tmyigit76
14.01.2024 19:13
Ýyllaryň jedeli gutardy! “Android” nyşanyndaky robotyň ady mälim edildi.






Şu günler tehnologiýa dünýäsiniň gözi ABŞ-nyň Newada ştatynyň Las Wegas şäherinde "Consumer Electronics Show" sergisinde ýa-da gysgaça CES-de. “MSI”-den “LG” -e, “Honda” -dan “Togg”-a çenli köp kompaniýalar, her ýyl bolşy ýaly, şu ýyl ähli tolgunmalary bilen dowam edýän ýarmarkada sahna çykdylar

ABŞ-ly tehnologiýa ägirdi “Google” hem çetde galmady. Kompaniýa "CES 2024" ýarmarkasynda möhüm beýanatlar berdi. “Android” baradaky sözleriň biri köpleriň ünsüni özüne çekdi. Sosial mediýada bu barada köp gürrüň edildi.


Android nyşanyndaky robot maskotynyň ady näme?




Google geçen ýylyň sentýabr aýynda Android operasiýa ulgamynyň marka şekilini täzeledi. Şeýlelikde, logo hem täzelendi. Bu täze logotipdäki "Android" sözüniň baş harpynyň ulalmagy bilen birlikde, iň täsirli tarapy, robot maskotynyň 3D görnüşinde görkezilmegi.

Köp adam bu robot maskotyny logotipdäki "robot" diýip atlandyrsa-da, käbirleri oňa "bugdroid" diýýärler. Garaz, oňa ulanylýan atlar köp. Golaýda, Google "CES 2024" ýarmarkasynda eden çykyşynda köp ýyl bäri dowam edip gelýän bu jedeli soňlady.

Google ýarmarkada “Android” nyşanyndaky robot maskotynyň ady üçin “Bot” aňlatmasyny ulandy. Sosial mediýada bu barada köp gürrüň edildi.


Başga bir täzelik “Nearby Share” aýratynlygy barada boldy.



Soňky hepdelerde iň meşhur Android aýratynlyklaryndan biri bolan “Nearby Share” -iň adynyň üýtgediljekdigi aýan edildi. Bilmeýänler üçin “Nearby Share” ulanyjylara faýllary, suratlary, wideolary ýa-da beýleki ýakyn Android enjamlary bilen baglanyşyklary aňsatlyk bilen paýlaşmaga mümkinçilik berýän aýratynlykdyr.

“Google” ýarmarkada “Nearby Share” -iň “Quick Share” adyna üýtgediljekdigini habar berdi. Kompaniýa munuň üçin Samsung bilen hyzmatdaşlyk eder.




Çeşme: wwwShiftdelete.net.
31
168
0
tmyigit76
13.01.2024 20:51
Pul bagt getirýärmi?





ABŞ-da geçirilen gözleglerde ''Pul bagt getirýärmi?'' diýen soraga jogap gözlendi. Gözleglere görä, Amerikalylaryň 60 göterimi pul bagt getirer diýip hasaplaýarlar.



Gözlegiň netijesine görä, Amerikalylaryň aglaba köplügi, (60 göterimi) puluň bagty satyn alyp biljekdigine ynanýarlar. Gözden geçirilen adamlaryň arasynda maliýe bagtynyň bahasyny kesgitlemek üçin ýüze çykan ortaça görkeziji 1,2 million dollar hökmünde kesgitlenildi. Bu mukdar, Amerikalylaryň maddy bagt üçin ideal hasaplaýan baýlygynyň görkezijisi hökmünde ýüze çykýar


Bu, belli bir mukdarda baýlygyň adamlaryň arasynda bagtyň açary hökmünde kabul edilýändigini görkezýär. Anketa gatnaşan 10 adamdan 7-si "Pul ähli problemalary çözýär" diýen pikirde.


Amerikalylaryň gowy aýlyga garaşmagy ýylda ortaça 285 müň dollar hökmünde kesgitlenýär. Anketde geçirilenleriň arasynda “Y” nesliniň garaşyşy ýylda 500 müň dollardan geçýär. Iň pes aýlyk garaşmasy ýylda 130 müň dollar hökmünde kesgitlenýär we bu görkeziji X nesliň gatnaşyjylarynyň isleglerini görkezýär.


Anketa gatnaşyjylaryň arasynda wagtynda tölenen tölegler, bergisiz ýaşaýyş we gündelik kaşaň çykdajylar bagtyň ýoly hökmünde öňe çykýar. Bu netijeler maddy abadançylygyň we maliýe howpsuzlygynyň adamlaryň arasynda umumy bagt çeşmesi hasaplanýandygyny görkezýär.



