smiling_
17.08.2024 17:12
Kitaplar dünýäni öwrenmäge, özümizi kämilleşdirmäge we dürli garaýyşlara eýe bolmaga mümkinçilik berýän jadyly gapylardyr. Men 6 ýyl bäri bu gapylardan geçip, Jon Werdon, Dostoýewskiý, Stefan Zweig we Pol Deýwis we başga da ussat ýazyjylaryň eserleri bilen aňymy we ruhumy iýmitlendirýärin. Men bu makalada, okayan temalaryma, halaýan ýazyjylaryma esaslanyp, ylym, aňtawjylyk we şahsy ösüş, goşgylar, pelsepe baradaky kitaplar hakynda pikirlerimi paýlaşaryaryn.
Dostoýewskiý eserlerinde adamyň iň çuňňur duýgularyny, ahlak gapma-garşylyklaryny we barlyk hakynda soraglary ussatlyk bilen görkezýär. "Jenaýat we jeza" romanda adamyň tebigatynyň gowy, erbet taraplaryny öwredýär, jenaýatyň we ahlak jogapkärçiliginiň psihologiki täsirlerini sorag astyna alýar."Beýleki men" eseri ussat ýazyjynyň iň möhüm eserlerinden biri, iki dürli şahsyýetli adamyň içki dünýäsi we gapma-garşylyklary hakda gürrüň berýär. " Ak gijeler" Peterburgyň ak gijelerinde döredilen bu gysga roman, ýalňyz we melanholiki ýigidiň söýgi hekaýasyny gürrüň berýär. Söýgi, ýalňyzlyk we umyt biri-birine bagly bolan bu eser Dostoýewskiniň liriki we emosional tarapyny açýar. Dostoýewski gahrymanlarynyň psihologiki bulaşyklygyny we sosial adalatsyzlygy real dilde suratlandyryp, okyjyda güýçli duýgulary döredýär.
Ylmy fantastiki kitaplar, hyýalymyzy özgertyän, bizi giňişlige, näbelli dünýälere we distopian geljege alyp barýan eserlerdir.
Pol Deýwis ýaly ýazyjylaryň kitaplary älemiň syrlaryny açmaga we adamzadyň geljegi hakda pikirlenmäge kömek edýärler. Carl Sagan hem şeýle.
Aňtawjylyk hakyndaky romanlar gyzykly wakalardan, akylly aňtawjylardan we syrly ganhorluklardan doly dünýäni hödürleýär. Şerlok Holms ýaly meşhur gahrymanlaryň başdan geçirmeleri aňymyzy ulanmaga we logiki pikirleniş ukybymyzy ösdürmäge kömek edýär. Bu temalardaky kitaplar adrenalin bilen doly okamak tejribesini hödürleýär, bizi jenaýat we adalat düşünjeleri hakda oýlanmaga çagyrýar.
Şahsy ösüş kitaplary, özümizi has gowy tanamaga, mümkinçiliklerimizi açmaga we maksatlarymyza ýetmäge kömek edýän kitaplardyr. "Atomik endikler" Jeýms Kleýr tarapyndan ýazylan bu kitap, uly maksatlara ýetmegiň syrynyň ownuk, gündelik endikdigini nygtaýar. Kitapda endikleriň nähili emele gelýändigi, olary nädip üýtgetmelidigi we hemişelik saklanmalydygyny aýdyar. Kitap bize sabyrly bolmagy, disiplinli bolmagy, daşky gurşawymyzy üýtgetmegi ( has akyly, tertipli, peýdaly adamlar) edinmegi we ýykylsak hem turmagy, özümizi kämilleşdirmegi öwredyär.
Goşgy ýazmak hem duýgularyňyzy we pikirleriňizi asyl görnüşde beýan etmäge mümkinçilik berýän ajaýyp sungatdyr.
Fridrih Nietzsche “Adam, gaty köp adam” atly kitaby häzirki zaman adamyň ýalňyzlygyna, kynçylyklaryna we gymmatyny ýitirmegine esaslanyp yazylan eserdir.
"Hâkimiýet islegi" Nietzsche ölenden soň neşir edilen bu eser filosofyň galdyran belliklerinden we garalamalaryndan düzülen. Bu kitapda häkimiýet erk düşünjesini çuňňur öwrenýär.
