smiling_
17.09.2024 18:51
❥••• Bir adamyñ geçirimlilik etmegi, onuñ gowşaklygy däldir, ýumşaklygydyr.
❥••• Hakyky baýlyk emlägiñ köplügi däldir. Hakyky baýlyk kalbyñ baýlygydyr, baryña şükür kanagat edip bilmekdir.
❥••• Geçýän zat wagt däldir, ömürdir.
❥••• Nesibäñde bar bolsa, kynam bolsa hemme ýollar açylar.
❥••• Adam öz ýakynyna kömek etdigiçe, Allatagala hem oña kömek eder.
❥••• Diliñe terbiýe bermezden öñürti ýüregiñe terbiýe bermeli, çünki söz ýürekden gelip, dilden çykar.
❥••• Isleýänim bolanok diýip gynanma, ýa has gowusy bolar, ýa-da haýyrlysy şoldur.
❥••• Adamy owadan edýän daşky sypaty däldir, adamkärçiligidir.
19
247
smiling_
16.09.2024 16:36
《Skripka》
Neneñ gözel sen,
Ajaýyp, gulaga ýakymly sesiñ.
Men seni bir gezek elläp görüpdim,
Şol wagt sypadym tutuş bedeniñ
Sebäp ilkinji görüşimdi meniñ
Süýkedim çybygyñy iki ýan,
Çykypdy,
Gulaga ýakymsyz bir ýañ.
Onda-da özümden başga sesiñi eşiden..
..näzenin bardy,
Ýylgyrdy-da seni elimden alyp,
Zowlandyryp täsirli çaldy.
Öñem men seniñ sesiñe zardym,
Şol wagt men diri haýranyñ boldum.
Meñ elimde beýle näzik çykmady...
Seni çalan bolsa skripkaçy gyzdy...
Täsirli,
Täsin,
Lezzetli çaldy.
Bilemok şindizem
Ol haýsy sazdy?
~ Remezan Mämetgurbanow
18
32
smiling_
16.09.2024 14:23
Geläýipsiñ...
Geläýipsiñ
Ýyllaryñ ýygyrtly ýüzüni ýazyp,
Geläýipsiñ!
Ötünç çogýar aýañdan.
Garaşmak endigim wadañ deý bozup,
Özümi agtardym özge hyýaldan.
Men özümi del gözlerden agtardym,
Tapmadym, kejikdim duýgym deý ylla.
Bagt ýüwrüge berilsedi aljakdym,
Arman, bagty alyp bolmaýar ylgap.
Duýgularyñ adasynda gezm edip,
Ýitiren ekenim parasadymy.
Hiç bir parahatlyk aýryp bilmedi
Kalbymda oýaran harasadyñy.
Ah, şonda-da söýgä duş eden ýollar,
Unutdyrmagy hem gylyk bilipdir.
Bak, saña şepagat eçilen ýyllar
Meni birehim gyz kylyp bilipdir.
Barybir, ýatlaram bagt be:r, gönendi:r,
Şat etmek dälmidir bagtyñ ukyby?!
Emma diñe berilýändir söýenñe
Öz göwnüñi ynjytmaklyk ukyby.
©Mahym NURGELDIÝEWA
17
47
smiling_
15.09.2024 13:48
Şu gün
Soñky döwür hetden aşdy hyýallam,
Üşesem, güni gujaklasym gelýär.
Gel ömrüme gözgörtele zyýanlañ,
Daşyn ýakyp, içim gyjyklasym gelýär.
Pyçaklasym gelýär gussalarymy,
Gyjak bolup zaryn sazyn çalanda.
Açyklasym gelýär hassalygymy,
Dogrulygy gözlänimde ýalandan.
Bu gün maña baksyn günebakarlar,
Kebelekler gülden - güle gonmasyn.
Tans oýnajak aýyñ golundan tutup,
Şu gün meni ýyldyzlaram goldasyn.
Bärden gaýtjak, añyrsyny gören ýok,
Akylym satlyk dur tmcars-da.
Umyt höküm sürýär, üsti gyzyl el,
Käşkä bagtym uklap ýatyr Marsda.
Göýä bulutlaryñ gözýaşyn sylyp,
Asmany bagryma basasym gelýär.
Şuwagt şo-ol güneşiñ boýnundan ilip,
Käşkä gujagyma gysasym gelýär...
-- Baýram BEJIDOW
17
192
smiling_
14.09.2024 23:05
Ruhumda ýara bar
Ýyl geçdikçe täzelenen,
Yza berýär käte - käte,
Ruhumda ýara bar.
Ynandym adamlara, baglara
Allara,
Eý dünýe, meni aldama,
Ruhumda ýara bar.