Çeşme: www.Cumhuriyet.com




Siz bu hakda nähili pikirde?
55
672
46
tmyigit76
11.01.2024 20:01


Ýigidiň uýasyna sargydy





(Durmuşda peýdalanmak üçin soňuna çenli okarsyňyz diýip umut edýän)



Sen öz erkek doganlaryň ynamyna-ynam, mährine-mähir bilen jogap bermelisiň. Agalaryň abraýyna șärikligiň halys ýürekden bolmalydyr.

Agalaryň özüniňem, sözüniňem sarpasyny belent tutmalysyň.

Ony hiç haçan keseki saýmagyn, çünki
doganyňdan kesilip gitjek ýeriň ýokdur.
Başyňa bir iş düşse ýene öňi bilen öz doganyň dadyňa ýeter.

«Bir-ä dogan dözmez, birem dogran dözmez» diýen söz bardyr. Doganyňdan hyzmatyňy gaý gyrmagyn.

Eden işiň, aýdan sözüň bilen özüňe guwandyryp gezgin.

Sen sebäpli erkek doganyň ýüzüni sallamaly bolmasyn.


Hawa, jigim jan! Men saňa düşünýän. Seniňem gezesiň, ýagsy zatlary gömäge ile çykasyň gelýändir. Bu tebigy zat. Şeýle-de bolsa, öz pederlerimizden miras galan ýagşy ýörelgelere, edep kadalara eýerýänden bol, ýalňyşmarsyň.
Esasan hem, toý-tomaşa, märekäniň üýşen ýerlerine baranyňda gyz edebiňi sakla, ýöreýşiňi üýtgetme, iliň gözi ýitidir. Adimiňden tanar. SözIäňde sözüň, güleňde gülkiň çasly çykmasyn.

Egniňe geýjek lybasyňy seljer. Çendenaşa bezenip, gyzyla çümüp ýa-da endamyňa syrlaşyp duran soýka geýip göze ilginç bolmak seniň nämäňe derkar.

llçilikde her töwra adam bardyr.
Ýamanlary ýazgaryp. ýagşylary özüne ýaran edinýänlerden bolgun. «Meni hiç kim tananok, hiç kimiň gözüne ilemok» diýip, göwnüñe getiriji bolmagyn. «ll iliň aýnasydyr» -saňa nazary kaklyşmasyn. «Tüweleme, bir asylly ýeriň çagasy bolarly» diýip, ýüzlerine sylsynlar.

Eger bir berebekgeýlik edip,«göze ilip», «lbaly zat däl bolsaň gerek» diýdiräýdigiň diňe özüňi däl tutuş aslyňy, ata-babaňy-da utanja goýýandygyňa düşüngin. Üstüne ganatyny gerip duran gyzyl ýüzli erkek doganlaryň ary-namysy iliň öňüne düşüp ýören ataň ak sakgaly, jägildäp dünýä inen badyňa agzyňa tutdurylan ene süýdi hakydaňdan gitmesin.






Gyz jigilere sargytlarym, gelin,
senem diňläp otur!





Nahardan soň gap-gaç ýuwanyňda, çaýkyndyňy çem gelen ýere dökmegin.


Saçyňy daranyňda gyrlan tarlaryny berk ýygnagyn. Özüňden özgäniň öňünden çykmasyn.


* * *


Owadan, gelşikli geýinmek bir başga, çendenaşa geýinmek bir başga. Herki zadyň öz serhedini bil!


* * *


Köýnegiň bagjygyny ýokarrakdan çig.


* * *


Hiç mahal daşdan kesekleşip sözleşme.
Abraýyňa şikes ýeter.


* * *


Köpçülikde gaty gülme. Gülki sesiň ýedi
ädimden aňry eşidilmesin. Çasly gülki haýa perdesini ýarýan närsedir.


* * *


Il üýşen ýerde çigit çigitläp, sakgyç
çeýnäp, gäwüşäp oturma. Özüňi tiz
tanadarsyň.


* * *


Saňa giň-giň ädimläp, batly ýöremek
gelişmeýär. Her ädimiň giňligi bir daban bolsun, howlugyp ýöräniňde ädimiň arasy iki dabandan giň bolmasyn. Sen ulugyz ahyry!


* * *


Myhmançylyga baran ýeriňde kän eglen-
me. Gadyryňy gaçyrarsyň.


* * *


Nämährem kişilerden özüňi çekeräk
sakla. Çakdanaşa alçaklyk hem gyz
maşgala üçin ýagşy däl.


* * *


Arassalygy hem-de päkligi özüňe
baýdak edin. Olar seniň mertebäňi beýgelder.




