Islam_Atayew
21.06.2024 14:17
"Çagalaryňyzyň bolmagynyň sizi ata-ene edişi, edil fortepiýanoňyzyň barlygynyň sizi pianist edişinden artyk däldir" (Maýkl Lewin.)
"Birleri nirä barsalaram bagt getirýärler, beýlekileri nireden gaýtsalaram" (Oskar Uaýld.)
"Men şeýlebir akylly welin, käte gürleýän zadymdan ýekeje sözüne-de düşünmeýärin" (Oskar Uaýld.)
"Optimist bu dünýä mümkinleriň iň gowusy diýip hasaplaýar. Pessimist munuň çyn bolmagyndan eýmenyär" - (Robert Oppengeýmer.)
"Iň zyýanly zat - ömür. Ondan hemme kişi ölýär" (Mihail Zadornow.)
"Meşhur kişi - bu bütin ömrüne ady belli bolmak üçin yhlasly zähmet çekýän, soňunda bolsa tanalmazlyk üçin gara äýnek dakynyp gezýän adamdyr" (Fred Allan.)
"Adamy ýazgarmazdan öň onuň köwşinde bir mil geç. Mundan soň bolsa tapawudy näme? Ol senden bir mil yzda, a sende bolsa onuň köwşi!" (Billi Konnolli.)
"Harby ýesir - bu ilki seni öldürjek bolýan hem-de şowsuzlyga uçrandan soň senden özüni öldürmezligi haýyş edýän adamdyr" (Uinston Çerçill.)
"Şöhle sesden çalt ýaýraýar. Ine näme üçin käbir adamlar gepleýänçäler has nurana görünýärler" (Stiwen Raýt.)
"Gowy adam - bu nejisligi lezzet almazdan edýän kişidir" (Sergeý Dowlatow.)
"Dünýäni özgertjek bolsaňyz ýeke wagtyñyz ediň, öýlenenñizden soñ hatda teleýaýlymy-da başgasyna geçirip bilmersiňiz" (Näbelli awtor.)
"Men bu çykyşyň maňa ýarandygy üçin däl-de, onuň gutarandygy üçin çapak çaldym" (Näbelli awtor.)
"Ýigitler, men çagalara ynanamok. Olar bu dünýä biziň ornumyza geldiler" (Stiwen Kolbert.)
"Eger-de hatyn erkege ol iň akylly diýip aýdýan bolsa, onda ol ikinji bir şo derejede akmagy tapmajagyny anyk bilýändir" (Faina Ranewskaýa.)
"Sarkazm (kinaýa, teýene) bu haçan-da siziň ýüzüňize ýakymsyz bir zat aýtmakçy bolnanda ulanylýan ýaşyryn sözleýiş usulydyr" (Näbelli awtor.)
"Sarkazm akmaklary olara bildirmän masgara etmäge mümkinçilik berýär" (Näbelli awtor.)
"Taryh bize, adamlaň we halklaň haçan-da galan ähli usullary ulanyp, paltasy daşa degenden soň parasatly hereket etmäge başlaýandyklaryny öwredýär" (Abba Ebon.)
"Wagt bejerýär. Ýöne ondan soň diri galmagy başaran ýok" (Mihail Mamiç.)
"Bilim - bu adam mekdepde öwrenen hemme zatlaryny ýadyndan çykaransoň galýan zatdyr" (Albert Eýnşteýn.)
"Adamlaň näme pikir edýändigi hakynda ynjalykdan gaçmaň. Olar muny beýlebir ýygy-ýygydanam edip barmaýarlar" (Näbelli awtor.)
"Hemme zady biler ýaly men o derejede ýaş däl" (Oskar Uaýld.)
"Çyn jalbaryny geýyänçă, ýalan dünýäň ýarysyny aýlanmaga ýetişýär" (Uisnton Çerçill.)
"Durmuş agyr, ýöne eger-de sen akmak bolsaň, ol hasam agralýar" (Jon Ueýn.)
