awadan
01.06.2024 13:23
![]()
MELGUN
hekaýa
Ýene mykyldap barýar.
Gasygynyň ýagy guşagyndan maýasy ýeten hamyr ýaly çogup dur. Garynlak diýmeseň, beýle bir semizem däl. Etli-ganly, deşli ýaş ýigit. Egninde haçan görseň ütüklenen, ýeňi çermelen köýnek, aýagy-da jins balakly. Boýy uzyn, dabanynyň hersi bir ýana garap, düýe patanaklan ýaly ýöreýär.
Ýanýoda geçjek bolup, kiçijik daşjagaza büdreýär. Erre!
Ýene şol äpet gulaklykda. Aýdym diňläninde, käte başyny çaýkaman saklanyp bilenok.
Soňky döwürler ýüzüni sakgala basdyrypdyr.
Adatça eňeginde iküç günde biten tüýüni syrman işe barýan adamlara-ha ilki başlyklary gulak etini iýip, azar ýamanyny berer, soňam uly köçäň gyrasynda egläp, dindardyr öýdüp, resminamasyny sorarlar, onsoň oňa derek ýüzüne özleriniňkiden has gür sakgally adamlaň suraty çekilen kagyzlar bilen sypmaly bolar.
Muň bolsa adyny tutýan ýok. Daşary ýurtlydyr öýdýärlermikä? Ýa ýüzüni nurana görýärlermikä? Aý, ýok, gulaklygyndan, sakgal-murtundan, äýneginden ýaňa ýüzi-gözem görnenok ahyryn, motosikl şleminde gezip ýören ýaly. Diňe selçeňlän saçynyň astyndaky giň maňlaýy ýalpyldap, ullakan burny sömelip durandyr.
Howwa, ýüzünüň üstünde burny bar diýýän men şoňa. Bolup ýörşüni synlamda, ýeňse damarym gataberýär. Kän gözüme ilmese, gulaklygy kellesine ýelmeşendir öýderdim, ýöne men muňa belet. Men mydama şulaň töweregindedim – ilki çagalar bagynda, soň mekdepde, ýaşaýan jaýymyzda, indi hatda edarada-da bile. Ýöne men ondan hemişe, hemme zatda üstün. Ýaşymam uly, bilimimem çuň, durmuş tejribämem ondan ýokary...
Garaz, ol uzakly gün gözümiň alnynda. Işde sazjagazlaryny diňlänok. Gep edip, kino görüp, kitap okan kişi bolup ötürýär wagtyny. Beýlekiler ýaly basa oturyp işlänok. Ýöne, ynanaýyň, bir karamçylyg-a ýüz urýar. Ýogsam bu bihepbeligi bilen aýyň soňunda normatiwleri nädip doldurýarmyşyn? Iň bolmanda, ýokary bilimem ýok ahyryn.
Ikimiz günde şol bir awtobusda işe gatnaýas. Her bir hereketini öwrendim, sorasalar, dürli ýagdaýlarda nätjegini öňündenem aýdyp bilerin: ol ýaşy kyrkdan geçenlere ýer berýär, aýal-maşgala ugrundan dik duran bolsa, ýaş gyz bolaýsa-da, oturup bilenok, ýerine hyrydar däldiklerini aýtsalaram, tutawaja ýapyşan bolup, dikdüşdiligini eder durar. Käte ünsüni başga zatlara sowup oturan beýleki ýaş ýigitlere-de onuň derdinden rahatlyk ýok, tirsegine kakan bolup: «Şu daýza ýer beräýerler, garrap dogan dälsiň-ä» diýip, utandyran bolar, ol samsyklaram zöwwe aýaga galýarlar.
Men bolsa awtobusa münenimden iň yzda ýer basyp alýan. Bärde otursaň – arkaýynçylyk, maýyp-müjrübe-de ýer bermeli bolaňok, hemme ýolagçylaram gözüň alnynda, gyz-gelin münse, synlap, aýnany açyp, şemallap, maza kyly-y-yp oturmaly. Özüm-ä oturgyçda oturan uzyn köýnekli gelin-gyzlaryň aýaga galýan mahalyny gözden sypdyramok, şo pursat ştapyllarynyň batmasyz ýerine batyşyny görmek üçin. Ha-ha. Munuň bilen gyzyklanýan ýeke men däl. Gelinleriň aglabasy turan badyna eşigini çekişdirip, gowlaşdyrýar, ýöne käsi şo durşuna çykalga tarap ýöräp gidýär, onsoň awtobusyň içindäki erkek-göbeklileriň barynyň nazary şol çaýkanýan iki gümmülüň arasyndaky uzyn çukura dikilendir.