Nietzsche we Markus Aurelius
Nietzsche we Markus Aurelius dürli döwürlerde ýaşasa-da, pelsepeleriniň arasynda käbir meňzeşlikler bar. Iki filosof hem adamyň içki dünýäsine, ahlaklylyga we ähmiýet berýär. Şeýle-de bolsa, Nietzsche Markus Aureliusyň stoik pelsepesine garanyňda has radikal we tankydy pozisiýa eýeleýär. Aureliusyň "özüme pikirler" kitabynda adamlara dogry pikirleri ýazypdyr, men hem kitaby okan mahalym pikirlerimiziň gabat gelyändigini gördüm, kitaby başgalara hem okamaga berdim, sözlerini hem paylaşdym. Adamlar şeýle kişileriň kitaplaryndan gowy pikirler çykarmaly.
Nietzsche pikirleri pelsepe, psihologiýa, edebiýat we syýasat ýaly köp ugurda çuňňur yz galdyrdy. Esasanam ekzistensializm, nihilizm we postmodernizm ýaly hereketlere uly täsir etdi. Nietzsche eserleri şu günem okalmagyny we ara alnyp maslahatlaşylmagyny dowam etdirýär.
Her bir kitap täze dünýä üçin penjire🛸
27
279
smiling_
16.08.2024 11:37
TÜRKMEN WE DAŞARY ÝURT ÝAZYJY-ŞAHYRLARYŇ, ALYMLARYŇ MAGTYMGULY PYRAGY HAKYNDA AÝDANLARYNDAN PARÇALAR:
Halkymyz özüniň beýik ogly Magtymgula çäksiz hormat goýýar. Pyragynyň şahyrana dünýäsi müňýyllyklaryň dowamynda kemala gelen türkmen pelsepesine, milletiň kalbynyň owazyna, türkmen ruhunyň synmajak sütünine öwrüldi.
«Magtymguly türkmeniň kalbyna iň beýik ynanç, aňyna bolsa durmuşyň ýagşysyny-ýamanyny hatasyz seljerýän mähek daşy, göreçlerine öçmejek nur bolup çaýyldy. Magtymguly Pyragynyň şygryýet dünýäsine diňe bir türkmen halky däl, eýsem ýer ýüzüniň beýleki milletleri hem uly hormat goýýar.»
Türkmen halkynyň Milli Lideri Gahryman Arkadagymyz.
«Magtymgulynyň şygyrlar ýygyndysy iňňän gyzykly. Onda bir tarapdan, türkmen diliniň arassa nusgasyny görsek, ikinjiden, şu ýygyndyda beýleki Gündogar şahyrlarynyň eserlerinde seýrek duş gelýän zatlar barada jikme-jik aýdylýar.»
Arminiý Wamberi.
«Gökleň urugynyň, gerkez tiresinden bolan Magtymguly şahyr ähli türkmeniň halypasydyr.»
N.Samoýlowiç.
«Magtymgulyny okamda,
Aýdar idim zamanda,
Nogsan baryny, begler, anda,
Sözün togap kylar idim.»
Berdimyrat Berdak.
«Magtymguly ýaly milli şahyrly halk türki halklaryň arasynda diňe türkmenlerdir.»
Wladimir Bartold.
«Biz her sapar ýüzlenenimizde, Magtymguly biziň üçin ähtibarly maslahatçy, halypa bolup durýar.»
Aleksandr Aborskiý.
«Iňlislerde meşhur Wilýam Şekspire deňelen ýekeje şahyr bar. Ol Magtymguly.»
Braýan Oldis.
«Magtymguly söz meýdanynyň oragyny orup gidipdir, bize diňe onuň hoşasyny çöpläýmek galýar.»
Mämmetweli Kemine.
«Magtymgulyň şygry ýaly,
Kökün ýere uran daglar.»
Kerim Gurbannepesow.