"Iň soňundan gülme - birdenkä saña: "Hemmelerden giç ýetýär" diýip pikir edäýmesinler" (Mihail Mamiç.)
"Eger-de hemme zat gowy barýan bolsa, diýmek onda siz nämedir bir zady ünsden düşürensiňiz" (Merfiniň kanuny.)
"Eger-de siz özüňiziň barlygyňyz-ýoklugyňyz hiç kimi gyzyklandyrmaýandyr öýdýän bolsaňyz, onda bergiňizi wagtynda bermän görüň!" (Näbelli awtor.)
"Goýnuň ömründe esasy zat - sürüdäki öz ornuny tapmak" (Mihail Mamiç.)
Dürli internet materiallaryndan terjime edilip taýýarlandy.
21
69
Islam_Atayew
21.06.2024 01:06
Ýelekçi söwdagär.
Bir gezek Wiktor Gýugo, Prussiýa (Germaniýaň bir bölegi) gidipdir.
-Siz näme bilen meşgullanýaňyz?-diýip serhetde ondan žandarm sorapdyr.
-Ýazýan.
-Men sizden: "Näme bilen gazanç edýäňiz?" diýip soraýan.
-Ýelek bilen.
-Bolýa. Onda şeýle-de ýazaýarys: "Gýugo. Ýelekçi söwdagär".
Haýdan-haý kapýa.
Bir gezek Kondyba familiýaly Puşkiniň tanyş serkerdesi oňa sorag beripdir:
-Siz "рак и рыба" (leňñeç we balyk) diýen sözlere haýdan-haý kap ýa oýlap tapyp bilersiňizmi?
-Baş üstüne,-diýip Puşkin jogap beripdir: - "Дурак и Кондыба!" (Akmak, Kondybal).
Serkerde gep alyp galmajak bolup ýene-de diýipdir:
-Onda belki tersine, ýagny "рыба и paк" sözlerine-de ýüzugra kapyýa taparsyňyz?!
-Gözel göwnüňiz, "Кондыба и дурак ".
Başgap we kelle.
Bir gezek meşhur ertekiçi Gans Kristian Andersen Kopengageniň köçelerinde köne sypal başgapdyr,
peti giden ýapynjaly seýil edip ýören ekeni. Şonda oña sataşan tanyş jalaýlarynyň biri, degşesi gelip, dili gijäp Andersene ýüzlenipdir:
-Aýtsaňyzlaň gadyrdan, bu siziň kelläňizdäki gözgyny bir zada "başgap" diýilýärmi?
Andersen ýeke pursadam sakynman jogap gaýtarypdyr:
-Elbetde. Ýöne aýtsaňyzlaň gadyrdan, bu siziň jalaý başgabyňyzyň astyndaky gözgyny bir zada hakykatdanam "kelle" diýilýärmi?
Semizlik we arryklyk.
Bir gezek semiz adam henekçilsiräp arryk Bernard Şoua ýüzlenipdir:
-Size seredeniňde siziň maşgalaňyzyň açlykdan ejir çekýändigi hakynda pikir emele gelýär.
-A size seredeniňde bolsa şo betbagtçylygyň sebäbiniň sizdigi hakynda pikir döreýär!-diýip ýazyjy
jogap beripdir.
Ýaradylyşyň tertibi.
Bir gezek bir hanym Bernard Şoudan sorapdyr:
-Nämüçin Hudaý ilki erkegi, soňam aýaly ýaradypdyr?
-Erkegi ýaradýarka aýal biderek sowallarydyr- maslahatlary bilen ýüregine düşmez ýaly.
Ýazmagyň usuly.
Bir gezek bir hatyn Bernard Şoudan maslahat sorapdyr:
-Aýtsaňyzlaň, gowy ýazyjy bolmak üçin nädip ýazmaly?
-Çepden saga.
Internet maglumatlary esasynda taýýarlanyldy.