Öňem bir halypamyzyň aýdyşy ýaly: «Bizde-de işdä bar...»Emma ýaňky aňkawymyzyň o zeýilli tomaşa bilen işi ýok. Ýa telefonyna dümtünen bolup, aýdym diňlär, ýa-da dik duran ýerinden kitap okan bolar. Okasa-da, aýdym-sazyny öçürmez – baslarynyň urgusy gulak perdesini çekiçläp durandyr, golaýyna barsaň, sazy daşyna eşidiler. Awtobus öwlüýäniň deňinden geçse-de, ne aýdymyny peselder, ne-de töwir galdyrar, makaw!
Şo bolşuna, köpçüligiň gözüne çöp atmaga-da ökde. Her kimiň dilini tapýar, her kim bilen äbede-jüýbe.
Edaramyzda murtly, hiç kim bilen jyny jyňkyryşmaýan, howany gaýçylap gepleýän ýüregedüşgünç ýaşuly bar – hatda şoň bilenem tüýi çümüşen ýeri ýok. Ine, şu meň üçin, dogrusy, iň bir geň tarapy. Özüm-ä, duz kessin, ýaňky şugulçy murta gözüm düşeninden, kellämi satanymdan geçirip, göçügimi synlanymy gowy görerin. Bir ýola ýaňky aňkaw ikimizi şol murtuň gepi üçin tas işimizden pyzypdylar. Tabşyrylan çärä barmansyňyz diýip...
Dogamy bar...
20
107
awadan
31.05.2024 21:09
NESİHATLY HEKAYA
Ümsümlik
Bir ýola bir garry bagyň saýasynda dynç almak üçin dyzyny epipdir. Ol ýere garrynyň durmuş ýörelgesi we pikirleri bilen ylalaşmaýan birnäçe jahyl ýigitler hem ýygnanyp, ýersiz-ýere oňa yrsarap başlapdyrlar. Ýöne, garry özüni parahat alyp baryp, olara barmysyňyz hem diýmändir. Garrynyň özüni parahat alyp barmagy olary has-da öjükdiripdir. Oňaýsyz ýagdaý emele gelipdir: olar garry ruhanyny kemsidipdirler, ol bolsa sesini çykarman arkaýyn otyrmyş. Ahyr, olaryň biri garra habar gatypdyr:
– Bu nä boluş, how. Biz bu gepleriň baryny saňa aýdýarysmykak öýdýäs welin… ýa-da sen eşideňokmy?
– O nähili! Eşidýän! Hut eşidýänligim üçin hem ümsümligimi saklap otyryn-da. Ýigitler, siz bir zada düşüniň, meni kemsidip kemsitmezlik siziň öz işiňiz. Ýöne, siziň samsyklygyňyzy kabul edip etmezlik welin, meniň öz ygtyýarymdaky zat. Men olary inkär edýärin, sebäbi olar kabul edeniňe degenok. Siziň aýyplamalaryňyzy kabul etmeýänligim üçin, siz olary özüňizde saklap bilersiňiz. Şeýle-de, size meni kemsitmegem gadagan edemok. Bu siziň erkinligiňiz we hukugyňyz – diýip, garry parahat jogap beripdir. Soňra bolsa, ýylgyrypdyr-da, batlary gowşap ugran jahyllara ýüzlenip: – Elbetde, siz maňa hiç-hili zeper ýetirmediňiz, hiç-hili birahatlyk döretmediňiz. Bolmasa, bireýýäm menden şu taýagy iýerdiňiz – diýip, elindäki taýagyny olara gezäpdir-de, ýerinden turmak bilen boluberipdir.
Bagban we ýazyjy
Bir bagban adygan ýazyja ýüzlenip, şeýle diýipdir:
– Seniň hekaýalaryňy okadym. Olar maňa diýseň ýarady. Bilýäňmi, men näme hakda pikir etdim? Isleseň men saňa täze hekaýalary ýazmaga bäş-alty sany pikir bereýin. Olaryň maňa geregi ýok. Sebäbi, men ýazyjy däl. Mümkin, sen oňat hekaýalary ýazarsyň, kitap çykararsyň, pul gazanarsyň.