«Türkmen edebiýatynyň beýik klassygy Magtymguly söz bazarynda dellala aýlanyp, many bermekde biçimçä dönüp we gözel şygyr düzmekde çeper ýüwürdiji keşbini oýnap, türkmen halkynyň geçmişi, geljegi we bütin durmuşy hakynda dynuwsyz pikir ýöredip, öz asyrdaşyna we özünden soňraky geljeklere altyn yz galdyrdy.»
Berdi Kerbabaýew.
«Magtymgulynyň ýagty keşbi, mertligi, batyrlygy Watany, söýgüni wasp eden hyjuwly şahyr şeklinde, başarjaň terbiýeçi, wagyz-nesihatçy hökmünde belent dikelip dur. Munuň özi, beýik klassygymyzyň türkmen halkynyň öňünde bitiren işiniň çäksizdigini görkezýär.»
Baýmuhammet Garryýew.
Taýýarlan: Mähriban SEÝLIÝEWA,
Daşoguz welaýatynyň Boldumsaz etrabynyň Gubadag şäher merkezi kitaphanasynyň I derejeli kitaphanaçysy.
17
35
smiling_
15.08.2024 11:28
Paýhaslar ummanyna syýahat
Bag ekmek hiç haçan giç däldir: mümkin, hasylyny ýygnamak saňa nesip etmez, ýöne oturdylan nahalyň ilkinji pyntygynyň açylan pursadyndan durmuşyň şatlygy başlanýar.
Konstantin Paustowskiý
***
Durmuşyň bar manysy ýagşylyk etmekden ybaratdyr.
Ýagşylyk etmek üçin, ozaly bilen, oňa eýe bolmaly.
Aristotel
***
Özümizi bagtly edýän ynsanlara minnetdar bolalyň. Çünki olar biziň göwünlerimizi gülledýän bagbanlardyr.
Marsel Praust
***
Ynsan ýeňilmek üçin dünýä inmändir. Ol ýykylyp biler, ýöne ýeňlip däl.
Ernest Hemingweý
***
Ýüpüň ujuna ýeteniňizde, ony daňyňda, ýene-de dowam ediň.
Franklin D.Ruzlwet
***
Öwrenmeklik hiç haçan beýnini ýadatmaýar.
Leonardo Da Winçi
***
Beýik işleri edip bilmeseňiz, kiçijikleri beri beýik ýoldan ýerine ýetiriň.
Napoleon Hil
***
Ýüzüňizi hemişe Güne tarap çoýuň, şonda kölegeler siziň yzyňyzdan garar.
Wolt Witman
***
Müňlerçe menzil ýoluň syýahaty bir ädimden başlanýar.
Lao Tzu
***
Ertire iň gowy taýýarlyk şu günden başlanýar.
H.Jakson Brown
***
Leýli GURBANGYLYJOWA,
Türkmen oba hojalyk institutynyň talyby.
25
133
smiling_
14.08.2024 16:25
Paýhaslar ummanyna syýahat
Bag ekmek hiç haçan giç däldir: mümkin, hasylyny ýygnamak saňa nesip etmez, ýöne oturdylan nahalyň ilkinji pyntygynyň açylan pursadyndan durmuşyň şatlygy başlanýar.
Konstantin Paustowskiý
***
Durmuşyň bar manysy ýagşylyk etmekden ybaratdyr.
Ýagşylyk etmek üçin, ozaly bilen, oňa eýe bolmaly.
Aristotel
***
Özümizi bagtly edýän ynsanlara minnetdar bolalyň. Çünki olar biziň göwünlerimizi gülledýän bagbanlardyr.
Marsel Praust
***
Ynsan ýeňilmek üçin dünýä inmändir. Ol ýykylyp biler, ýöne ýeňlip däl.
Ernest Hemingweý
***
Ýüpüň ujuna ýeteniňizde, ony daňyňda, ýene-de dowam ediň.
Franklin D.Ruzlwet
***
Öwrenmeklik hiç haçan beýnini ýadatmaýar.
Leonardo Da Winçi
***
Beýik işleri edip bilmeseňiz, kiçijikleri beri beýik ýoldan ýerine ýetiriň.
Napoleon Hil
***
Ýüzüňizi hemişe Güne tarap çoýuň, şonda kölegeler siziň yzyňyzdan garar.
Wolt Witman
***
Müňlerçe menzil ýoluň syýahaty bir ädimden başlanýar.
