Aýralyk goşgusy
Geň görmeli bar zat üýtgedi birden,
Göýä men ukuda bir erbet düýşde.
Ýüregem urgusyn üýtgedip birdem,
Ýadap,
durar kalba gussalar üýşse.

Sözler gatar eken ajy bolanda,
Soň ýaralar, diler niräňe degse.
Arzuwlar gursakda baky solanda,
Ynsanyň ýaşasy gelermi eýse?!

Bagt köşgüne laýyk gören kalbymy,
Zyňyp gitdiň gam bürenen çadyrda.
Ynsan käşge bilse öz ykbalyny,
Ýazgydyňam bir bilýäni bardyr-da.

Azaşanyn boýun almadyk derwüşler,
Menzilem uzakdy aýry giderden.
Göýä men ukuda bir erbet düýşde,
Geň görmeli bar zat üýtgedi birden.

Aýmakowa Annabeg