Çeşme: Nesihatlar, edep ündewler maslahatlar atly kitapdan
36
367
11
tmyigit76
09.01.2024 20:38

Ömrümiziň dowamynda näçe gezek aşyk bolýarys?





Ömrümiziň dowamynda aşyk bolýarys, aýrylyşýarys, soň ýene şol zatlary başdan geçirýäris. Käbirlerimiz aýrylyşandan soň kyn günleri başdan geçirsek-de, munuň dünýäniň soňy däldigine düşünýäris. Şeýdip, ömrümiziň dowamynda näçe gezek aşyk bolýarys?


Söýgi adam durmuşynyň esasy dinamikasynyň biridir we köp adamyň durmuşynda dürli söýgi tejribeleri bar. Şeýle-de bolsa, ylmy dünýäde adamlaryň näçe gezek aşyk bolup biljekdigi barada gyzykly gözlegler bar.


Adam gatnaşyklary boýunça hünärmen Keýt Rossyň pikiriçe, durmuşda diňe üç gezek aşyk bolup bileris.


Gaty täsin...


Hakyky söýgi üçin diňe üç gezek! Emma bu san, adamyň ömür akymyna degişli ähli söýgi hekaýalaryny we duşuşyklary göz öňünde tutmaýar.


Göwher kompaniýasy tarapyndan 3 müň

Iňlis erkek we aýalda geçirilen anketa görä adam ömründe takmynan bäş gezek gatnaşykda bolmagy mümkin.


Bu statistika ynanyp bolmajak derejede pes ýaly bolup biler, şonuň üçin bu netijeleriň gelip çykyşyna has gowy düşünmek üçin söýginiň dürli görnüşlerini kesgitläliň!



1.Idealist söýgi



Bu görnüş ýetginjeklik döwri ýa-da ondan soňky döwürde ýüze çykýan ilkinji söýgidir. Idealist diýip häsiýetlendirilýär sebäbi dünýägaraýşymyzy göze hoş ýakýan aýnek geýdirilen ýaly üýtgetýär. Gyzyklanmalarymyzy we gabanjaňlygy oýarýar hem-de hemişelik bagtlylyk hakdaky pikirler bizi aňsatlyk bilen gaplap alýar.



2. Ýykgyn söýgi



Mätäçlikden dörän bu söýgi köplenç bir boşlugy doldurýar ýa-da ýolumuza dowam etmegimize kömek edýär. Käwagt zyýanly we toksik ýykgyn edýän gatnaşyklar, zerurlyklarymyzy we isleglerimizi we hakykatdanam durmuşymyzda nähili söýgi hekaýasynyň bolmagyny isleýändigimizi bildip biler.



3.Yzygiderli söýgi



Munda garaşylmadyk ýagdaýda bize gelýän hakyky söýgi hakda aýdylýar. Bu söýgi ýüregimizi we gündelik durmuşymyzy iň owadan we sagdyn görnüşde tersine öwürýär, bize ösmäge we kämilleşmäge mümkinçilik berýär.




Çeşme: www.Cumhuriyet.com
75
1 129
57
tmyigit76
09.01.2024 13:00
Gahryman eneler




Bäsleşigiň birinji şerti üçin. Beýik Watançylyk urşy ýyllarynda tylda gahrymanlyk görkezen enelerimiz, gelin-gyzlarymyz barada kiçiräk makala


1941--1945-nji ýyllaryň urşunyň başlanmagy bilen, Watan goragyna gidenleriň tyldaky orunlaryny gyz-gelinler, ýaşy birçene baran garry enelerdir, gojalar tutdular. Gyz-gelinler uzakly gün kolhoz meýdanynda agyr zähmet çekdiler. Olar gijelerine-de dynç almadylar. Agyr söweşlere gatnaşýanlara jorapdyr ellik örüp, ýyly geýimler taýýarladylar. Özleriniň altyndyr kümüş şaý-seplerini goranmak gaznasyna tabşyrdyIar. Hemme zat fronta, Beýik Ýeňşe gönükdirildi.

Agyr günlerde Tagtabazar etrabynyň (raýonynyň) «Gyzyl Goşun» kolhozynyň gyz-gelinleri şeyle çagyryş bilen çykyş etdiler:

"Watan howp astyndaka bize altyn-kümşüň geregi ýok. Biziň doganlarymyz, ýanýoldaşlaryňyz ýeňiş
bilen gaýdyp gelenlerinden soňra has-da oñat bezeneris».

