Mowzuklar Karaleva_ » Sahypa 10 » Öwrenmeli App

06.08.2024 07:32

Geçen hepde global kassa ýygymynda “Ýigrenji men 4” («Гадкий я 4») animasion filminiň umumy girdejisi 750 million dollardan geçdi.

Ozal “Ýigrenji men” franşizasynyň umumy girdejisiniň 5 milliard dollardan geçendigi barada habar berlipdi. Lentanyň önümçilik býujeti bolsa, takmynan, 100 million dollar.
"Ýigrenji men 4" filminde baş gahryman Grýunyň başdan geçirýän täze kynçylyklary barada gürrüň berilýär. Adamzada howp salýan täze duşmanlara garşy göreşmekden başga-da, Grýu çagalygyndan kakasyna gaty meňzeýän ogluny terbiýelemegiň kynçylyklaryny ýeňip geçmäge synanyşýar.
Multfilmiň premýerasy striming hyzmatlarynda 6-njy awgustda çykar.

Tmcars

23

05.08.2024 12:46

Şotlandiýada adam-garasyz Fladda-Çuaýn adasy 190 müň funt sterlinge satuwa çykaryldy. Gozgalmaýan emläk satuwynyň web sahypasy 27 gektar meýdany bolan adanyň baý halk döredijiligi we taryhy ýadygärlikleri bilen tanalýandygyny belleýär. Irlandiýanyň mifologiýasynda ol ebedi ýaşlygyň adasy we hemişe tomus bolup durýan, Günüň bolsa hiç haçan ýaşmaýan mukaddes ýeri hasaplanýar.

Adada altynjy asyrda gurlan Keramatly Kolumbanyň ybadathanasynyň galyndylaryny görmek bolýar. Folklorda balykçylaryň amatly ýelleriň öwüsmegini we awuň ganly bolmagyny dileg edip, kiçijik buthananyň altaryndaky “aglaýan daşyň” üstüne deňiz suwuny guýandyklary barada aýdylýar. XIX asyrda bu ýerde XI asyra degişli altyn ýüzük tapyldy. Häzir ol Şotlandiýanyň milli muzeýinde saklanýar.
Şeýle hem, Fladda Çuaýn her hili üýtgeşik ýabany tebigaty bilen özüne çekýär. Bu sebitde dürli guşlar ýaşaýar, suwlarynda bolsa deňiz doňuzlaryny, delfinleri, kitleri, akulalary we gunduzlary görmek bolýar. Adada kiçiräk bir külbe hem gurup bolar, ýöne munuň üçin degişli edaralaryň rugsady gerek.

tmcars

8

05.08.2024 00:21

Alymlar üstünden, takmynan, 500 million ýyl öten, mikroskop astynda görünýän liçinkanyň galyndylaryny tapdylar. Hytaýyň Ýunnan welaýatyndan tapylan, çäge zerresiniň ölçegindäki galyndynyň nerwleri, gan aýlanyş ulgamy, aýaklary we gözleri, hatda beýnisi hem saklanyp galypdyr - diýip, Live Science ýazýar.

Galyndy kembriý döwrüne degişli Ýuanşan gaýasyndan tapyldy. Liçinkanyň ýumşak dokumalarynyň saklanyp galmagy, megerem, onuň ýaşan suwunda fosforyň köp bolandygy bilen baglanyşykly bolsa gerek. Ölümden soň fosfor dokumalaryň ornuny tutup, galyndyda olaryň gurluşyny saklapdyr.
Youti yuanshi (hytaý diliniň “liçinka” we “ýönekeý” sözlerinden gelip çykýar) diýlip atlandyrylan liçinka täze görnüşe degişli we möý, leňňeç we mör-möjekler ýaly, häzirki zaman bognaýaklylarynyň ata-babasy bolmagy ähtimal. Onuň gabarasynyň kiçijikligi (çäge zerresi ýaly) we näzikligi tapyndyny hasam özboluşly edýär.

“Haýsy galyndylary tapmak isleýändigim barada pikirlemde, hemişe bognaýaklylaryň liçinkasyny tapmagyň arzuwyny edýärdim. Esasy zat, ösüş baradaky maglumatlar olaryň ewolýusiýasyna düşünmekde şeýle möhüm rol oýnaýar. Ýöne bu jandarlar şeýle bir kiçijik we näzijek welin, olary gaýalardan tapmak mümkin däldi - ýa-da men şeýle pikir edýärdim "- diýip, barlagyň awtory, Beýik Britaniýanyň Darem uniwersitetiniň paleontologiýa ugrundan dosenti Martin Smit aýdýar.

