Mowzuklar Carygulyuew Dowran... » Öwrenmeli App

Carygulyuew Dowran...

22.03.2020 22:32

Çyršabermeli zat ýok

Şygyr” diýip dile geldi,
Çyrşabermeli zat ýok.
Ynjyk bolar halkyň köňli,
Gurşabermeli zat ýok.

Hüýr waspynyň täri bardyr,
Ilki sora, ýary bardyr.
Gyz lebinde ary bardyr,
Ogşabermeli zat ýok.

Şygry bezeýän ýürekdir,
Ylhamyň söze kürekdir,
Setirlere görk gerekdir,
Gagşabermeli zat ýok.

Ýaz ýerinde ýazlamaly,
Buz ýerinde buzlamaly,
Söz ýamany duzlamaly,
Ýagşa bermeli zat ýok.

“Gowy şygyr az ýazylsa,
Galanyna saz ýazylsa…”
Söz maňzy çuňňur gazylsa,
Bagşa bermeli zat ýok.

Kerim Hally

518

Carygulyuew Dowran...

22.03.2020 10:06

Haýa nikaply heýkel hekaýa
Dowamy

Bahar bilen tomusyň sepgidi. Jumanýaz gelnejemiň dört ogly, ýeke gyzy kiçijik Mahym uklap ýatyrdy. Meret aga bolsa mal-garanyň töwereginde aýlanjyrap ýördi. Jumanýaz gelnejem ikimiz ýerimize girmän Gylyja garaşyp oturduk. Ol giýje ýarym bolup barýarka geldi. Agam näçe gizlese-de onuň şatlygy ýüzüne çykyp durdy. Ol gülli keçäniň üstünde aýbogdaşyny gurup oturdu-da «Bar jigim çaý demlesene» diýdi. Men hälden bäri oduny öçürmän şygladyp oturan kitirimiň teýine ot salyp derrew gaýnatdym-da çaý demläp geldim. Elim çäýnekli ýönelenim hem şoldy welin assaja gürlese-de agamyň «Özüň halamajak zadyňy ile-de etmeli däl-dä» diýen sözüni eşitdim. Jumanýaz gelnejem bolsa, «Jan oglum, bolmasa, beýdip ýörme-de senem oba dolanaý. Il-gün bolup öýereli. Giden ýurdy ýeke özüň yza dolap bilmesiň» diýdi. «Aý, gelneje, maňlaýdakyny görübermeli bolar-da. Ýöne, men indi bu ýurda sygmaryn. Ony meniň ýüregim syzýar. Şu-da meniň iň soňky ýola gelşim bolarmyka diýýän» diýdi, gulagymyň eşiden sözleri aýaklarymy duşaklady. Meni çaý içmek üçin däl-de ýanlaryndan ugratmak üçin iberenlerine indi düşünip galdym. Duran ýerimde galpyldap başladym. Edil uçup barýardym. Sag elim-de göterip duran goşa çäýnegimiň şykyrdysy eşdilip ugrady. Zatdan bihabarsyrap çaýly çäýnegi saçagyň gyrasynda goýdum. Gylyç çaýli çäýnegi özüne tarap süýşürdi-de :

-Bar, jigim, meniň eşiklerimiň hemmesini goş haltama salyşdyr-diýdi. Meniň hiç gözümiň ýaşy duranokdy. Agamyň geýimleriniň hemmesini saldym. Gelnejem:

-Aýym, täze bişen çöregiň dördüsini saçaga dola. Çörekler jübüt bolar ýaly birini iki döwde tamdyr kökäni hem üstüne sal. Gyyç jan gezen ýerinde goltugynda göterer. Köke hem ýoldaş bolar-diýdi. Men Jumanýaz gelnejemiň aýdyşy ýaly etdim. Agam goşlary taýýar bolansoň töwürini galdyrdy. Meret aga, Jumanýaz gelneje bilen elleşip hoşlaşdy. Maňa bolsa, «Jigim saňa öň aýtjagymy aýdandyryn. Şu ojak seniň öz öjagyňdyr. Eneňem-ataňam gelnejem bilen agamdyr. Men ýok diýip gözüňden ýekeje damja ýaş damdyraýmagyn. Täleý ters bolmasa, belki ýene görüşeris. Hoş galyň» diýdi-de, dogumly ädimläp gädikden çykyp garaňkylyga siňip gitdi. Meniň şol günden soň dünýeden örküm üzülen ýaly boldy. Gijelerne gözýaşym kepmedi. Jumanýaz gelnejem irden turanymda ýassygymyň öl-suwdugyny görüp :

-Jan gyzym «Ýigidiň emgegi, eşegiň tezegi» diýilýändir. Başy dik gezip ýören adamyň yzynda munuň ýaly gözýaş edilýän däldir. Aýyp bolar-diýdi. Sesimi çykarman ýellenen gabaklarymy gizledim.

