DÜNÝÄDÄKI TÄSIN KÄRLER

• Toýuň galp myhmany

Ýaponiýada islendik görnüşdäki toý gurnap bolýar: hristian toýy, günbataryň däp-dessurlaryna laýyk toý, butparaz toýy ýa-da sintoist toýy. Ýöne bir dessur welin, toýuň haýsy görnüşdeligine garamazdan, üýtgewsiz berjaý ediläýmeli. Toý dabarasynda myhman köp bolmaly. Çünki myhmanlaň köplügi ýaş çatynjalaň rysgallydygyny hem-de üstünlikli durmuşda ýaşaýandyklaryny aňladýar. Şol sebäpdenem, eger-de ýaşlar toýuň öňüsyrasynda tanyşladyr, dost-ýarlaryny az diýip hasaplasalar, galp (feýk) myhmanlaň hyzmatyndan peýdalanýarlar. Onsoň şeýle myhmanlar gelniň iň ýakyn jorasyndan başlap, öýlenýän ýigdiň başlygyna çenli islendik keşbi ýerine ýetirip bilýärler.

• Gatnaşygy bozujy

Ýaponiýada öz müşderilerine täsin hyzmaty ýerine ýetirip berýän agentlikler bar. Olar şowsuz ýanýoldaşy yryp, onuň bilen ýakyn gatnaşyga girmek arkaly, şowsuz nikany bozmaga ýardam berýärler. Ýaponiýada bolsa biwepalyk nikany bozmak üçin degerli esaslaryň biri diýlip hasaplanýar. Ýöne, biwepalyk anyk subutnamalar bilen tassyk edilmäge degişli. Mysal üçin, fotosuratlar, wideofaýllar. Onsoň hyzmatyň bu görnüşi üçin tölegleriň ýokarydygyna garamazdan, bu ýurtda işewürlügiň bu ugry ýylsaýyn pajarlap ösýär.

• Gözýaş süpüriji

Hyzmatyň bu görnüşi Ýaponiýada golaýda peýda bolupdyr. Bu kär bilen esasan ýaş erkek kişiler meşgullanýar. Olar “ikemoso” diýlip atlandyrylýar. Ikemoso ýalňyz aýallara işi bilen bagly ruhy dartgynlylygy aýyrmaga ýardam berýärler. Agyr iş gününden soň müşderi gelinleň ýanyna sargyt edilen ikemoso gelýär we gerek bolsa ofisde ýa-da öýünde olary köşeşdirýär hem-de gözýaşlaryny süpürip, duýgudaşlyk bildirýär...

• Professional gujaklaýjy

Psihologlaň aýtmagyna görä, duýgudaşyň bilen gujaklaşmak, göwnüçökgünligiň iň gowy dermanymyş. Belli bolşy ýaly, Ýaponiýada iş gününiň dowamlylygy dünýäde iň uzyn iş günümiş. Onsoň, şonuň ýaly agyr iş düzgüni, jemgyýetçilik gurşawynyň güýçli basyşy, ýaponlaryň ruhy sagdynlygyna ýaramaz täsir edýärmiş. Günüň dowamynda toplanan ýaramaz psihiki energiýadan saplanmak üçinem ýaponlar professional gujaklaýjylaň hyzmatyndan peýdalanýarmyşlar. Bu kär bilen meşgullanýanlara bir günde 60 amerikan dollaryna çenli zähmet hak tölenýärmiş. Ýeri gelende bellemeli ýagdaý, bu kär bilen meşgullanmak isleýänlere berilýän maslahat, adamlara çyndan duýgudaşlyk edip bilmek ukyby we psihologiýa ugrundan zerur hünär bilimleriniň bolmagy, bu ugurdan üstünlik gazanmagyň açary bolup durýar.

