Aslynda, arzuwa aňsat ýetme ýok,
Sen hüjüm edýänsiň, ol gaçyp barýar.
Arzuwdan, umytdan dogulýar gaýrat,
Damardan ýürege gan bolup urýar.

Arzuwlarmy ýene asýan asmandan,
Daňýan umydymy biline gylyň.
Uçup barýar umyt barha ahmallap,
Üzülmän gonsa bor gursagna gülüň.

Üzülse üzülsin, goý, gursakda ol,
Hupbatly umytlar süýji bolarmyş.
Aňsadyny aňtap ýetilen arzuw,
Ir-ä saralarmyş, irem solarmyş.