Ýyllar düşdi aramyza,

Dost bolupdyk ilki-ilki.

Ykbal biziň alnymyza,

Şony rowa gördi belki.

Habaryny aldym, toýuň bolupdyr,

Ak fataň içinde dönüpsiň perä.

Saňa päkligiň dek ak bagt arzuwlap.

Özümi okladym gussaly derä.

Zamana durum ýok, durmuşa ölüm,

Gelip geçdi pasyllaryň nijesi.

Men-ä öýlenemok, sen bolsa gülüm,

Bolupsyň-la, üç çaganyň ejesi.

Dostly bolmak nesip etdi bu başa,

Gülsem-gülüp, aglasam deň aglaşan.

Nirede bolsaňam, sen, bagtly ýaşa.

Birmahallar derdimi deň paýlaşan.

Awtor:Amangeldiýew Durdymyrat