• Otla dykalaýjy

Ýaponiýada ýörgünli bolan ýene-de bir kär, otla dykalaýjy bolup durýar. Tokioda hemme kişiň işe gelýän ýa-da işden gaýdýan wagty (ças pik diýilýär), metro edil garynja hinine çalym edýärmiş. Onsoň işe ýa-da işden öýüne howlugyp barýan adamlar her edip, hesip edip otludan gijä galmajak bolup, oňa depilip dykylan ýaly dykylýarmyşlar welin, olaryň derdinden ýaňa wagonlaryň gapylaram ýapylmaýarmyş. Şonda gatnawlaň grafiginiň bozulmazlygyna otla dykalaýjylar ýardam berýärmiş. Olar arkalaryndan itip-itip, adamlaň wagonlara sygmagyny we şonuň netijesinde-de, gapylaň ýapylyp, otlyň wagtynda ugramagyny üpjün edýärmişler. Adatça bu käriň zerurlygy günüň dowamynda iki gezek ýüze çykýandygy sebäpli, bu wezipä okuwdan boş wagtlary talyplar işe kabul edilýärmiş.

• Professional ötünç soraýjy

Özge ýurtlarda bolmadyk, ýöne Ýaponiýada bar hünärleriň ýene-de bir professional ötünç soraýjydyr. Belli bolşy ýaly, ha edeni ýalňyş bolsun, ha dogry – adamlaň aglaba köpüsi ötünç soramagy iňňän ýokuş görýärler. Çünki, kimdir birinden (hasam nähak göwnüne degen adamyňdan) bagyşlamagyny soramak – bu her näme diýilse-de, keýp berýän wakalaň biri däldir.

Ýaponlar özlerine mahsus ugurtapyjylyk bilen bu ýagdaýdan çykalga tapypdyrlar.

Ýaponiýada şuňa meňzeş hadysalar ýüze çykanda hakyny alyp kömege gelýän professional ötünç soramak hyzmatlaryny ýerine ýetirip berýän kärhanalar bar.

Şeýle kärhanalaň biri bilen ylalaşyk gazanaňdan soň, şol kärhanaň hünärmenine öz ýagdaýyňy gürrüň berýäň, onsoň ýazykly bendäň adyndan telefon üsti bilen ýa-da ýüzbe-ýüz durup, başga biri ötünç soraýar. Adatça, telefon üsti bilen “ötünç sorama” hyzmatynyň nyrhy 100 amerikan dollaryna ýakyn bolsa, “ýüzbe-ýüz ötnüç soramaň” bahasy şoň iki essesi bolýar.

• Deňiz hatynlary – Ama

Ýaponiýa-da deňiz merjenini çykarmak üçin deňziň düýbüne çümýän aýallar şeýle atlandyrylýar. Ýokarda beýan edilen hünärlerden tapawutlylykda, Ýaponiýada bu hünär iňňän gadymydyr. Elbetde, ýapon erkeklerem deňziň düýbüne çümüp bilýärler. Ýöne amalar, uzak asyrlaň dowamynda bu hünärde özlerini örän ussat hökmünde tanatmagyň hötdesinden gelipdirler. Zenanlaň tebigy aýratynlyklary olara suwuň astynda howasyz uzagrak wagtlap saklanmaga mümkinçilik beripdir. Ir döwürlerde amalar lukmanlardyr, emeldarlardan kän gazanypdyrlar. Iň geň ýerem, “dabanyndan depesine çenli” patriarhat (atalyk häkimiýeti) höküm sürýän Ýaponiýada, amalaryň äri özleri saýlamaga hukuklary bolupdyr.

• Haýwanlar üçin iýmitiň dadyjysy

Bu hünär Ýaponiýada däl-de, köp Günbatar ýurtlarynda bardyr. Öý haýwanlary üçin iýmit öndürýän (mysal üçin, itler, pişikler, guşlar, balyklar we ş.m.) kompaniýalar, iýmitiň hilini hem-de howpsuzlygyny barlamak üçin, olary dadyjy (degustator) hökmünde adamy ulanýarlar. Şeýle kärde işleýän adam adatça her ýylda 24.500 amerikan dollaryny gazanýar “myş”?!!

