Durmuş sapaklary.

Az­dan baş­la­mak, bu ka­da­ly­dyr. Küý­ze kem-kemden dol­ýar. Is­len­dik ha­ly­pa, ha­çan-da bol­sa, bir­wagt

şä­girt bo­lan­dyr. “Ki­çi­si bol­ma­dy­gyň ulu­sy bol­maz” diý­li­şi ýa­ly, äh­li zat ki­çi­den baş­lan­ýar, şo­nuň üçin kiçi zat­la­ra bi­per­waý ga­ra­maň!

Eger-de siz haý­sy hem bol­sa, bir iş­de yzy­gi­der­li­li­gi sak­lap, sa­byr­ly bol­sa­ňyz, hök­man üs­tün­lik ga­za­nar­sy­ňyz!

Hiç ki­mem bir gün­de äh­li za­da ýe­ten däl­dir, kim­de-kim ki­çi­den baş­la­ma­ga

taý­ýar bo­lup, er­jel­lik bi­len zäh­met çek­ýän bol­sa, üstün­lik onuň hem­ra­sy­dyr.

Bi­ziň aňy­myz­–­biz.Siz nä­me hak­da pi­kir ed­ýän bol­sa­ňyz, şo­ňa gö­rä bo­lar­sy­ňyz. Eger adam ýa­ra­maz zat­la­ry aýd­ýan bol­sa ýa-da bet işi jäht edi­nen bol­sa, ol gam-gus­sa gi­riftar bo­lar. Eger-de adam päk ni­ýetli zäh­met çek­ýän bol­sa, bag­ty­ýar­lyk oňa sa­ýa sa­lyp, on­dan daş­laş­maz. Dog­ry ýa­şa­mak üçin aňy­ňy dog­ry pi­kir­ler bi­len dol­dur­ma­ly. Dog­ry-dürs dü­şün­je is­leýän zat­la­ry­ňy­zyň ba­ry­ny eçi­ler; nä­dog­ry dü­şün­je­ –­

ýa­ra­maz­lyk bo­lup, ahyr­so­ňy öz ba­şy­ňy­za ýet­ýär. Ähli ga­ba­hat iş­ler ak­lyň kem­ter­li­gi ze­rar­ly ýü­ze çyk­ýar.

Eger-de akyl-dü­şün­je öz­ger­se, ha­ta iş­ler bol­maz.

Içiň­de ga­har-ga­zap sak­la­mak, kim­dir bi­ri­niň üs­tüne zyň­mak mak­sa­dy bi­len eliň­de köz sak­lan ýa­ly bolup, ahyr­da-da oňa özüň kö­ýer­siň. Ha­çan-da,siz kimdir bi­ri­ne ýag­şy­lyk ede­ni­ňiz-de bu ýag­şy­ly­gy özü­ňi­ze

DURMUŞ SAPAKLARY ed­ýän­di­gi­ňi­zi unut­maň!

Sen öz ba­dy­ňy bas­man, hiç ki­miň ba­dy­ny ba­syp bil­mer­siň. Ba­gyş­la­ma­gy öw­ren, özem tiz ba­gyş­la­ma­gy öw­ren!

Se­niň he­re­ket­le­riň köp za­dy aň­lad­ýar. Ösüş üçin he­re­ket et­me­giň la­zym, tiz ösüş ga­zan­ma­gyň üçin

bol­sa, yzy­gi­der­li he­re­ket et­me­giň ge­rek. Hem­me­ler ga­zanç edip bil­ýär­ler, ýö­ne he­mi­şe he­re­ket­de bolýan­lar onuň nä­me­di­gi­ni bil­ýär­ler. Şeý­le­räk bir pä­him bar:

“Hu­daý her bir gu­şa gur­çuk ber­ýär, ýö­ne ony höwürt­ge­si­ne ok­la­ma­ýar”.

Dü­şün­mä­ge ta­gal­la ediň!

Biz ha­ky­kat üçin däl-de, eý­sem, özü­miz üçin gö­reş­mä­ge baş­la­dyk. Il­ki dü­şünjek bo­luň, di­ňe şon­dan soň, özü­ňi­ze dü­şün­mek­le­ri üçin ta­gal­la ediň!

Siz baş­ga bi­ri­niň nuk­daý­na­zar­la­ryna dü­şün­mek üçin äh­li ta­gal­la­la­ry­ňy­zy et­me­li­si­ňiz.

Baş­ga­la­ry diň­läň, ola­ryň nuk­daý­na­zar­la­ry­na dü­şü­niň we şon­da ra­hat­ly­ga gow­şar­sy­ňyz.