Ýazyjy oňa şeýle jogap beripdir:
– Gardaş, men saňa gowusy şu iýip oturan almamy bereýin! Onda oňat dänelerem bar. Däneleriň maňa geregi ýok, sebäbi, men bagban däl. Mümkin, sen olary ekersiň, oňat almalary ýetişdirersiň, hasylyny ýygnarsyň hem-de ep-eslije gazanarsyň.
– Diňle gardaş! Seniň dişlän almaňa mätäçligim ýok. Meniň almalarym hem, alma agaçlarym hem, özüme ýetik! – diýip, bagban gaharlanyp ugrapdyr.
– Onda, sen näme üçin, meniň pikirlerim özüme ýetmeýändir öýdýärsiň? – diýip, ýazyjy ýylgyrypdyr
20
64
awadan
31.05.2024 10:31
HEKAÝA
Kämillik
Bir zenanyň iki sany uly küýzesi bolup, olaryň her biri egin agajynyň bir ujundan asylyp goýlan eken. Küýzeleriň birinde biraz jaýryk bolup, her gezek derýadan öýe gelýänçä, içindäki suwy ýarty bolup galýan eken. Beýleki küýze bolsa, abat bolup, öýe çenli dolulygyna barýan eken.
Bu ýagdaý birnäçe ýyl dowam edip, zenan öýüne diňe bir ýarym küýze suw eltipdir. Elbetde, abat küýze öz üstünligine az begenmändir. Çat açan betbagt küýze bolsa, öz kemçiliginden utanyp, gynanypdyr. Sebäbi, ol zerur suwuň diňe ýarysyny getirip bilipdir. Bir gezek hälki küýze çeşmäniň başynda eýesine garap zeýrenipdir:
– Men öz ýagdaýymdan gaty utanýan, sebäbi meniň öýe çenli aralykda suwumyň deň ýarysy daşyna akyp gidýär.
Zenan ýylgyryp şeýle diýen:
– Ýodanyň sen tarapdaky gyrasynda gülleriň ösüp oturandygy, beýleki küýze tarapda bolsa, hiç hili gülüň ýokdugy, ünsüňi çekmedimi? Men seniň kemçiligiňi bilýänligim üçin hem seniň tarapyňa gülleri ekdim. Her gün biz yzymyza öwrülenimizde sen olary suwarýarsyň. Eger-de sen şeýle bolmadyk bolsaň, onda bu gözellikler asla-da bolmazdy.
Netije: Her kimiň özüne ýeterlik kemçiligi, şol bir wagtyň özünde hem şahsy aýratynlygy bolup, olar biziň durmuşymyzy gyzykly we arzyly edýär. Şoňa görä, her kimi öz bolşy ýaly kabul edip, ondaky gözellikleri görjek bolmaly.
Iş haky
Işçileriň biri öz hojaýynynyň ýanyna arz edip barypdyr:
– Hojaýyn! Sen näme üçin, Ahmede üç esse köp hak töleýäň? Ýogsam men ýalta-da däl, işleýşim hem Ahmediňkiden pes däl. Seniň bu edýäniň adalatly däl.
Nazaryny uzaklara dikip duran hojaýyn, sakgalyny sypalap, şeýle diýipdir:
– Şo ýerden bir gara görünýär. Göwnüme bolmasa, düýeleriň kerweni ýaly-la. Bar, git-de bilip gel!
Işçi alňasap gidýär. Köp wagt geçmänkä-de yzyna gelip, şeýle diýipdir:
– Dogry eken, hojaýyn! Kerwen geçip barýar.
– Niräň kerwenidigini anyklamadyňmy? Mümkin, Medineden gelýändir?
– Bilmedim.
– Bar, git-de bilip gel.
Işçi gidip, ýene-de öwrülip gelýär.
– Hojaýyn! Dogry eken, Medineden gelýän kerwen eken.
– Ýüki nämekä?
– Bilmedim.
– Bar, git-de, onam bilip gel!
Ol gidip gelip, şeýle diýýär:
– Hojaýyn, kerweniň esasy ýüki hurma eken.
– Bahasyny soramadyňmy?
– Ýok.
– Bar, ony hem bilip gel.
Şol wagt howla giren, Ahmet şeýle diýýär:
– Hojaýyn, golaýymyzdan Medinäniň hurmadan mas ýüklenen düýeleriniň kerweni geçip barýar. Arzanrak gürleşdim, alalymy?
