ÝOK DIÝJEK" DIÝDIŇ...🙂

Sen "Ýok diýjek" diýdiň soňuna çenli,

Läläm, bu ýollaryň soňy nirede?!

Häki bir göwünden başlanan ýoluň

Soňuna çykmak kyn dara-direde.

Ömrüň soňy hakda etmäli gürrüň,

Gözýetimiň aňyrsyna göz ýetmez.

Ýogsa-da,

Bir ömür: "Ýok" diýip ýörseň,

Ykbalam: "Bor" diýip, raýyňa gitmez.

Görkeze-görkeze gelýändir umyt,

Müň "ýoguň" ahyr bir "bolýa" deňdigin.

... "Şu-la, meger, soňy bolmaly" diýen

Ýoluň şol iň soňky öwrüminde-de,

Eli gülli duran oglan mendirin.

— Gurbansähet Gurbansähedow.