Nurana keşbiňi her dem göremde,
Ol gara gözleriň gözme düşende,
Bu gün saňa seni söýýän diýemde,
Senem söýýän diýip jogap berermiň?

Çaryýewa Maýa.

Nurly keşbiň misli aýa meňzeýär,
Jerene çalymdaş garaja gozüň.
Bir ömür söyjegňe söz berseň maňa,
Söýgüm bilen gowşyrn yzy sözüň.

Garaýew Döwlet

Durmuşym gülleýär gülüp bakaňda,
Şirin janym yşk oduna ýakaňda,
Şonda seni söýýän janym diýemde,
Senem söýýän diýip jogap berermiň?

Çaryýewa Maýa.

Bu tümli dünýämden dogan güneşim,
Şirin janym seň ugrunda dözerin,
Eger maňa söýgiň çala duýdursaň,
Ýyldyzlary monjuk edip düzerin.

Garaýew Döwlet.

Agyr günde kyn günüňde soýerin,
Sen aglasaň aglap,gülseň gülerin,
Ýenede men seni söýýän diýýärin,
Sen şonda näme diýip jogap berersiň?

Çaryýewa Maýa.

Şatlygymy seniň bilen paýlaşyp,
Gussalarymy men özüme alaryn,
Hassakaňam söýjegime söz berip,
Gülüm saňa wepaly ýar bolaryn.

Garaýew Döwlet.