Ata-babalarymyz çylşyrymly şekilleri baryp 51 müň ýyl myndan ozal çekip başlapdyrlar.

Awstraliýaly alymlar Indoneziýanyň Sulawesi adasynda ýaşy 51 müň ýyldan gowrak bolan gaýa suratlaryny tapdylar. Nature žurnalynda çap edilen barlagyň netijeleri irki sungatyň taryhyna gaýtadan göz aýlamaga mejbur edýär.

Bu açyş Maros-Pangkep gowaklar toplumynda we Leang Karampuang gowagynda edildi.
Ozal gaýa suratlarynda ilkinji kompozisiýalar 10-14 müň ýyl ozal peýda bolupdyr diýip hasaplanylýardy. Emma Sulaweside awçylaryň we babirussa doňuzlarynyň şekilleri ýaly, täze tapyndylar ata-babalarymyzyň kompozisiýa döretmek sungatyny has ir özleşdirendigini subut edýär.
Barlagçylar ýerdäki hekli gatlaklary öwrenmek bilen, suratlaryň ýaşyny kesgitlemek üçin radiouglerod sene kesgitleýiş usulyny ulandylar. Tapyndylar gadymy suratkeşleriň eýýäm 51 000 ýyl ozal wakany beýan edip biljek çylşyrymly şekilleri döredip başlandyklaryny görkezýär.
Bu açyş irki sungatyň ösüşi baradaky nazaryýetleri puja çykaryp, adamzat medeniýetiniň taryhdan öňki döwürde nähili ösendigi barada täze sowallary döredýär.


Çeşme: tmcars.info (10:24)