Bu tapyndy alymlara bognaýaklylaryň irki ewolýusiýasy, esasanam, beýniniň we nerw ulgamynyň ösüşi barada gymmatly maglumatlary berýär.
tmcars

16

04.08.2024 23:12

Bostonda ýerleşýän Perceptive kompaniýasy koronka oturtmak üçin dişi özbaşdak gyryp bilýän ilkinji robot diş lukmanyny hödürledi.

Emeli aň tarapyndan dolandyrylýan robot işi adaty usuldan birnäçe esse çalt - 15 minutda tamamlaýar. Bu amaly ýerine ýetirmek üçin adaty lukmanlara iki sagatlyk iki seans gerek bolýar diýip, Business Wire ýazýar.
Bu amal näsagyň agyz boşlugyny 90 göterim takyklygy bilen görkezip, dişlerdäki boşluklary kesgitleýän OCT skaneri arkaly gözden geçirmekden başlanýar. Maglumatlary seljerenden soň, robot takyklygy we tizligi üpjün etmek bilen, işe girişýär.
Tehnologiýa entek kliniki taýdan ulanmak üçin tassyklanmasa-da, Perceptive robot stomatologiýasynyň geljekde adaty bir amala öwrüljekdigine ynanýar. AI-niň lukmançylykda ulanylmagy, şeýle hem telemedisinanyň ösdürilmegi uzak aralykdan işlemek we robot arkaly çözgütleri kabul etmek üçin täze mümkinçilikler açýar.
Tmcars

38

03.08.2024 11:23

Hytaýyň Hunan welaýatynda täsin bir waka bolup geçdi. Sýuý San atly bir aýaly şol bir adam iki gezek ýapda gark bolmakdan halas etdi. Bu waka barada South China Morning Post neşirinde gürrüň berildi.

Birinji waka köp ýyl mundan ozal, Sýuý San mekdep okuwçysy wagty bolup geçýär. Ol howdana gaçýar we esger Tan Kemin ony çykarýar.
Ikinji waka 25 ýyl soň, 17-nji iýulda bolup geçýär. Eýýäm uly ýaşly Sýuý San awtoulag heläkçiligine uçraýar-da, ulagy ýene şol ýaba gaçýar. Ulagyň kabinasy derrew suwdan dolup başlaýar, gapylary bolsa petiklenýär. Hytaýly zenan diňe ulagyň penjiresindäki kiçijik yşgalaňdan kellesini çykaryp, kömek sorap gygyrmaga ýetişýär.
Indi eýýäm 71 ýaşly weteran Tan Kemin şol wagt golaýda bir ýerde nahar bişirýän eken. Ol zenanyň kömege çagyryp gygyrýanyny eşidip, ýene halas etmäge howlukýar. Birnäçe synanyşykdan soň, ol bagda ulanylýan kätmen bilen ulagyň penjiresini döwýär we Sýuý Sana ulagyň suwdan dolan kabinasyndan çykmaga kömek edýär.
Ýerli oba komiteti gaýduwsyzlygy we tutanýerliligi üçin Tan Kemine "Obanyň batyr we hoşniýetli ýaşaýjysy" diýen hormatly ady berdi.
Sýuý San halasgärine hut öz adyndan minnetdarlyk bildirdi we diňe söhbetdeşlik wagtynda 25 ýyl mundan ozal bolan waka ýatlaryna düşdi, şonda özleriniň ozaldan hem tanyşdyklaryna düşünip galdylar.
Tmcars

173

02.08.2024 18:41

Ispaniýaly arheologlar neandertallaryň nahar bişiriş usulyny täzeden dikeltdiler. Daş gurallaryny we ot ulanyp, gadymy adamlaryň guşlary nädip bişirendiklerini görkezdiler diýip, New Scientist ýazýar.

Kataloniýanyň Adam paleoekologiýasy we jemgyýetçilik ewolýusiýasy institutynyň alymlary Portugaliýada tapylan, takmynan, 90 müň ýyllyk guşlaryň galyndylaryny öwrenmek üçin synag geçirdiler. Gadymy galyndylara gabat gelmegi üçin ululygyna we görnüşlerine görä ýörite saýlanan bäş guşy - iki sany gara gargany (Corvus corone), adaty tokaý kepderisiniň iki sany halkaly gumrysyny (Streptopelia decaocto) we ýabany kepderini (Columba palumbus) ulandylar.
Ýörite synag üçin ýasalan çakmak daşy ulanyldy. Alymlar guşy elleri bilen ütüp, daş gurallaryň kömegi bilen bölekläpdir. Soýlan guşuň käbir bölekleri kömürde bişirildi.
Synagyň netijesi et bölekleri taýýarlap-bişirilenden soň, süňklerdäki yzlaryň gadymy galyndylardan tapylanlara gabat gelendigini görkezdi. Bu neandertallaryň otda nahar bişirmegi we et böleklerini kesmekde daş gurallary ulanmagy bilýändigini tassyklaýar.
Barlagçylar: "Bu tapyndylar adamyň ýetiren üýtgeşmelerini tebigy täsirlerden ýa-da depelemek ýa-da gemrijileriň, ýyrtyjylaryň hereketleri bilen baglanyşykly üýtgeşmelerden tapawutlandyrmaga kömek edýär" – diýip sözüniň üstüne goşdular.
tmcars

14

02.08.2024 08:59

Haweranyň gullerine bas goýup .
Gelen ruhy tämiz siz Mäne babam.
iki dünýän täsin çuň syryn goýup.
Aýdyň aýan eden siz Mäne babam.