Ganly gözýaşlar saçdygym,
Dünýe, ýeñsäñi aç bu gün,
Ruhumda ýara bar.
Üşär ýaly sowugam ýok,
Gorkar ýaly ýow günem ýok.
Entek meniñ bir oglumam ýok
Ýöne,
Ruhumda ýara bar.
~ Suraý BABANYÝAZOWA
17
47
smiling_
14.09.2024 20:40
Meni söýme!
Meniñ öz söýgülim bar,
Meni söýme!
Menem ýagşy umytda,
Meni söýseñ paralanar ýüregiñ!
Näletlärsiñ,
Meni ömür unutman!
Zerre bolup damar söýgiñ zäheri,
Pajygaly ahwalaty ýatlarsyñ.
Sen meni söýersiñ
Emma,
Men welin,
Uzaklykda çakyndaky zatlardan.
Meni söýme!
Söýgi - oduñ parçasy,
Men onda kömür ýaly garaört.
Ýakynlaşsañ solar ýüzüñ gunçasy,
Meni söýme!
Señ başyña iner dert...
Mert bol!
Meni söýme, men mynasyp däl!
Seriñi sämedip geçgin deñimden.
Meni söýseñ unudarsyñ bar zady,
Soñ hiç bir zat gelmez meniñ elimden.
Awtor: Remezan Mämetgurbanow
27
134
smiling_
14.09.2024 18:39
Saglyga zyýan ýetirip biljek 5 sany ertirlik.
Saglyga zyýan ýetirip biljek 5 sany ertirlik
Ertirlik adamyň gün tertibinde iň möhüm nahar bolup, ol uzakly günüň nähili geçjekdigini kesgitleýär. Şeýle-de bolsa, ertirlik naharlarynyň hemmesi ynsan üçin deň derejede peýdaly däldir. Geliň, ertirlik naharlarynyň içinde iň zyýanly bolup biljek bäş dürli tagama, şeýle-de näme üçin olary kabul etmekden saklanmalydygyna seredip geçeliň.
Mýusli we gury ertirlik naharlary
Saglyk iýmiti hökmünde bilinýändigine garamazdan, mýusli we hlopýa köplenç artykmaç şekeri düzüminde saklaýar. Bu tiz uglewodlar ganyň glýukoza derejesiniň düýpli üýtgemegine sebäp bolýar. Netijede, nahardan bir sagat soň, ýene ajykmak duýgusy ýüze çykýar.
Çörek önümleri
Kruassan, bulka hem-de piroglar — günüň başlangyjy üçin gowy saýlaw däldir. Şeýle görnüşde bişirilen önümleriň esasy düzümi — un, şeker we trans ýaglardan ybarat bolup, bedene zyýan etmese peýdaly däldir. Bu iýmitler hem ganda şekeriň köpelmegine getirýän tiz uglewodlardyr.
Täze sykylan şireler we miwe smuzileri
Miwe şireleri we smuziler düzüminde süýümsiz fruktozanyň ummasyz mukdaryny saklaýar. Bagyr fruktozany diňe çäkli mukdarda gaýtadan işläp bilýär we galany ýaga öwrülýär. Bulardan iň gowy peýdalanyp boljagy — banan ýa-da awokado goşulan gök otly we ir-iýmişli taýýarlanylan smuzidir.
Mannaýa kaşasy
Aslynda kaşalaryň köpüsi peýdaly bolsa-da, mannaýa kaşasynyň özboluşly zybanly taraplary bardyr. Onuň düzüminde witaminler we süýüm az bolup, kaloriýa köpdür. Kaşa iýilenden soň ganyň glýukoza derejesiniň çalt ýokarlanmagy agramyň artmagyna hem-de insulinrezistentligiň ösmegine sebäp bolup biler.
Ertirlik naharyny edinmezlik
Ir bilen nahar iýmezlik — iň erbedi. Hatda azda-kände zyýanly bolup biljek nahary iýmek hem ertirlik edinmezlikden has gowudyr. Boş aşgazanda kofe ýa-da çaý içmegi ertirlik hasaplap bolmaýar, sebäbi ol siňdirmek üçin iýmit ýok ýagdaýynda aşgazan suwunyň öndürilmegini stimulirleýär.
Ertirlik naharyny saýlanyňyzda — beloklara, çylşyrymly uglewodlara we sagdyn ýaglara baý bolan deňagramly tagamlara ähmiýet beriň. Bu siziň bütin günüň dowamyndaky energiýaňyzy üpjün edip, özüňizi oňat duýmagyňyza ýardam eder.
Peýdalanylan çeşme: 74.ru
17
63
