Üç ýaşly çaga 190 ýurduñ baýdagyny tanap, RF-niñ rekordlar kitabyna girdi.

Magnitogorsk şäherinden bolan üç ýaşly çaga, Russiýanyñ rekordlar kitabyna girdi, ol 16 minutda Birleşen Milletler Guramasynyñ agza döwletleriniñ baýdaklaryny görkezmegi başardy diýip, "Ren.tv" ýazýar.

Oglanjygyñ haýran galdyryjy dogabitdi ýiti ýadynyñ bardygy bellenýär, ol sanlary, ulaglaryñ nyşanlaryny we notalary añsat ýatda saklaýar.

Ene-atasy öýde dünýäniñ kartasyny asdylar, çaga onda ýurtlaryñ ýerleşýän ýerini öwrenip başlady. Ol üç ýaşynda okamagy we köpeltmek tablisasyny öwrendi.


Çeşme: turkmenportal.com (13.05.2024)

55 sagatlyk interwýu Ginnesiñ rekordlar kitabyna girdi.

Nigeriýada Klara Çizoba Kronborg atly zenan maşgala 55 sagat 24 sekunt söhbetdeşlik geçirip, Ginnesiñ rekordlar kitabyna girdi. Ol umuman gurnan söhbetdeşlikleriniñ wagty 55 sagada deñ bolupdyr. Ginnesiñ rekordlar kitabynyñ habar bermegine görä, Klara Kronborg özüniñ "YouTube" jemgyýetçilik hasabynda 55 sagat 24 sekunt dowam eden söhbetdeşligi gurnady. Kronborg bu interwýu bilen iñ uzak wagt dowam eden söhbetdeşlik hökmünde rekordyñ eýesi boldy.
Öz hasabynda gepleşik alyp barýan Kronborg syýahatçylar, işewürler, aktýorlar, gozgalmaýan emläk bazarynyñ öñdebaryjylary we beýleki iş ugurlarynda iş alyp barýan şahsyýetler bilen söhbetdeşlikler gurnaýar. Ol dürli döwletden 90 adamdan interwýu aldy. Söhbetdeşliklerde gepleşige çagyrylan şahsyýetiñ öz ugrunda gazanan üstünliklerine orun berildi. Kronborg Amerikaly Rob Oliweriñ 2022-nji ýylda 37 sagat 44 minut interwýu edip, gazanan rekordyny täzeledi.


Çeşme: atavatan-turkmenistan.com (27.04.2024)

Aýda otly gatnawy hakykata öwrülýär.


ABŞ-nyñ Nasa kosmos gullugy Aýda otly gatnawyny amala aşyrmak üçin ilkinji ädimini ätdi. "Flexible Levitation on a Track" (FLOAT) atly taslamanyñ 2030-njy ýyllarda Aý bazasynyñ işlemegi üçin "möhüm" boljakdygy bellendi.
Taslamany amala aşyrýan toparyñ pikirine görä, bu taslamanyñ Aýda ýüze çykarylan serişdeleri daşamagyñ ygtybarly we özbaşdak üpjün etjekdigi bellendi.

- Aýda ygtybarly, awtonom we netijeli ýük daşamagy üpjün etjek Aý demir ýol ulgamyny gurmak isleýäris. Çydamly, uzak wagtlap dowam edýän robotlaşdyrylan ulag ulgamy, 2030-njy ýyllarda Aýyñ dowamly bazasynyñ gündelik işi üçin möhüm ähmiýete eýe bolar - diýip, Nasa edarasynyñ beýanatynda bellenilýär. Her bir robotlaşdyrylan otly ulgamynyñ sagatda takmynan, 1,61 km tizlik bilen dürli şekilli we ululykdaky ýükleri daşap biljekdigi aýdylýar.


Çeşme: atavatan-turkmenistan.com (13.05.2024)

Netflix "Çarli we şokolad fabrikasy" romanynyñ esasynda aşpezlik realiti - şouna başlaýar.

Netflix-iñ striming (akym) hyzmaty Roald Dalyñ meşhur "Çarli we şokolad fabrigi" kitabyndan ylham alan täze aşpezlik realiti - şounyñ döredilendigini habar berdi. Taslamanyñ jikme-jikleri entek aýan edilmedi, ýöne şou-gepleşigiñ süýjülikleri taýýarlamak bilen baglanyşykly bäsdeşlik synaglaryna esaslanjakdygy mälim diýip, Deadline habar berýär.
Netflix-iñ Dalyñ döredijiligine ýüzlenmegi ilkinji gezek däl. 2021-nji ýylda platforma ýazyjynyñ ähli eserlerine hukuk gazandy we geçen ýyl Wes (Ues) Anderson onuñ kitaplary esasynda režissýorlyk eden dört sany gysga filmlerini çykardy. Olardan biri, ýagny "Genri Şugaryñ ajaýyp hekaýasy" filmi Oscar baýragyna eýe boldy. Täsin şokolad magnaty Willy Wonkanyñ we onuñ jadyly zawodynyñ hekaýasy 1971, 2005 we 2023-nji ýyllarda birnäçe ekranizasiýa alandygyny ýatladýarys. Wonkanyñ keşbini dürli wagtlarda Jin Waýlder, Jonni Depp we Timoti Şalame ýerine ýetirdiler.


