Dag başynda ýeke özüm otyrýan,
Bir zatlar maňzyma batmaýan ýaly.
Ýyldyzlary gaşawuçda jemleýän,
Älemi aýamda saklaýan ýaly.

Wagtyň geçýänini duýamok asla,
Aýsyz gijäň ýyldazlarna imrinip.
Gündiz işim bilen başagaý bolýan,
Ýatyp bilmän, gije ýazýan jöwrenip.

Poýeziýa - öz erkime goýmaýar,
Kä daga çykarýar, käte-de düze.
Kä uçurýar, käte deňze batyrýar,
Käte \"Serdar\" edýär onlara-ýüze.

Alyp gitýär käte nätanyş ülkä,
Seýran et - diýp - bakjasyna gülüne.
Käte duçar etýär düşnüksiz gülkä,
Masgarabaz etýär ilim-günüme.

Zenan dünýäsiniň içki syrlaryn,
Kitap deý, öňümde açýaram käte.
Okap ýetişseňem, ýetişmeseňem,
Indiki sapaga geçýärem käte.

Käte bogýar meni bir owurt suwda,
Garşy kenara-da geçirýärem, kä.
Käte janym ýakýar bir ýanar otda,
Şol ot bilen ýagta çykarýaram, kä.

Dünýäň çar künjüne elim ýetirýän,
Öz dünýäm özüme ýetmeýän ýaly.
Ýalňyzlyga juda höwrügip barýan,
Bir zatlar maňzyma batmaýan ýaly.


#Awtor:Amangeldiýew Durdymyrat