bayramgeldiyewarslan
08.01.2024 18:33

Emojipedia portalynyň baş redaktory Kit Broni 2023-nji ýylyň iň meşhur on sany smaýlynyň sanawyny çap etdi.


Hünärmeniň pikiriçe, ýurtda iň köp ulanylýan smaýllardan çen tutsaň, 2023-nji ýylyň esasy artykmaçlygy - oňynlyk birinji orunda durdy. Soňky 12 aýyň içinde iň köp ulanylan 10 smaýla gülüp gözi ýaşaran, gülüp kese ýykylan ýüzler we gyzyl ýürek girdi. 2023-nji ýylda çykan täze smaýllaryň arasynda iň meşhury gülgüne, çat açyp gelýän, gök we çal ýürekler boldy.


“2023-nji ýylda iň köp ulanylan smaýllar emodjili klawiaturanyň absolýut  klassika toplumy boldy. Birinji belgide gülüp gözi ýaşaran ýüz, ikinji belgide bolsa “gülüp kese ýykyldym” boldy. "Ýürek gözjagazlar" altynjy orunda, "ýürek gözlüje ýylgyrýan ýüz" meşhurlygy boýunça 10-njy orny eýeledi” diýip, Kit Broni gürrüň berdi.


Smaýllar ilkinji gezek 2008-nji ýylda girizilen hem bolsa, olar barha meşhurlyga eýe  bolýar diýip Broni belledi. Iň gowy görýän smaýllarymyzyň oňyn sazlaşygy adamlaryň köp wagtyny öz dostlary we maşgalasy bilen geçirýändigi bilen bagly  bolsa gerek diýip ol aýtdy we: "Iň gowy 10 smaýl adamlaryň öz dostlaryna we maşgalasyna oňyn duýgularyny beýan edýändiklerini görkezýär. Sanawdan çen tutup, "gülüp gözi ýaşaran ýüz" indiki ýyl hem birinji ýerde galar diýip pikir edýärin. Beýleki gülýän smaýllar, hemişekisi ýaly, dünýäde iň meşhur bolmagyny dowam etdirer. ”
32
152
5
bayramgeldiyewarslan
05.01.2024 06:59
2024-nji ýylyň 1-nji ýanwarynda Akdepe etrabynyň Ak altyn geňeşliginiň Bagtyly obasynda ýaşaýan Sarygül Mätiýewa 116 ýaşyny doldurdy.

«Türkmenistan» gazetinde habar berlişi ýaly, onuň pasportynda hem doglan güni «1-nji ýanwar» diýlip resmileşdirilipdir.

«Her baýramçylyk güni döwletli ojagyň törüni bezäp oturan, jennetiň ak guşy ýaly mähriban enäni hem Täze ýyl, hem doglan güni bilen gutlap, ogul-gyzlary, 43 agtygy, 96 çowlugy, 8 ýuwlugy bereketli saçagyň başynda jem bolýarlar» diýlip gazetde bellenilýär.
17
78
6
bayramgeldiyewarslan
04.01.2024 16:28
1-nji ýanwar — Täze ýyl;

27-nji ýanwar — Watan goragçylarynyň güni;

18-nji fewral — Türkmenistanyň diplomatic işgärleriniň güni;

8-nji mart — Halkara zenanlar güni;

21-22-nji mart — Milli bahar baýramy;

7-nji aprel — Bütindünýä saglyk güni;

Aprel aýynyň soňky ýekşenbesi — Türkmen bedewiniň milli baýramy;

9-njy maý — 1941— 1945-nji ýyllaryň Beýik Watançylyk urşunda Ýeňiş güni;

18-nji maý Türkmenistanyň Konstitusiýasynyň we Türkmenistanyň Döwlet baýdagynyň güni;

25-nji maý — Aşgabat şäheriniň güni;

Maý aýynyň soňky ýekşenbesi — Türkmen halysynyň baýramy;

1-nji iýun — Çagalary goramagyň halkara güni;

3-nji iýun — Bütindünýä welosiped güni;

5-nji iýun — Daşky gurşawy goramagyň bütindünýä güni;

12-nji iýun — Ylymlar güni;

27-nji iýun — Medeniýet we sungat işgärleriniň hem-de Magtymguly Pyragynyň şygryýet güni;

1-nji sentýabr — Bilimler we talyp ýaşlar güni;

27-nji sentýabr — Türkmenistanyň Garaşsyzlyk güni;

1-nji oktýabr — Ýaşulularyň halkara güni;

6-njy oktýabr — Hatyra güni;

10-njy oktýabr — Türkmenistanyň saglygy goraýyş we derman senagaty işgärleriniň güni;

Oktýabr aýynyň soňky ýekşenbesi — Türkmen alabaýynyň baýramy;

3-nji noýabr — Gurluşyk we senagat toplumynyň işgärleriniň güni;

Noýabr aýynyň ikinji ýekşenbesi — Hasyl toýy;

12-nji dekabr — Halkara Bitaraplyk güni;