Çeşme: tmcars.info (şu gün 09:19)

Bu gün @Stella_🖤 agzañ doglan güni🎉🎉


Maýsa doglan günüñ gutly bolsun uzak ýaşa görjegiñ elmydama gowlyk bolsun. Saña jan saglyk, bagtly durmuş we üstünlik arzuw edýärin🎂🥳🥳

Fransiýaly çörekçiler dünýäde iñ uzyn bageti taýýarlap, Italiýanyñ rekordyny täzelediler.

Soñky bäş ýylda dünýäde iñ uzyn baget boýunça rekord 2019-njy ýylda tas 133 metr uzynlykda baget taýýarlan Italiýaly çörekçilere degişlidi. Ýöne 5-nji maýda Fransiýaly çörekçileriñ topary 140.53 metr uzynlykda çörek önümini taýýarlap, täze dünýä rekordy bilen Italiýadan öñe geçdi. Rekord Fransiýanyñ çörekçiler we konditerler konfederasiýasy tarapyndan gurulan çärede goýuldy diýip, The Guardian habar berýär.
Çörekçiler 132.62 metr bolan rekordy täzelemek üçin ir sagat 3-de işläp başladylar. Takmynan, 14 sagatdan soñ olaryñ zähmeti üstünlikli diýlip hasaplandy. Sagat 16:40 çenli baget dünyäde iñ uzyn baget diýlip ykrar edildi: onuñ uzynlygy 140,53 metr. Adaty Fransuz bagetiniñ uzynlygy, takmynan 60 sm bolup, ol bugdaý ununyñ, suwuñ, duzuñ we hamyrmaýanyñ goşulmagynda taýýarlanmaly we agramy 250 gram bolmaly.
Galyñlygy tutuş uzynlygyna azyndan 5 sm bolmaly bageti bişirmek üçin sekiz sagat töweregi wagt gider diýlip çaklanypdy. Rekord uzynlykdaky bagete 90 kg un, 60 litr suw, 1,2 kg duz we 1,2 kg hamyrmaýa sarp edildi. Soñra ol ýörite gurlan haýal hereket edýän pendent bişirildi. Baget köpçülige, şeýle-de Sýuren köçesinde ýaşaýan adamlara paýlanyldy. Ýere gelende bellesek, Fransiýada her sekuntda 320-ä golaý baget satylýar diýlip hasaplanylýar, ýöne bu beýleki ýurtlara dünyäde iñ uzyn baget ady ugrunda bäsleşmäge päsgel bermedi.



Çeşme: tmcars.info (09.05.2024)

iPhone 15 Pro Max - iñ köp satylýan smartfon, Samsung Galaxy S24 Ultra - Android - leriñ arasynda lider.

Counterpoint Research-yñ hasabatyna görä, Apple we Samsung kompaniýalarynyñ önümleri dünýäniñ smartfon bazarynda agalygyny dowam etdirýärler. Olar 2024-nji ýylyñ birinji çärýeginde iñ köp satylan smartfonlaryñ sanawynda on ornuñ ählisini eýelediler diýip, ixbt.com ýazýar.
Şeýlelik-de, reýtingde ilkinji dört orny Apple-iñ smartfonlary eýeledi. Sanawyñ başynda iPhone 15 Pro Max ýerleşdi (4,4% paý bilen), onuñ yzyndan iPhone 15 (4,3%) we iPhone 15 Pro (3,7%) gelýär. Dördünji orunda iPhone 14 modeli bar (1,9%). iPhone 15 Plus modeli 1,3% bilen sekizinji orny eýeledi. iPhone Pro hatarynyñ meşhurlygy onuñ paýyna birinji çärýekde Apple satuwynyñ ýarysynyñ düşýändigi bilen tassyklanýar. Samsung Galaxy S24 Ultra flagmany umumy reýtingde bäşinji orny eýelemek bilen, iñ köp satylan Android smartfony boldy. Bazarda bu modeliñ paýy 1,9% - e deñ. Gözleg ulanyjylaryñ premial segmentinden smartfonlary has makul hasaplaýandyklaryny tassyklaýar: iñ köp satylan on modeliñ ýedisiniñ bahasy 600 dollar we ondan hem ýokarydyr.