…Agamyň gideninden bir hep-de geçipdi. Arçynyň ýasawuly gelip Meret agany çagyryp gitdi. Gelnejem ikimiz Meret aga gelinçä iýmän-içmän gurt bolup oturdyk. Ol agşam namazy wagtlary dolanyp geldi. Gelşine-de ýüzüni ýassyga berip uly sesi bilen aglady. Biz hiç zat sorap bilmän zagyrdap durdyk. Meret aga ol gün bir sözem aýtmady. Ertesi irden gelnejem ikimizi ýanyna çagyrdy-da:

-Aýtuwak, gyzym mert bol, maňlaý-da bardyr. Dagyň arslany elden gitdi. Serhetden geçip barýarka Gylyja ok degipdir. Ony köp wagt bäri tutup bilmän ýören ekenler. Onuň kimdigini tanamak üçin golaýdaky obalaryň erkek göbeklisiniň ählisini şähere çagyrdylar. Gitmänkäk obanyň arçyny «Gylyjy ele salypdyrlar. Onuň kimdigini biljek bolup ot gorsaýarlar. Tanaýanyňyzy aňdyrdygyňyz işiňiziň gaýtdygydyr. Maşgalaňyz, neberäňiz bilen güm ederler» diýip, tabşyrdy. Biziň baran jaýymyzy ýaragly esgerler saklap duran ekenler. Adamlary hatara durzup o, gapydan girizip beýleki gapydan çykardylar. Gylyç neressäni hem agaç sekiniň üstün-de arkan ýatyrypdyrlar. Oňurga zeper ýeten bolarly. Gozganman gözlerini balkyldadyp ýatyr neresse. Maňa gözi düşenden gözlerini ýumup açdy. Gözýaşymy zordan saklap çykyp gaýytdym.

Meret aganyň getiren habary meni ýanyp duran oda oklanana döndirdi.
Dowamy bar

953

Carygulyuew Dowran...

21.03.2020 10:34

Haýa nikaply heýkel hekaýa
..Dowamy...

Adamlar eginlerin-de bir zat göterip gaty- gaty ýöräp geçip gitdiler. Aýtuwak eje entegem aglap durdy. Goňşy gyzymyz Dursunjemal ylgap geldi-de, Aýtuwak ejäniň goltugyna girip öýe saldi. Dursunjemal owadan gözlerinden dört örüm saçynyň ugry bilen akýan gözýaşlaryny sylyp ýetişip bilenokdy. Şonda-da :

-Aýtuwak eje, sesiňi goýaý-da, Sen aglasaň biri ýüregimi eline alyp kesim-kesim edip oturan ýaly bolýan. Indi azajyk köşeşäý-dä-diýp ýalbarýardy.

Aýtuwak eje öýe gelensoňam köşeşip bilmän kän aglady. Agysynyň arasynda:

— Bah, jan balam doganmyň derdi köşeşerden çökderdir. Meniň bagtyma turman geçen haram uruş Sähetdenem aýyrdy-da -diýýärdi. Men öýüň bir burçunda çugtduryp oturşuma gözümden düwme-düwme döküp sessiz aglap otyrdym. Birhaýukdan soň Dursunjemal:

–Bar jigim, sen öýňüze gaýdyber Aýtuwak ejä özüm serederin –diýdi. Men özümi bilelim bäri şunuň ýaly hala düşüp görmändim. Hiç zat bilen hezilim bolmady. Şol gije gyzdyryp, samrap çykypdyryn. Meniň çaga dünýäm Aýtuwak ejäniň keç ykbalyna düşünerden gögeledi. Ýöne şonda-da hazan uran ykbalyň hasrady çaga kalbymy lerzana salan bolarly…

