“Nireden ýadyma düşdüň?!” diýme sen,
“Salam” diýmek üçin düşdüm ýadyňa.
“Tallaryň boýnuna tama öýmesin
saraý” diýmek üçin düşdüm ýadyňa.

Ýogsa, men böljekmi ünsüň-üşügiň?!
Tekepbir bolsamam, bilýän düşünip.
“Gül göwnüňden öýke buldun düşürip,
ýagaý” diýmek üçin düşdüm ýadyňa.

Göwnüňe degenin geň görüp ýören,
Göwnüm nämelere döz gelip ýörer?!
“Men — Adam bolmagy öwrenip ýören
zenan” diýmek üçin düşdüm ýadyňa.

Men maý tapsam ugramakçy, barybir…
Hiç bilemok adamlara garylyp.
“Bir gün… ýarpy eser goýsam, ýarysyn
ýazaý” diýmek üçin düşdüm ýadyňa.

“Biz bir gelýäs” — kepil ýokmuş ýenäge.
Bigadyrlyk — bu gümanyň sebäbem…
Men bolsa… zat tapman seni deňäre,
“Halal!” diýmek üçin düşdüm ýadyňa