Paradise
28.04.2020 19:12
Indi nädip söze sygnyp gezeýin?!.
Sözlerem güýjüni ýitirdi, hakyt!
Eý, meniň bar-ýok ýerlermiň bezegi,
Maňa sözleriňden gözleriň ýakyn!
Sözleriň — sallançak, sesiňem hüwdi.
Aňymda-da görülmedik düýş ýatyr…
Men, hatda, şolardan geçipler diýdim:
— Maňa sözleriňden gözleriň ýakyn!
Ýok, ýok, sen aýdyber, sözem bir sungat.
(Ynansyn, gözlerňi görmedik pakyr).
A men pyşyrdaryn, bar bolsa gurbat,
“Maňa sözleriňden gözleriň ýakyn…”
“Iki dag” diýerin,
ýa “iki ada”…
Hem o dünýä, hem bu dünýä deňärin.
Olar meni ýaňra etmese-etmez,
Ýöne olar köp ýazdyrar, sebäbi —
Maňa sözleriňden gözleriň ýakyn.
Iki sany deňiz ýakyn – dup-dury.
Ol deňizleň birje tolkunna degmez,
Çekimli-çekimsiz sesleň gopguny
Aýgül Baýadowa
40
302
Paradise
27.04.2020 22:07
A:l ýagyş ýagyber, batlan öñküden,
Meñzäp ömrüñ bagtsyz gelen günlerne.
Balkyldaýan didelerme damyp, ýa
Jan berjekmi meniñ solan güllerme.
Dökülýär damjalañ dür monjuk kimin,
Ýanyp duran ýodalaryñ böwrüne.
Şabyrdap, diñeñok, uzyn ses edip
Teselli berjekmi çöken göwnüme.
Abyrsyz hasratyñ öýüni dörüp,
Gözlerime gam şemalyn çaýýañmy?
Aýt, ýagyş, kiparlap bu gün senem, ýa
Derdimi köpeltmek üçin ýagýañmy
42
757
Paradise
26.04.2020 22:21
Eý, ruhumyň näzik kirşine kakan,
Duýgylarmyň dumanynda azaşyp,
dolan ahyr, nirä barýaň, salgyma
aldanyp hem “ýokluk” bilen sazlaşyp…
Ynamsyzlar ynandyryp kalbyňy,
Hatda menli dünýäň talagyn berip,
Ajy deňziň girdabyna saldylar,
Galdym el serip.
Ýüregmiz ynjydyp, ynjalýar özge,
Sebäp olar ýaşaýyşa düşünen.
Meger, bu dünýäniň iň bagtlylary,
Bagtsyz edip bagtly bolýa kişiler
43
196
Paradise
25.04.2020 21:07
Men özümi dünýä saýyp ýörüpdim,
Seret, gysymyña ýerleşip durun.
Älem dili deldi maña, bir görsem,
Hakyt guşlar bilen gürleşip durun.
Söýgiñ soñsuz ýollarynda derwüşem,
Bar erkimi bir garaýşa bermişem.
Goşa didañ jümmüşinde ýerleşen,
Yşka umyt bolup birleşip durun.
Jogap tapman, bakyp aýa-günlere,
Garaşmakdan sabrym döndi tümmege.
Aýdyñ, söýgiñ deñlemesin kim biler?
Soñsuz soraglara dyrmaşyp durun.
Hyýallarym asman ýaly çuñdy meñ,
Sadamydym?
Bar zat gözme çyndy meñ.
Düýn ýalydy yşkyñ ody undulan,
Bu gün şol ot bilen ýüzleşip durun
43
175
Paradise
24.04.2020 23:54
Filosof Eflatundan şeýle sorapdyrlar: "Size görä adamzadyñ iñ geñ galdyran ýagdaýy näme?"
Eflatun şeýle jogap beripdir: "Çagalygy islemezler,ulalmak üçin howlugarlar.Soñra-da çagalygyny küýsärler. Mal-mülk üçin gije-gündiz
ylgap, saglyklaryna zyýan ýetirerler, öñki saglygyna gowuşmak üçin ýygnan mal-mülklerini harçlarlar. Ertirleriñ aladasy bilen bu günlerini unudarlar. Netijede, bu günlerini we ertirlerini ýaşamaz ýaly ederler.
Hiç wagt ölmen öýdüp ýaşarlar, ýöne ýaşamadyk ýaly hem ölerler".
- Onda adamlar nahili ýaşamaly? - diýip danadan ýene soranmyşlar.
Dana şeýle jogap beripdir:
- Hiç kime özüñizi söýdürjek bolmañ, hiç kimiñ öñünde kiçelmäñ, hiç kime-de ulumsylyk satmañ. Goý, sizi il söýsün. Iñ esasy zat bolsa, durmuşda iñ kän zada eýe bolmak däl-de, iñ az zada mätäç bolup bilmekdir.
56
751