Lao Tzu
***
Ertire iň gowy taýýarlyk şu günden başlanýar.
H.Jakson Brown
***
Leýli GURBANGYLYJOWA,
Türkmen oba hojalyk institutynyň talyby.
22
39
smiling_
14.08.2024 11:41
Üstünlige däl-de, onuň berýän gymmatlyklaryna ymtylyň!
Albert Eýnşteýn.
Iň kyn zat – girişmek, galan zatlar bolsa, diňe erjelligiňe bagly.
Ameliýa Erhart.
Durmuş meýilnama düzýän wagtyňyz sizde bolup geçýän zatlardyr.
Jon Lennon.
Üstünligiň 80 göterimi zerur wagtynda zerur ýerinde peýda bolmakdyr.
Wudi Allen.
Siziň wagtyňyz çäkli, başga biriniň durmuşynda ýaşap, wagtyňyzy boş ýere sarp etmäň!
Stiw Jobs.
Ýeňiş hemme zat däl. Ýeňiş hemişe ýeňmäge bolan islegdir.
Wins Lombardi.
Meniň sözlügimde «mümkin däl» diýen söz ýok.
Napoleon Bonapart.
Eger-de siz batyrlyk edip, kenary gözden ýitirmeseňiz, hiç haçan ummany aşyp bilmersiňiz.
Hristofor Kolumb.
Eger-de siz özüňizi bir zada ukyply diýip pikir edýän bolsaňyz, dogry aýdýarsyňyz; eger-de siz özüňizi hiç zadyň alnyndan däl diýip hasap edýän bolsaňyz, dogry aýdýarsyňyz.
Genri Ford.
Durmuşyňyzdaky iň möhüm iki gün: doglan günüňiz we munuň sebäbine düşünen günüňiz.
Mark Twen.
Ähli iş aň-düşünjede. Aň-düşünje hemme zadyň başlangyjydyr. Şonuň üçin aň-düşünjäňiziň üstünde işläp, ony kämilleşdiriň!
Lew Tolstoý.
Arzuwlaryňyza tarap ynamly ýöräň! Öz döreden durmuşyňyzda ýaşaň!
Genri Dewid Toro.
Has uly netijä umyt etmekden gowy netijä ynanmak has gowudyr.
Worren Baffet.
Käbir zatlar ünsüňizi çekip biler, ýöne ýüregiňizi özüne çekýän zatlara üns beriň.
Hindi nakyly.
Başarjakdygyňyza bolan ynam – eýýäm maksadyňyzyň ýaryna ýetdigiňizdir.
Teodor Ruzwelt.
Her kimiň öz gözelligi bar, ýöne her kim ony görüp bilmeýär.
Konfusiý.
Maksady kesgitlemek ähli üstünlikleriň başlangyç nokadydyr.
Wilýam Klement Stoun.
32
73
smiling_
14.08.2024 08:53
Baltasar Grasian şeýle diýipdir…
●Akyl ähli baýlykdan ýokarda durýar.
●Az sözle ¾ paýhas çyragy şudur.
●Tekepbirlik bähbidiň öňüni örtýär.
●Medeniýetsiz adamyň mertebesem ýarpydyr.
●Kän akyl bilen ujypsyz erk ýaly aýylganç zat ýok.
●Ajap zat mydama täkdir, seýrekdir, näme köp bolsa, şonuň gadyry azdyr.
●Dost kim, kim dostlaşyp bilýän bolsa şol dost.
●Hemme kişä degişli bolan özüne-de degişli däldir.
●Ýeňil ýol bilen gazanylan üstünlik hyjuwyň göwnüni awlaýar.
●Bilmek ¾ iň ynamdar goragdyr.
●Oňaryp yza çekilmegem batyr hüjüm edençe bardyr.
●Öwgüli sözlerden gaça dur.
●Öte haýran galmak ýalana ýakyn.
●Höküm etmek talanty berlen adamlar ¾ mynasyp şalardyr.
●Pikir erkanadyr, oňa hiç wagt sütem edilmeli däldir.
●Herki işde kämilligiň naýbaşyna, şol işe belli-külli ynananyňdan soň ýetip bilersiň.
