Guljeren
Guljeren
15.03.2022 00:25
Maña çenden aşa ötgür göz gerek, Ýamanlaryñ ýagşy ýerin gözläre. Örän süýji, baldan datly söz gerek, Kalba damjak şirin sözler sözläre. Dünýe ýaly giñ göwün ber,açylsyn, Göwündeşe göwnüm içre
27
196
8
Guljeren
Guljeren
14.03.2022 00:58
Aslynda, arzuwa aňsat ýetme ýok, Sen hüjüm edýänsiň, ol gaçyp barýar. Arzuwdan, umytdan dogulýar gaýrat, Damardan ýürege gan bolup urýar. Arzuwlarmy ýene asýan asmandan, Daňýan umydymy biline gylyň.
33
149
11
Guljeren
13.03.2022 11:16
ÝAGYŞ DIÑDI...

...Ýagyş diňdi.
Göçüp gitdi bulutlar,
Uzaklaşdy ýakyndaky gözýetim.
Şol pursat bar zatdan elimi çekip,
Men nämedir bir zatlary gözledim.

Nirädir bir ýere ýüzümi öwrüp,
Doňan kalby umyt bilen ýylada,
Aýgyt bilen ädim ädip gitdim men,
Kejir ýöwselligmi goýup gyrada.

Ruhum kapasadan boşandy şonda,
Göwräm birýan boldy, ýüregim birýan.
Juda aýdyň boldy ýöreýän ýolum,
Içimden ses geldi: "Sen bagta barýaň..."
14
29
1
Guljeren
Guljeren
12.03.2022 16:35
Güýmenje
20
225
49
Guljeren
Guljeren
11.03.2022 00:29
BAHAR GÖRNÜŞI Ýaz ysynyň ýaýran gündizlerinden Hem gijelerinden beleňlän dünýä, Çasly gülküleriň, ýylgyryşlaryň Salkyn saýasynda seleňlän dünýä Gözüne güýdüşip gussadyr gamyň, Janly-jemändäni
15
63
8
Guljeren
Guljeren
10.03.2022 00:12
Şu gün okan kitabymdan çykan kiçijik makala
17
59
7
Guljeren
09.03.2022 01:28
TALYP GYZ

Talyp gyz, didäňe didämi dikip,
Bukup ýüregimde gizlinje yşky,
Seň göwnüňe ýetsem diýip, şu gije
Bagyşladym saňa sadaja goşgy.

Kine etme menden waspyň etmesem,
Waspyňa ejiz meň sözlem, aňlasaň.
Kine etme maňa nazar oklaňda
Nazaryňda söýgiň baryn aňmasam.

Söý meni!
Söýgiňi çalaja duýdur!
Duýmasam, gönüläp diýmekden gorkma!
Meni,
iň bolmanda, goşgularymy
Ýürekden ezizläp söýmekden gorkma!
Diňle gursagyňy, belki, ses bardyr,
Şol sese baglanyp, uýmakdan gorkma!
Mende çyndan söýüp biljek ýürek bar,
Ýüregmiň sesini duýmakdan gorkma!
Eger... durmuşyňda özge bar bolsa,
Bu habardan kalbym darka ýarylsa,
Aýtma...
Gizle menden özgä ýardygňy,
Menem gizlärn ýüregimiň ýarygny...

Talyp gyz, didämi didäňe dikip,
Bukup ýüregimde gizlinje yşky,
Giderin men senden örän uzaga,
Ýadygärlik goýup sadaja goşgy...

Sapa HOMMADOW.
26
88
4
Guljeren
08.03.2022 01:10
KÄTE

Käte uzyn-uzyn goşgy ýazýarys,
Düşýäris-de birje sözüň yzyna.
Suwarýas bir giden ot-çöpleri-de,
Bihuş bolup birje gülüň ysyna.

