Artyk görünýär
Öýkeleseň öýkeleşip ýörmeli,
Kölegäňem käte artyk görünýär.
Hiç ýama tutanok göwün diýeniň,
Mùň ýama ýapsaňam ýyrtyk görünýär.
Bir-birekden görlüp ýerin gatysy,
Käte süýtdeș dogan seýrek görünýär.
Bir garynda ýatanymy, hatasy?!
Ara çöp atana baýrak görünýär.
Samanyň astyndan suw goýberýänden,
Ýere bakandan ýer gorkak görünýär.
Dişleri döwse-de gysyň şatysy,
Goșa ýazy buşlap pyntyk görünýär.
Saglar sagynýança ýeke öýermän,
Oglun iki öýeren tentek görünýär.
Bilbil ýaly saýrap durýanlar käte,
Nadanlaň ýanynda peltek görünýär.
Özünde ýok zady ile satýanlar,
ÝYitib-ä gidenok, entek görünýär.
Suwlar akýar, dașlar ga:lýar ýuwulyp,
Agras daşlar misli erkek görünýär.