Asmanda bir parça, bölejik bulut,
Maňa seniň keşbiň bolup görnýär.
Arassa howaly çolaja kenar,
Sensizlikde tukalygma bogulýar.

Çyrasyny ýakyp, öçürip, ýakyp,
Alysda görünýär deňiz maýagy.
Her säher turamda seni ýatladýar,
Aşyklyk mekanym Hazar kenary.

Çarlaklary öz üstine jem edip,
Ak gämiler gelip labyr taşlaýar.
Her säherim çarlak, deňiz kenary,
Hem senli ýatlama bilen başlaýar.

Deňizi synlaýan çola kenarda,
Tolkunlar deňizden daşa urunýar.
Asmandaky birje bölejik bulut,
Maňa seniň keşbiň bolup görünýär.


Awtor:Amangeldiýew Durdymyrat