Men özümi dünýä saýyp ýörüpdim,
Seret, gysymyña ýerleşip durun.
Älem dili deldi maña, bir görsem,
Hakyt guşlar bilen gürleşip durun.

Söýgiñ soñsuz ýollarynda derwüşem,
Bar erkimi bir garaýşa bermişem.
Goşa didañ jümmüşinde ýerleşen,
Yşka umyt bolup birleşip durun.

Jogap tapman, bakyp aýa-günlere,
Garaşmakdan sabrym döndi tümmege.
Aýdyñ, söýgiñ deñlemesin kim biler?
Soñsuz soraglara dyrmaşyp durun.

Hyýallarym asman ýaly çuñdy meñ,
Sadamydym?
Bar zat gözme çyndy meñ.
Düýn ýalydy yşkyñ ody undulan,
Bu gün şol ot bilen ýüzleşip durun