Mowzuklar tmyigit76 » Sahypa 6

14.02.2024 14:17

Bäsleşigiň jemleri

Ilki bilen bäsleşige gatnaşan ähli agzalara sag bolsun aýdýarys. Biraz kemçilikler hem boldy. Onuň üçin ötünç soraýarys. Hemme kişä jogap berip ýetişmedim. Soňa baka programma doňup, daşyna zyňyp başlady.

Bäsleşigiň jemleri boýunça ýeňijilerimizi gutlaýas. Baýraklaryňyzy almak üçin du posta belgiňizi ýazypda pozaýyň

Soragy bilen agzalarymyzyň sanawy:

1.@mgm

2. Munda ýalňyşlyk gitdi. Şonuň üçin @flowers_ we @smiling _agzalaryň ikisiniň hem jogabyny kabul etdik.

3. @_Orhideya

4@garajaoglan

5@geldiyewna

6. Deňiz ýyldyzyňyň diňe deňizde ýaşa- ýandygyny diňe @bitter agza bilýän eken.

7@teacher

8@kizz

9@beghanym

Pişikleriň dogry sanyny ilkinji bolup bilen Beghanym agzamyzyň baýragy hökmünde, beghanym gelejemiziň "ýaşlyk ýyllaryny ýatlar" diýen umyt bilen Nury Meredowyň «Klasdaş» atly aýdymyny eşitdirýäs.

Diňläň, ezýet alyň

Wii bagyşlaň. "Lezzet alyň" diýjekdim 😁

Dogry jogaplar aşakda görşümiz ýaly

1) Dogry jogap aýnekli adamyň aýneginde. Aýnegiň ramkajygy biriniňki 4 burç, beýlekisi aýlanma şekilde

2)Bu suratdaky dogry jogap: oglanyň çaýly bokaly pyçak bilen garmagy.

3) Bu suratda 3 sany ýalňyşlyk bar:1)portretdäki hanymyň aýakgaby ýok.
2) sagat 12 bolup barýanam bolsa gün batanok.
3) Gitarany ters eli bilen tutup dur

4) Bu suratdaky ýalňyşlyk, suratda görşümiz ýaly şkafyň tutawajy ýok.

5) Dogry jogap: suratda görşümiz ýaly, ýaşyl kurtkaly gyzyň garda deňiz äýnegini dakynmagy?

6) Dogry jogap deňiz ýyldyzynyň bolmagy. Ol süýji suwlarda ýaşanok.

7) Dogry jogap. Köprüniň aňyrsynda kölüň yzy dowam edenok.

8) Dogry jogap: Akwarýumda totyguşyň bolmagy.

9) Suratda 31 sany pişik bar.

37

488

23

tmyigit76

13.02.2024 22:07

Bäsleşik

Hemmäjäňize Daşoguzyň şu günler maýlan howasy bilen gyzgyn salamyny ýollaýas. Iller etýämiş diýse, öýkünmek gylygym halys goýmansoň, (degişýän;))menem kiçeňräk bäsleşik gurnamak kararyna geldim.

Şertler we düzgünler

Bäsleşik esasan suratlardaky logiki ýalňyşlygy tapmak görnüşde bolar. Dogry jogaby tapmak üçin gözüňi giň açyp, surata ünsli seretmeli.

Her bir dogry jogaba 5 TMT pul baýrak bar. (Iň soňkydan galany)

Bellik: Bir jogaby bilen agza beýleki suratlara jogap berip bilmez, ýagny her kimde bir mümkinçilik bar.

Onda näme ähliňize üstünlik

1)Aşakdaky suratda naharlanmaga taýýarlanýan maşgalany görýäňiž. Bu suratdaky logiki ýalňyşlyk nirede?

2)Aşakdaky suratda hem naharlanyp oturan maşgala. Bu suratdaky logiki ýalňyşlygy tapyp bilersiňizmi?

3)Suratda otagda güýmenýän üç sany oglany görmek bolýar. Bu suratda iki sany logiki ýalňyşlyk bar. Ol nirede?