Özü­ňi­zi ýe­ňiň!

Müň­ler­çe jeň­de ýe­ňe­ni­ňiz­den,

özü­ňiz­den rüs­tem ge­le­ni­ňiz ýag­şy­dyr. Şon­da ýe­ňiş size hem­ra bo­lar. Ony siz­den hiç bir güýç alyp bil­mez.

Özü­ňi ýeň­mek üçin öz pi­ki­riň­den rüs­tem gel­me­li. Siz öz ed­ýän pi­kir­le­ri­ňi­ze gö­zeg­çi­lik et­me­li. Çün­ki olar de­ňiz tol­kun­la­ry ýa­ly çyr­py­nyp bi­ler­ler.

Öza­ra saz­la­şyk­da ýa­şaň! 

Saz­la­şyk ýü­rek­den gelýär, ony da­şyn­dan göz­le­mäň!

Di­ňe öz ýü­re­gi­ňiz­de bo­lup bil­jek za­dy da­şyn­dan ag­tar­maň. Saz­la­şyk­–­bu

kal­by­ňyz­da­ky asu­da­lyk­dyr.

Şü­kür­li bo­luň!Nä­me­dir bir za­da şü­kür et­mä­ge nä­me­dir birzat­lar ta­pyl­ýar. Iň kyn pur­sat­lar­da-da hiç

ha­çan ruh­dan düş­mäň!

Şü­kür­li kalp si­zi beý­gel­der.

Terjime eden:

Ýegenmämmet TAÝLYÝEW.

GABAN!



Gaban!
Belki, sebäp bardyr gabanýan bolsañ,
Gabanmasañ näderdim.
Saña munça yhlas edip,
Halanmasam näderdim.
Gabanmaýan,
Gysganmaýan meñki däldir,
Nä derdim?!

Şonuñ üçin gaban meni,
Ýak meni,
Ot bilen däl, söýgiñ bilen.
Sakla meni gysymyñda,
Señ elleriñ gyssa bolýar.
Aslynda men idemeseñ,
Soramasañ hassa bolyan.

Gaban meni,
Gabanjañlar heder etsin!
Gaban meni!
Menden başga gözleriñe ilmesin.
Gaban meni!
Gysgan meni!
Tä adyñy ýazýançalar
Kitabyna Ginnesiñ!
Sen meni şeýle bir gaban,
Şeýle söý:
Guraly ajaýyp ýadygärligi
Ýaş-ýeleñleñ iñ köp barýan ýerinde,
Durar ýaly asyrlap.
Goý, ol päk söýginiñ nyşany bolsun,
Öñünde juwanlar biri-birine
Hoş söz aýtsyn,
Wada bersin,
Guşlar uçsun pasyrdap.

Sebäp bilen gaban,
Keýpine gaban!
Nähili isleseñ bolsun şo hili.
Ýekelikde gaban,
Köplükde gaban,
Sorasalar aýdaý: "Şonuñ ýesiri.
Troýanyñ şazadasy Paris deý
Bagtly bolmak üçin islendik zada
Islendik söweşe taýynyñ biri!.
Ah, saýylyñ biri".

Gaban!
Gündizlere "gardaşyñ" diýip,
Gaban!
Gijelere "syrdaşyñ" diyip.
Ukymy bir şaýa satýanym üçin.
Galamy gujaklap ýatýanym üçin.
Söýemde serhetden agýanym üçin,
Yşkyñ köçesinde ygýanym üçin.
Gurt arkalysyrap gezjek halyma,
Geýýändigim üçin geýmin gedaýyñ.
Unudýanym üçin mahal-mahallar
Hossar gözläp, hossardygny Hudaýyñ.

Gaban!
"Sözlerini oýnadýar" diýip,
"Ylhama başyny aýladýar" diýip,
Gaban, "Goşgy ýazýar" diyip,
Gaban, "Aýdym aýdýar" diyip,
"Käteler bolsa özüne
Tansçydyr öýdýär" diýip.
Diý: "Juda kän gülýär, eger gülmese,
Kalbynyñ ýarasy bitmejek ýaly.
Ýazyp, bozup, gezip, tozup, şatlanyp,
Ýaşaýar dünýäden gitmejek ýaly".

Gaban!
Sen hakdaky şygyrlarymy
Dünýä diñlesin!
Hatda senden bi:din meniñ yanyma
Ölümem arkaýyn gelip bilmesin.

Emeli aňly robot mugallym.


