efsane_tm
27.03.2024 13:37
Bagyşla..
Dokuz aý saña ýük boldum,
Nänemjan meni bagyşla.
Mañlaýa gara der saldym,
Dädemjan meni bagyşla.
Bimar bakdyñ gözýetime,
Ganman bagtyñ lezzetine,
Çydap ýaryñ ezýetine,
Ýüregim meni bagyşla.
Ädimlenip alñasanym,
Ezmäge meýil ýasanym,
Bilkastlaýyn basanym,
Garynja meni bagyşla.
Hyýallarymy diñledim,
Niýetime ymtylmadym,
Gadyryny hiç bilmedim,
Geçmişim meni bagyşla.
Dünýe mala göwün bermän,
Haramdan iýmedim hernä,
Kä-te geçdim salam bermän,
Salamym meni bagyşla.
Iman berdiñ herbir merde,
Duçar eýlemegin derde,
Bu jahanda, ahyrýetde,
Hak Alla meni bagyşla.
Awtory: Ömürdag Tagandurdyýew.
43
93
efsane_tm
27.03.2024 00:32
Şuwagt, ýa-da hiçhaçan
Ýelkäñe gondum bagt bolup,
Tut şuwagt, ýa-da hiçhaçan.
Söýgiñ çeşmesinden ganyp,
Iç şuwagt, ýa-da hiç haçan.
Agyrdyr çyn bagtyñ ýoly,
Küýsegdir hijrandan doly,
Tagtyña ornaşar ýaly,
Geç şuwagt, ýa-da hiçhaçan.
Islemeseñ.. Bor, geçerin,
Özge ýarany guçaryn,
Eliñdeka bagt açarym,
Aç şuwagt, ýa-da hiç haçan.
Awtory: Ömürdag Tagandurdyýew
38
132
efsane_tm
18.03.2024 14:48
Yşk... Sapasyny sürendedäl,
Jepasyny çekende yşkdyr.
Baglarda gül tirendedäl,
Wepaly bolanda yşkdyr.
Suw serpilip sönendedäl,
Ot bolup ýananda yşkdyr.
Saýawanlara gaçandadäl,
Küýsege ezilende yşkdyr.
Dessan-gazaly ýazandadäl,
Kalbyña çuñ gazanda yşkdyr.
Söwer ýar gujagyndadäl,
Ýüreginde bolmak yşkdyr.
Ýar ugrunda ölendedäl,
Bagt üçin ýaşamak yşkdyr.
Oñ barlygyna guwanmakdäl,
Ýoklygyna döz gelmek yşkdyr.
Yşkyñ beýan edip bilmän,
Ýeri Gökden asmak yşkdyr.
Ykbal ýoly aýrylsa-da,
Tä ölýänçäñ söýmek yşkdyr.
Bal garylan zäher bolsa,
Bir ýuwdymda içmek yşkdyr.
Yşk.. Şeýlebir täsin duýgy,
Taryplap bilmeseñ yşkdyr.
Awtory: Ömürdag Tagandurdyýew.
43
54
efsane_tm
15.03.2024 16:39
Bugün hem aklymda ýene sen bar,
Ýene hyýalym yşkyñda hassa.
Neýlesem sensiz dünýe-älem dar,
Bir umyt bar, bu tükenmez ýasda.
Bir ýaram bar, oña çalman melhemi,
Bir hyýalym seni maña ýetirer.
Aýyrsa-da bizi ykbal ýelkeni,
Geçýän wagt meni saña ýetirer.
Gözleýän.. Nirede, geçen günlermiz?
Olar indi ýene gaýdyp gelmezmi?
Öwüsýän şemal, möwç urýan deñiz,
Arzym saña tiz ýetirip bilmezmi?
Seni ýatladýar, saýranda guşlar,
Küýsegim artýar, ýaganda ýagyş.
Hasrat zyndanynda egilse başlar,
Men saña ederdim ömrümi bagyş.
Diñledim şemaly oturyp sessiz,
Okaýan ýaly bir gamly eseri.
Ykbalyñ azaby gutarmaz hergiz,
Umydyñ parçalar kesgir keseri.
Göýä indi jan tabşyran öli men,
Ne gelen bar. Ne giden bar, ne söýen.
Azap ýaýlasynyñ gamly çöli men,
Ataşy sähräda yşk oda köýen.
Bir hyýal älemin aýlandym uzak,
Senli yklymlara ýöredim, gitdim.
Arman, aramyz şeýle bir uzak,
Belki men seniñ bilen öldüm, ýitdim.
Awtory: Ömürdag Tagandurdyýew.
35
31
efsane_tm
12.03.2024 11:12
Dodagyñda ýangyn barmyş diýdiler,
Ýanyña ýetmäge men ylgap geldim,
Alaw ýañagyña dolmuş diýdiler,
Yşgyñ sili bolup, men daşyp geldim.
Ýakyldym men yşk odyña bir gezek,
Çydamaly her jebire bu ýürek,
Asuda ýollary geçmäne derek,
Yşgyñ azabyny men aşyp geldim,
Mätäjiñ etme bu gamly Ömüri,
Söýgimi görmeýän gözleriñ körmi,
Päk söýgi bilen doldurup serimi,
Yşka serhoş bolup, men joşyp geldim.
Awtor: Ömürdag Tagandurdyýew
49
76