Bu kär bilen meşgullanmak üçin gerekli zatlar: esasan tagam biliş agzalaryň duýujylygy ýeterlik bolmaly we şeýle önümleri “datmak” ýüregiňi bulamaly däl. Bu ugurdan zähmet çekmek üçin haýsydyr bir ýörite bilimler talap edilmeýär. Öňüňe goýlanyny “symyşlamaga ýarasaň” bolany. Ýöne, şonda-da şu ugurdan işlemekçi bolýanlaň weterinariýa, biologiýa ugrundan ýeterlik bilimleri ýa-da iýmit senagaty pudagynda iş stažy bolsa, olar işe kabul edilende artykmaçlyk hukugyndan peýdalanýar “myşdyk”?!

• Lego-heýkeltaraş

Günbatar ýurtlarynda “Lego” oýnawaçlaryny satýan dükanlar, öz harytlaryny has gowy “güjeňlemek” ýa-da dogruja aýdylanda “mahabatlandyrmak” üçin, “Lego” konstruktorlardan dürli özüneçekiji şekilleri, heýkelleri düzüp bilýän heýkeltaraşlary (skulptorlary) işe kabul edýärler. Aýdyşlaryna görä, şeýle heýkeltaraşlar bir ýylda 30.000 amerikan dollary möçberinde zähmet hakyny gazanýarmyşlar. Bu ugurdan zähmet çekmekçi bolýanlara ýeterlik ýörite bilimlerden başga, heýkeştaraşlyk zehinem, sungat tejribesem zerurdyr.

• Professional nobata durujy

Millionlarça ilatly şäherlerde ýaşamak edäheti ýene-de bir hünäri döretdi. Işi başyndan agdyk bolup, öz hojalygynyň zerurlyklary üçin nobata durmaga wagty ýok, ýöne degişli tölege ýagdaýy bar adamlara professional nobata durujylar kömege gelýärler. Aýdyşlaryna görä, Günbatar ýurtlarynda bu kär bilen meşgullanýanlar sagatda 24 amerikan dollary möçberinde gazanç edýärmişler. Ýöne, bir ýagdaýy bellemeli, elektron söwdaň ösmegi bilen dürli internet-dükanlardyr, saýtlar, ýuwaş-ýuwaşdan bu hünär bilen meşgullanýanlaň çöregini elden alyp barýarlar. Öz-özünden düşnükli bolşy ýaly, bu hünär bilen meşgullanmak isleýänlere haýsydyr bir ýörite bilim ýa-da iş tejribesi zerur däl. Çydamyň bolsa, üstesine-de wagt öldürip bilýän bolsaň, bolany.

• Hakyky däl (wirtual) zatlaň satyjysy

Bu hünär bilen meşgullanýanlar hiç hili kezzapçylyk etmeýärler. Mysal üçin, dürli kompýuter oýunlarynda oýunkeşler özleriniň boýyn çümen oýunlarynyň içinde dürli zatlary (jaýlar, gorag serişdeleri, oýunda ýokary derejelere ýetirilen şahsy we ş.m.) satyn almak üçin öz pullaryny sarp edýärler. Kähalatlarda, oýundaky haýsydyr bir ýokary tapgyrdaky şahsyň bahasy 2000 amerikan dollaryna çenli baryp ýetýär. Onsoň güýçli oýunkeşler, strimerler ýörgünli oýnalýan oýunlarda täze şahs döredinip, ony oýnuň belentden-belent tapgyrlaryna çenli ýetirýärler-de, şol oýun gahrymanynyň öz kwestiniň (başdan geçirmesiniň) dowamynda gazanan hazynalaryny beýleki, özleri ýaly ezber oýnap bilmeýän, ýöne oýnuň ölemeni bolan humarbazlara hakyky pula satýarlar. Şeýdibem gazanç edýärler.

BASNÝA

Goşgy ýazyp bir goýun

Tilkä okap beripdir.