Uruş dowründe şunuň ýaly ynsanperwer işden Gahryman Prezidentimiziň enesi, Mälikguly aganyň käbesi Ogulbäbek
eje hem çetde durmandy. Ogulbäbek eje gaýynenesinden, ejesinden sowgat berlen şaý-sepleri yelýyrtan ýaglyga düwüp, goranmak gaznasyna tabşyrýar. Ogulbäbek Berdimuhamedowanyň tabşyran altyn-kümüşleriniň agramy iki kilogram dört ýüz ýigrimi sekiz gramdy.
Ogulbäbek eje bu sogaply ynsanperwer işi ýüreginiň emri billen berjaý edýär.
Onuň üçin Beýik Ýeňşiň gazanylmagy hemme zatdan gymmat. Ata Watan, ene toprak üçin güler ýüzli türkmen ýigitleri, ýanýoldaşy Berdimuhamet gazaply urşuň aldym-berdimli günlerinde şirin janyny orta goýup söweşýärkä, onuň üçin altyn-kümüş nämemiş?! Ogulbäbek ejaniň we şonuň ýaly türkmen zenanlarynyň bu hereketi ynsanperwerligiň, wepalylygyň, watonsöýerligiň ýokary derejesidir, onuň
dabaralanmasydyr. Şol döwür häzirki Magtymguly (öňki Garrygala) etrabyndan 62 ýaşly Gök Amanikowa Özüniň ýarym kilogramlyk altyn gülýakasyny goranmak gaznasyna tabşyryp şeyle diýipdir: «Meniň bu gülýakam ganhor Gitlere ajal güllesi bolsun. Şunuň ýaly Watana söýgi. ynsanperwerlik bilen çykyş eden türkmen zenanlary örän köpdi. Uruş döwründe türkmen gelin-gyzlarynyň ynsanperwerlik, mertlik görkezip, goranmak gaznasyna tabşyran altyn-kümüş şaý-sepleri 7 müň 392 kilogramdan geçdi.

Ursuň aldym-berdimli günlerinde Aşgabadyň Köşi obasyndan Sadap Nyýazowanyň Öz serişdesiniň hasabyna ýasadan topy 47-nji goşunyň esgerleriniň öňünde onuň dogany esger Goçaman Halmyradowa dabaraly ýagdaýda gowşurylýar. Sadap ejäniň agasyna ýazan hatyndaky seýle setirler sol ýerde uly joşgun bilen okalýar:
«Meniň serisdäme satyn alnan «76 00 94» belgili top doganym Goçaman Halmyradowyň gulluk edýän bölümine iberilýär. Şöhratly atyjylar, haçan-da, meniň sowgadymy kabul edeniňizden soňra, Gyzyl Goşunyň beýleki
esgerleri bilen birlikde Ýeňiş baýdagymyzy pasyrdadyň»,

Sadap ejäniň doganyna iberen topy Berline çenli söweşjeň ýoly geçýär, 1945-nji ýylda, Beýik Ýeňşiň gazanylmagyna sanlyja günler galanda gahrymançylykly söweşini dowam etdirýän Goçaman Halmyradow aýal
dogany Sadap Nyýazowa şeýle mazmunly hat ýollaýar

[i]«Mähriban uýam! Biz häzir seniň sowgat iberen topuň bilen Berliniň eteginde duşmanlara ot açýarys».


...Watanyň azatlygy ugrunda söweşenler. Biz, uruşdan soňraky parahatçylykly ýyllarda dünýä inenler Beýik Watançylyk urşunyň ýalynly ýodasyny geçip, agyr söweşlerden Ýeňiş bilen sag-aman gaýdyp gelenlere we şeyle bagta eýe bolup bilmedik şehitlere aýratyn sarpa goýýarys.

Türkmenistandan Beýik Watançylyk urşunda şehit bolanlaryň sany 50 müňden geçýär. Diýmek, uruş
zerarly şonça maşgalanyň şonça enäniň ýüregi ýaraly. Urşuň bolup geçen ýerleriniň ählisinde, hatda geografik kartada bellik edilmedik obalarda-da doganlyk gonamçylyklary az däl. Şol gonamçylyklarda beýleki halklaryň wekilleri bilen birlikde, türkmen ýigitleri-de baky ukuda ýatyrlar.
Bu şehitlerimizi elden geldigiçe goldan, aýal-gyzlarymyz, enelerimiz hem gahrymanlygyň ajaýyp nusgasyny görkezdiler.


URUŞ DÖWRÜNIŇ ENESI

Kümüş gülýaka,
Altyn bilezik,
Şelpeli gupba,
Kökenli ýüzük,

Iki teneçir,
Bir kümüş sagat
Ýeñiş fonduna
Gowuşdy sowgat.

