Rehimsiz gijäniñ düýbüne düşdim..

Rehimsiz gijäniñ düýbüne düşdim,
Mysaly girdap deý tükeniksilzik.
Tümlügiñ diline düşüner ýaly,
Gijeler barada tapmadym sözlik.

Gijeler barada tapmadym sözlik,
Ýyldyzlar gurt deýin asmany iýýär.
Şemalam geçýär ýuwaş pyşyrdap,
Aý hem şugla saçyp birzatlar diýýär.

Aý hem şugla saçyp birzatlar diýýär,
Güneşiñ nuryndan alyp öwüşgin.
Ýaraglanypdyr rehimsiz gije,
Çañyny artmaga pos bolan yşgyñ.


© Ömürdag Tagandurdyýew