Agyrma ýüregim, agyrma beýle,
Ýör bile çykaly seýrana-seýle.
Belki gussalaryñ egsiler gider,
Bilýäñmi hool günem bolupdy şeýle.

Baý şonda kösäpdiñ agyryp öte,
Şonda-da ikimiz çykypdyk çete.
Derman, därä pisint dagam etmediñ.
Kim bilýä nämeler düwdüñ sen nete?

Gereginden artyk urjak bolduñmy,
Ýa, urup ýadadyñ, durjak bolduñmy.
Bilmekligim üçin durmuş gymmatyn,
Ýa, gorkuzup hile gurjak bolduñmy?

Siñesim gelenok Ýeriñ teýine,
Irden görenlerim ýogaldy öýle.
Entek edilmedik işlerim ýatyr,
Agyrma ýüregim, agyrma beýle.

Ýazmyrat Çörli