– Alaly.
Onsoň hojaýyn birinji işçä garap, şeýle diýýär:
– Megerem, indi Ahmede näme üçin 3 esse köp hak töleýänligimiň sebäbine düşünen bolsaň gerek.
Uzak ýaşamagyň syry
Habarçylaryň birine 100 ýaşy arka atan garrynyň uzak ýaşamagynyň syrlaryny öwrenmegi tabşyrypdyrlar. Habarçy daglyk ýerde ýerleşýän obadaky ol garrynyň öýüni sorap-idäp tapypdyr we onuň 100 ýaşamagynyň syrlary barada sowal berip başlapdyr. Garry özüniň uzak ýaşamagynyň syryny hiç wagt hiç kim bilen jedelleşmändigi bilen düşündiripdir. Habarçy geň galyp:
– Eýsem, siziň bütin ömrüňizde hiç kim bilen jedelleşmändigiňiz dogrumy? – diýipdir.
– Hawa, dogry.
– Asla, hiç kim bilen jedelleşmediňizmi?
– Hiç kim bilen, hiç kim bilen!
– Be… hatda öz aýalyňyz bilenemmi?
– Hawa, öz aýalym bilenem.
– Hatda öz çagalaryňyz bilenemmi?
– Hawa, çagalarym bilenem.
– Onda 100 ýaşy arka atyp, bir gezegem jedelleşip görmänsiňiz-dä?
– Bir gezegem.
– Hiç haçan hiç kim bilenmi? – diýip, habarçy gaşyny çytyp, gaharlanyp ugrapdyr.
– Hawa-la – diýip, garry parahat jogap beripdir.
Şondan soň, sandyrap ugran habarçy:
– Ýok, siziň bütin ömrüňizde bir saparam kimdir biri bilen jedelleşmezligiňiz bolup biljek zat däl ahyryn! – diýip, gözlerini tegeläpdir.
– Hawa, jedelleşdim, jedelleşdim – diýip, garry ýylgyryp jogap beripdir-de, yzyndan hem şeýle diýipdir:
– Suwjagaz owurtlaýyň!
dowamy bar..
26
113
awadan
30.05.2024 08:50
Söýgülimi başgaň gujagynda gördüm (3-nji bölüm)
Gaharyma Aýjemaly uramda, gatyrak ugraýdym öýtýan onyň gapyrgasyna zyýan ýetdi
Öýe gelemsoň yzly yzyna gelýan jaňyn almadym.
Ertesi ýene jaňyn saklanyp bilman aldymda
- aloo diýdim
- Şerzat, bagyşla meni özime näme bolanny bilemok, nadip oňa bolýa diýenim ýada düşenok, gören zatlaryň ikimiziň aramyzda galsyn doganym Serdar eştdip ýuzi gyzmasyn,hiç kime aýtmaýda senden dyzyňa çöküp ýalwarýan : - diýdi
Şerzat
- şeýtdenden duýn seni uryp ölduren bolsam, bu gun jaýlardym ,name saňa meniň söýgum kemlik etdimi, şeýtdenden ýuzume aýdan bolsaň,mähirden ustuňi gömerdim,indam meni unut jaň etme:- diýdim-de telefony goýdym
Aradan iki gun geçdi Aýjemal bolsa diňe jaň edýardi, men almadym,ahyr özi ýadap, özi goýar diýdim,soň ýene özim oňa jaň edip
— Aýjemal, men maşynymy awariýa etdim,ýetişip bilseň ýetiş diýdim
Oda
- men hokman bararyn meni bagyşlasaň bolýar:- diýdi
Salgy beren ýerime hakykatda ol ylgap diýen ýaly geldi we gelşine meni gujaklap
— bagyşlaýda meni, ol haramzada her zat etdi, doga etdimi bir zada etdi ýone bolýa diýip duran boldyma oňa, öz erkime onyň gujagyna girmejem bellidir ezizim diýdi
Ýene saklanyp bilman menem gujakladym .Iki bolyp ýedi ýolyň ustunde gujaklaşyp aglaşdyk
Men ony ýene bagyşladym
Ýöne ýuregimde arman galdy, naçe bagyşladym diýsemde, bir gara tegmil ýurek çüňünde ýurege sünçüp durdy
Aradan esli wagt geçdi.
