Illere arzymy aýdyp bilmerin,

Sözüm diňlenmeden taşlanan bolsa.

Giderin, dolanyp yza gelmerin

Barlygym duýulman başlanan bolsa.

Adam özü bilen özi göreşer,

Bir işiň ujyndan başlanan bolsa.

Adamlaryň senden göwni sowaşar,

Başlan işiň ýarym taşlanan bolsa.

Nebsiň seni öz päline gul eder,

Ynsabyn bir çete taşlanan bolsa.

Nebir juwan öz ömrüni kül eder,

Arakdan-çilimden başlanan bolsa.

Geline söz aýdan juda köp bolar,

Başyndan ýaglygy taşlanan bolsa.

Aýrylyşan maşgalaň sany köp bolar,

Ýardan gizlin işler başlanan bolsa.

Indi geň görlenok, öň geň görlerdi,

Çagalar eýesiz taşlanan bolsa.

Ýene-de, kän zady aýdyp bilerdim,

Sözüm diňlenmäne başlanan bolsa.

Awtor:Amangeldiýew Durdymyrat

Öýümizden uzakda,

Aýralykdan daşda biz.

Ýaşaýarys ýürekde

Ýaz, tomus, güýz, gyşda biz.

On sekiz ýyl Watanyň,

Duzun iýip ýaşadyk.

Bilim aldyk, boý aldyk,

Il derdini daşadyk.

Watan goragy diýip,

Gaýtdyk iki ýyllyga.

Bu mukaddes borjy, biz,

Deňemäliň gulluga.

Esger diýen mertebä,

Ýetdik juwan ýaşda biz.

Ýaşaýarys ýürekde,

Aýralykdan daşda biz.

Awtor:Amangeldiýew Durdymyrat

Nebsiň gurar müň duzak,

Ynsabyň ýiten çakda.

Ýolumyz juda uzak,

Geçen ýoluňa bakma.

Öňde bardyr çukurlar,

Siňe seret görersiň.

Görmän gaçsaň çyka:rlar.

Çykarany gömersiň.

Unudarsyň şol bada,

Saňa uzan gollary.

Geçdim diýip aýdarsyň,

Derýalary go:llary.

Tebigaty ynsanyň,

Men-menlige ýugrulan.

Garaz alan kömegiň,

Göz öňüňde ýygrylar.

Şeýdip iliň goldawy,

Bir menzile aşyrar.

Ine, nebsin şu çakda,

Seni biraz azdyrar.

Kömeklerne sagbolsun,

Kiçi dilden aýdarsyň.

Goltga mätäç bolsalar,

Görmänsiräp gaýdarsyň.

Wyždan içiň iýsede,

Bilmedikden gelersiň.

Il-gün näme diýsede,

Eştmezsiräp gezersiň.

Gaçanyňy bilmersiň,

Nebsiň gazan çukurna.

Rugsat bermersiň iliň

Seni çekip Çyka:ryna.

Awtor:Amangeldiýew Durdymyrat