Dehistanyň baýrynda ,

Bady sabany görsem,

Bahaweddin Mir kulal

Zeňňi babany görsem,

Nagleni ,arşa täçdir

ady äleme ,paçdyr

Iki jahan mätäçdir

Arap zybany, görsem

Gelen geçer çaşt edip

Eglenmez güzeşt edip

Köňül aýdar ,keşt edip

Älem jahany ,görsem

Hyzyr kimin çöllerde,

Ylýas kimin ,köllerde

Kowus ,kimin daglarda

Ýagşy ýamany ,görsem

Ýokarda , Hindistany

Arkada ,Türküstany

Öwülýäler ummany

Ol rumustany görsem

Jan ,Pany jahan şeýda

munda ,hiç ýokdyr peýda

Ýedi dag ,ýedi derýa

Däli dünýäni ,görsem

Magtymguly, hoş bolsa

akdy didäm ,ýaş bolsa

Imanym ,ýoldaş bolsa

Barsam , käbäni görsem

Awtor Magtymguly Pyragy