24
48
Islam_Atayew
19.06.2024 14:33
Bu gije sizi üstüñize örten odeýalyñyzam gorap bilmese gerek.
Jaýyñ kömürhanasy mysaly gorka salýan sanawymyzyñ temasy ýene-de jynlar. Internetde giñden ýaýran "jynly hekaýalaryñ" iñ gyzykly ýerlerinden sitatalar aldyk. Elbetde, bu hekaýalaryň
içinde näderejesiniñ bolan wakadygy, näçeräginiñem çeper fantaziýadygy jedelli.
Ýöne iniñi düýrükdirýändigine welin, şek-şübhe ýok.
1.Mawy gözleri bilen maña seredende, ony başy aşak, aýaklary-da ýokaryk bolan halda gördüm... Emma ýüzi görnenok we diñe maña seredip durandygyny görüp bilýärdim.
2.Dem alşyny gulagymyñ düýbünde ýaly duýýardym, yzyma gañyrlyp seredibem bilemokdym, gygyrybam bilemok, özümi bilmän ýatyrdym... Özüme gelemde aýalymy öldürjek bolup duranymy gördüm, arkamda bolsa üç barmakly el yzy bardy.
3.Diliñi dişleseñ, bilginiñ, biziñ dişlän zadymyzy iýensiñ. Biziñ dişlän ryzkymyzdan iýen adamyñ dili takatsyz
galyp gurar, dişleriniñ öñüne gelip gysylar.
4.Ol ýoluñ ugry bilen gidip barýarka, öñünde eşigi älemgoşaryň reñkinde, uzyn gara saçly, aýakýalañaç gyz duran eken... Gyz gözüni oña dikip, "diliñdäkini aýdaýma" diýipdir. ol geñ galyp gyzy diñläpdir. Gyz
ony jynlaryñ meýlisine äkidipdir. Adamyñ dilindäki "bissimilla" eken.
5.Doganym çaltlyk bilen düşegine geçdi we ýorganyny başyna çekdi. Edil şol wagtam ol sandyr-sandyr edip, "ýorganyñy içinde biri bar!" diýip gygyrdy. Men näme etmelidigini kellämde aýlap durkam, birden ejem içerik girdi. Bir zatlar aýtjak boldy, emma dili aýlanmady. Soñ ol şonda gara plaşly adamyň kakamy bogup durandygyna gözi düşendugini aýtdy. Kakam muña ynanmasa-sa, doganym bilen ejem birmeñzeş zady görendiklerini aýdypdy.
5.Gijeleýin bir ýerlerden gelýän deprekdir tüýdügiñ sesi eşdilýärdi, ýöne onuñ nireden eşdilýändigini bilip bolanokdy.. Ýoldaşym "geldiler, geldiler!" diýip gygyryp oýanýardy. Ol düýşünde adama meñzeş, ýöne aýaklary geçiniñ aýagy ýaly adamlaryň ony turuzýandygyny aýdýardy. Ol indi uklabam bilenokdy. Haçan gözüni ýumsa, şol adamlar ony golundan tutup garañky öleñlige tarap çekýärdiler.
6.Öz-özünden egin-eşiklerimiz ýanýar, hemme zat edip gördük, ýöne munuñ bir alajyny tapyp bilmedik. Adamlar indi bizden gorkýar, öýlerine salaslary gelenok.
7.Gyzym erkegiñ sesinde gürläp başlady, başga barlyklar gezmeleýärdi,seredişinden
hemmeler gorkýar. Öýümiziñ golaýyndaky injir agajy muña sebäp boldy.
