Gaty görme kemter sözleýänime,

Şu goşga ýüregmi salaýyn, eje!

Aýlar-günler doldy görmeýänime,

Bu gün seň ýanyňa baraýyn, eje!

Mähirli ýylgyrşy, eziz ýüzleri,

Bal-şeker garylan süýji sözleri,

Elmydam ýoluma garan gözleri,

Alla rugsat berse göreýin eje.

Ýaňlanyp dur gulagymda pentleriň,

Şolar bilen aşýan ýollaň bentlerin.

Seň şanyňa aýdyp goşgy beýtlerim,

Baraşsam göwnüňi awlaýyn eje.

Başarsam bir çümmük guwnaç döredip,

Buýsanç bilen gözleriňe seredip.

Ak pataňy ýaran edip-ýar edip

Ýene-de işime gaýdaýyn eje.

#Awtor:Amangeldiýew Durdymyrat

Öz döreden zady bolan pul üçin,

Biri-birisinini gyryp ýör

Adam.

Bäş manady köpräk bolany üçin,

Garybyň üstünden gülüp ýör

Adam.

Ýalan söze, gara nebse gul bolup,

Gardaşyn gul kimin satýanam

Adam.

Allanyň kelamyn, sözin unudyp,

Halalyna haram gatýanam

Adam.

Zamanadan yza galmajak bolup,

Barmagyna altyn dakypdyr

Adam.

Altyna-baýlyga ýok diýip bilmän,

Gyzyn söýmedigne satypdyr

Adam.

Bagta ýetmek üçin ylgap barşyna,

Bagtdan daşlaşýanyn duýanok

Adam.

Aýalyň gepine gidip ýörşüne,

Ene-atadan habar alanok

Adam.

Öz öýüni aýalyny unudyp,

Mähri del gujakdan gözleýär

Adam.

Aýalynyň çagalarnyň bardygyn

Täzeje bir gülden gizleýär

Adam.

Ýok döwür üýtgänok.

Adam üýtegeýär,

Nadanlygy döwre ýapyp ýör

Adam.

Her kimiň öz päli özüne ýaran,

Öz gara pälinden tapyp ýör

Adam.

#Awtor:Amangeldiýew Durdymyrat

Ýyllar düşdi aramyza,

Dost bolupdyk ilki-ilki.

Ykbal biziň alnymyza,

Şony rowa gördi belki.

Habaryny aldym, toýuň bolupdyr,

Ak fataň içinde dönüpsiň perä.

Saňa päkligiň dek ak bagt arzuwlap.

Özümi okladym gussaly derä.

Zamana durum ýok, durmuşa ölüm,

Gelip geçdi pasyllaryň nijesi.

Men-ä öýlenemok, sen bolsa gülüm,

Bolupsyň-la, üç çaganyň ejesi.

Dostly bolmak nesip etdi bu başa,

Gülsem-gülüp, aglasam deň aglaşan.

Nirede bolsaňam, sen, bagtly ýaşa.

Birmahallar derdimi deň paýlaşan.

Awtor:Amangeldiýew Durdymyrat

Türkmenbaşy şäher "Salkyn kenarda"

Uzak gözýetime nazar aýlaýan.

Göwnüme meňzeşlik tapmak islesem,

Mawy deňzim, diňe seni saýlaýan!

Ýuwudýaň hernäçe atan da:şymy.

Bezeýäň şäheriň degre daşyny.

Kiçigöwünli sen kenar daşyny,

Tolkun bilen ýuwýaň, seni sylaýan!

Gaharyňy ýuwdup, bukýaň hasratyň.

Hözirini sende görýän - eşretiň.

Tolkunlaryň da:şa urýan pursatyn

Doýman-doýman, ýene-ýene synlaýan.

Şatlyk berip bilýäň kenar seýlime.

Gözýaşlary bukýaň. Öýkäni bukýaň.

Juda meňzeş görýän synmaz göwnüme,

Haýran galyp, deňzim, men saňa bakýan¡