Karaleva_
12.08.2024 12:30
12-nji awgustdan türkmen milli senenamasynda ýaldyrak döwri başlandy. Ol 40 gün dowam edýär. Şol döwrüň içinde ol özüniň yssy gündizleri, salkyn gijeleri bilen eýýäm öňde güýzüň ýetip gelýändigini ýatladýar. Bu barada “Türkmenistan” gazetinde habar berilýär.
Bellenilişi ýaly, bu döwürde daýhan güýzlük ekinleriň ugruna çykýar, maldar mallaryň güýz gyrkymynyň aladasy bilen bolýar. Bu ýyl üçýyldyz döwründe aşa gyzgyn günler köp boldy.
“Ýaldyrak doganda, gündogarda daňdanlar görünýär. Ol adyndan belli bolşy ýaly, ýaldyrap, şöhle saçyp duran uly ýyldyzdyr. Göýä şu ýyldyzyň dogmagyna garaşýan ýaly, tebigatda dessine birnäçe üýtgeşmeler bolup başlaýar. Ilki bilen-ä, gijelerine howa salkynlaşyp, çyg düşüp başlaýar. Säher bilen ösümlikleriň ýapragynyň, öseriniň üstünde bulduraşyp duran çyg damjalary olara jan beren ýaly bolýar. Jöwzanyň bürüşdiren ýapraklary ýazylyp başlaýar.
Çarwalar ýaldyrak dogandan soňra, güýz gyrkymyna taýýarlyk görse, daýhanlar bugdaý ekjek ýerlerini tekizläp, suwaryp başlaýarlar. Elbetde, bu ýagdaýlar ildeşlerimiziň göwün küýsegini-de görkezýär. Ýogsam ýaldyragyň dogmagy bilen entek öňde yssy günler ýeterlik” diýlip, gazetde bellenilip geçilýär.
Ýaldyrak döwri 23-nji sentýabra çenli dowam edýär
Tmcars
22
63
Karaleva_
11.08.2024 20:30
Öykünme däl Kerim agañ sözüne,
Ganly ýaş doldurma gara gözüne,
Bir gulak sal hassa şahyr sözüne,
Eý şum pelek aglatmagyn ejemi!
Kesele aldyrdym ýaşlyk döwrümi,
Men ýatyryn ejem çeker jebrini.
Aýtsana señ şu edeniñ dogrumy,
Eý keçpelek aglatmagyn ejemi!
Ömürleri ýakýañ göýä şem ýaly,
Agy sesi bir ölüme deñ ýaly.
Şu wagta çen agladanlañ kem ýaly,
Yeter artyk aglatmagyn ejemi!
Dynman aglap göz ýaşlary köl boldy,
Agysyna jiger bagrym köz boldy.
Her näçe ýalbarsam ýene az boldy,
Besdir indi aglatmagyn ejemi!
Keç ykbalym ele alyp bilmerin,
Elimde erkim ýok ölüp bilmerin.
Yañadan dünýäge gelip bilmerin,
Zalym pelek aglatmagyn ejemi!
Käbäm diýer: «Derdin özüm alaýyn,
Gal aýaga, men saýañda galaýyп»
Wah aglasañ nenen bagtly boloýyn,
Menin üçin aglatmagyn ejemi!
Çarhypelek aýlap dur öz çarhyny, Yamandan savgarman vagsvñ parhyny
Kerim Gurbannepesow
15
24
Karaleva_
11.08.2024 17:17
ScienceAlert ylmy neşiri “pagta süýji” diýlip atlandyrylýan seýrek genetiki mutasiýaly adaty bolmadyk leňňejiň tapylandygyny habar berdi. Alymlar bu mutasiýanyň 100 million lobsterden birinde duş gelip, onuň çanagyny mawy, benewşe we gülgüne pigmentleriň sazlaşygynyň özboluşly owadan edýändigini bellediler.
Bu leňňeji balykçy Jozef Kramer iýul aýynyň ahyrynda Nýu-Gempşiriň kenaryndaky duzaklarynyň birinden tapdy. Ol ondan öňem açyk gök reňkli leňňeçleri görüpdi, emma adaty bolmadyk reňbe-reň çanakly, ýalpyldawuk syrçaly keramika meňzeýän leňňeç has täsindi. Kramer leňňeji surata düşürdi, soňra suraty sosial torlarda paýlaşdy we ony öwrenmek üçin Kenarýaka ylym merkezine eltdi.
Akwariumçy Sem Rutka tutulan jandaryň özboluşlydygyny tassyklady. Şol bir wagtyň özünde, çanagy reňkli şular ýaly jandarlaryň, garyndaşlaryndan has owadan görünýändiklerine garamazdan, olara bähbitli däldigini belledi: olaryň ýyrtyjylara şam bolmak mümkinçiliginiň has uludygyny aýtdy.
Adaty leňňejiň çanagynyň ýüzi goňur bolup görünse-de, aslynda gyzyl, sary we gök pigmentlerden durýar. Genetiki mutasiýa käwagt bir pigmentiň beýlekisini basmagyna sebäp bolup biler. Gyzyl leňňeçler has köp dürli öwüsýär. Bu 10 million leňňeçden 1-de gabat gelýär. Şonuň bilen birlikde, mämişi, sary we köp reňkli leňňeçleriň gabat gelme ýygylygy 30 milliondan 1-inden - 50 milliondan 1-ine çenli üýtgäp biler.
Tmcars
17
36