8.Men ganhor däl diýdim, "'Sen jyn ganhory, ýedi arkaña bela bolup geleris, ýedi arkañdan ar alandan soñ seni öz günüñe goýarys" diýdiler. Şemler birden ot aldy
welin, gorkyma barsyny agdaryp çykypdyryn. Öýüm ýandy, ot üstüne benzin sepelenýän ýaly lowlap ýanýardy. Otaga girdim, hemme ýer hüýt-garady. Aslynda otaga girenimde, ýene maña oýun oýnarlar
öýtdüm. Indu olardan öñküsi ýaly gorkamok, çünki okuwyny bulaşdyrdylar, maşgalamy dargatdylar. Mundan beter näme edip bilerdiler. Hemme zat kül
bolupdy. Aýagymyñ aşagynda bir zat bardygyny duýdum, aýagymy galdyryp seredenumde, kolýem ýerde ýatan eken. Emma gap-gara bolupdy. Gözüm kitaplarymy gözleýärdi, ýöne bu ýangyndan olary abat alyp çykmak mümkin däldi. Kolýemiñ gapagyny açdym, suratym şindizem durdy, ýöne şol pursata çenli başdan geçirenlerimiñ iñ gorkunjy, belki-de,
suratymyñ mañlaýynda ýazgy bardy. Bu gezekki bolýan zat düýş däldi, hemme zat hakykatdanam gözümiň alnynda bolup durdy. Hamana düýş bilen hakykaty bulaşdyrýan ýalydym. Ýazgy kül bilen
ýazylypdy, kolýemiñ agzy ýapykdy, surat ykjam ýerde durdy. Diýmek, bu ýazgyny ol ýere kim ýazdy, nädip ýazdy, näme sebäpli ýazdy? Indi men beýle soraglary beremok, sebäp şolañ ýazandygyny bilip durn.
Internet maglumatlary esasynda toplandy.
22
161
Islam_Atayew
19.06.2024 10:28
●Tüsse dagaýança
Iki awçy özara gürleşip dur:
-Ýekegapan awlaňda tüpeňiňe nähili däri salýaň?
Diňe tüsse çykarýanyny salýan.
Näme, tüsseli okuň ýekegapany derrew
ýatyraýýamy?
-Ýok-la, tüsse dagaýança agaja dyrmaşyp ýetişyän.
●Uçup barýan
Alpinist uçuda güwläp gaýdypdyr. Ýoldaşlary onuň yzyndan adyny tutup gygyrypdyrlar:
- Wasýa, janyň beri sagmy?
-Sag, sag!.
Elleň abatmy?
- Abat!
- Aýaklaň bitinmi?
- Bitin!
Onda ýokaryk gal-da!
Nädip galaýyn, entek uçup barýan!.
●Ikinjim
Awçy egninden tüpeňini aýrypdyr-da, käkiligi nyşana alyp, ony ýere gaçyrypdyr.
- Şu meň ikinji uran käkiligim! - diýip, ol ýoldaşynyň ýanynda buýsançly gürläp, döşüne kakypdyr.
- Hany, onda birinji uran käkiligiň?!
- Men ony on ýyl mundan ozal urupdym.
●Agam ikimizi...
Iki sany lapçy güpleýär:
- Bir gezek Afrikada aw awlap ýörkäm, bäş ýüz metr aralykdan ýekeje okda pili tükgertdim.
Onyň dagy nämejik! Ynha, arada Demirgazyk deňzinde hiç bir ýaragsyz-beýlekisiz ak aýyny bogup
taşladym.
- Ýogsa-da deňiz diýeňde bir zat ýadyma düşdi. Sen, heý, öñde-soňda öli deňzi diýip eşidipmidiň?
- Elbetde, eşidipdim.
- Bilip goý, şony agam ikimiz öldürdik.
●Gaty gymmat
Suratkeş ýaş gelne onuň suratyny çekmegi teklip edipdir.
- Çeken suratyňyz üçin näçe tölemeli borun? - diýip, zenan sorapdyr.
- Hanym, siz üçin hiç zat.
-Aý, ýok, munyňyz gaty gymmat bolýa.
●Bagtyň çüwende
Düýn utukly petegim bilen ýüz müň utaýdym!
- Aýalyň-a muňa ýaman begenendir.