Hindistanda emeli aňly ilkinji robot mugallym ýurduň Keral ştatynyň mekdepleriniň birinde sapak bermäge başlady. Triwandram şäheriniň ýokary orta mekdebinde işe başlan Iris atly robot mugallym dürli dersler boýunça islendik soraglara jogap berip bilýär. Bilermenleriň pikiriçe, ýakyn ýyllarda robot mugallymlaryň ulanylyş gerimini çaklamak heniz kyn, ýöne Iris tejribesi, gürrüňsiz, geljekki bilim barada düşünje berýär we bu ýerde emeli aň kömekçi roluny ýerine ýetirer.


zamanturkmenistan.com

"Bedenimi ýakjak hindiler deýin, Hem ozal tapmadyk özümi tapjak"


Goşlam ýene meni äkidip barýar,
Aýnadakam öňkiler deý ylhamsyz.
Ýol ugrunda terminaldan pul salyp,
Seniň bilen söhbet etdim - ulgamsyz.

Göwni görýänlerem geçmişde galdy,
Degýänem ýok, öz-özüme degmesem.
Adam bolup uçmak isläpdim,
ýöne...
Uçanoga guş diýenleň hemmesem.

Giň dünýäniň bu şäheri dar maňa
Göwräme seretsem - buda kontrast.
(Meniň maňlaýdaş okyjylarmyňam,
setirlerimiňem menden ireni rast.)

Ýerinde ýok eken, bolmasa düýnem
Ýüregimi ýoklajakdym dilleşip.
Bu ýalança geleni-de köp juda,
Heýkelin oturtmaň maňa meňzeşiň.

Kölegämi gyrkyp öýde ýatyrjak,
Beýnimi nyşanlap onlukdan atjak.
Bedenimi ýakjak hindiler deýin,
Hem ozal tapmadyk özümi tapjak.

NOWJUWAN BOLMAZ.

Eý, agalar, dostum bilen sözleşdim,
Arzy-halym ýara diýsem, kän bolmaz.
Gije-gündiz bu yşk bilen ýanaryn,
Nedir halyň diýip, bir soran bolmaz.

Söwdügim sözüňe iller höwesdir,
Eger kem söýlesem, dilimi kesdir.
Bu gözellik kimden saňa mirasdyr,
Gözellerde beýle nowjuwan bolmaz.

Ala göz üstünde helal gaşlary,
Misli zer dek öwser ýaryň saçlary,
Gülgündir dodagy, hünji dişleri,
Meniň sonam kimin gülbeden bolmaz.

Garajaoglan çykmyş ýaryň bagyndan,
Goşa meňi bardyr soly-sagyndan,
Gözel, bir posa ber al ýaňagyňdan,
Gysgançlykdan asyl hiç baýan bolmaz.

ZENAN DIÝMEK.

Gurt Näzliýew.
Zenan diýmek - eneňdir,
Ýary gije ýatandyr,
Daň saz berse dogandyr,
Aňzaklarda doňandyr,
Hor - zar etmejek bolup,
Gije - gündiz eňendir,
Sebäbi, ol eneňdir.

Zenan diýmek - uýaňdyr,
Ýúzúň nury, tuwagy,
Utanjaňdyr, haýaňdyr,
Ýagşy günde begenjiň,
Kyn gúnúňde söýäňdir,
Saňa geljek belanyň,
Öňüňdäki gaýaňdyr,
Sebäbi, ol uýaňdyr.

Zenan diýmek - ýaryňdyr,
Ömürlik ýanýoldaşyň,
Baýlygyňdyr, baryňdyr,
Alawlaýan ojagyň,
Namysyňdyr, aryňdyr,
Keşgiňi deň çekişýän,
Ýakyn howandaryňdyr,
Sebäbi, ol ýaryňdyr.

Zenan diýmek - gyzyňdyr,
Teşne kalbyň gandyrjak,
Aýdymyňdyr, sazyňdyr,
Ömre şatlyk getirjek,
Gül - gunçaly ýazyňdyr,
Ogul bilen deň durjak,
Dowamyňdyr, yzyňdyr,
Sebäbi, ol gyzyňdyr.

Zenan diýmek - dúnýedir,
Adamzada dowamdyr,
Gelip - gidýän demiňdir,
Sorup alýan howaňdyr,
Zenan başy dik bolsa,
Ýaşaýşa gúwäňdir.
Ondan gymmat zat bolmaz,
Tumaryňdyr, dogaňdyr.
Çünki zenan - ýaryňdyr.
Çünki zenan - gyzyňdyr.
Çünki zenan - uýaňdyr.
Çünki zenan - ENEŇDIR!

Bir aýdymyň taryhy.