Oňat baha garaşyp,

Umyt bilen durupdyr.

Tilki diýen: "Gulaga

Ýaman bolup ilenok.

Arman ýöne, goşguda

Hilegärlik duýlanok".

Soňra goýun goşgysyn

Durna okap beripdir.

Şarpyldadyp ganatyn

Guş bir sellem durupdyr.

Dillenipdir ahyry,

"Çeperçilik öwerli.

Ýöne watan mährini

Aňlap bolmaz degerli".

Iň soňunda ak goýun

Şir ýanyna barypdyr.

Tokaý şasy bir arlap,

Şygra gulak geripdir.

Diýipdir ol "ýaman däl,

Yhlas bilen ýazypsyň.

Arman, güýçden-gaýratdan

Arasyny üzüpsiň".

Goýun lapykeç bolup,

Dolanypdyr yzyna.

Onuň özi ýolboýy

Seslenipdir özüne.

,,Goýun, goýun, haý, goýun,

Goşgy ýazdyň goýunça.

Baha berdi her jandar

Öz arçyny boýunça.

Emma, goýun gylygmy

Siňdiripdim şygryma.

Ony ýugrup ýazypdym

Göwün, ýürek, bagryma".

Öwrenmeli agzalarynyň tarypnamasy 2:

Aňzaklarda doňandyr,

Hor - zar etmejek bolup,

Gije - gündiz eňendir,

Sebäbi, ol eneňdir.

Zenan diýmek - uýaňdyr,

Ýúzúň nury, tuwagy,

Utanjaňdyr, haýaňdyr,

Ýagşy günde begenjiň,

Kyn gúnúňde söýäňdir,

Saňa geljek belanyň,

Öňüňdäki gaýaňdyr,

Sebäbi, ol uýaňdyr.

Zenan diýmek - ýaryňdyr,

Ömürlik ýanýoldaşyň,

Baýlygyňdyr, baryňdyr,

Alawlaýan ojagyň,

Namysyňdyr, aryňdyr,

Keşgiňi deň çekişýän,

Ýakyn howandaryňdyr,

Sebäbi, ol ýaryňdyr.

Zenan diýmek - gyzyňdyr,

Teşne kalbyň gandyrjak,

Aýdymyňdyr, sazyňdyr,

Ömre şatlyk getirjek,

Gül - gunçaly ýazyňdyr,

Ogul bilen deň durjak,

Dowamyňdyr, yzyňdyr,

Sebäbi, ol gyzyňdyr.

Zenan diýmek - dünýedir,

Adamzada dowamdyr,

Gelip - gidýän demiňdir,

Sorup alýan howaňdyr,

Zenan başy dik bolsa,

Ýaşaýşa güwäňdir.

Ondan gymmat zat bolmaz,

Tumaryňdyr, dogaňdyr.

Çünki zenan - ýaryňdyr.

Çünki zenan - gyzyňdyr.

Çünki zenan - uýaňdyr.

Çünki zenan - ENEŇDIR.

Maňa söýgi hakda goşgy ýaz diýipdiň,

,,Ýazjak däl" diýemok, ýöne, oň üçin,

Ýeterlik däl diňe meniň söýenim.

Iki ýürek bir gursakda urmasa,

Puç dälmidir, ýeke ýanyp köýenim?!

Gadymy grek taryhçysy Gerodot Halikarnosda häzirki Türkiýe döwletiniň Bodrum şäheriniň golaýynda b.e.öňki 484-nji ýylda eneden bolýar. Tiran Lykdamis tarapyndan sürgün edilmegi bilen dünýäniň birnäçe ýerini gezip görüpdir. Ilki bilen köp wagt Afinyda ýaşapdyr, soňra Müsüre, Mesopotamiýa, Palestina topraklaryna, Günorta Russiýa we Afrikanyň günorta kenarlaryna aýlanyp çykypdyr.