Ol gussaly günden soň ýyllar geçdi. Aga-gara düşünip ugradym. Aýtuwak eje geçip barýan gölegçiniň deňesinde durup gyzyllaryň gelen ýyllarynda serhetden geçip barýarka ok degen soňam nire-de jaýlanany hem belli bolmadyk ýalňyz doganynyň agysyny aglaýan eken. Obadaşlarymyz Aýtuwak ejäniň derdini gozgamajak bolup oňa ölüm-ýitimi kän bir aýdyp ýörmezdiler. Goňşy gyzlar bolup Aýtuwak ejäniň ýanyna her agşam işimizi alyp gelerdik. Biz hem-ä iş ederdikr hemem garrynyň gyzykly gürrüňlerini diňlärdik. Şeýle günleriň birin-de, şol gussaly güni ýatlap Aýtuwak ejeden çekine-çekine dogany barada soradym. Garry çyragsyz gözlerine inen nemi ýygyrt atan hem bolsa, henizem gözelligini ýitirmedik sülük barmaklary bilen süpürdi-de, ömrüniň iň gymmatly baýlygy bolan dogany hakdaky ýatlamalaryny çözläp başlady…

-Biz bir atadan iki dogandyk. Iner doganym Gylyç ulusy menem kiçisi. Ejem Maýagözel ýaş üstünden gaýdyş bolanynda doganym dokuz ýaşynda men bolsa alty ýaşymdadym. Kakam Gadam pahyram aslynda-da ýetim oglan. Ýetimiňem ýeri çopançylykdyr-da. Iner doganym tüňçe götermäge ýarandan kakamyň ýanyna gidipdi. Menem şu goňşy Ýakupmyradyň kakasy Meret aga bilen ejesi Jumanýaz gelnejemi yklap ýaşap ýördüm. Men on bäş ýaşymdakam kakamy ýaz aýlary ýylan çakyp öldürdi. Şeýdibem ýeriň ýüzün-de ýalňyz agamdan başga süňk hossarym galmady. Garyş boýdan dagda-düzde gezen doganym Gylyç jan, dagyň arslany, dereleriň algyr Laçyny bolup ýetişdi. Ol, her hepde-de meniň ýanyma gelerdi. Her geleninde-de goş haltasyny dolduryp aw etini getirerdi. Jumanyýaz gelnejem öz iýjegimizi bir gyra aýryp goýardy-da, galanyny goňşulara paýladardy. Men agamyň awlap getiren towşanlarynyň aşyjagyny çöpläp gyşyjak aşyjygyň garynjygyny deşip sapaga düzerdim. Meniň bir düzüm bolup barýan towşan aşygymy gören Jumanýaz gelnejem «Gyzym towşan aşygy düzümläp dakylýan däldir. Çagalara onuň ýekejesini towşanyň owlak bakary bilen temençejige ildirip «göz degmesin» diýip, tahýajygyndan dakylaýýandyr» diýdi. Menem «Jumanýaz gelneje, agam Gylyjyň, ogullaryň Ýakupmyradyň, Soltanmyradyň, Muhammetmyradyň, Maksatmyradyň hem ogullary, gyzlary bolanyn-da «dakaryn» diýip ýygnap ýörşüm» diýdim. Şon-da Jumanýaz gelnejem «Wah, haçar göwnüň maksady myrat tapsynda keýgim» diýdi.

Agam köp geplemezdi. Ol her gezek gelenin-de diňe «Jigim gurgunmusyň» diýip bir ýylgyrardy. Şol söz meniň üçin dünýe malydy. Agamjanyň şol bir jübit sözüni eşitmek üçin tutuş bir hepdeläp garaşardym. Geýimlerini ýuwup-ýuwup ykyrdadypjyk, sypap-sypap epläp goýardym.