Obada ýeriň aşagynda ýylan ýöresede derrew bilinýar, naçe gizlejek hem bolsak bolmady, derrew oba gep boldyk,
Ol şondan soň geçen ýyl medeniýet instudyna okuwa girdi.
Ony uranymy, onyň öýindakiler we meniň öýimdakileriň bary hem bilýardi.
Obada diňe men bilen Aýjemalyň gurruňi edilýardi.
Nira barsaň Şerzat öz söýgülsini gaty agyr edip urypdyr,diýen sözleri eştmek bolýardy, ýöne nameüçin urypdyr ony welin her kim ,her zat diýip gep çykarypdylar
Men ol geplerden gaçyp bu ýyl ,menem okuwa gaýtdym
Okuwymdan daşary, işlän bolýan,indi yurda barmarmykam diýýan welin meniň göbek ganym daman topragy meni ýöne özine çekip dur
Şondan soň Aýjemalym kän görmedim,ýöne naçe ýadymdan çykarjak hem bolsam ýadymdan çykaryp bilemok,ýurege gaty ýakyn edip hiç kimi söýmeli däl ekeni, naçe zatlar başdan geçirsemde ýene şony kuseýan, ýene şony göresim gelýar
Men ony söýýän,emma ol meni meniň ýekeje sekunt söýşüm ýaly söýüp bilmedi
Baky söýgi adam ömrinde bir gezek bolýar galan söýgi bolsa diňe ylalaşyk.
Ol söýgim bilen hiç hoşlaşasym gelenok, hoşlaşmasyn söýgumiz .....
Yitip gitseñ dolanmazmyñ yzyña,
Hoş gal diýdiñ,hoşlaşmasyn söýgümiz,
Bu gün gitseñ,barman asla ýanyña,
Hoş gal diýme,hoşlaşmasyn söýgümiz?!
Bile gecdik gecen günleñ baryny,
Sen gidaýseñ ýitirerin barymy,
Söýgi bagtmy ýa baýlyga baglymy,
Hoş gal diýme,hoşlaşmasyn söýgümiz?!
Bakyp dursun gözleñ maña mydama,
Arzuwum sen,bol mydama ýanymda,
Päk söýgümi goşup söýgi mukama,
Diñle söýgùm,hoşlaşmasyn söýgümiz?!
Kalbymda sen,söýgüm saña bakydyr,
Päk söýgimiz dünýàñ,jennet bagydyr,
Ýarym ynan, ömrüm saña baglydyr,
JANYM ÝITER,HOŞLAŞMASYN SÖÝGÜMIZ?!....
~~~Soňy~~~~
20
137
awadan
29.05.2024 07:20
SÖÝGÜLUMİ BAŞGAÑ GUJAGYNDA GÖRDÜM (2-nji bölüm)
Öýe gelip, bagrym ýere berip agladym, ses edip, ýaman ýokuş degýar ekeni.Ýöne hiç kim meniň ahymy eştmedi
Şol wakadan köp wagt geçmanka men gullyga gitdim.Naçe ýadymdan çykarjak hem bolsa bolanokdy, gullykda wagtym hem şony pikir edýärdim
Ahyr özine erk edip bilman oba jaň edip onyň telefon nomeriň tapdym.Jaň etdim,Ol meniň bilen gowy gurleşdi. Soň bar zat unydylyp ginde jaň edýan boldym, näme edeýin durmyşa çykan hem bolsa diňe şony söýýardim,olan meni söýýardi, ýone ony zorlap alyp gaçdylara, öz islegi bilen dala
Men soň oňa teklip etdim,ýene öňki durmyşymyz ýaly bolaly we men barýanjam garaş barşyma aljak uly toý edip aljak özäm diýip oňa söz berdim.Ol göwresindaki çagaň aýrylandygny aýtdy men gynandym, gowreli hem bolsa aljakdym, ol meniň bilen razylaşdy we ýene öňki ýaly biz söýşup başladyk .Men gaty begendim,guş bolyp uçdum.
Gunde jaň edip telefonda gürleşdim.
