Güýziň ilki güni. Asuda säher.
Göwnümde-de şatlyk. Tolgunýan sähel.
Ýüreklerde bahar, ýüzlerde bahar.
"Hoş geldiňiz!"
Hoş gördik ak mekdebim.

Bilim berdiň, ylym berdiň goýnuňda,
Bir pursat monjukdyk seniň boýnuňda.
Megerem, bu çarhy pelek oýnunda,
Utmak bar-da utulmak ýok mekdebim.

Hemmeleriň gereklisi bäşlikdi,
Bäşlik alan günüň göwün hoşlukdy.
Bigadyr geçirlen juwan ýaşlykdy,
Sende geçen döwre taý ýok mekdebim.

Birinji synp, ikinji synp. Çagadyk.
Çagalaryň kalby ýaly sadadyk.
11ýyl okadyk, soňam dagadyk,
Kim talyp, kim esger boldy mekdebim.


#Awtor: Amangeldiýew Durymyrat