Ýogsada naharlandyňyzmy? Öwrenmeli bilen garynam ýatdan çykdymy ýa? 😊

4)Suratda ýene naharlanmaga häzirlenýan gyzlar we ejesi. Bu ýerdeki logiki ýalňyşlyk niredekä?

5) Suratda garda lyžaly typýan işsizleri görýäňiz? Bu suratdaky logiki ýalňyşlyk nirede?

6)Suratda balyk tutup oturan adamy görýäňiz. Bu suratdaky logiki ýalňyşlyk nirede?

7)Suratda köprüden geçip barýan adam şekillendirilýär. Bu ýerde logiki ýalňyşlyk nirede?

8) Otagynyň tertipsizligi sebäpli (men ýaly):) gep eşidip duran oglanjygyň suratyndaky logiki ýalňyşlyk nirede?

Pişijekleri menden başgada halaýan barmy?

9) Aşakdaky suratdaky pişikleri sanamaly. Dogry sany kim ilki bilerkä?

Bu soragyň jogabyny bilen agzamyza türkmen aýdymlaryndan birini programmada eşitdirýäs.

Jogaplara garaşýas. Howlugyň!!!

41

1 140

205

tmyigit76

12.02.2024 20:35

Dolandyryşdan çykan hemra Ýere tarap ýakynlaşyp gelýär.

09.02.2024

Ýewropa kosmos gullugy (ESA), 10 ýyl ozal ulanyşdan çykan we soňky ýangyç

ätiýaçlyklaryny hem sarp eden ERS-2 atly hemra birnäçe hepdeden Ýeriň atmosferasyna girip gözegçiliksiz düşjekdigini mälim etdi.

1995-nji ýylda uçurylan Ýewropa kosmos gullugynyň (ESA) ERS-2 hemrasy 10 ýyl ozal ulanylyşdan çykdy.

Emeli hemranyň agramy 11 tonna bolup, Ýeriň atmosferasyna gözegçiliksiz girip biljekdigi bellendi.

ERS-2 hemrasy näme, nähili işleri ýerine ýetirýär.

ERS-2 Ýere syn etmek üçin ulanylýan hemrady. Sputnik atmosfera, ummanlar we gury ýer massalary barada maglumatlary ýygnady.

ERS-2 tarapyndan toplanan maglumatlar howanyň üýtgemegi we daşky gurşawyň hapalanmagy ýaly meseleler boýunça gözlegçilere kömek etdi.

Nirä düşer?

Häzirki wagtda ESA-nyň äpet hemrasynyň nirä gelip düşjekdigini aýtmak mümkin däl.

ESA: "Sputnik ýygy-ýygydan gözegçilik astynda saklanýar we orbital beýikliginiň peselmegi bilen oňa yzarlaýarys. Şeýle-de bolsa, Ýere gaýtadan girmegi tebigy ýagdaýda bolansoň, emeli hemranyň haçan we nirä düşjekdigini takyk çaklamak mümkin däl\" -diýdi.

Hünärmenler, emeli hemranyň atmosfera girip, ýere degmezden ýanmagynyň ähtimaldygyny aýdýarlar.

Şeýle-de bolsa, ownuk bölekleriň ýere gaçmagy we adamlara zyýan ýetirmegi ähtimal.

Kosmasdaky zibiller meselesi.

Planetamyzyň orbitasy eýýäm kosmos galyndylaryndan doly we has köp raketa uçurylmagy we emeli hemralar ulanylmaga berilmegi bilen ýagdaý hasam erbetleşer.

Ýadro füzýon lazer bilen kosmos zibilleri arassalanyp biler.

Ýaponiýa geçen aý ýadro birleşme güýjüni herekete getirýän lazerler arkaly kosmos galyndylaryny arassalamagy maksat edinýändigini mälim etdi.

Häzirki wagtda planetanyň töwereginde 100 trillion töweregi emeli hemra bölekleriniň bardygy çak edilse-de, toplanan kosmos galyndylarynyň işjeň hemralara zeper ýetirip biljekdigi bellendi.