Onuň bürgüdiňki ýaly ýiti gözlerine, iner çökeräýmeli eginlerine, derek boýuna obamyzyň gyzlarynyň gözi giderdi. Men şeýle agamyň barlygyna Hudaýa şükür ederdim. Hürjemal atly uzyn saçly aý ýaly gyz bir gün suwa baranym-da, ýeňimden çekip «Şuny awçy agaň gelen-de hiç kime duýdurman ber. Bu onuň aw etiniň deregine. Onsoňam aýt şoňa, boz keýikler diňe dag-da bolýan däldir. Ol käte oba-da awa çykaýsyn» diýip, köp manyly ýylgyrdy-da zerden çekilen ýaly ak gaýma tahýany elime tutdurdi. Men tahýany Hürjemalyň berenini agama zordan aýtdym. Galan sözleri welin aýtmaga uýaldym. Ýöne ol döwür-de ýetişen gyzyň ýigi-de tahýa geýdirmegi sözsüz hem gyzyň ýigit-de göwnüniň bardygyny aňladýardy. Hürjemal agama akgaýma tahýa bereninden soň, arzuwlaryň ummanyny gulaçlap-gulaçlap ýüzýärdim. Şo ýaşyma çenli Jumanýaz gelnejemiň maňa sesini gataldan ýeri ýokdy. Ýöne meniň, agam, gelnejem bilen bileje ýaşasym gelýärdi. Öýden gyzyl kürteli gelin girip-çyksa öý dolan ýaly bolýar ahbetin. Onsoňam towşan aşyjagyny dakynyp jompuldap ýören jigilerimiň didaryny şeýlebir göresim gelýärdi welin ýüregim atygsap kükregimi ýaryp barýardy.
Meniň bagytly günlerim uzaga çekmedi. Gyzyl baýdakly bolşewik gelip ýurda gan çaýkan döwri Gylyç agamyň «men» diýen wagtydy. Ol bir gezek öýe gije geldi. Onuň gözleri gan guýlan ýaly gyzyldy,ýüzi salykdy, eginleri sallanan ýalydy. Arkasyn-da hemişekisi ýaly aw haltasy ýokdy. Adaty saglyk-amanlykdan soň Gylyç, «Jumanýaz gelneje, aýyplaşmaň, men Aýtuwak jigim bilen ikiçäk gürleşeýin-le» diýdi. Jumanyýaz gelnejem «Wah, gürleş boýuňa döneýin, gürleş» diýip, öýden çykyp gütdi. Gylyç öz agam hem bolsa, ikiçäk galanymdan meni der basdy. Meniň ulugyz çykyp erkek kişi bilen ýüzbe-ýüz bolup ilkinji gezek gürleşjek bolşumdy. Ýüzümi ýerden galdyryp bilmän keçäniň ýüzini dyrmap otyryn. Gylyç maňa:

–Jigim! Meni şu dünýä dahylly edýän eke-täk seniň barlygyňdyr. Başym dik bolsa, hiç kime seni ynjytmaga ýol bermerin. Ýöne dünýeler bulaşýar. Ýurt elden gitdi. Sen bilýäň-ä jigim, men kapyra gul bolanymdan bürgüt ölümini ibaly görýän. Men dagdan aňyry aşjak. Ýöne sen bu ýer-de gal. Men seni ýat ýurda äkitmäge dözemak jigim. Ýurduň zaryny çekmek ýamandyr. Jumanyýaz gelnejem bilen Myrat agam näme diýse şonuň bilen boluber. Bularyň saňa ýamanlygy ýokdur. Men gelip bilsem arasynda ogryn-dogryn aýlanaryn. Hoş gal jigim — diýip başymy sypap çykyp gitdi. Agam sözläp başlanyndan aglap oturşymdy. Jumanyýaz gelnejem işikden gireninden içim-içime sygman agladym. Oňa ýuwaşlyjak bilen agamyň matlabyny aýan etdim. Ol gyňajynyň ujy bilen gözýaşyny syldy-da :

-Agaň bir niýete münen bolsa, ony ýolundan saklap bilen bolmaz guzym-diýdi.

Ol wgytlar dagdan aňyryk geçmegiň manysyna gatybir düşünip baramakdym. Ýurduň ýagdaýyna-da akylym ýetenokdy. Agam şol hoşlaşyp gideninden soň hem aram-aram gelip durardy. Her gezek geleninde-de aw etini getirerdi. Jumanýaz gelnejem indi özümizden artan eti goňşulara gündiz paýlap bilmezdi. Ol iňrik garalandan soň «Bar, guzym, Hallygözel gelnejeňe «saçagyňy alyp gel, ejem çörek berjek diýýä» diýip aýdyp gel» diýip gyzyny ugradardy. Hallygözel gelnejä artyk eti bererdi-de «Goňşulara özüň paýlaý. Çagalara-da aw etidigini duýdurma» diýip tabşyrardy.