Gupbañ içinde
Bir kiçijik hat:
«At, faşisti, at,
At, faşisti, at!»

Öñünde gol ýok.
Yzynda gol ýok,
Kimdigin henizem
Bilip bolanok.

«At, faşisti, at,
At, faşisti, at!»
Aýdyma öwrüldi
Bu kiçijik hat.

Bisowatja hat,
Ikije setir.
Ne-hä nokat bar.
Ne-de tersotur.

Garaşdyk bir gün,
Garaşdyk üç gün.
Kimiñ ýazanyn
Bilmedi hiç kim.

Geçdi otuz gyş,
Geçdi otuz ýaz.
Henizem ony
Bilenok kolhoz.

Bir özi bilýär,
Onsoñam Watan...
Golsuz hat ýazsañ -
Öwren şu hatdan!..


K. Gurbannepesow
35
92
5
tmyigit76
08.01.2024 21:20

Aslynda reňki ýaşyl däl: Azatlyk heýkeli barada 10 fakt







ABŞ-nyň nyşany bolan Azatlyk heýkeli dünýä belli desgalaryň biridir. Heýkel hakda maglumatlar köpleri gyzyklandyrýar.

Nýu-Ýork duralgasynyň girelgesinde ýagty täji, sag elindäki bulutlara göterilen fakel we ýere düşüp duran rim köýnegi bilen derrew ünsi özüne çekýän Azatlyk heýkeli 138 ýaşynda.

1886-njy ýylyň 28-nji oktýabrynda ajaýyp dabara bilen açylan ýadygärlik indi Nýu-Ýorkuň we umuman ABŞ-nyň nyşanyna öwrüldi.

Şeýle-de bolsa, onuň at-owazasy daş-töweregine giňden ýaýrandygyna garamazdan, köp syrlary öz içine alýar.


Biz bu postda, Azatlyk heýkeli barada 10 sany täsin we gyzykly maglumaty size ýetirýäris.



1. Azatlyk heýkeli haýsy materialdan ýasalypdyr?



Heýkel Parižde ýasalyp, Nýu-Ýorka äkidilmeli bolansoň, gaty agyr bolmaly däldi. Şol sebäpli heýkeliň içi boş galdy. Polatdan bolan Eýfel diňiniň inženeri Gýustaw Eýfel tarapyndan döredilip, daşky görnüşi gaty inçe mis bilen örtüldi.(wikipedia maglumatlaryna görä, tutuşlugyna mis, google görä, mis,polat, altyn, guýma demir) Mis örtüginiň galyňlygy bary-ýogy 2,4 millimetr.


2. Näme üçin heýkel ýaşyl görünýär?




Heýkeliň örtülen mis magdany tebigy ýagdaýda okislenýär we wagtyň geçmegi bilen ýaşyl gatlak bilen örtülýär. Köp ýerlerde bu gatlak örtülen misiň galyňlygyna ýetýär we poslama garşy goraýar.


3. Heýkeliň uzynlygy näçe?




Heýkeliň öz beýikligi aşakdan fakele çenli 46 metrdir. Bu 22 gatly binanyň uzynlygyna deňdir. Parižde gurlanda we Nýu-Ýorkda açylanda-da döwrüniň iň beýik binasy boldy. Esasy bazasyny goşsak, uzynlygy 93 metre çenli ýokarlanýar. (Burnunyň uzynlygy 1,48 sm.) Jemi agramy 204 tonna. (Başga çeşmelerde 225 t)


4. Heýkel kimiň ýüzüne degişlidir we haýsy bölegi ilkinji bolup ýasalýar?




Azatlyk heýkeliniň ýüzi heýkeltaraş Frederik-Awgust Bartholdiniň ejesiniň ýa-da myş-myşlara görä söýgülisiniň keşbine meňzeşdi. Heýkeliň birinji bölegi fakeli saklaýan sag eli. Bu eli Parižde ýasalandan soň ABŞ-a iberildi we 1876-njy ýylda Amerikan halkyndan kömek ýygnamak üçin (kolonial expostion) sergide görkezildi. (Heýkeliň 2 ýyldan soň açyljak nobaty gelýär) Şeýle-de bolsa, fakel 1916-njy ýylyň 30-njy iýulynda 11-nji sentýabr hüjümini ýada salýan esasy nemes hüjümleri wagtynda zeper ýetdi we soňra häzirki fakel bilen çalşyryldy. Ýadygärligiň kabulhanasynda 1984-nji ýylda aýrylan asyl fakeli henizem görmek bolýar.


