Agşamlary uky gözüñe gelmez,
Garaşarsyñ, dañ hem atmaz wagtynda.
Ahmyrly nalalar mazañy bermez,
Başyñ rahat etmez ýasma ýassykda.

Bir gün bilersiñ peýda ýokdygyny,
Kalplara yşk salan gözel keşbiñden.
Sypaýyp saçyñda akja taryny,
Nem dürlenip damjalanar gözüñden.

Bir gün bilersiñ bagtyñ ýerinem,
Nämä gerekdigin möwç urýan ýürek.
Ýalñyzlanyp galanyñda megerem,
Idäp geçmişiñi ýatlasañ gerek.

Ýadan dideleriñ süzüler uka,
Düýşde meniñ bilen bagta erersiñ.
Tohum deý gömülip mele topraga,
Seni söýýänimi şonda bilersiñ.


Awtory: Ömürdag Tagandurdyýew