Agam öňler gelenin-de gijäniň ýaryndan soň gelerdi. Emma bu gezek gözedürtme garaňkylykda «Salawmaleýkim» diýip işikden giräýdi. Gylyç bilen Meret aga içki otoga girip köp gürleşdiler. Agam wagt peýläp «Jigim Hürjemala «agam oba awa gelipdir, özünem gyssanmaç, öňki ýere geläýsin» diýip aýdyp gel» diýdi. Agamyň bu sözlerinden utanjyma ýüzüm gyzyp gitdi. Hürjemal bilen agamyň öňem gürleşýänlerini aňdym. Elime tikip oturan tahýamyň ak sapagyny alyp «sapak sorajak» bahanasy bilen agamyň ýumuşuny bitirmäge ugradym. Barsam Hürjemalyň garryja enesi işikdäki sekiniň üstünde çaý içip otyr. Ol «Geleweri gyzym, Hürjemalyň ýeke özi ýekesiräp otyrdy. Öýdäkileriň bary toýa gitdi» diýip meni garşylady. Meniň ýüregim gozganyp gitdi. «Sapak soramaga» gelen kişi bolmagam gerek bolmady. Habarymy aýdyp derrew dolandym. Gapydan girenimden Gylyç ýüzüme seretdi. Men çalaja baş atdym. Ol eglenmän çykyp gitdi…

Dowamy bar

752

Carygulyuew Dowran...

21.03.2020 10:10

Bahar doglan güniñ gutly bolsun yegen uzak yasa . Elmydama janyn sag basyn dik bolsun. Yuregide beslan in gowy arzuwlaryn hasyl bolsun.

Mähriban adamlar eziz watandaslar we owrenmeliñ hormatly agzalary we myhmanlary sizin ahlinizi uetip gelen nowruz bayramy bn tuys yurekden gutlayan janynyz sag basynyz dik isiniz rowac yurdumyz abadan bolsun.

367

Carygulyuew Dowran...

20.03.2020 13:50

Haýa nikaply heýkel (hekaýa)

Aýtuwak ejäniň giň mellegi bardy. Onuň birje otagdan ybarat bolan hütdüjek jaýynyň agzy gündogara bakyp durdy. Aslyna seredeniňde-hä Aýtuwak eje üçin jaýyň agzynyň nirä bakýanynyň düýbünden parhy ýokdy. Onyň gara garagy ýeke doganynyň agysyny aglap kör bolupdy. Bu garrynyň oturan jaýyny obadaşlary ýowar edip salypdylar. Şol jaýjagazyň sähetli gün ýerini ölçänlerin-de Ýakupmyrat aga: «Tamyň agzyny meniň howlyma bakdyraýalyň. Çagalar girende-çykanda göz-gulak bolup durar ýaly» diýipdi. Ýakupmyrat aga bu naçaryň mellegi bilen öz mellegine deň gara göz bilen garardy. Şonuň üçin-de mellegiň gül-pürçük bolup oturmagy daşyndan seredene bu howlydan erkek kişiniň örmeýäni bildirmezdi.

Aýtuwak ejäniň mellegi biziň mellegimiziň aýak ujunda ýerleşýärdi.

Ejem her gezek çörek bişirenin-de tamdyryň boýy bilen boýdaş edip ýapýan çöreginiň iň owadanyny Aýtuwak ejä ibererdi. Ejem gara çorbadan başga näme bişirse-de, ilki bilen bir okarajyga guýardy-da, «Bar gyzym Aýtuwak eneňe nahar eltip gel. Sogap bolar» diýip, meni ugradardy. Men gulpagymy tasadyp çörek bolsa-da, nahar bolsa-da äkitmäge hemişe döwtalapdym.

Aýtuwak ejäniň gapysyny açanymdan «Merjen gyzym! Ýene çörek getirdiňmi. Wah, şu ejeňe çöregiň ýarjygny iberäý diýsemem hiç edenok-da. Gaýta «Aýtwak eje iýýeniňi iý, galanyny gatasa-da, özüm äkidip çagalara çorba dograp beräýerin diýýär» diýip, söze başlardy.

Aýtuwak ejäniň meni aýak sesimden tanaýşyna onuň nury öçük manysyz gözlerine geň galyyp serederdim.. Oňa çörek eltip berenim-de ownuk- uşak işleri bolsa, ederdim. Ýöne Ýakupmyrat aganyň agtygy Sülgün maňa iş goýmazdy. Haçan görseň ýa-ha, olara girip barýandyr ýa-da, çykyp barýandyr. Sülgüniň gijesine-de Aýtuwak ejäniň ýanyn-da ýatasy gelýär welin garrynyň özi göwnänok.