5. Heýkel haýsy tarapa seredýär?




Azatlyk heýkeli günorta-gündogara seredýär we strategiki taýdan Fort Wudyň içinde ýerleşýär we munuň üçin ajaýyp esas döredýär. Heýkeliň ýerleşýän ýeri, porta girýän gämiler üçin hem amatly, sebäbi "Azatlyk hanymy" porta girýänlere "Hoş geldiňiz" diýen aňlatmany berýär.


6. Heýkeli ýyldyrym çakarmy?




Hawa! Heýkel her ýyl ýyldyrym çakýar. Ýyldrym çakmagynyň sany belli däl. Heýkeliň beýikligi we ondan ýasalan mis magdan ýyldyrym çakmagyna çydam etmek üçin ýörite saýlandy.


7. Fakel we täçdäki şöhleler nämäni aňladýar?




Heýkeliň sag elinde tutulan fakel, aň-düşünjäni alamatlandyrýar. Fakeliň çyralary erkinlige barýan ýoly yşyklandyrmagyny aňladýar. Aslynda heýkeliň resmi ady "Erkinlik dünýäni ýagtylandyrýar" diýlip kesgitlenildi. 1986-njy ýylda çalşylan heýkeliň täze mis fakeli 24 karat altyn bilen örtüldi. Gündizine gün şöhlelerini aňlatsa, gijelerine 16 prožektor tarapyndan yşyklandyrylýar. Mundan başga-da, heýkeliň kellesinde 7 uçly täç bar. Ol ýedi yklymy, ýedi deňizi aňladýar.


8. Heýkeliň çep elinde saklaýan tabelinde näme ýazylan?




Amerikanyň garaşsyzlyk güni, 1776-njy ýylyň 4-nji iýuly, Rim sanlarynda ýazylan (IV iýul, MDCCLXXVI)


9. Heýkel aslynda nirede gurulmalydy?




Heýkeltaraş Bartoldi asyl pikiri (1869) Azatlyk heýkelini Sues kanalynyň Ortaýer deňziniň girelgesine ýerleşdirmekdi. Hatda munuň üçin taýýarlan modelini müsürli Kedive Ismail Paşa-da hödürledi. Ilkibaşda heýkeliň gurluşygyna oňyn garaýan Ysmaýyl Paşa, çykdajylaryny töläp bilmejekdigine we halk köpçüliginiň negatiw reaksiýalarynyň boljakdygyna göz ýetirenden soň, gurmakdan ýüz öwürdi (diňe bir müsürli daýhan zenany bu heýkel üçin model hökmünde alyndy)

10. Azatlyk heýkeli masonlar ybadathanasymy?



Heýkeltaraşlykda ulanylýan köp elementleriň masson simwolizmi bilen baglanyşygy bar. Aslynda, Nýu-Ýorkuň “Grand Lodge” ussady Willam A. Brodi 1884-nji ýylyň 5-nji awgustynda geçirilen binanyň düýbüni tutmak dabarasyny geçirdi. Gurluşygy gurnan heýkeltaraş Bartholdi we gurluşyga gözegçilik eden Laboulaye hem-de basgançagyň binagäri Riçard Morris Huntyň hemmesi massonlardy. Häzirki wagtda onuň masson hekaýasyny Massonlar tarapyndan çüýlenen tagtada okamak bolýar.



© Çeşmeler: www.ensonhaber.com. wikipedia we google maglumatlary
38
216
4
tmyigit76
07.01.2024 20:37
Goýunlary we itleri bilen düşüren gyzykly wideolary bilen meşhur boldy ...





Hawa siz ýalňyş okamadyňyz.


Paýlaşan wideosynda adamyň ilki goýunlary, soň bolsa eşegi iýmitini ogurlaýar we tomaşaçylary ýylgyrtýar. (1-2 suratlar)


Çopanlaryň gündelik durmuşynyň bölümlerini wideoda hödürlän bu adam, daşary ýurt sahypalarynda-da millionlarça tomaşa we müňlerçe halanma aldy.

Gündelik durmuşyny sosial media ýazgylarynda paýlaşan çopan, tomaşaçylaryň ýüregini ýyladan şol pursatlar bilen meşhur boldy.


2,5 million töweregi yzarlaýjysy bolan we tebigy durmuş hakda postlary paýlaşýan sahypada çap edilen suratda (3-nji surat)çopanyň iti we töweregindäki goýunlar bilen uklap ýatan görnüşini görmek bolýar. Bu ýazgy takmynan 12 million gezek tomaşa edildi we müňlerçe halanma we teswir aldy. Bu surat: "

Onuň köpümizden has bagtlydygyna ynanýaryn"

diýen ýazgy bilen paýlaşyldy.