Gezen ýerlerinde gören wakalarynyň ählisini we adamlaryň gürrüň beren zatlaryny depderçesine bellik edipdir. Ol şu günki günde «Gerodotyň taryhy» diýilýän meşhur taryhy eseri bilen meşhurlyk gazanypdyr. Bu eserinde Pars imperiýasy bilen Gadymy Grek (Ýunan) şäher döwletleriniň arasynda b.e.öňki 499-449-njy ýyllar aralygynda bolan söweşleri beýan edipdir. Rimli syýasatçy, suhangöý (dilewar) Markus Sissero öz eserlerinde ony «Taryhyň atasy» ady bilen ýatlamagy sebäpli, bu onuň lakamyna öwrülipdir.

Garran wagty Italiýadaky Ýunan baknasy bolan Turide ýaşap, syýahatlaryny bes edipdir. Şol ýerde-de «Taryhyň atasy» adyny galdyrjak meşhur eserini ýazypdyr we b.e.öňki 425-nji ýylda aradan çykypdyr.

Gadym zamanlarda bir şa aýal ýaşapdyr.Onuň 4 gyzy bolupdyr.Bir güni ol özüniň täjini haýsy gyzyna berjekdigi hakynda pikirlenipdir.Ahyr ol gyzlaryny synap görmegiň netijesine gelýär.Ol 4 gyzyny çagyryp, olaryň her biriniň eline bir köne däneden beripdir we:

–Gyzlarym, kim şu däneden owadan gül ýetişdirip bilse, şoňa täjimi berjek-diýipdir. Gyzlaryň ululary şol dänäni ýetişdirjek bolupdyrlar, emma, hiç üýtgeşiklik bolmandyr.Olar ahyr elindäki dänelerini taşlap, täze, owadan däne satyn alypdyrlar we şol dänelerden üç gül ýetişdiripdirler. Üç gyz şa aýalyň ýanyna baryp:

–Ine, eje,biz owadan gül ýetişdirdik–diýip, şa aýala güllerini görkezip durkalar, doganlaryň iň kiçisi eli güldanly gapydan giripdir.Ýöne, güldanyň içinde toprakdan başga hiç zat ýok eken.Şa aýal muny görüp:

–Men size hiç zat ösüp çykmajak bir däne berdim we şol däneden gül ösdürip ýetişdirmegiňizi isledim.Üçüňiz şol däneleriň ornuna täze däne aldyňyz we gül ýetişdirdiňiz.Men haýsyňyzyň hakykady görkezjekdigiňizi görmek üçin synadym.Görnüp durşy ýaly, meniň iň kiçi gyzym hakykady görkezdi.Şol sebäpli men iň kiçi gyzyma täjimi berjek–diýip jogap beripdir.

Salam, agzalar!

Bu gün men sizlere dünýädäki täze kabul edilen 8 täsinligi hakda gysgaça maglumatlar bermekçi.

1.Beýik Hytaý diwary:

Dünýäde iň uly binagärlik desgasy bolup, onuň uzynlygy 8851,8 kilometre barabardyr.Beýik Hytaý diwary Hytaý imperiýasynyň demirgazyk serhetlerini çarwalaryň hüjüminden goramak üçin gurlupdyr.Häzirki wagtda bu diwar adamzat tarapyndan gurlan iň uzyn desgalaryň biri hasaplanýar.Dünýäde iň köp barylýan ýer bolan Beýik Hytaý diwaryny ýylda 40 milliondan gowrak syýahatçy görmäge gelýär.Diwaryň bir bölegi Hytaýyň paýtagty Pekiniň golaýyndan geçýär.

2.Kolizeý.Rim,Italiýa:

Gadymy Rim amfiteatrlarynyň iň ulusy, baky şäheriň doly hukukly nyşany, megerem, dünýäniň iň meşhur binagärlik ýadygärligidir.

Onuň ilkinji ady Flawiýew amfiteatrlary bolup, şol döwürde Gadymy Rimde höküm süren we amfiteatryň gurluşygyny amala aşyran Flawiýew hanedanlygynyň hormatyna berlipdir.Kolizeýde uzak wagtlap Rimiň myhmanlary we ýaşaýjylary üçin gladiator söweşleri we beýleki güýmenje tomaşalary guralypdyr.