çeşme: www.odatv.com

Biziň ähli postlarymyzy okamak üçin şu ýere basyň

50

629

18

tmyigit76

10.02.2024 22:01

ANBAR YSLY ATYRLAR

Nämüçindir, parfýum diýlende, köpler Fransiýany göz öňüne getiýärler.
Emma parfýumyň taryhyny yzarlasaň, ol Fransiýada döremändir. Parfýum latyn sözünden gelip çykyp, «per» hem «fuma», ýagny «tüsse» diýen manyny berýär. Sebäbi ilkinji parfýumy ýakyp, tüsse etmegiň üsti bilen döredipdirler.
Antiki döwürde onuň ilki dörän ýeri Müsür hasaplanylýar.

Şol döwürde parfýumler bedeniňi yslandyrmak, nerwleriňi rahatlandyrmak, şeýle-de ýaşaýyş otaglaryna gowy ys bermek üçin ulanylypdyr. Kleopatra noşboý ysly ýaglary göze ilmeýän, emma özüne maýyl ediji gural hökmünde ulanypdyr. Antik döwründe parfýum, başga-da arap we Gündogar ýurtlarynda, Gresiýada, Italiýada hem ulanylypdyr.

* * *

Fransiýa parfýum biraz soňrak aralaşypdyr. Orta asyrlarda, Renessans döwründe parfýum taýýarlamak işi güläp ösüpdir.Şol wagtlar Fransiýada deriden geýim tikilýär eken. Şol deriniň ysyny aýyrmak üçin hem parfýum ulanylypdyr. Soňlugy bilen deri modadan galýar, mata geýimler moda girýär we tikinçiler hem parfýum satmak bilen meşgullanyp başlaýarlar. Şeýdip, parfýum ulanmak aristokratlaryň arasynda moda bolup, ony taýýarlamak işi aýratyn hünäre öwrülýär. Fransiýanyň Grasse şäheri parfýumyň paýtagty hökmünde beli bolýar.

* * *

Gadymy grek gyzlary özlerinden hemişe ýakymly ysyň gelmegini gazanmak üçin timarlananlarynda saçlaryna jasmin ekstraktly we geçi ýagly kiçijik haltajyklary dakypdyrlar. Ol yssy howada eräp, ýüzlerine, bokurdagyna we eginlerine syrylyp düşüp. jasminiň ysyny beripdir.

* * *

Dünýäde atyrlary öndürýän ilkinji parfýum fabrigi 1608-nji ýylda Florensiýada Santa Mariýa Nowella ybadathanasynda döredilipdir. Ol özüniň meşhurlygyny köp gersogdyr knýazlaryň, hatda Rim Papasynyň howandarlyk etmegi bilen gazanypdyr.

* * *

Atyrlaryň dünýäde ilkinji goraghanasy 1990-njy ýylda döredilip, ol Osmoteka diýlip atlandyrylýar. Ony Žan Kerleon, ýagny «JeanPatou», meşhur parýum öndüriji kärhananyň esasy parfýumçysy esaslandyrýar. Bu günki gün bu goraghananyň kolleksiýasynda atyrlaryň 2 müňden gowrak nusgasy saklanýar.

* * *

«Kpacнaя Mocквa» parfýum fabrigi köplere tanyş hem bolsa, onuň düýbüni tutujynyň Fransiýanyň ýaşaýjysy Genrih Brokardygyny bilmeýänlerimiz hem bardyr.