Men aralygynda otpusga geldim, şonda biziň duşyşygymyz boldy, özäm gije 12- den soň.Men soň gunde gije 12- soň daňa çenli duşuşdym. Ilki gunler oňa el degirmedim,soň dogrysy onyň özinden men soradym,ony ogşasym gelýandigni, gujaklap gyjagymda ýatyrasym gelýandigni oňa aýtdym, oda garşy bolmady,ol hem mähre zardy, şondan soň ikimiz hem bir birimizden mahrimizi saklap bilmedik we onyň bilen bile boldym. Biz ýat ýerde hem duşuşamyzokdyk.Gije 12- den soň olara barýadym oda yuwaşjadan äpişgäni açýardy we men girýadim, il turmanka hem men çykyp gaýtýadym,soňa baka bolsa goni Işiklerin açyp berýardi we işikden girip işikden çykýardym, meniň gelip girýanim hiç kim bilenokdy, onyň agasy ýatymlaýyn işdedi öýde-de garryja ejesi bardy
Men on gunlik otpusga gelipdim. On gunum şeýle ýagdaýda geçdi we men ýene gullyga gaýtdym.
Soň gullykda wagtym hem ýene gurleşdim Gullygym sagaman dynyp öýe geldim .Oňa bolan söýgum has hem guýçlenýardi 10 aý şeýdip hemişekimiz ýaly duşuşyp başladyk.
Günlerde bir gün men 9- dan 11.30 çenli telefonda gurleşdim we seni goresim gelýar hazir ýarym sagatdan barjak gapyny açyp goý diýdim ,oda bolýa diýdi
Soň sagat onikilerde oňa jaň etdim ol almady, ýuregim birhilek boldy, çydaman öňki äpişgäniň ýanyna bardym, äpişgäni çalaja itdim, gulply durdy, soň waratalaryn ýuwaşlyk bilen itdim,açyk ekeni, öýine girmage gorkdym,öň özi öňumden çykyp öýe salýardy bu gun bolsa, jaňymy hem alman durşy maňa geň bolyp görundi
Howlyň içine girdim,olaň işiginde bir erkek adamyň köwşi durdy. Menem yuwaşjadan agasy gelipdir öýtýan diýdim-de yzyma gaýtdym, şondan jaňyma jogap berýan daldirle diýdim, soň onyň ýatýan otagynyň äpişgesinden ýuwaşjadan barsam yşk çalaja gorunýardi menem baryp seretdim.
Golaýlaşyp gowy synnap dursam öýde çala ses bardy, üns berip seretsem ol başga erkek bilen,aýýý Allajanlarym göziň görmesin diýleni edil şo zadyň üstunden baraýmanmy.
Men däliredim,aljak bolyp ýoren gyzym başga erkek bilen gatnaşykda ýatyr ahyry gozim bilen gorup goni ustunden bardym...
Saklanyp bilmedim. Şol ýagdaýda goni
- Aýjemal aç aýnany diýdim,ol açmady iki bolyp aňyrsyndan saklady, soň men ol aýnany dowdum,meni jaýa dykmajak bolyp itekledi, ýone men şonda-da girdim,giren badyma hem ol oglany gowy edip urdum, soň Aýjemalyň özini hem urdym, men aljak bolyp ýorkam ,bu edip ýoren işiň name diýip urdym
Aýjemaldan bolsa hiç hili ses zat çykmady Ol öz işin bitiren erkek kişi bolsa zut gaçyp gitdi
Gaharyma sogup sogup çykyp gaýtdym
30like ~~~~~
22
130
awadan
28.05.2024 08:20
SÖÝGÜLUMİ BAŞGANYÑ GUJAGYNDA GÖRDÜM (bolan waka 1- nji bölüm)
Ir bilen işe howlygyp barýan Şerzat, sagadyň naçe bolanyna seretmedi.
Ol ýolyň gyrasyndan ýöräp başlanda, telefonyň sagadyna seretdi. Sagat işe barmaly sagatyndan bir sagat öň ýola çykan ekeni
Ol iş ýerine gelip uly ýola bakyp duran otagyň äpişdesiniň ýanyna bardy
Ol äpişgeden daşary seredip geçen gunleri ýatlap oýa batdy
Ol ilkinji söýgüsi Aýjemaly ýatlady. Oňa bolan söýgusinden däli diwana bolan günlerin ýatlady
Mekdep ýyllarynda janyndan eziz gören Aýjemalyn ýatlady.
