small_poet✍️
15.06.2024 00:04
Ýaşap ýörkäň bu zeminiň ýüzünde,
Hiç wagt durmuşdan nalaman ýaşa!
Şükür etgin her bir alýan demiňe,
Hiç wagt durmuşdan zeýrenmän ýaşa!
Garyp diýýär diňe baýlar gazanýar,
Sähel azap bilen basym baýaýar,
Şeýdip nalap elli ýaşda garraýar,
Hiç wagt durmuşdan nalaman ýaşa!
Söýjek bardyr seni ýeriň ýüzünde,
Buýsanyp mydama keşbiň görende,
Şatlyk bolsun elmydama ýüzüňde,
Hiç wagt durmuşdan zeýrenmän ýaşa!
Bagtsyz adam diýýär bagtla garap,
Sen nädip mun ýaly bagtly bolýaň,
Bagtly adam jogap berdi ýylgyyryp,
Aglamadym hiç wagt durmuşdan nalap!
Nämä gerek durmuşyňdan zeýrenmek,
Ömrüm uzaldýan zat şatlanyp gezmek,
Ullakan bir bagtdyr söýmek söýülmek,
Sabyr et şükür et nalama ýaşa!
Awtor: Çaryýewa Maýa
18
22
small_poet✍️
13.06.2024 07:37
Beýik - beýik binalaryň künjegi,
Ak mermerli gözel şäher Aşgabat!
Owadan giň köçeleriň merkezi,
Ak mermerli gözel şäher Aşgabat!
Sowulmajak baky - bahar ýazlaň bar,
Hiç solmajak ajap - gözel baglaň bar,
Ginnes kitabynda bu gün adyň bar,
Ak mermerli gözel şäher Aşgabat!
Arzuwlaryň hasyl bolýan merkezi,
Ajaýypdyr geçmişi hem geljegi,
Aziýanyň merjen hem - de dür gaşy,
Ak mermerli gözel şäher Aşgabat!
Arkadagmyň döreden täsin eseri,
Ýaş nesiller üçin ylham çeşmesi,
Birje gören mydam bor oň teşnesi,
Ak mermerli gözel şäher Aşgabat!
Çaryýewa Maýa
17
19
small_poet✍️
12.06.2024 06:46
On alty ýyl bu gün meniň doglanma,
Gözüm açyp bu jahany görenme,
Şükür edýän allam her bir bereniňe,
Allam elmydama minnetdar size!
Ilden - günden kem bolmadym hiç wagt,
Başymda elmydam nurun çaýýar bagt,
Söýgä mätäç etmediňiz hiç wagt,
Käbäm kyblam mydam minnetdar size!
Mydam meniň bolup arka daýanjym,
Begenjim buýsanjym, hem - de guwanjym,
Artykdyr elmydam size söýünjim,
Doganlarym mydam minnetdar size!
Kyn günümde maňa goldaw berdiňiz,
Adyma jan goşup mydam söýdüňiz,
Dogan ýaly ýardam golun gerdiňiz,
Joralarym mydam minnetdar size!
Gyzym diýip berip maňa söýgüni,
Mydama bolduňyz edep mekdebi,
Dünýä berdiň meniň janym ejemi,
Mamamjan elmydam minnetdar size!
Aýratyn meň ýüregimde ýeriňiz,
Her dem küýsäp ol nurana keşbiňiz,
Buýsandyrdy meni mydam baryňyz,
Enemjan elmydam minnetdar size!
Ýatan ýeriň jennet bolsun enemjan!
Elmydama bolup mekdep görelde,
Seniň ýörän ýoluň maňa ýörelge,
Goýýan sizi mydam ejem deregne,
Gelnejem elmydam minnetdar size!
Gujagyňda mydam şatlanyp gezdim,
Süýji arzuwlary arzuwlap ýördüm,
Arzuwlarmyň bu gün miwesin gördüm,
Ajap dünýäm mydam minnetdar size!
Awtor: Çaryýewa Maýa 🌼 ✨
15
42
small_poet✍️
11.06.2024 01:34
Durmuş bir synagdyr, biz hem synagçy
Geçjek bolsaň berer köplenç gynanjy,
Emma mert bol alarsyň hem begenji,
Durmuş synagyndan mert durup geçiň.
