Geçmişde arman köp,geljekde arzuw,
Oñarsañ şu güne kaýyl bolmaly.
Durmuşda hemme zat bolmaýar düzüw,
Ýykylsañ turmaga kaýyl bolmaly.

Duşmanyñ dost bolar, dostyñam duşman,
Wagt köp zatlara etdirer puşman.
Eden arzuwlaryñ amala aşman,
Galanda sabryña gaýym bolmaly.

Görübe gybat köp, bahyla töhmet,
Üns berme halal çekiber zähmet.
Allahdan başgasy etjekdir minnet,
Diňe Hak yşgyna maýyl bolmaly.

Awtor: ?