smiling_
27.07.2024 21:41
ABŞ-nyň 94 ýaşly ýaşaýjysy dünýäde iň garry awtobus sürüjisi diýlip ykrar edildi.
Minnesotanyň (ABŞ) 94 ýaşly ýaşaýjysy Jim Oppegard dünýäde iň garry awtobus sürüjisi hökmünde Ginnesiň rekordlar kitabyna girdi.
Ol şäher jemgyýetçilik ulaglarynda 20 ýyl işländen soň 65 ýaşynda pensiýa çykdy, ýöne dynç alşyň ýürekgysgynç bolandygy sebäpli, ýene awtobus ruluna gaýdyp geldi.
Häzir Jim Oppegard aýratyn bilim zerurlygy bolan çagalar üçin Northstar Bus Lines kompaniýasynda mekdep ulagyny dolandyrýar. Edarada oňa nusga alarlyk işgär hökmünde baha berilýär: Oppegard ruluň başynda örän ünsli, hiç haçan kesel rugsadyny almaýar we gijä galmaýar.
Sürüjiniň üç çowlugy bar. Ol ýaşyny göz öňünde tutup her ýyl lukmançylyk barlagyndan we sürüjilik başarnyklarynyň synagyndan geçýär. Oppegard her gün 45 minutlyk sport bilen meşgullanýar, şol sebäpli hiç haçan öz ýagdaýyndan zeýrenmeýär.
Pensiýa ýaşyna ýetip, Oppegard iki işe ýerleşmegi başardy – şäherara awtobus sürüjisi we mekdep ulagynyň sürüjisi. Ol öz işini tas 20 ýyl şeýle alyp bardy, ýöne 84 ýaşynda ýykylyp, düýpli şikes aldy. Döwükden soň gutulmak üçin dört ýarym aý gerek boldy. Şondan soň ol mekdep awtobusynda işine gaýdyp geldi, şäherara kompaniýadan bolsa çykdy.
Sürüjiniň iş tertibi irden ruluň başynda üç sagatdan, soň üç sagatlyk dynç alyşdan we gündiz ýene dört sagat sürmekden ybarat. Ol garrylar öýünde ýaşaýar we arakesme wagty şol ýerde saklanýar.
“Rekord eýesi bolmak ýakymly. Meni ýaşaýan ýerimde, işleýän ýerimde, buthanada we maşgalamda meşhur hasaplaýarlar” – diýip, Oppegard aýdýar.
Çeşme: tmcars.info (20.07.2024)
24
52
smiling_
26.07.2024 12:25
Halkara pişik güni 2002-nji ýylda Haýwanlary goramak boýunca halkara gaznasy (IFAW) tarapyndan müňlerçe ýyl bäri adamlaryň iň gowy dosty bolan pişikleri hormatlamak we olary dürli howplardan goramak maksady bilen döredildi. Bütin dünýäde bellenilýän bu gün pişikleri goramak we öýsüz pişiklere ünsi çekmek maksady bilen giňden bellenilýär.
Şu ýerde pişikler barada käbir gyzykly maglumatlary dykgatyňyza ýetirýäris:
Öý pişiginiň ortaça agramy 2,7 bilen 5,5 kg aralygynda üýtgeýär.
Pişikleriň ortaça boýu erkeklerinde 71,1 sm, urkaçylarynyňky bolsa 50,8 sm.
Dermisden we epidermisden ybarat pişikleriň derisi çalt täzelenýär we ýokançlyga garşy göreşýär.
Itden we atdan tapawutlylykda, pişik ilki öň we yz aýaklaryny bir tarapa, soňra öň we arka aýaklaryny beýleki tarapa süýşürip ýöräp we ylgap biler. Pişiklerden başga diňe düýeler we žirafalar hem şuňa meňzeş hereket edip bilerler.
Pişikleriň bedenleri gaty çeýe. Şeýlelik bilen, pişikler aňsatlyk bilen böküp, islendik ýere girip bilýärler.
Pişikler gijeki görüş adamlara garanyňda 6 esse gowydyr.
Pişikler ýiti duýga eýe. Gaşlary, murtlary we gulak tüýleri aşa duýgurdyr.
21
438
smiling_
08.07.2024 15:24
Dýurandalyň rowaýata öwrülen gylyjy Fransiýadaky gaýadan ýitirim boldy.
Fransiýanyň Rokamadur kommunasyndaky gaýada ýerleşýän, ýerli Ekskalibur ady bilen tanalýan meşhur Dýurandal gylyjy ýitirim boly. Bu barada Rokamaduryň häkimi Dominika Lenfanyň beren beýanyna salgylanýan La Dépêche habar berýär.
Uzynlygy 80 santimetr bolan gylyç asyrlarboýy gaýanyň bir bölegi bolup durmak bilen, döwletiň emlägi hasaplanýar. Ol on metrden gowrak belentlikde gaýa dürtülgi durdy. Ýerli ýaşaýjylar ony kimdir biriniň ogurlap biljekdigine geň galýarlar.
Ölüm howply ýara salmazlygy üçin, ýörite süýüp ýasalan Dýurandal rysar Roland hakyndaky rowaýatyň bir bölegidi. Orta asyr rowaýatlaryna görä, batyr rysar ony fransuz şasy Beýik Karldan alypdyr we başga bir çaklama görä bolsa, ol ozal Troýanyň goragçysy, gadymy grek gahrymany Gektora degişli eken.
Rowaýata görä, Ronsewalyň ýanyndaky söweşde ölümiň öň ýanynda ýatan Roland duşmanlaryna galmaz ýaly gylyjyny ýokaryk zyňypdyr. Dýurandal ýüzlerçe kilometr asmana uçup, Rokamaduryň gaýasyny sünjülipdir.
“Biz Dýurandaly küýsäris. Asyrlarboýy ol Rokamaduryň bir bölegi bolup durdy we gezelençler wagtynda ony görkezmedik ýekeje-de ýolbelet ýokdur. Rokamadur özüni bir bölegi elinden alnan ýaly duýýar, ýöne bu rowaýat bolsa-da, obamyzyň ykbaly bilen bu gylyç baglanyşyklydyr "- diýip, şäher häkimi aýtdy.
Çeşme: tmcars.info (şu gün 15:12)
21
87