Çeşme: tmcars.info (09.05.2024)

Ýaponiýada diş ösdürýän derman synagdan geçirdiler.

Üstümizdäki ýylyñ güýzünde Ýaponiýada gipodontaniýany - dişleriñ dogabitdi ýoklugyny bejermek üçin döredilen täze dermanyñ kliniki synaglary başlar. TASS - yñ habar bermegine görä, Kitanonyñ Lukmançylyk gözlegleri institunyñ (Osaka) we Kioto uniwersitetiniñ eýeçiligindäki wençura kompaniýasynyñ hünärmenleri tarapyndan bilelikde döredilen bu derman dişleriñ şinelemegine täsir edip, olaryñ et ýaryp çykmagyna we ösmegine itergi berýär. Dermany döredijiler gipodontiýa keseli bolan adamlara dişiniñ ýok ýerinde täze dişleri ösdürmäge mümkinçilik berer diýip umyt edýärler. Derman dişleriñ ösmegine päsgel berýän beloklaryñ hereketini basyp, şineleriñ ösmegine we et ýaryp çykmagyna mümkinçilik berer diýip çak edýärler.
2018-nji ýylda alymlar şuña meñzeş usuly ulanyp, syçanlarda we garynjalarda diş ösdürip ýetişdirmegi başardylar. Eger adamlarda geçirilen kliniki synaglar üstünlikli bolsa, derman stomatologiýada hakyky üstünlik bolup biler we gipodontiýadan ejir çekýän millionlarça adam täze umyt berer. Synag gutarandan alty ýyl soñ dermany amaly ulanmak mümkin bolar diýlip garaşylýar.




Çeşme: tmcars.info (08.05.2024)

Kofe rak keseliniñ öñüni alyp bilýär. Muny alymlar tassyklaýar.

Kofeniñ yzygiderli içilmegi bagyr we aşgazan asty mäziniñ rak keseliniñ käbir görnüşleriniñ döremek howpuny azaldyp biler. Muny derñewler görkezdi diýip, smotrim.ru habar berýär.

Kofede polifenollar, ýagny öýjükleri zeperlerden goraýan, rak öýjükleriniñ ösmegine päsgel berýän we hatda olaryñ ölümine sebäp bolýan güýçli antioksidantlar bar. Mundan başga-da, kofe-de bagyrda kanserogenleri zyýansyzlandyrmaga kömek edýän fermentleriñ işlenip çykarylmagyny höweslendirýän kafestol bar.
Şeýle-de bolsa kofe, ortaça günde 3-4 çaşkadan (300 mg kofein) köp içmezlik maslahat berýär. Kofeden başga-da, beýleki iýmitler hem rak keseliniñ howpuny azaltmaga kömek edip biler: kelem, brokkoli, gyzyl tüwi, deñiz önümleri, kod balygynyñ bagry we başgalar.


Çeşme: tmcars.info (düýn 23:41)

Hirurglar ilkinji gezek doñzuñ ýürek nasosyny we böwregini diri adama göçürdiler.

Amerikanyñ Birleşen Ştatlarynyñ hirurglary genetiki taýdan üýtgedilen doñuz böwregini mehaniki ýürek nasosynyñ implantasiýasy bilen bilelikde göçürmek boýunça dünýäde ilkinji utgaşykly operasiýany amala aşyrdylar diýip, Rambler habar berýär.

Ýürek ýetmezçiliginden we böwrek keselinden ejir çeken 54 ýaşly Liza Pizano beýleki ötüşen keselleri we donor organlarynyñ ýetmezçiligi sebäpli adaty transplantasiýa alyp bilmändi. Lukmanlar oña ksenotransplantasiýany ýagny haýwan organyny transplantasiýa etdirmegi teklip etdiler. Adamyñ antibedenleriniñ organy ret etmeginiñ öñüni almak üçin doñuz böwreginiñ DNK-syna üýtgeşmeler girizildi. Operasiýa iki basgançakdan ybarat boldy: 4-nji aprelda ýürek nasosy oturdyldy we 12-nji aprelda wiloçkaly mäz bilen bilelikde genetiki taýdan üýtgedilen böwrek göçürildi, bu immunitetiñ organy "özüniñki" diýip tanamagyna kömek edýär we ret etmek ähtimallygyny peseldýär.
Bu genetiki taýdan üýtgedilen doñuz böwreginiñ taryhda janly adama ilkinji gezek göçürilmegi we wiloçkaly mäz bilen bilelikde ilkinji transplantasiýa boldy. Operasiýadan soñ näsag Liza Pizano özüni has gowy duýýar, ýüregi we böwrekleri öz funksiýalaryny ýerine ýetirýärler.


Çeşme: tmcars.info (düýn 20:55)