Gadymyýetden gaýdan halal koksuniz .
Yağsa ýaran yamanlara oksunyz .
Ol ucmahda ak guş deyin aksynyz .
İki dünýän Nury siz Mäne babam.

awtor 🤷🏻‍♀️

105

02.08.2024 00:06

Samsung Electronics amerikan konditer brendi The Hershey Company bilen hyzmatdaşlykda özboluşly Samsung Friends aksessuarlar kolleksiýasynyň çykarylandygyny habar berdi.

12 aksessuardan ybarat bolan kolleksiýa Hershey’s konditer önümleriniň gaplama şekilleri bilen bezelen. Bu aksessuarlar Samsung-yň Galaxy smartfonlarynyň soňky modelleri – Galaxy Z Fold6 we Z Flip6, şeýle-de Galaxy Buds3 we Galaxy Watch7 bilen gabat gelýär.
Kolleksiýa Koreýada tanyşdyrylandan soň, Ýaponiýada, Indoneziýada, Filippinlerde we ABŞ-da satuwa çykarylar.
Hershey’s-den başga-da, geljekde Samsung Friends kolleksiýasyna Sticky Monster Lab, Smiley, Keith Haring, Disney, Minions и Pokémon ýaly 17 sany meşhur brendiň dizaýnlary bilen bezelen aksessuarlar goşular.
Täze kolleksiýa täze Galaxy Z Fold6 we Z Flip6 smartfonlary satuwa çykandan soň elýeterli bolar.

Tmcars

7

01.08.2024 18:20

Ylym dunyasiniň syrlaryn açan .
Beýik dana alym sen Mäne babam .
Bilim ojagynyň gapysyn açan .
Nesillere nusgasyň sen Mäne babam.

Hat sowatly etdiň nice ynsany.
Öwretdin dogryny agy garany .
Ylym dünýäsine misli gün ýaly .
Şugla sacyp dursyn sen Mäne babam .

Beýik şahsyyetleň mollasy boldun .
Gudratyn güýjüň bilen jahana dolduň.
Allaň emri bilen Pir adyn aldyň.
Ylymyň bilimiň Piri sen Mäne babam.

Tanrym arzuwlarymy hasyl eýledi .
Talyp bollum bu gyz basym beygeldi .
Wadamda durmaly wagtym geldi .
Setirlerim sanyna sen Mäne babam .

Altynay Atayewa .

72

01.08.2024 08:22

Buker baýragynyň eminleri finalçylaryň sanawyny yglan etdi.

Dalaşgärleriň uzyn sanawynda iňlis dilinde neşir edilen 13 kitap bar:

- Kler Messud, “Bu geň, waka baý hekaýat” (“Эта странная, насыщенная событиями история”)

- Tommi Orinç “Sergezdan ýyldyzlar” (“Блуждающие звезды”)

- Kolin Barrett "Ýabany jaýlar" (“Дикие дома”)

- Riçard Pauers “Oýun meýdançasy” (“Игровая площадка”)

- Hişam Matar “Meniň dostlarym” (“Мои друзья”)

- Anna Maýklz "Saklanýan" (“Удерживаемая”)

- Rita Bullwinkel “Kellä atylan ok” (“Выстрел в голову”)

- Reýçel Kuşner “Ýaradylan köl" (“Озеро творения”)

- Sara Perri "Aň-bilim" (“Просвещение”)

- Samanta Harwin "Orbital"

- Persiwal Ewerett "Jeýms"

- Ýael wan der Wauden “Saklawhana” (“Хранилище”)

- Şarlot Wud “Daş howludaky ruhy oýlanmalar” (“Духовные размышления на каменном дворе”)

Baýraga jemi 156 eser dalaşgär görkezildi.
Bu ýylky emin agzalaryna ýazyjylar Edmund de Waal we Sara Kollinz, “The Guardian” gazetiniň redaktory Jastin Jordan, professor Li Iýun we kompozitor Nitin Souni ýolbaşçylyk edýär.
Buker baýragyna dalaşgärleriň altysynyň gysga sanawy 16-njy sentýabrda yglan ediler we ýeňiji 12-nji noýabrda mälim bolar. Ol 50 000 funt sterling pul baýragyny alar.

Tmcars

19