14-nji dekabr — Nebitgaz senagaty we geologiýa işgärleriniň güni;

21-nji dekabr — Türkmenistanyň ilkinji Prezidenti S.A.Nyýazowy (Beýik Saparmyrat Türkmenbaşyny) ýatlama güni;

Oraza baýramy — Oraza baýramynyň anyk senesi her ýyl Türkmenistanyň Prezidentiniň Permany bilen kesgitlenilýär;

Gurban baýramy — Gurban baýramynyň anyk senesi her ýyl Türkmenistanyň Prezidentiniň Permany bilen kesgitlenilýär.
14
48
2
bayramgeldiyewarslan
01.01.2024 00:33
ABŞ-nyň alymlary titreme arkaly işdäni azaldýan derman gerdejigini taýýarladylar. Bu titremeli gerdejik kabul edilýän iýmiti 40 göterim azaltmak bilen horlanmaga kömek edýär.

Nahar iýlende aşgazan uzalyp, nerw ulgamy arkaly adam beýnisine signal iberilýär, şondan soň dokluk duýgusy ýüze çykýar. Alymlar tarapyndan döredilen derman gerdejiginiň yrgyldylary hem şol reseptorlara täsir edýär. Ol nahardan 20 minut öň kabul edilse, beýnide adamyň doýandygy baradaky duýgulary döredýär.
Gerdejigiň ululygy adaty multiwitaminli gerdejigiňkä meňzeş we ol kiçijik kümüş oksidi batareýasy bilen işleýär. Titremäni işjeňleşdirýän elektron zynjyr aşgazan kislotasy bilen galtaşanda işläp başlaýar we onuň energiýasy 30 minuda ýetýär. Ondan soň gerdejik dört-bäş günüň içinde tebigy ýol bilen bedenden çykýar.
Şeýle hem alymlar titremeli gerdejikleriň ulanylmagynyň iýmit siňdirişine we doýmaklyga sebäp bolýan C-peptid, peptid YY we GPP-1 gormonlarynyň derejesiniň ýokarlanmagyna täsir edendigini anykladylar. Şol bir wagtyň özünde, açlyk duýgusyna jogap berýän greliý gormonynyň derejesi azaldy.
18
62
1
bayramgeldiyewarslan
31.12.2023 11:40
Disney multfilmlerinden gahryman Mikki Maus 2024-nji ýylyň 1-nji ýanwaryndan jemgyýetçilik emlägi bolar. Bu barada Times gazetine salgylanyp, gazeta.ru habar berýär.

Neşiriň maglumatlaryna görä, dünýäniň islendik ýerindäki režissýorlar, ssenariýaçylar we suratkeşler Mikki Mausyň keşbini mugt ulanyp bilerler. Ýöne bu diňe multfilm gahrymanynyň 1928-nji ýylda “Willi gämijigi” atly gysga metražly kartinadaky gara-ak görnüşde berlen ilkinji wersiýasyna degişlidir.
Disney-iň täsiri bilen birnäçe gezek üýtgedilen we hatda “Mikki Mausy goramak baradaky kanun” adyny alan ABŞ-nyň Awtorlyk hukugy baradaky kanunyna laýyklykda, personaž üçin monopoliýa 95 ýylyň dowamynda saklanyp bilner. Disney üçin şol möhlet hem ýakynda tamamlanýar.
19
21
1
bayramgeldiyewarslan
30.12.2023 18:03
Dubaýdaky 700 töweregi ýokary okuw mekdebini we okuw merkezlerini jemleýän bilim klasteri Dubai Knowledge Park öz 20 ýyllygy mynasybetli agramy 300 kg-dan gowrak ägirt uly Rubigiň kubigini gurnady. Bu kubik Ginnesiň rekordlar kitabyna girizildi diýip, bigasia.ru habar berýär.

Rubigiň kubigi bir metr beýiklikdäki 21 sany aýna süýümli kubdan ybarat bolup, onuň umumy ölçegi – 3 x 3 x 3 m barabar.
Döredijileriň aýtmagyna görä, bu ägirt uly Rubigiň kubigi Dubaýyň bilim seýilgähiniň dürli nesilleriň arasynda döredijilikli pikirlenişi we seljeriş ukyplaryny ösdürmäge ygrarlylygyny alamatlandyrýar. Bellenilişi ýaly, kubuň elementleriniň her bir öwrümi ýönekeý bir hereket bolman, “täze başarnyklaryň ele alynmagy, çylşyrymly meseleleriň çözgüdi we bilimde boşluklaryň aradan aýrylmagydyr”. Köplere çagalykdan bäri belli bolan bu tapmaça şekili bilim ýolunyň ýakymly we özüne çekiji bolup biljekdigini ýatladýar.
17
55
0
bayramgeldiyewarslan
29.12.2023 17:36
Halkara futbol taryhy we statistika federasiýasy (IFFHS) 2023-nji ýylyň iň gowy ýaş futbolçysyny atlandyrdy. Report agentliginiň federasiýanyň resmi saýtyna salgylanyp habar bermegine görä, ol möwsümiň başynda Dortmundyň “Borussiýasyndan” Ispaniýanyň “Real” klubuna geçen Jud Bellingem boldy.

