barlagcy
22.08.2021 12:19
Owal başda, kadyr alla,
Senden bir kömek islärin.
Badam gabak, alma ýaňak,
Bir ziba senem islärin.

Taňry bermese nädäli?
Baş alyp, nirä gidäli?
Oturyp-turşy edaly,
Gaşlary galam islärin.

Özüne hormat getiren,
Äriniň hyzmatyn bitiren,
Gaşyny çytman oturan,
Maňlaýy gülen islärin.

Ýigrimi ýaş ötdi menden,
Hezl etmedim, dünýä, senden.
Tili süýji, lebi handan,
Bir goýna salan islärin...

Pyragy, geldim jahana,
Bir ýar bergil akly-dana,
Duşdum üm bilmez nadana,
Bir gadrym bilen islärin

Magtymguly Pyragy
8
55
0
barlagcy
20.08.2021 15:03
Çagalar bagyna gelsene bir gün!
Haýyşym:gyra goý ähli işiñi.
Çynym aýtsam,jogabyny bilemok:
Meniñ üçin lezzetmi ýa işimmi?!

Olar bizden tapawutlanýar juda
Jogaba garaşman söýmegi bilen.
Diñlesene,gyzjagazlañ öwnüşin
Düýn täze alynan köýnegi bilen.

"Meñ kakam güýçli-de,meñ kakam güýçli"
Gyzyşandyr oglanlaryñ jedeli.
Bu ýer gamsyz günleriñe dolanmak -
Mährem çagalygña gitmek ekeni.

Nämä degmez buýsanç bilen synlamak
Arzuwlaryñ howa içre gaýyşyn.
Başarsañ hökman gel,unut aladañ,
Häzir şundan özge ýokdur haýyşym.

Kisäñi mähirden pürepürläp gel,
Mähirden özgesi munda artykmaç.
Meni tanamagyñ oñat ýoly şol,
Çünki, ruhum olar bilen ýaşytdaş.

Mahym NURGELDIÝEWA
11
92
1
barlagcy
18.08.2021 18:13
Biz bile meýdanda sogan ýygypdyk,
Şol ajyly meýdan tagamlydy has.
Ykmanda dostlamdan gaçyp gijeler,
Gözleňde gizlenip bolardym halas.

Ir bilen meýdanda garaşardym soň,
Seň geljek ýoluňa garagym dike.
Sen üstünde gezseň ýaşyl öwserdi,
Göge döşün serip "garawul depe".

Bir günem üstüme ýykyldy dünýä,
Ýaglygyňy sogrup gyňaç daňdylar.
Biz birek-biregi ynjytjak däldik,
Ejeler durmuşy kynlaşdyrdylar.

Arzuwlarmyz, arzuw bolup galaýdy,
Ykballaň gözüne sokdular iňňe.
Bu gün gulagyma şum habar degdi,
Ýaşaýan dünýämden gidipdir Dünýe.

Ýüregi tämizim, ýüregmi ýolduň,
Asman mazarlykda başyn egip dur.
Saňa birje sözi aýtmaklyk üçin,
Guburyňa giräýesim gelip dur.

Ýazmyrat Çörli
9
140
2
barlagcy
barlagcy
13.08.2021 15:51
KEÝPIM GÖTERILÝÄ... Keýpim göterilýä ýadyma düşseň, Arzuwlam ýaşaýar gözleň düýbünde. Şat günleriň geljegine ynam bar, Gussalarym solup galdy düýnümde. Ertekiden çykyp gaýdan perim sen, Asman, Zemin
11
599
53
barlagcy
09.08.2021 16:53
Agyrma ýüregim, agyrma beýle,
Ýör bile çykaly seýrana-seýle.
Belki gussalaryñ egsiler gider,
Bilýäñmi hool günem bolupdy şeýle.

Baý şonda kösäpdiñ agyryp öte,
Şonda-da ikimiz çykypdyk çete.
Derman, därä pisint dagam etmediñ.
Kim bilýä nämeler düwdüñ sen nete?

Gereginden artyk urjak bolduñmy,
Ýa, urup ýadadyñ, durjak bolduñmy.
Bilmekligim üçin durmuş gymmatyn,
Ýa, gorkuzup hile gurjak bolduñmy?

Siñesim gelenok Ýeriñ teýine,
Irden görenlerim ýogaldy öýle.
Entek edilmedik işlerim ýatyr,
Agyrma ýüregim, agyrma beýle.

Ýazmyrat Çörli
12
88
3
barlagcy
03.08.2021 15:25
Huşumda elýetmez beýik şaha sen
Nahal bolup düýşlerime girsene
Mährim bilen suwaraýyn, söýeýin
Bagymdaky bezeg bolup dursana.

Ýada bilbil bolup giräý düýşüme
Seniñ gelip gonjak güliñ bolaýyn
Owazyña sesim goşup sen bilen
Söýgimiziñ mukamyny çalaýyn.

