşlaşanlaryndan soñ Nabat enäniñ ýoldaş edip salan çöregini gapdalyna alyp ýola düşdüler.Ýol boýy daş töweregini synlap gelýän Aýnajyk bilesigelijiligi bilen ejesinden görýän zatlary barada soraýardy.Tawus her sapar gyzyna çaga dilde gowy edip düşündirip terbiýeli edip ýetişdirmäge çalyşýardy.

Bagy bossanlyga bürenip oturan küren obanyñ bir çetinden girenlerinde Tawusy üýtgeşik bir duýgy gurşap aldy.Önüp ösen,dogduk mekany çagalyk döwrüni ýatlatdy,oýnap geçen ýaýlalaryny synlady.Bu depelerde,ençene şatlykly günleri geçipdi.
Emma sessizje oturyp, ysgyndan gaçan,ýüzi ak tam deýin bolan gyzyny görende Tawus howsala düşdi.Elini Aýnajygyñ mañlaýynda goýdy.Gyzgyny galypdyr.Ilki geçip gider diýip pikir etdi emma Aýnajygyñ ýagdaýy hasda beterleşdi,dem alyşy üýtgedi.Şatlyk ökde bir tanyş lukmanynyñ bardygyny aýdyp,haýal etmän ýoluny üýtgetdi.Uly tizlik bilen barýarkalar Tawus gyzynyñ kellesinden sypalap dillerini dilegsiz goýmady.Hassahananyñ gapysyna geldiler, Tawus gyzyny göterip howlukmaç ulagdan düşdi.Gelerlerine garaşyp duran lukmany gören Tawusyñ endamy jümşüldäp,gözleri duýdansyzja ýaşlara doldy.Lukman hem gözlerine ynanman doñup durdy...

Gülhanym Muhammedowa.

119

❤GÜLHANYYM❤

15.07.2022 21:05

Ykbal ekeni🖊

Otly menzilinde durdum garaşyp,
Gelmedi şonda-da arzuwlan bagtym,
Sagat geçdi bir-birinden ýaryşyp,
Haraba saýyndym sensizli wagtym.

Umytly dideler,sermedi keşbiñ,
Niçe adam seniñ ýeriñ tutanok.
Her hala düşürdi döreden yşkyñ,
Ýaşly gözlem özge gyza bakanok.

Wagt boldy,uramaly gulluga,
Ilkinji ädimler sensizli güne,
Aýnadan seretdim ýene umytly,
Agamyñ gollary galgady diñe.

Ýol geçdik ep-esli,nätanyş ýerler,
Depede ýazylan al-ýaşyl güller,
Göwnüm götermedi täze tanyşlar
Ah,göwnüm galyp:da,ýene bagyşlarn.

Pikir etdim,ne sebäpden gelmediñ,
Wadaly sözleriñ ynandyrypdy,
Iki ýyldan men dolanyp gelerin
Jan saglygyñ bolsa,maña ýetikdi.

Gelip ýetdik,Watanmyzyñ serhetne
Döş gerip goraryn,ene topragym,
Her gün senli süýji arzuwlam bile,
Bu ýüregme özge söýgi gatmaryn.

Paýlandy eginbaş hem-de ädikler,
Meniñem paýyma giñ possun düşdi.
Şonda-da sygmady söýen ýüregim
Seni undup bilmän gürsüldap çykdy.

Aý şöhlesi bir az köñlüm ýagtyltdy,
Seredemde gördüm nurana keşbiñ.
Birden berdaş eller egnimden basdy,
Bu Deñizhan atly gullukdaşymdy.

Gürrüñdeş bolduk,geçenler hakda,
Hem geljek barada pikir alyşdyk,
Añypdyr ol meniñ bolup ýörşümden,
"Dertdeş"ady bir-birmize dakyşdyk.

Olam meniñ deýin umytda eken,
Geçipdir başyndan ençe külpetler,
Maksatlarny aýtdy,etjek işlerniñ,
A men sessiz otyrn,şol köneje heñ.

Ele aldyp iki bölek kagyzy,
Gözlemäne durdum ýekeje galam,
Stolyñ ýanyndan tapdym köneje,
Köpleriñ öýüne salamyn beren.

Ýazdym maşgalama ilkinji hatym,
Hemmesiniñ hal ýagdaýny soradym,
Galan garyndaşlam barmyka diýip,
Başdan aýak haty ýene barladym.