Bir gün ejem gün guşluk boluberen-de çörek bişirip geldi-de,

Çöreginiň arkasyn-da tamdyryň kesegi bolmasa-da «Halallyk üçin» diýp, howul-hara gazşdyryp, ýaýratdy. Ejem çörek gazap otyrka:

-Bar gyzym başatgyjymy al, Aýtuwak ejeleriň köçesindäki Bäşim aga pahyr bolupdyr. Şony ugratmaga gitjek» diýdi. Gapydan çykyp barşyna-da «Aýtuwak ejelere çörek äkidewergin gyzym» diýip goňşy aýýallar bilen gitdi. Men ejemiň edişi ýaly çörekleriň içinden iň ullakanyny hem-de gowy gyzaryp, ýalpyldap bişenini alyp saçaga doladym-da, Aýtuwak ejelere gitdim. Aýtuwak ejelere baranym-da onuň hem başyna pürenjek atynyp işik-de duranyna geň galyp:

— Aýtuwak eje! Siz nirä barýaňyz –diýip soradym. Ol:

-Merjen gyzym geleniň gowy bolaýdy. Ýör meni derwezäniň agzyna elit. H-o-l Bäşim agalardan çykan adamlar ses ýetime gelenini aýt-da onsoň eglenme-de öýňize gaýdyber-diýdi.

Hiç zada düşünmän onuň diýeniniň birinden özgesini ýerine ýetirdim. Aýtwak ejä «Oturguç getirip bereýinmi» diýsem, «Gerek däl» diýdi. Bäşim agalar syrgynyň aňrybaşyndady. Olardan topar tutup çykan adamlar gaty-gaty ýöräp bize tarap gelýärdiler. Adamlaryň golaýa gelenini aýdanym-da Aýtwak eje:

-Bar gyzym, indi gaýdyber. Men bir ýüregimi dökeýin –diýdi. Çaga bilesigeljiligim öýmüze gaýtmakdan saklady. Tamyň ýeňsesin-de duran ýerimden Aýtuwak ejä syn etdim. Onuň batyl gözleriniň kirpikleri syh-syhdy. Göz almasy hem nury öçük bolsa-da lowurdap durdy. Ýöne näme üçindir ýüzin-de beýleki aýallaryňkydan üýtgeşik bir alamat bardy. Akja gyňajynyň ýaşmagy alkymyndan aýlangydy. Ýaňaklaryn-da hasratly ýyllaryň aýak yzlary bardy.Gyzyl el çabytlykdan tikilen başatgyjy göwşüllän bolsa-da, teýin-de sünnälenip tikilensoň öwadandy. Aýtuwak ejäniň derek boýy egilipdi. Şonuň üçin egnindäki sowsany köýneginiň öň etegi ýere galtaşyp durdy. Ol gädigiň söýesine söýenip durşuna batyl gözleri bilen aýak sesi gelýän tarapa bakyp tutuşlygyna gulaga öwrülip durdy. Adamlaryň aýak sesleri eşdileninden Aýtuwak eje:

— Ha Bäşim dogan senem ýola düşip barýaňmy. Gandarym ajal meniň Gyyç doganymy namyrat alyp gitdiňle. Jynazasy okalmadyk, ýüzüne gül suw sepilmedik mazarsyz dogan-eý. Naçar uýasyny ýalňyz goýan dogan-eý. Gara daglam ýykyldy-la, çynar boýlaň kesildi-le. Laçyn dogan, gögele dogan, tä ýanyňa barynçam aglaryn dogan-eý. Dag arsalanna per bermedik doganym ganym güllesine gapyl basdyrdyň-la. Öl-ölünçäm ahmyryňdan çykma ýokdur. Dirilik-de gül ýüzüňe bakma ýokdur. H-a-aý çarhy peleg-eý, bir maňa tarap aýlansana. Namyrat doganymyň, gyzyl kürte açmadyk, gyz ýüzüne bakmadyk är doganmyň, zor doganmyň gül ýüzini bir göreýin-ä–diýip aýylganç ses bilen aglamaga başlady. Onuň sesini eşdenimden beýnimiň inçejik damarlaryndan buz ýaly suwuklyk ýöräp gitdi. Gözümden bolsa gyp-gyzgyn ýaş akmaga başlady. Hiç kim urmasa-da, käýýemese-de aglanýandygyny birinji gezek görşümdi.

Dowamy bar...

805

Carygulyuew Dowran...

Carygulyuew Dowran...