Aý ýaly owadan,çynar ýaly boýly,uzyn saçy özini maýyl eden gözleri ,gülküsi, sesin ýatlady
Şerzat jirmalaryň birine işe gitdi Ol o taýda sahel mumkinçilik bolan ýagdaýynda Aýjemal bilen jaňlaşyp durdy,ol oňa diňe garaşmagyn haýyş edýardi
Işden gelen wagty Aýjemal bilen görüşdi, ol gunde jaňda gepleşip danyn atarýardy, uky diýen zadyň nämeligin ýadyndan çykardy, uzyn gije onyň bilen gepleşip, gunde gunaşa görşüp duşuşyp ýörse-de onyň mährinden ganyp bilmedi
Soň ol Aşgabada işe gidmeli bolýar .Odaýdaky agasynyň dükanyna kömekleşmek üçin işe gitmeli bolýar .
Şerzat Aýjemal bilen öňkisi ýaşy gepleşip, öziniň ýoklugyn, oňa bildirmeýar.Aýjemala her durli sowgatlary taksidan ugradyp durýar
Gunler gune tirkäp,aý hem aýa tirkeşip geçiberýar.
Birden Aýjemal onyň jaňlaryn almasyn azaldyp ugraýar, alan wagtam işim bar,ukym gelýar,ýanymda adam bar, soň özim aýlaryn diýip gepleşse bir ýa iki minit gepleşýarde telefony goýmak bilen bolýar .
Öžine sowuk sala garap başlamagynyň sebabin bilenok.şondada ony gunakar saýlanok,hakykatdanda işi badyr diýip öz öžiňe göwünlik berýar
Şol günleriň birinde oňa obadan obadaş oglany gabat gelýar we
- oýý Şazat Gowymy dost ýagdaýyň
- gowyla, siz nahili, oba gara gowymy
- gowy hudaýa şukur
- dost, sen obadan hawaryň barmy
- aý ýok, dost oba gidilýan däldir,
- hawaryň bolmasa, ol seniň söýşup ýoren gyzyň Aýjemaly alyp gaçdylar: - diýdi welin özimden gaýnan suw dokuldimikä öýtdim ,gaty erbet boldym
- dost, dost ýaman görme eşidensiň öýtdim, bilmändirin, bagyşla diýip dostym, tutmadyk bolsa goni ýere ýykylýadym
Iş bilen ugrym bolman göni öýe geldim ,jaň edýan alanok ,alanok, telefony başymdan aýlap urdym, tutyş hemma ýetýän howa maňa ýetmän başlady
Soň oba bir gunlik gelip gitdim, gelip gorsem hakykatdanda şeýle eken, hyrçyny dişlap öý bilen hem hoşlaşman ýene Aşgabada gitdim soň oba gelmedim
Aradan 6- aý geçdi. Bir gün oba ejemi göreýin diýip gelen gunim,oglanlardan ýene saklanyp bilman Aýjemalym soradym
- dostlar heýde Aýjemaldan habar barmy, gowymyka ol jany sagmyka
Şonda gowy gatnaşýan dostym bardy, dostym hem klasdaşym. Men ony öz doganym ýaly gowy görýardim.O-da
- dost, diýip ýere seredip şeý diýdi.
- Şetzat ,ol Aýjemal öýinde äri bilen oňyşman, aýrylyşyp öýine gelipdir duýn gördim
Ol habary eşdip gaty gynandym Meni taşlap baransoň hem oňyşmandyr ,şonda-da gynandym
Ol goňşy koçamde ýaşansoň ony görmegiň ugryny gözlap başladym
Aýjemalyň bir agasy bardy Serdar diýip, onyň bilen aram gowydy, şony göreýinle diýip olaň köçesinden geçemde men Aýjemalym gördim, ol öňküsinden semräpdir we göwreli eken, köçäni syryp ýoren eken,ol ýone meni görmedi
Men Serdary gorman öýe gaýtdym
Dowamy bar
33
181
awadan
27.05.2024 19:37
![]()
TÜM
hekaýa
Garaňkylygy mesgen tutunan giň öýüň töründe ýüzüne kendir çekilip, haýsy reňkde bolandygy bireýýäm unudylan kürsüde owurdy çöken hortap goja otyr.
Bäşinji gatda ýerleşýän öýüň myhman jaýynyň penjiresindäki tutular mäkäm beklengi, olar Günüň ýekeje yşynam geçirmeli däl. Ýogsam Enwer goja çagalykdan batyldygyna garamazdan, muny şobada duýar, üstüne ýagy çozan ýaly gargynyp, sögünip başlar. Onsoň gyzy ýa agtygy ylgap gelip, otagy ýene zulmata öwürmeli bolar.