Kä birje ynsany söýenmiz üçin,
Söýýäs adamzady,
Söýýäs jahany.
Ol ymgyr ummanlar tolkunarmyşyn,
Gökden birje damja inen mahaly.

Bir ýürekdeş dostuň didary diýip,
Näçe ýol geçilýär, menzil aşylýar.
…Göwnüme bolmasa, uzyn ömürler
Belli-belli günler üçin ýaşalýar.

Kakamyrat REJEBOW.
22
54
4
Guljeren
07.03.2022 23:46
Iýýärkaňem iýgin diýer,
Geýýärkäňem geýgin diýer.
Garry ENEŇ ýaşap ýörkä,
Dünýäň özem seni söýer.

Gözleri ýoluňa bakar,
Büdüreseň üstüňi kakar.
Daýow egniň çekmedigiňi,
Päk ýürekli EJEŇ çeker.

Zähmetkeş, alçak, çeýedir,
Beren sözüne eýedir
Ejeňden soň seniň üçin,
Janyny gyýjak UÝADYR.

"Kaka bärik gelaý" diýer,
"Bäşlik aldym göraý" diýer,
Usul tapyp mekir GYZYM
"Kakajan pul beraý" diýer.

Peýdaň köp, azdyr zyýanyň,
Gowlukda bolar hyýalyň.
Bütin dünýäň dynçlygydyr,
Iňňildemese aýalyň

Ýap gözeldir suwy bolsa,
Suw gözeldir guwy bolsa.
Aýal bilen oňşular...........
Eger GAÝYNENEŇ gowy bolsa.

Ýurjimä, ýurjimä...
"Seniň bilen dünýäm giňä"
Diýip iş buýrar GELNEJEŇ
Neneň aňsat, neneň kyna.

Güler ýüzi bir maýsadyr,
Sözleri ýiti naýzadyr.
Toýlaňda joşup ylgajak,
MährIbam aljak DAÝZADYR.

Bagt guşy başyňyzda,
Ýaz bolarlar gyşyňyzda.
Buýsanyň siz goç ýigitler
Sonça mähir daşyňyzda.......

Öwrenmeliniň ýaza meňzeş owadan gyzlary we gelinleri baýramynyz gutly bolsun.Durmuşyňyzam edil bahar bägülleri ýaly owadan bolsun, yüzüňiz hemise gülüp dursun
22
43
6
Guljeren
18.11.2021 23:51
HAKYKY SÖÝGI

Owadan baharyň ajap möwsümi,
Daş-töwerek oglan bilen gyzlardy.
Maňa säwlik bilen sataşan oglan,
Bakyşlaňdan ýüzüm ot deý gyzardy.

Deň-duş joralamdan salgymy sorap,
Soňam ençe sapar idäpsiň meni.
Ýalňyş düşen bolup, belgime aýlap,
Bahanajyk tapyp aldapsyň meni.

Ýöränimde ogryn-ogryn esedip,
Gör, näçe saparlar synladyň, oglan?!
Ýüregime şugla saçyp keseden,
Asyl söýgiň özi senmidiň, oglan?!

Kalba hyruç berýär joşan duýgulam,
Menem seni jandan eziz söýüpdim.
Gözlem ýene söýýändigim duýdurar,
Gyza söýgüsini aýtmak aýypdyr.

Seniň päk söýgiňe sowuklyk bilen
Jogap berip, täleýimden sowsam-da.
Ýene hanjar deýin bagryňy dilip,
Yşkym joşup gursagyňy böwsende.

Sowgat edip, ýüregiňi getirdiň,
A, men boldum söýýäniňi duýmadyk.
Şahyr bolmasaňam, waspym ýetirdiň
Söýgi siňen jümleleri aýnadyp...

Garşy çykarma-da seredip durman,
Bu gün güller bilen ýolumy kesdiň.
Ýüregmiň eýesi, eý, sada ýigit,
Seniň yşkyň bütin ömrüme besdir!

Ogulnur PIRJIKOWA.
14
142
3
Yene yükle