3.Maçu-Pikçu, Peru:

Häzirki zaman Perunyň çäginde ýerleşýän, ady rowaýata öwrülen, inkleriň gadymy şäheri bolan ,,Maçu-Pikçu\\\" ýerleşýän ýerine görä, ,,Bulutlaryň arasyndaky şäher\\\" adyny aldy.Ol dag gerişleriniň ýokarsynda, deňiz derejesinden 2450 metr belentlikde ýerleşýär.Şäher inkleriň hökümdary Paçakutek tarapyndan imperatoryň kabulhanasy, şeýle hem ,, Mukaddes dag düşelgesi\" hökmünde gurlupdyr.

4.Petra, Iordaniýa:

Häzirki Iordaniýanyň çäginde daşdan oýulyp ýasalan meşhur Petra şäheri Arawa jülgesinde ýerleşip, daş-töweregi uçut gaýalar bilen gurşalan.Bu ýere diňe şäheriň özboluşly derwezesi hasaplanýan dag jülgeleri arkaly girip bolýar.Şäheriň binalarynyň köpüsi gyzyl reňkli gaýalardan oýulyp ýasalypdyr, hatda, şäheriň ,,Petra\\\" ady hem ,,gaýa\\\" sözüne terjime edilýär.Her ýyl ýarym milliondan gowrak syýahatçy daşdan oýulyp gurlan syrly şäheri görmäge gelýär. Ýeri gelende aýtsak, Stiwen Spilbergiň ,,Indiana Jons we iň soňky haçly ýöriş\\\" atly meşhur filminiň soňky sahypalary Petrada surata düşürilipdi.

5.Täçmahal, Hindistan:

Täçmahal-Indistanyň Agra şäherinde, Jamna derýasynyň kenarynda ýerleşýän ak mermerden salnan aramgäh bolup, musulman dünýäsiniň hakyky genji-hazynasy, hindi, pars, yslam binagärliginiň iň gowy nusgasydyr.Ajaýyp aramgäh imperator Jahan Şanyň aradan çykan aýalynyň hormatyna gurlupdyr.Bir rowaýata görä, derýanyň garşy kenaryndan gara mermerden binanyň taýy bina edilip, olary çal mermerden gurlan köpri birleşdirmeli eken.Häzirki wagtda millionlarça syýahatçynyň gelýän ýeri bolan Täçmahal dünýäniň täze ýedi täsinliginiň sanawynda özüne mynasyp orun aldy.

6.Isa-Mesihiň heýkeli:

Braziliýa, Rio-de-Žaneýro;

Dünýäniň indiki täsinligi Braziliýanyň Rio-de-Žaneýro şäherindäki Korkowado dagynyň depesindäki Isa Mesihiň ajaýyp heýkeli.Heýkel Rio-de-Žaneýronyň we tutuş Braziliýanyň nyşany hasaplanýar we dünýädäki iň beýik heýkelleriň biridir.Heýkeliň beýikligi 38 metr, elleriniň uzynlygy 30 metr, agramy bolsa, 1,145 tonna.

7.Çiçen-Isa.Meksika,Ýukatan:

Gadymy şäher Çiçen-Isa, Meksikanyň Ýukatan ýarym adasynda ýerleşýän Maýýa döwletiniň syýasy we medeni merkezidir.Arheologlaryň pikiriçe, Çiçen-Isa Maýýa medeniýetiniň dini merkezleriniň biri bolupdyr.

8.Ýer astynda gizlenen täsin esgerler:

Dünýäde 8-nji täsinligiň bolmagy sizi geň galdyrmagy mümkin, ýöne, dünýä täsinliginde 8-nji orny eýelän täsinlik:

Terrakota esgerleri ýa-da Sin Şi-huanyň palçykdan ýasalan esgerleridir.Bu ajaýyp taryhy ýadygärlik b.e.öň 3-nji asyrda ýasalandygy hakynda maglumat bar.