20 ýaşly ýarym goragçy 276 utuk alyp, ähli garşydaşlaryndan öňe geçdi. Reýtingde ikinji “Bawariýadan” Jamal Musiala (120), üçünji Ispaniýanyň “Barselonasyndan” Gawi (82) boldy.
20
57
6
bayramgeldiyewarslan
29.12.2023 06:46
Ýawa skatlary (Urolophus javanicus) Halkara tebigaty goramak bileleşigi (HTGB) tarapyndan adamzadyň işjeňligi sebäpli nesli tükenendigi resmi taýdan yglan edilen ilkinji deňiz jandary boldy. Häzirki wagtda süýji suwda ýaşaýan balyk görnüşleriniň takmynan 20%-ne şol sebäbe görä we howanyň üýtgemegi sebäpli ýitip ýok bolmak howpy abanýar.

«Süýji suw balyklary dünýäde mälim bolan balyk görnüşleriniň ýarysyndan gowragyny emele getirýärler, ýaşaýan ýerlerini göz öňünde tutsak, olar suw gurşawynyň diňe 1%-ini eýeleýärler. Olar ekosistemalaryň durnuklylygy we maşgalalaryny eklemegiň ýeke-täk usuly hökmünde balyk tutmaga bil baglaýan milliardlarça adam üçin möhüm ähmiýete eýedir» diýip, HTGB-niň suwda ýaşaýan balyklar boýunça hünärmenler toparynyň egindeş başlygy Keýti Hýuz belledi.

Urolophus javanicus 1862-nji ýylda Indoneziýanyň Jakarta şäheriniň kenarynda tutulan diňe bir nusga bilen mälim boldy. Şondan bäri bu seýrek balygy biologlar görmedi.
23
38
0
bayramgeldiyewarslan
28.12.2023 16:42
Russiýa Federasiýasyndan aýdymçy-kompozitor Anna Wladimirowna Şuroçkina «Türkmenistanyň at gazanan artisti» diýen hormatly at dakyldy. Bu barada degişli Permana Türkmenistanyň Prezidenti Serdar Berdimuhamedow gol çekdi.

Permanda bellenilişi ýaly, bu hormatly at Türkmenistan bilen Russiýa Federasiýasynyň halklarynyň dost-doganlyk, hoşniýetli goňşuçylyk hem-de hyzmatdaşlyk gatnaşyklaryny berkitmekde, iki döwletiň arasynda uzak ýyllardan bäri dowam edip gelýän medeni-ynsanperwer ulgamlardaky hyzmatdaşlygy pugtalandyrmakda bitiren aýratyn hyzmatlary üçin, şeýle hem joşgunly zehinini we aýdym-saz sungatyny ösdürmekde gazanan ajaýyp üstünliklerini göz öňünde tutup dakyldy.
23
28
1
bayramgeldiyewarslan
28.12.2023 06:36
Meatcritic web sahypasynyň redaktorlary tankytçylaryň pikiri boýunça 2023-nji ýylyň iň erbet filmleriniň anti-reýtingini düzdüler. Ýygynda diňe tomaşaçylardan azyndan dört syn alan filmleriň düşendigini bellemelidiris.

Birinji ýer “Winni-Puh: Gan we bal” atly gorkunç filmiň paýyna düşdi. Şeýle hem ýygynda Zak Snaýderden “Gozgalaňçy Aý”, “Durzup bolmaýanlar 4” söweşjeň filmi we ekranlaşdyrylan “Freddi bilen geçirilen bäş gije” girdi.
Metacritic-iň tankytçylarynyň pikirine görä, 2023-nji ýylyň iň erbet 15 filmi:

"Winni-Puh: Gan we bal" - 100-den 16 bal.

“Bir ganatda” - 100-den 19 bal.

“Ölümden soň” - 100-den 22 bal.

"Mekgejöweniň çagalary" - 100-den 22 bal.

“Ştatdan daşary janpena” - 100-den 24 bal.

“Gadyrly Dawid” - 100-den 25 bal.

“Assassinler kluby” - 100-den 27 bal.

“Samsyk üçin jennet” - 100-den 27 bal.

"Gyz ýygyn: Soýha-soýluk gijesi" - 100-den 30 bal.

"Saklap bolmazaklar 4" - 100-den 30 bal.

"Öý haýwanlarynyň gonamçylygy: Ganybirlik " - 100-den 31 bal.

"Gozgalaňçy Aý, 1-nji bölüm: Ot çagasy" - 100-den 31 bal.

“Ol - gülle” - 100-den 31 bal.

“Ýene söý” - 100-den 32 bal.

"Freddi bilen geçirilen bäş gije" - 100-den 33 bal.
16
14
0
Yene yükle