Goja kä oturgyja arkasyny berse, käte gününi döwlen köne saýawanynyň agaç tutawajyna daýanyp geçirýär. Oturan kürsüsi – onuň ömürlik tagty. Aýagaldygyna aýakýoluna ýetişmek üçin ýa-da adam organizmine mahsus beýleki hajatlar zerarly terk edýär diýäýmeseň, ýaşuly onuň üstünde soňky ýigrimiden gowrak ýylyny ýasy kümpüjini eýerläp ötürdi. Barja ýoldaşam gapdalyndaky stolda aýdyma gygyrýan gadym radiosy bilen, göräýmäge, kör üçin nähili geň bolsa-da, milli teleýaýlymlary tutýan telewizory.
Ol aýdym-saza meýmiräpjik ýatyp galýardy, göýä olar ýörite onuň şanyna ýazylan hüwdi ýalydy.
Tümlükde itler peýda boldy. Men olary görýän. Daşymdan aýlanyp, hojaýynyny goraýarlar. Akly-garaly bu alabaýlaryň öz aralarynda telepatiýa arkaly habarlaşmak ukyby bar. Olar sesini çykaranok, üýrenok, ýöne biri-birine düşünýär.
Bu itleri men getirmedimem, getirtmedimem. Özleri daşyma egele boldy. Daşaryk gezmäge çyksam, olaryň peýdasy degmegem ahmal, ýöne men eýýäm ençeme ýyl bäri bu ýerimden uzak wagtlyk gozganamok. Götümi galdyrdygym, kürsim eýelener öýdüp gorkýan.
It – wepa, aýal biwepa diýleni. Bu öýdäkilere ynam ýok, heleý diýeniňe bil baglar ýaly däl. Ol güjügem aýal täsirine düşmänkä, wepadar edip terbiýelemegi başardymmykam, bellisi ýok.
Men şu oturan ýerimde nahar iýemde, çörek owuntyklaryny bilgeşli seçeläp, etini-süňküni ýere gaçyrýan. Beýlekiler muny emelsizligimden görýändir, ýöne olar daşymdaky itleriň symyşlap, biri-birinden öňürtjek bolup hyňranşyny bilenoklar.
Kempiri ýogalany bäri Enwer goja diňe gyzy hem agtygy bilen ýaşaýardy.
Gyzy Näzik äri bilen bir ýylam ýaşaşman aýrylyşyp, garry öýe eli bäbekli gelipdi. Dolmuş tegelek ýüzünde hiç hili özüneçekijilik, hereketinde-de dogumlylyk bolmansoň, ol gaýtadan durmuş gurmak tamasyna örküni baglajagam bolmady.
Eneli-ogul garryň igenjine, iýýän çörek-duzlarynyň özüniň hemaýat puluna alynýandygy baradaky teýeneli gürrüňlerine, minnetine, paýyş sözlerine öwrenişipdiler, has takygy, ondan başga ýaşaýşy görmändilerem, şonuň üçin garra köre-kör tabyn bolýardylar. Gyzgalaňly, köpöwüşginli, şatlyk-gaýgyly erkin durmuş ýagtylygyň akymyna temme baglan perdeleriň aňyrsynda gaýnap-joşýardy. Bu hojalyk bolsa günleriň girdabynda gyrky sanap ýaşaýardy.
Agtygy Gowşut ýagty dünýäni diňe mekdebe gideninde synlap ugrapdy. Ýöne kör babasynyň duýdansyz gykylyklaryndan ýaňa heniz gulagy gatap ýetişmänkä ziňkildewük bolan ýasawy gorkak oglanjyk ibaly bilim alybam bilmedi. Gerekli ýerinde öýde onuň bilen sapagyny gaýtalamaga ýardam berjek ýa bilmedik zadyny düşündirjek adam ýokdy, mugallymlarynyňam okuwdan soň eglenip, aýratynlykda hemaýat etjegi tapylmady. Gaýta, birneme sakawlap, maňňyl-maňňyl edip gepleýän ebeteýsiz çagany köpüsiniň jyny alanokdy. Çala gygyrdygyň gypjynyp, bäş-beter sakynyp başlaýan oglanjyk ula selki, kiçä gülki bolýardy. Şol peltek halyna bagşy bolmagam arzuw edýärdi.
Üstesine-de, maýybyň maşgalasyndan bolansoň, çykdajyly meselä gezek gelende-de onuň mekdebe peýdasy degenokdy: Babasy çaga üçin kör-köpük çykarjak adam däl.
22
96