* * *

«Clive Christian's Imperial Majesty» atyry
dünýäde iň gymmatbahaly atyry diýlip hasaplanylýar. Onuň 500 ml möçberli çüýşe gaby hrustaldan bolup, 18 karatly gyzyl bilen çaýylan hem-de 5 karatly göwher bilen atyryň bahasy 215 müň amerikan dollaryna barabar. Bu ýakymly ysly atyr Ginnesiň rekordlar kitabyna hem girizildi.. (Bellik: käbir çeşmelerde iň gymmat atyr: DKNY Golden Delicious Million Dollar Fragrance Bottle atly bahasy million dollarlyk parfýum hasaplanýar)

* * *

Garwardly biolog Şeref Mansi bilen awstraliýay parfýumçy lýusi Makreý bilelikde hoşboý ysly kapsulany döredipdirler. Bu kapsulany iýen adamyň bedeni ýakymly ys çykarýar. Dogrusy, bu «iýip bolýan atyrlar entek satuwa çykarylanok», ol heniz diňe kliniki testleşdirme tapgyryny geçýär.

* * *

Häzirki atyrlaryň düzümini, asasan, parfýum spirti bilen hoşboý ysly ýaglar düzýär. Atyryň ýakymly ysy hem-de onuň bahasy düzümindäki komponentleriň möçberine we sazlaşykly utgaşmasyna bagly bolýar. Meselem: Chanel n-5 belgili atyryň düzümi 80 dürli ysly komponentlerden ybarat. Bu parfýum ölçegi boýunça - örän kän.

* * *

Bu günki gün Chanel no-5 atyry dünýäde iň köp satylýan atyrlaryň birliginde galýar. Atyryň muşdaklary diýseň kän hem-de soňky döwürde ol zenanlaryň iň höwesli atyrlarynyň hataryna girdi.

* * *

«Mis Dior» atly atyry belli fransuz parfýum- çysy Žan Karldyr.

Metbugat maglumatlary esasynda taýýarlandy

Siz haýsy parfýum halaýaňyz? (ulanýaňyz?)

49

478

12

tmyigit76

08.02.2024 19:10

Albert Eýnşteýniň aýalyna gol çekdiren nika şertnamasy

_______

Fizika dünýäsinde tanalýan şahsyýetiň biri bolan Albert Eýnşteýniň aýalyna gol çekdiren nika şertnamasynyň bardygyny bilýärmidiňiz.

Bu postda biz olary size ýetirýäris.

______

Taryhyň iň möhüm fiziklerinden biri Albert Eýnşteýniň dünýä ylmyna goşan goşantlary sansyz. Nasist Germaniýasynda ýewreý bolup ýaşamaga synanyşanda 1933-nji ýylda ABŞ-a göçüp geldi.

Eýnşteýniň professional durmuşy barada köp zat öwrenmek mümkin. Emma Eýnş- teýn hakda iň täsir galdyryjy maglumatlar, megerem şahsy durmuşy hakdamyka diýip pikir edýäs. Ony anyklamak kyn bolansoň, adamlar şeýle alymyň gündelik durmuşyny nähili geçirendigini öwrenmek bilen gyzyklanýar.

Eýnşteýniň geň galdyryjy nika şertnamasy

1903-nji ýylda Albert Eýnşteýn Awstro-Wengriýa imperiýasynyň raýaty we baý serb maşgalasynyň gyzy Milewa Mariç bilen durmuş gurdy. (Olaryň tanyşlygy barada öňki postumyzda aýdyp geçipdik) Bu nikadan Hans Albert we Eduard atly 2 ogly 1 gyzy (gyzy Leýser hakda doly maglumat ýok) bolýar.

Albert Eýnşteýn we Meliwa Meriç (1905ý)

Laurent Seksik atly ýazyjy tarapyndan ýazylan we Eduard Eýnşteýniň agzyndan çykan şeýleräk sözleri bize mälim :"Kakam hakda gürlänimde dilim näme üçin beýle zäher ýaýradýar? Bilmeýärsiňizmi? Hemmeler bilýär öýdýärdim. Kakam bizi, ejemi, doganymy we meni 1914-nji ýylyň awgust aýynda Berlindäki platformada terk etdi. Şol günden şoňra bolsa söweş yglan edildi."