Pikir etmäň diňe baýlar gazanýar,
Halal baýlyk üçin köpler kösenýär
Haram baýlar iki gün döwran sürýär,
Durmuş synagyndan mert durup geçiň.
Hemme zat hasaply hasapsyz zat ýok,
Gara niýetlere ak ýolda ýer ýok,
Niýetinden tapar gitjek ýeri ýok,
Durmuş synagyndan mert durup geçiň.
Söýgisine wepa ýokdur kimlerde,
Köpler ikin göterýändir ýürekde,
Ýer bolmaz olara ajap söýgide,
Durmuş synagyndan mert durup geçiň
22
69
small_poet✍️
10.06.2024 00:21
Arzuwym...
Şeýle buýsanç bilen çar ýana bakyp
Ak halatly görsem daşdan guwanyp,
Menem bir gün şeyle bolaryn diýip,
Lukman bolmaň arzuwynda ýaşaýan!
Il - günümiň mydam saglygny diläp,
Gözel arzuwlary kalbymda besläp,
Allajandan ýagşy dilegler diläp,
Lukman bolmaň arzuwynda ýaşaýan!
Ak halat egnimde bolar meň bir gün
Käbäm kyblam maňa guwanyp ýörsün,
Meniň lukmançylyk şypamy görsün,
Lukman bolmaň arzuwynda ýaşayan!
Käbäm hem - de eziz mähriban kyblam,
Jan saglygyňyz ajap bolsun elmydam,
Derdiňiziňe derman bolmak isleyän,
Lukman bolmaň arzuwynda ýaşaýan!
Çaryýewa Maýa
24
118
small_poet✍️
09.06.2024 00:17
Bu ajap durmuşyň hözirni görüp,
Elmydam bagtdan paý alyp ýaşaň!
Kyn gününde bir - biregi goldaşyp,
Elmydam bagtdan paý alyp ýaşaň!
Nämä gerek bir - birege görüplik,
Mydam başda durmaz ejiz garyplyk,
Jan saglygyň bolsa bolar pul baýlyk,
Esasan söýülip hem söýüp ýaşaň!
Hemmelerde bolýar kiçi ýalňyşlar,
Şol ýalňyşlar üçin egilýär başlar,
Bagtyny mal - mülkden gözleýär ýaşlar,
Esasan saglygňyz göz edip ýaşaň!
Iki gün tirkeşseň tanalmaz adam,
Kyn güne düşeňde terk eder dostam,
Ýaşamaklyk üçin munda ýalňyşman,
Her wagt durmuşdan ders alyp ýaşaň!
Dogry hiç ýalňyşsyz bir adam bolmaz,
Tötänleýin bolsa günäde galmaz,
Bilgeşländen etse işi ýol almaz,
Şeýle ýalňyşlary goýbermän ýaşaň!
Söýgi näme diýip sorag berseler,
Ejemjanyň keşbi göz öňme geler,
Mukaddes söýgini bir ejeň berer,
Ejeleriň gadryny bilip ýaşaň!
Käbir gyzlar pul - baýlyga gyzýarlar,
Şeýdip söýgisini pula çalşýarlar,
Emma olar bagtyn ýere gömýärler,
Gyzlar mala - mülke göz etmän ýaşaň!
Köp adamlar bagty puldan gözleýär,
Haram baýap soňra men bagtly diýýär,
Şeýdip özin öz nebsine gul edýär,
Bagt baýlyk däl saglygy diläp ýaşaň!
Ýokary wezipä geçäýse birden,
Käbir adamlara tapylmaz ýerden,
Injigin götermez ýörär zeminden,
Hiç zat ömürlik däl unutman ýaşaň!
Kän adam oň gulak goýsa sözüne,
Maşgalasam görünmez oň gözüňe,
Höküm etmek islär ýeriň ýüzüne,
Şeýle adamlardan daş durup ýaşaň!
Diýjek zadym ine şular sizlere,
Seretmäň hiç iki ýüzli ýüzlere,
Mähriňi ber sen seni söýene,
Durmuşyň bagty şol bagt alyp ýaşaň!
Awtor:Çaryýewa Maýa
27
85