Bu ýadygärlik ilkinji gezek 1974-nji ýylda işläp ýören daýhanlaryň görmegi esasynda ýer ýüzüne çykýar. 1974-nji ýyla çenli müňlerçe ýyllap şol ýerde syr ýaly şol toprakda gizlenipdirler.

Barlaglaryň netijesinde, goşundaky esgerler ilkinji gezek

ýasalanda, reňkli görnüşde ýasalypdyrlar.

Bu täsinligi görmek üçin her ýyl millionlarça syýahatçy gelýär.Ençeme alymlar, professorlar bu täsinligi görüp, barlag işini geçirýärler.

Salam, agzalar!

Ertirleriňiz haýyrly bolsun!

Saglyk-baha ýetmez zatdyr.Ony şu döwrebap döwürde nädip sagdyn saklamaga bolýar? Şu gün men sizlere saglygy saklamaga kömek edýän maslahatlar hödürleýän.

Gününe 1 miwe iýmek

Güýz-gyş möhletiniň gelmegi bilen immunitet agyr güýç düşýär.Şol wagtda dürli keseller orun alýar.Immunitetiň kesellerden goranmak mümkinçiligi nähili nahar iýeniňiz bilen berk baglanşykly.Lukmanlar günde nähilidir bir miwe iýmegi maslahat berýär:ol keseliň öňüni almaga ýardam edýär. Olara alma, hemme sitrus miweler, hurma, kiwi we banan girýär.

Narpyz salnan çaý içmek

Narpyz adamy dynçlandyrýan ösümlik hökmünde tanymal:ol stress bilen göreşýär we uky hiline gowy täsir edýär.Ony ýygy-ýygydan peýdalanmak maslahat berilýär.Ony ulanmagyň iň gowy usuly-narpyz goşulan çaý demlemek. Narpyz goşulan çaý degnaňy (nerwi) dynçlandyrýar we tiz göwnüňi göterýär.

Iýmitiňize limon goşmak

Limon – С witamininiň gözi.Şonuň bilen birlikde, limon metabolizmi tizleşdirip, artyk agramdan aýrylmaga kömek edýär. Adatça, limon suwun ertir bilen we agşamlyk aç garna içýär, kokteýller bilen çaýlar goşulýar.Ýen aýtmaly bir zat: sitrus antioksidant bolup tapylýar hem-de saglygyňyzy gowulandyrýar. Iň aňsat usuly– ertir ir bilen aç wagtyňyzda limon bilen bal goşulan ýyly suw içmekdir. Muň ýaly suw tiz oýanmaga we metabolizm prossesin işlendirmäge kömek edýär.

Günde aýran içmek

Süýt ýa-da aýran – bahaly witaminler we mikroelementlere doly süýt önümi.Olar adam agzalaryna ýakymly täsir edýär. Gündelik iýmitiňiz bir stakan aýran ýa-da gatyk goşmak arkaly agzany D witamininiň 26%-i bilen we kalsiýiň hepdelik normasynyň 30%-i bilen doldurarsyňyz.Şonuň arkasynda süňkler berk bolmagyna ýardam edýär.Şoň ýaly, süýtli önümleri uly ýaşdaky adamlar günde içmeli.Sebäbi, süýtli önümler süňk üýtgeýşin togtadýar.

Günde 2 litr suw içmek

Suw – аdamzadyň ömür sürmegine gerekli esasy zat.Bu suwuklygyň bahasy çäksiz.Adam agzalarna suwuň ýetmezçilik etmegi adamyň göwnüniň peselmegi, kelle agyrysy, tiz ýadamak, güýçsüzlik, depressiýa we uky ýetmezçiligine getirýär.Günde gerekli möçberdäki suw içmek infarkt bolmak howpuny azaltmaga täsir edýär. Suw artyk agram bilen göreşmäge ýardam berýär. Uly adamlara günde 2 litr, çagalara bolsa, günde 1 litrden az däl suw içmeli.