©Çeşme:www.odatv.com
37
226
1
tmyigit76
06.01.2024 19:46
Günorta Koreýalylar üçin «Siz näçe ýaşyňyzda?» diýen soraga näme üçin jogap bermek kyn?




Günorta Koreýalylar üçin "siz näçe ýaşyňyzda?" diýen soraga aňsat jogap berip boljak sorag däl.


Bu ýurtda çaga dünýä inende bir ýaşly hasaplanýar. Täze ýyl gijesi gelende, olaryň ýaşyna ýene bir ýyl goşulýar. Şeýlelik bilen, dekabr aýynda doglan çaga birnäçe hepdäniň içinde iki ýaşynda hasaplanar.

Şeýle-de bolsa, Günorta Koreýanyň prezidentligine saýlanan Yoon Suk-yeol bu asyrlyk hasaplamany aýyrmak üçin çäreleri görýär.

Yoonyň bu wezipe üçin bellenen komitetiniň başlygy Li yong-ho, Günorta Koreýany dünýäniň beýleki ýurtlary bilen deňeşdirmek üçin ýaş hasaplamasyny standartlaşdyrmaga synanyşýandygyny aýtdy

Dürli ýaş hasaplamalarynyň "hemişelik bulaşyklygy" we "gereksiz sosial we ykdysady çykdajylary" döredendigini aýtdy.

Giňden kabul edilen ýaly görünse-de, täze ädimleriň durmuşa geçiriljekdigine şübhe bildirilýär.



Bir sorag, üç jogap




Günorta Koreýada adamyň ýaşyny hasaplamagyň üç usuly bar.



Resmi taýdan, ýurt 1962-nji ýyldan bäri kanuny kesgitlemelerde we administratiw amallarda adamyň doglan senesini ulanýan halkara hasaplama ulgamyny ulanýar.

Beýleki resmi hasaplama usulynda bolsa bäbekler 0 ýaşynda dogulýar we her 1-nji ýanwarda bir ýaşa ýetýär. Şoňa laýyklykda 2020-nji ýylyň dekabrynda doglan çaga şol ýylyň dekabrynda iki ýaşynda hasaplansada, 2022-nji ýylyň ýanwarynda bu ýaşa ýetdi diýlip hasaplanýar.

Bu usul, esasan, harby gullugy degişli bolup, ilatyň ep-esli bölegine täsir edýän kanuny maksatlar üçin ýaşy hasaplamak ýa-da kanunbozulmalardan goralmaly ýaşlaryň ýaşyny kesgitlemek üçin ulanylýar.

Şeýle hem, jemgyýetde her kim tarapyndan has köp ulanylýan "Koreý ýaşy" usuly bar. Oňa görä her kim doglan wagty awtomatiki usulda bir ýaşyndadygyny we doglan senesine garamazdan her Täze ýylda bir ýaşyny doldurýandygyny hasaplaýar.

Bu usullara laýyklykda, 1995-nji ýylyň 30-njy dekabrynda doglan Günorta Koreýanyň meşhur K-pop topary BTS-iň agzasy Kim Tae-Xyung (V), Koreýanyň adaty hasaplamalary boýunça 28 ýaşynda, halkara hasaplamalarynda 26 ýaşynda we beýleki resmi koreý ýaş hasaplamalary boýunça 27 ýaşynda .


Çynlakaý mesele




Käbir adamlar üçin ýaş diňe san bolup biler, emma ýaş Günorta Koreýada bu gaty çynlakaý mesele.

Koreýa uniwersitetiniň koreýa dil we edebiýaty bölüminiň professory Şin Ji-young: "Günorta Koreýalylar üçin kimdir biriniň özünden uludygyny ýa-da däldigini bilmek, sosial gatnaşykda biriniň adyny öwrenmekden has möhümdir. Bu adama nädip ýüzlenmelidigini we zerur unwanyny saýlamakda möhüm ähmiýete eýe" -diýip belleýär.

Koreýanyň ýaşyny hasaplamak däbi Hytaýdan we Aziýanyň dürli ýerlerinden gözbaş alýar. Şeýle-de bolsa, Günorta Koreýa henizem ýaşy şeýle hasaplaýan ýeke-täk ýurt hasaplanýar.

Hansung uniwersitetiniň hukuk we syýasat professory Kim Eun-juyaň pikiriçe, "Globallaşma koreýleri halkara ýaş hasaplamasy barada has köp habarly etdi. Bu hasaplama usullary bilen koreýleriň üstünden gülýändiklerini duýan ýaşlara täsir etdi."

Gülkünç bolmakdan daşary, dünýä syýasatlary Günorta Koreýalylara hakykatdanda agramly täsir etdi.