Eýnşteýn we aýaly Milewa 1914-nji ýylda gatnaşyklaryny soňlanmak derejesine çeni gelýär. Kollejde başlan söýgi gatnaşygy, gutarmagyň bäri ýanynda durdy. Albert aýaly Milewa bu gatnaşyklaryny çagala- rynyň hatyrasyna dowam etdirip biljekdigini, ýöne isleýän şertnamasyna gol çekme- lidigini aýtdy.

Eýnşteýniň aýalyna gol çekdiren nika şertnamasynyň şertleri

A. Siz jogapkärçilik çekersiňiz:

1. Egin-eşiklerim we kirlerimiň tertipli bolmagyna;

2. Otagymda yzygiderli üç naharyň taýýar bolmagyna ;

3. Ýatylýan otagymyň we iş otagymyň tertipli saklanýandygyna, esasanam iş stolumy menden başga hiç kimiň ulanmazlygyna;

B. Sosial sebäpler hökmany suratda talap edilmese, meniň bilen şahsy gatnaşyk- laryňyzy bes edersiňiz. Hususan-da, aşakdakylary haýyş etmersiňiz:

1. Öýde seniň bilen ýanyňda oturmagymy;

2. Meniň bilen daşary çykmagy ýa-da syýahat etmegi

C. Meniň bilen gatnaşygyňyzda aşakdakylary gözöňünde tutarsyňyz:

1. Menden fiziki ýakynlyga garaşmarsyňyz, meni hiç hili kemsitmersiňiz;

2. Islän wagtym meniň bilen gürleşmegi bes edersiňiz;

3. Siz ýatylýan otagymdan ýa-da iş otagymdan islän wagtym, arz etmän çykarsyňyz ;

D. Çagalarymyzyň öňünde sözleriňiz ýa-da hereketleriňiz bilen meni kemsitmersiňiz (peseltmersiňiz)

Milewa Mariç Eýnşteýniň bu şertlerini kabul etdi. Emma gatnaşyklary indi şertnama bilen halas edip bolmaýandygy sebäpli, birnäçe aýdan çagalaryny alyp, adamsy Alberti Berlinde galdyryp gitdi. Çagalary bilen Sýurihde ýaşaýan Milewa 5 ýyl adamsyndan aýry ýaşady we 1919-njy ýylda aýrylyşdy.

Albert Eýnşteýn 1919-njy ýylda ikinji doganoglany Elsa Eýnşteýn bilen durmuş gurýar. Är-aýal, nasist Germaniýasynda ýewreýleriň işläp biljek ýerleriniň çäklen- dirilmegi sebäpli 1933-nji ýylda ABŞ-da mesgen tutdy.

Elsa we Albert Eýnşteýnler

Çeşme: www.habertürk.com
suratlar: www.bbc.com.tr

48

702

11

tmyigit76

03.02.2024 19:37

IMDb-e habaryna görä Kristofer Nolanyň iň gowy 10 filmi

Kristofer Nolan soňky ýyllaryň iň üstünlikli režissýorlaryndan biri hasaplanýar. Soňky ýyllarda “Batman” seriýasyna goşmaça “The Prestige”, “Inception” we “Tenet” ýaly filmler bilen uly meşhurlyg gazandy. Nolan geçen ýyl prokata çykan we Akademiýa baýraklarynda 13 ugur boýunça iň gowy filmi bolan “Oppenheimer” bilen ýene-de ünsi çekdi. Bu film altyn globus baýragyny hem eýeledi. Bu postda IMDb ballaryna görä Nolanyň iň gowy 10 filmini size ýetirýäris.auto>

“DARK KNIGHT”

“Gara ritsar” Kristofer Nolanyň režissýorlyk eden super gahryman filmidir. DC Comics-iň fantastiki gahrymany Batman esasynda 2005-nji ýylda döredilen “Batman Begins” filminiň dowamy. “The Dark Knight” filminiň ssenarisini Kristofer we dogany Jonatan Nolan ýazdy. Deýwid S.Goýer hekaýany döretdi.