●Şaglap inip duran pikir çeşmesi bolmasa, söz bahym gurap galýar.
●Saýlamagy başarmak, onda-da iň gowy zady saýlamaga türgenlik iki esse zyýadalykdyr.
●Diňe kämil zatlar haýran galdyrýar.
●Başarnygy taryplamak edil gämiçä şemal dek gerekdir.
●Beýik kişi şöhratly işe baş goşýar.
●Akylyň iň gymmatly sypaty haýsy zadyň möhümdigini wagtynda aňýandygy.
●Paýhas öz-özüň hakda oýlanmaga maslahat berýär.
●Süýjüje «ýok» diýleni göwünsiz «bolýadan» has ýakymlydyr.
●Hoş söz ýok işiň ýerini tutar.
●Kynçylygy görmek üçin ep-esli akyl gerek, çykalga tapmak üçin bolsa ondan hem köpräk.
●Aç-açan boýun gaçyrmazlygyň iň sypaýy usuly ¾ gürrüňi başga ýana sowmakdyr.
●Elýetmezlik ¾ özüniň kimdigini bilmeýän adamlaryň aýbydyr.
●Özgäniň şöhraty ýaly adam tekepbirligine gylaw berýän zat ýokdur.
●Iliň ýüregini awlamak ¾ uly sungat.
●Çenden çykmak çyny hem ýalan edýär.
●Ýalaw näçe tiz ýandygyça, şonça tiz ýanyp gutarýar.
●Kimem bolsa biriniň göwnünden turmany üçin kämil zat egsilmez.
●Hakyky razylygyň ölçegi ¾ şöhratly hemem iş bilýän adamlaryň öwgüsidir.
●Az geple ¾ jaý geple.
●Herki hereket hemişe sözden howpludyr.
Çyn akyl nämäni ýazgarsa, şol hem paýhasa çapraz gelýär.
●Gahar çendenaşa köp bolsa, elmydama dogry ýoldan sowýar.
●Dostlaryňy ýitiresiň gelmeýän bolsa, olara gaty uly üstünlik arzuw etme.
●Harytda utulanyňdan bahada utulanyň ýagşy.
●Kime kän bagly bolsaň, şoňa-da köp çydamaly bolýaň.
●Gürrüňçilikde-de edil wesýetnamadaky dek söz az bolsun, ýeňil bolar.
●Bäsdeşiňden ätiýaç edip ägä bol, başgalar bilenem sypaýçylyk üçin ägä bol!
●Aýdylmaýan zatda üýtgeşik bir syr bolýar.
●Kim gürrüňçilikde aňsat içini açsa, ony ynandyrmak hem yz ýanyndan ýeňmek kyn däl.
●Köplenç birileriniň bagty başga birileriniň betbagtlygyna dahylly bolýar.
●Ýeňilýän bolmasa, ýeňýänem bolmazdy.
●Rehimdarlygyň özem bir artykmaçlyk.
●Adamlar bilen gürrüňdeş bolanyňda aýna ýaly näzik bol!
●Maslahaty diňlemek hem akylyň bardygyna güwä geçýär.
●Hakykaty aýtmak üçin hem, ony gizlemek üçinem ukyp gerek.
●Üstünlik ¾ seýrek bagtdyr.
●Mertebesi uly adamlar ýagşylyk etmegi ýagşylygy kabul edenden zyýada görýärler.
●Bilmeýändigine düşünýän adam bilýändir.
●Yhlas mümkin däl zady hem bitirýär.
●Bilim bulagyň gurap galmazlygy hemem ýagşylygyň paýawlamazlygy üçin, ussatlygyňy paýlaşmagy-da ussatlarça başarmak gerek.
●Wagtynda eglişik etdigiň ¾ ýeňdigiň.
●Asylly adam üçin mugt berlen zady üzmek ýaly gymmatly zat ýok.
●Agraslyk ¾ ýaňralygyň çaklaýşy ýaly, kütek çäklilik däl-de, özüňe ynanmagyň netijesidir.
Toplan Söhbet HOJAMUHAMMEDOW,
TMÝG-niň Bäherden etrap geňeşiniň guramaçylyk bölüminiň müdiri.
26
98