- Hawa, begenjine doňňaradaşa öwrüläýdi.
Tüweleme, bagtyň çüwende barysy birden
şowlaberjek oguşýa!
●Barybir tapar.
Eger meň ejem biziňkide ýaşajak bolýan bolsa diýip, aýaly adamsyna sala salypdyr. - Onda biz has ulurak öýe göçsek gowy bolmazmy?
Beýdip gaçyp gutulyp bolasy ýok - diýip, adamsy lapykeçlik bilen jogap beripdir. - Iru-giç ejeň bizi şo ýerdenem tapar.
●Hökman gitmeli
Ezizim, garyndaşlammyzyňka hiç myhmançylyga gidesim gelenok.
- Meñem gidesim gelip duranok. Ýöne, şunam bilip goý, barmasak, olar ýaman begener.
Dogry aýdýaň. Onda hökman gitmek gerek.
●Gaýçy gözleginde
Saçy aşa ösgün ýaş ýigit dellekhanada otyr. Dellek eli magnitli pyrlanyp ýörşüne, magniti onuň kellesiniň
üstünde aýlaýar.
- Bü näme, saç syrmagyň täze usulymy?
- Ýok. Men gaýçymy gözleýän-laý.
●Tanaýmaly
- Sen hiç haçan Samarada bolup görmediňmi?
- Ýok, hiç haçan bolup göremok.
- Onda sen meň uýamy tanaýmaly, olam hiç haçan şo ýerde bolup görenok.
●Näme almaly?
Aýaly adamsynyň ýanyna gelip, näz bilen gürleýär:
Sen meni gowy görýäňmi?
- Gepiňi köpeltme-de, özüňe näme satyn alyp bermelidigini aýt?
●Her ýarym sagatdan
Aýaly adamsyna şeýle diýýär:
- Men goňşulara bir minutlyk baryp gaýtjak, senem her ýarym sagatdan nahary bulap duraweri.
●Uçamzok
Bir uçarman beýleki uçarmana şeýle diýýär:
- Paraşýutçylara aýt, bökmeklerini bes etsinler. Biz entek uçamzok.
●Meňzeşlik nämede?
- Seni gördügim bada-bat Kowalýow ýadyma düşäýýä.
-Ýöne meň oña meňzeýän ýerim ýog-a.
- Bü hakykat, ýöne oňam maňa elli rubl bergisi bar-da.
●Düýnki gazet
- Aýtsaňyzlaň, şu gün aýyň näçesi?
Eliňizde gazet barka aýyň näçesidigini sorap durmagyňyz näme?
- Wah, elimdäki düýnki gazet-dä.
●Çykalga
- Aryny öldürmegiň aňsat ýoluny bilýäňmi?
- Ýok.
- Ony şkafyň aşagyna kowagetdin, şkafyň dört aýagyny-da kesip taşlaýmaly.
●Ýeke söz üçin
- Kolýa, näme üçin biziň toýumyza gelmediň?
- Ýeke söz üçin gelmedim.
-0 nähili söz?
- Çagyrylmadym.
Terjime eden: Adyl Ýolyýew.
36
165
Islam_Atayew
16.06.2024 15:01
Ol Ybraýym (A.s) Pygamberiñ sünneti,
Gurbanlygñyz kabul bolsun doganlar!
Janly soýar Muhammediñ ymmaty, (S.a.w)
Gurbanlygñyz kabul bolsun doganlar!
Ýakynlañ ýüregne çekiñ siz nagşy,
Hödür - keremñizden datsyn her goñşy,
Sogaply amallar, niýetler ýagşy,
Gurbanlygñyz kabul bolsun doganlar!
Goý, uzak ýaşasyn ejizi goldan,
Musulman bendesin ýalkasyn Allam,
Agzybirlik bilen her ýylda belläñ,
Gurbanlygñyz kabul bolsun doganlar!
Şanazar Hydyrow
23
38