Gadjetleri ulanmagy çäklendirmek

Bilşimiz ýaly, häzirki zamany gadjetlersiz göz öňüne getirmek kyn.Ýöne,her bir zadyň öz çägi bolşy ýaly, gadjetleri hem 1,5-2 sagatdan artyk ulanmak göz kesellerine, bogun agrylaryna, ýaltalyga we başga-da birnäçe kesellere getirýär.Şonuň üçin, gadjetleri kesgitli wagtlarda ulanmak maslahat berilýär.

Öýi arassa saklamak.

Elbetde,öýi arassa saklamak hem, adamyň birnäçe keselleriniň öňüni alýar.Mebellerde biz görmeýän mikroblar we kömelekler ýaşaýar.Bilşimiz ýaly mikroblar hem, adamlara dürli keseller getirip bilýär.

Öýi arassa saklamakda otag ösümlikleri hem aýratyn orun eýeleýär.Otag ösümlikleri biz ýuwudýan arassa kislorody bölüp çykarýar.Bir tarapdan, otag ösümlikleri otaglara aýratyn gelşik berýär.Şonuň üçin,otag ösümliklerini penjirelerde oturtmaklygy maslahat berýän.

Öýdäki penjireler, tekjeler, mebeller mikroblaryň, çaň-tozanlaryň köp ýygnanýan ýeridir.Şol ýerleri günde-günaşa süpürgiçler bilen süpürip durmaly.Şolar bilen birlikde, telewizorlary we otagda bar bolan oturgyçdyr stollary, sowadyjy we ş.m. süpürmegi ýatdan çykarmaly däl.

Her hepdäniň bir güni bir-iki otag tämizleseňiz amatly bolýar.Meselem, duşenbe-aşhana, sişenbe-myhmanhana, çarşenbe-ýatylýan otag we ş.m.

Güni bilen işjeň ýöremek üçin kofe

Kofeni aç garna däl-de,nahardan 1 sagat soň içmek siziň güni bilen işjeň ýöremegiňize ýardam edýär.

Günde nämedir bir zatlar öwreniň!

Boş wagtyňyz bolsa,ony dogry we ýerlikli peýdalanmagy başarmaly.Kitap okamak, aýdym diňlemek ýaly güýmenjeler bilen hem wagtyňyz gyzykly geçer hem-de içiňiz gysmaz.Diňe bilimleri öwrenmek bilen çäklenmeli däl, eýsem olary peýdalanmagy başarmaly.

Islandiýa döwletiniň ady özüniň geografik aýratynlygyny görkezýär, ýagny onuň meýdanynyň 10%-e golaýyny buzluklar tutýandyr.

Colgate Total ispançadan terjime edilende, ,,bar-da,asylyp gal" diýen manyny berýär.

Uçarda oturan wagtyňyz, siziň saçyňyz iki esse öser

Adamyň DNK-synyň 30%-i saladyňka meňzeýär

Титаник filmin düşürmäge giden harajat gäminiň bahasyndan hem gymmat bolupdyr.

«Çupa-çups» logotipin Salwador Dali çekipdir.

Limonyň düzüminde ýertudana seredende, şeker köp.

Çarli Çaplin ,,Çapliniň ekizi" atly ýaryşda üçünji orny alypdyr.

Çagalar bahar paslynda tiz ösýär.

Pişik ömrüniň ömrüniň 70%-ini uklap geçirýär.

Iň köp ogurlyk sişenbe güni amala aşyrylýar.

Eger akula aýagyn ýokary seredip ýüzse, koma düşmegi mümkin.

Dünýädäki iň tanymal söz – ok.

Siene bilen Italiýada Mariýa atly gyzlara gije köçe gezip ýörmek bolanok.

Adam güýz paslynda 2 esse çalt dem alýar.

Halan bolsaňyz ❤️