Ömürleñ ýarysy ukyda geçýär
Ìñ bolmanda düýşlerimi beze sen
Hyýalymda arzuwlaryma gowşaýyn
Duýmaz ýaly yalñyzlygyñ yzasyn.
10
84
3
barlagcy
31.07.2021 12:30
Dostum mahal-mahal ýanyma gelýär,
Gürleşýäs. Gülüşýäs. Işlerimiz düz.
Ol mensiz ýeke gün oňup bilmeýär.
Men bolsa onsuz.

Meniň ähli syrym dostuma aýan.
Olam syryn gizläp, aldanok meni.
Ol meni özümden oňat tanaýar.
Men bolsa ony.

Aýrylşýas, «Hat ýazyp duraryn hökman!»
Oňa wada berýän. Ol bolsa maňa.
Soň ol maňa ýazyp durmaz beýle kän.
Men bolsa oňa.

Emma günleň biri, bilip bilmeýän,
Bu uly durmuşda bolsa maňa kyn,
Ol meň üçin başyn goýar bigüman.
A men oň üçin.

Ol maňa elmydam düşüner dogry,
Kemçiligim bilen dogramaz meni,
Ýalňyşsam darar-da goýbär dogumly.
Men bolsa ony.

Ine güýz. Ol güýz deý paýhasly barýar.
Wepalydyr. Dök ýürekde baryňy. Hawa.
Meniň şeýleräjik dostum bar!
A sizde barmy?


Gurbannazar Ezizow
10
111
3
barlagcy
28.07.2021 18:50
Indi hiç zat ýüregimi gozganok,
Ýer ýok onda şatlyga-da, gama-da.
Düýn gowy dostumyň kyrkyny sowdum,
Bu günem bir toýda boldum tamada.

Dünýäniň şowhuny azalan ýaly,
Ýekelik höwesi aňyma ýaýran.
Edil häzir jaýlar uçup gitse-de
Ahmal, men şoňa-da galmaryn haýran.

Her zat boljak eken ýagty dünýäde,
Bolman biljek eken, bolmaly zadam.
Hergiz ýazgydyndan n-razy bolsa,
Ýürekdeş dostuny küýseýär adam.

Menem seni küýsäp, meýdana çykdym,
Çopantelpekleri söýdüm, ysgadym.
Şolara-da ýaman nebsim agyrýar,
Olaryňam galan ömri gysgadyr.

Çünki, ýene güýz gelipdir äleme,
Çygly şemal kän öwüsýär ilerden.
...Sen bile sary gül ýygardym weli,
Uzakda sen gülüň parhyn bilerden.

Çary Ýegenmyradow
14
184
3
barlagcy
24.07.2021 11:40
Oturdym: Ýer-göge nazar aýladym,
Dünýä köne, sowal-jogabam köne.
Aýrylygyň nämedigin aýdaýyn,
Söýgiň nämedigini soramaň ýöne.

Aýdaýyn men nämedigin gussanyň
Şatlyk näme? — Ony soramaň menden,
Alajyn tapmadym göge uçmanyň,
Ýerde-de derdime tapmadym melhem.

Men durmuşda agyr ýoly saýladym,
Aýdym ýazdym, ýürek-bagrym dilinse.
Betbagtlygyň nämedigin aýdaýyn,
Bagty bagtlylardan soraň gidiň-de!..

Nobatguly Rejepow
16
316
7
barlagcy
19.07.2021 00:05
Görüpmidiň, çöle bahar gelşini,
Görüpmidiň, şonda sähraň bolşuny?

Görüpmidiň, gök ummanyň içinde
Çöl gözeli — jerenleriň böküşün?
Gumlularyň öýlänçisi gelende
Depä çykyp gyzlaň läle kakyşyn?

Görüpmidiň, gök gürlände zeminden
Gök ýylaklaň parsa-parsa çykyşyn?
Gumlulary gutlap gelen ýaz bilen
Yzyn üzmän ýyldyrymyň çakyşyn?

Görüpmidiň, depelerden, düzlerden
Mele siliň alalara akyşyn?
Görüpmidiň, şonda teşne çarwalaň
Çykyp daşa, bu görnüşe bakyşyn?

Ysgapmydyň, gandymlaryň gülüni,
Diňläpmidiň, sähraň jadyly sazyn?
Eşdipmidiň, gözýetimden aňyrdan
Gollar aşyp gelýän tüýdük owazyn?

Synlapmydyň, ýaşyl ýaýla ýazylan
Ýüpek ýüňli goýunlaryň sagrysyn?
Çarwa gyzy säher suwa çykanda,
Keteniň üstünden geýen begresin.

Ah, sen çöl bahary, çölüň bahary,
Neneň şahyrana, neneň eziz!
Kim-de kim jemalyň görmedik bolsa,
Dünýäň gözelligini görmändir heniz.

Berdinazar Hudaynazarow
10
137
6
Yene yükle