20.03.2020 10:45

Oйланма Гечип барян яшлыгым, Башым саңа гурбандыр. Хесер тапан җошгуным, Бәри бәрде дурмандыр. Яшайыша гөнезлик Чар тарапың гөзеллик Дүнъе киме хезиллик Кимселере армандыр. Чыкып белент даглыга

395

Carygulyuew Dowran...

19.03.2020 16:22

Söýgi näme?

«Söýgi näme?» diýip soradym Taldan.
Ol diýdi: «Söýgimi giderip goldan,
Örtenip, miwesiz galdym men, guzym.
Indi miwäm ýok-da,
Boýum bar uzyn».

«Söýgi näme?» diýip soradym Hozdan.
Hoz diýdi: «Ýeňilip bir ajap gyzdan,
Gabygym gatady, çürüşdi maňzym.
Ondan beýlesinem
Özüň bil, oglum!»

«Söýgi näme?» diýdim bir gara Garga.
Ol diýdi: «Sataşyp yşk diýen urga,
Garalyp galdym men: bişirdi hazan.
Edil pamyk ýaly
Ak guşdum ozal».

«Söýgi näme?» diýip ýüzlendim Serçä.
Ol diýdi: «Entedip gijeden gijä,
Agrammy mysgala getirdi yşkym.
Men ozal dünýäde
Iň uly guşdum».

«Söýgi näme?» diýdim zynjyrly Dälä.
(Pikirini bilmek aýyp zat däl-ä!)
Däli jogap berdi elhenç ses bilen:
«Men, men, men...
Ynha, Söýgi men!..»

«Söýgi näme?» diýdim bir ajap Gyza.
Ol iki elini uzadyp yza,
Diýdi: «Söýgi meniň edebim, haýam.
Ýogsa şol ýigidi
Guçardym eýýäm!»

«Söýgi näme?» diýdim Şahyra garap.
Şahyr bir ýylgyrdy kellesin yrap.
Diýdi: «Sorag bar-da, jogap ýok yşka,
Jogap bir başgadyr,
Söýgi bir başga!»

Kerim Gurbannepesow

1 410

Carygulyuew Dowran...

19.03.2020 09:55

Sazlaşyk

Goý, ýazsynlar gussa çekýäň kän diýip,
Näme, ýürek kada garap durmaýar.
Serediň çalymtyl, beýikden-beýik
Asmany gulaçlap ötýär durnalar.

Güýz ýene endikli elleri bilen
Ýolupdyr şahadan ýapraklaň baryn,
Tankyt ediljegmi bilsem-de, ýene
Güýz bilen oturyp gussa çekýärin.

Bu gussa durlaýar, saplaýar meni,
Ähli geçenime nazar aýlaýan.
Seredip otursam, şeýle gussada
Geçen ýoluň görner eken has aýan.

Ýüregime ýassyk edip gussany,
Geçen hakda oňa sorag berýärin.
Her halda ýaşlygym güňläp geçipdir,
Men muňa sähelçe ökünmeýärin.

Günleriň şat gülküsini bölüşip,
Aglana teselli berip ýetişdim.
Aýly gije uly aýyň gaşynda
Aý jemally ýarym bilen öpüşdim.

Gördüm menem ýigrim bäşiň içinde:
Güýz gelýär — ýapraklar,
meýdanlar solýar»
Ýöne iň beýik zat: adam durmuşyn,
Kalbyny beýgeldýän eserler galýar.

Häzir bolsa, bu paýhasly güýz bile.
Ýumşak gussa çekýäs, sözsüz sözleşip.
Ýaşasyn adamyň hem tebigatyň
Arasynda güňläp duran sazlaşyk!

Gurbannazar Ezizow

714

Carygulyuew Dowran...

Carygulyuew Dowran...

18.03.2020 18:11

Goşgularyma Dünýäde Türkmenistan Diýilýän ilim barka, Ilerde Köpetdagym, Gaýrada çölüm barka, (Her haýsynda birje düýp Arça ýa selin barka), Bir çümmük söýgi barka, Bir zerre bilim barka, Dag ysly,

920

Carygulyuew Dowran...

Carygulyuew Dowran...

18.03.2020 15:30

Ene dilim Hallaryň neneňsi, Taplaryň niçik Eziz ene dilim, mähriban dilim? Gel, söhbet edeli açykdan-açyk, Eziz ene dilim, mähriban dilim. Ýüz müň öwüşginden örülen desse Şahyra — şygyr sen, gürrüňçä

1 214