INCEPTION

Döreýiş

Dörediş Kristofer Nolan tarapyndan ýazylýar we režissýorlyk edýär hem-de aýaly Emma

Tomas bilen bilelikde surata düşürýar. 2010-njy ýylda düşürilen ylmy fantastiki film. Filmde Leonardo Di Kaprio nyşanalarynyň aň-düşünjesine aralaşyp maglumat ogurlaýan professional ogry roluny ýerine ýetirýär.

“INTERStellar”

Ýyldyzlarara” 2014-nji ýylda Kristofer Nolanyň režissýorlyk eden Amerikan epiki ylmy fantastiki filmidir. Baş rollarda: Matthew McConaughey, Anne Hathaway, Jessica Chastain, Bill Irwin, Ellen Burstyn, Matt Damon ve Michael Caine dagylar ýer aldy.

OPPENHEIMER

Oppenheimer

Kristofer Nolanyň ýazan we režissýorlyk eden 2023-nji ýyldaky epiki biografiki triller filmidir. 2005-nji ýylda Kai Bird we Martin J. Şerwin tarapyndan döredilen Amerikan Prometheus \\\\\\\\\\\\\\\\\\\\\\\"kitabyndan alyndy. Manhattan taslamasynda ilkinji ýadro ýaragynyň döredilmeginde işler alyp baran teoretiki fizik J. Robert Oppenheimeriň durmuşy barada.

Filmde baş rolda Silian Merfi ýer alsa Emili Blunt, Oppenheimeriň aýaly Katrin Oppenheimer, Matt Damon Oppenheimeriň harby işgäri Lesli Groves roluny ýerine ýetirýär. we Robert Downi Jr. Amerikanyň Birleşen Ştatlarynyň atom energiýasy Komissiýanyň uly agzasy lewis Strausyň rolunda

PRESTIGE

Prestige Kristofer Nolanyň režissýorlyk eden 2006-njy ýylda ABŞ-Angliýa bilelikde döreden filmidir. Ýazyjy Kristofer \\\\\\\\Prestiň şol bir atly romanyny filme uýgunlaşdyrdy. Ssenarini ýazmak üçin Nolan 2000-nji ýylda döredilen “Mind Notebook” atly fiminde bile işlän dogany Jonatan Nolan bilen bilelikde işledi.

“DARK KNIGHT RISES”

“Dark Knight Rises” 2012-nji ýylda Kristofer Nolanyň režissýorlyk eden super gahryman filmidir. Filmiň ssenarisini dogany Jonatan Nolan we Deýwid S.Goýer ýazdy.

Memento

Ykdysadyýet boýunça Nobel baýragynyň eýesi we Abel baýragynyň eýesi Amerikaly matematik Jon Neşiň durmuşyna esaslanan 2001-nji ýylda döredilen Amerikan terjimehal filmidir. Film Akiva Goldsman tarapyndan ýazylan we režissýor Ron Howard tarapyndan düşürildi.

Batman begins.

gahrymany Betman çeper romanlara esaslanýar. K. Nolanyň režissýorlygynda Kristian Beýliň Betmany janlandyran we mundan başga-da Liam Neeson, Michael Caine, Cillian Murphy, Katie Holmes, Tom Wilkinson, Ken Watanabe, Rutger Hauer ve Morgan Freeman ýaly meşhurlaryň orun alan 2005-nji ýylyň Super gahryman filmi.

DUNKIRK

Kristofer Nolanyň ýazan we režissýorlyk eden 2017-nji ýyldaky söweş filmidir. Film Kristofer Nolan we aýaly Emma Tomas tarapyndan düşürildi

Following

Pursuit, Kristofer Nolanyň ýazan we režissýorlyk eden 1998-nji ýyldaky Iňlis neo-noir jenaýat drama filmidir.

Filmde Londonyň köçelerinde nätanyş adamlary yzarlaýan we başa barman, uzaklygy saklamak üçin jenaýat dünýäsine yza çekilen bir ýigidiň wakasy gürrüň berilýär.

Internet maglumatlary esasynda taýýarlandy

Siz Nolanyň haýsy filmini gördüňiz?

28

172

5

tmyigit76

02.02.2024 09:24