Bahar gelip sähra mahmalyn ýapdy.
Asmanyň garagny bulutlar gapdy.

Ýyldyrymlar çakyp gökler gürledi,
Zemin suw sil bolup ony diňledi.

Bulutlar syryldy açyldy asman,
Arassa howaly ajaýyp ahwal.

Dag daşyny ýaryp Gülälek çykdy,
Mähir bilen Güneş ýylgyryp bakdy.

Töweregini daşlar gorady ýelden,
Gülälek suw içdi joşgunly silden.

Gunçasy açyldy dünýäni bezäp,
Müşkli ysy gitdi çar ýana uzap.

Bir ynsan geldi-de, ýoldy-da gitdi,
Ýene-de ynsanyň zyýany ýetdi.

Tebigatyň bar azaby hiç boldy,
Gülälegiň gözel ömri puç boldy.


Awtor: Amangeldiýew Durdymyrat