Mysal üçin, käbir ene-atalar çaga dogluş ýazgylaryny üýtgetmäge synanyşýarlar, sebäbi dekabr aýynda dogulan çagasynyň mekdepde özüni oňaýsyz duýmagy we netijede durmuşda kynçylyklaryň boljakdygyny alada edýärler.

Pandemiýa döwründe saglygy goraýyş edaralarynyň sanjym üçin ýaş derejesini kesgitlemek üçin halkara ýaş hasaplamasyny we Koreýanyň ýaş ulgamyny ulanmagy köp bulaşyklyga sebäp boldy we ýaşy standartlaşdyrmaga çagyryşlar ýokarlandy.

Li, şeýle hem, goşmaça tölegler we pensiýa ýaşynyň kesgitlemesi baradaky bulaşyklyk sebäpli ýokary kazyýete salgylanyp, Koreýa ýaşy tarapyndan girizilen "zerur däl sosial we ykdysady çykdajylara" ünsi çekdi.


Däp-dessurlary terk etmelimi?




Günorta Koreýanyň resmileriniň ýaş hasaplamak usulyny döretmäge ilkinji gezek synanyşmagy däl.

2019 we 2021-nji ýyllarda iki kanun çykaryjy şuňa meňzeş kanun taslamasyny teklip etdi, ýöne bu teklipler Koreýa mejlisi tarapyndan tassyklanmady.

Beýleki tarapdan, hünärmenler täze çärä razy bolsada, onuň Koreýa jemgyýeti üçin nämäni aňladýandygy barady pikirleri bilen iki topara bölünýärler.

Dankook uniwersitetiniň gündogary öwreniş gözleg merkezinden bolan Jang Yoo-seung: "Jemgyýetimiz däp-dessurlary terk etmek barada kän bir alada etmeýär. Öz özboluşlylygymyzy we medeniýetimizi terk edip, has monoton bolmak howpy barmy?" diýýär.

Ýöne hemmeleriň ylalaşyp biljek zady, halkara ýaş hasaba alnyşy kabul edilse-de, koreýleriň ýakyn wagtda resmi ýa-da resmi däl ýagdaýda "Koreýa ýaşyny" ulanmagy bes etmegi nägüman.



Çeşme: www.bbc.com.
45
190
3
tmyigit76
05.01.2024 21:22
Emeli intellekt (aň) meşhur türk teleseriallaryny we filmlerini multfilm afişalaryna öwürdi


Siz haýsysyny haladyňyz?


©Çeşme: www.onedio.com
39
145
8
tmyigit76
05.01.2024 14:43

«Tetris» oýnuny ýeňen ilkinji adam





ABŞ-nyň Oklahoma şäherinden 13 ýaşly Willis Gibson «Tetris» oýnunda 157-nji derejä çykan ilkinji adam boldy.



New-York Times gazetiniň habaryna görä, Gibson Tetris oýnuny oýnaýarka düşüren 42 minutlyk wideosyny paýlaşdy.


Gibson, oýundaky 38-nji minutyndan soň 157-nji derejä ýetip, oýny "ýeňen" ilkinji adam boldy.


Oýundaky 38-nji minutdan soň 157-nji derejä ýetip, oýny "ýeňen" ilkinji adam bolan Gibson, kodlaşdyrmagyň çäklendirmeleri sebäpli oýny oýnap bolmajak derejä ýetdi.


Oýunyň soňky derejesine ýeten Gibson wideoýazgyda: "Eý, Hudaýym! Barmaklarymy duýup bilemok, ellerimi duýup bilemok. Men haýran galýaryn" - diýen sözleri ulandy.


2021-nji ýyldan bäri "Blue skuti" ady bilen Tetris oýnap ýören Gibson, "gaty tolgunýandygyny" aýtdy.


Gibson, "ýönekeýligi" sebäpli oýnuň özüne çekilendigini aýdyp: "Başlamak aňsat, ýöne öwrenmek gaty kyn" -diýdi.


Tetris, Sowet inženeri Alekseý Pajitnow tarapyndan 1984-nji ýylda işlenip düzüldi.


Oýun dowam etdigiçe aşak düşýän bloklaryň tizliginiň ýokarlanmagy sebäpli, oýnuň iň ýokary derejesi 29-njy dereje hasaplanýar, bu ýerde bloklar şeýle çalt gaçyp başlaýar welin, adamyň dowam etmegi mümkin däl diýen ýaly.



Siz tetris oýnap görüpmidiňiz?





©Çeşme: www.gercekgundem.com
46
760
142
Yene yükle