Howlugyp epledim,gyrada goýdum,
Uludan dem aldym özümi dürsäp,
Saña niýetledim ikinji haty,
Ýürek gezek bermän,dymmady gürläp.

Ýazyp ýetişmedi gatan ellerim,
Aljyrap diýjeklem añymdan çykdy,
Hoşlaşmaga gelmändiññi soradym,
Jadyly gülkiñ birden,ýüregim ýakdy.

Ýary gije ýeke özüm oturdym,
Hemmeler ýatypdyr,ýadap bedenler.
Gursagyma basyp ýazan hatymy,
Ýene şüýji arzuwlarma gitdim men.

Hatym ýollap çal papakly daýydan,
Jogabynyñ tiz gelmegne howlukdym,
Her sapar şol ýola gözlerim dikip,
Misli suw ýetmeýän,towsýan balykdym.

Ine-de getirdi bir tümmek haty,
Bir başyndan paýlamaga başlady,
Deñime ýetende ýüzüm ýylgyrdy,
Bu ahwala çal papaklam ýylgyrdy.

Ejemiñ hatyny okadym haýdap,
Hemmeler sag-aman,gurgun esenlik,
Ýarymyñ hatyny açdym begenip,
Ýöne begenç boldy bir az pursatlyk.

Ýazypsyñ kagyza toýuñ bolýanny,
Meniñ gaýdan günüm halat gelipdir.
Razy edipdirler jübsi galyñ ýigide,
Göz ýaşlaryñ ak kagyzy ezipdir.

Indi näme diýjegimem bilmedim,
Nädogrydyr diýip gaýta okadym,
Ýok,dogry eken,dogry okapdyrn,
Ýöne arzuw boldy,boşlukdy,gury.

Günler geçdi,aýlar geçdi aýlanyp,
Her täze gün gam-gussasyn getirdi.
Götermek kyn düşdi aýralyk bilen,
Gulluk agramjygam üstün ýetirdi.

Ejemden soradym täzelikleri,
Señ toýuñdan başga täzeligem ýok,
Aýtdy gelinalyjyñda durman aglanñy,
Ah Ejemjanyñ menden habary hem ýok.

Wagt az galdy indi öýe gaýtmaga,
Sen ýokly dünýämde höwes galmady,
Guran gülüñ ýerne täze ekmäge,
Köýen göwnüm,aýaklarmam baglady.

Garşy aldy,ähli ýakyn-daşlarym,
Ýene gözlem didaryñy gözledi,
Bir ýerlerden peýda bolaýjak ýaly,
Gulagma mylaýym sesiñ ýañlandy.

Unudaryn diýdim,hiç unutmadym,
Wagt örenşdirdi sensiz günlerne,
Kapasa düşen guş deýin urundym,
Adyñ eşdip,bir az gürlänlerinde.

Ep-esli aý doldy öýe gelenme,
Ýöne meñ dünýämde dogmady Aýym,
Şol hatdan soñ boldy,ýalan gülkilem,
Ejemi etjekdim men saña gaýyn.

Ajap bir gün işden boşap gelýärkäm,
Ýol boýunda duşdy boý derek gelin,
Başyndaky öýme galgady ýele,
Aýak biten gyzy tutdy elinden.

Sakladym ulagmy,garadym bir dem,
Zar bolup gidipdir gara gözlerim,
Dilim barmaz indi "Ýarym"diýmäne,
Ýylgyrdym-da,açdy gapyny ellerim.

Soraşdyk hal-ýagdaý,boldy ümsümlik,
Gutladym toýyny,boýnumy büküp,
Gyzyñ görüp arzuwlarym kemsindi,
Ejiz bolsañ durmuş gynar ekeni.

"-Ýoldaşyñ ýagşymy,gowumy işler?!
Bagtly bolsañ,maña şol hem ýeterlik.
Ynjatýan däldirä,sözle,kem bolsa...
Sen şat bolsañ,meñem göwnüm göterler."

"Ýok"diýip,sözlerne berdi dyngyny,
Al ýañakdan gaýtdy,hünjili ýaşlar,
Uludan dem alyp,gürledi ýene,
"-Ýarym bolan ýatyr,
demsiz,
ýeriñ astynda."

Dillerim tutuldy,sözlerem ýitdi,
Añymda dikeldi düşnüksiz duýgy,
Ah,durmuş çakymdan agyr ekeni,
Sen neneñ gynadyñ,älemiñ beýgi.

Gülhanym Muhammedowa.

673