Salam owrenmelin agzalary, obnovlenia dp bildirish gelli velin, girdim obnovit etdim, sag aman achylly ishleya diysem, ne like basyp bilyan ne de teswir yazyp bilyan, sebabi namedeeeeeeeee???? Editorlara yuz tutayyn diysem hich kime teswir yazyp bolanok, men name etmelikam? 🤦🏻‍♀️

Sorag:
1. Aýdaly, siz oýunda utulmaga synanyşýarsyňyz, ýöne siz utduňyz, siz utuldyňyzmy ýa-da utduňyz?
2. Eger-de ýerden başga planetada ýaşaýyş bar bolsa, olar hem bize alien ( inoplanetian) diýýälermi?
3. Sözlükde bir söz ýalňyş ýazylan bolsa, onda ony nädip tapmaly?
4. Düýş nämeden emele gelýär?
5. Öldürilen (killed) bolmak agyrmy ýa-da öldüren (killer). (p.s: "ikisem" diýip jogap bermek bolanok)
6. Eger-de eliňizi ýuwýarkaňyz sabyny pola gaçyrsaňyz, sabyn hapalandymy ýa-da pol arassa boldumy?
7. Ilki ýumurtga döräpdirmi ýa-da towuk (global sorag) ?
8. Dänesiz ösümligi nädip ekmeli?
9. Diş dokdorlarynyň dişi agyrsa, özleri öz dişini bejerýärlermi ýa-da olar hem diş dokdoryna ýüz tutýarlarmy?
10. Ýiten jorabyňyzyň taýy nirä gidýär?

Sorag:
1. Eger-de Zoluşkanyň köwşi aýagyna laýyk bolýan bolsa, onda näme üçin aýagyndan gaçyp galýar?
2. Teatrdaky oturgyjyň haýsy tirsek goýulýany siziňki?
3. Aýnanyň reňki nähili?
4. Eger-de Zombi Wampiri dişlese, Wampir Zombiýe öwrülýärmi, ýa-da Zombi Wampir bolýarmy?
5. Özüňizi çümmüklände agyrsa, siz ejiz hasaplanýarsyňyzmy ýa-da güýçli?
6. Wagt haçan başlady?
7. Kalendary döreden adam, şol gün hepdäniň haýsy günüdigini nädip bildi?
8. Aýtjak bolup durkaňyz ýadyňyzdan çykaran pikiriňiz nirä gidýär?
9. Sözlükde näme üçin "sözlük" sözi girizilen?.
10. Eger-de pomidor miwe hasaplanýan bolsa, onda ketçup hem smoothie bolýarmy?

5.bölüm
Ejesiniň heniz aýtmandygyna düşündi. Özüni Sülgünlerden gelýän ýaly görkezmek üçin ýüzüne zor bilen ýylgyryşy çagyryp, rahat jogap bermäge synanyşdy:
 - Hawa, kaka. Sülgüniň ejesi keşde üçin täze nagyşlaryň çyzgysyny getiripdir. Men hem çyzgylary nusgalaýyn diýip gidäýipdim.
 -diýip kellesine ilki gelen ýalanyny aýdyp goýberdi.
 - Hany onda keşdeler çyzylan nusga görünenokla? Ýa Eneş gelin bermedimi?
 Serwi elewredi, boş ellerine seredenini duýman galdy. Zor bilen getirilen ýylgyryş ýüzünden zym-zyýat boldy. Indi näme jogap bersemkäm diýip beýnisine agram saldy. Kakasynyň yüzüne seretdi, kakasy agras ýüzüni bozman Serwiden jogaba garaşyp duranyny görüp derrewem gözlerini kakasyndan aýyrdy-da, ýere bakdy. Eden işine ökünýan günäliniň ýere ýüzüni salyp duruşy ýaly Serwi hem ýerden gözlerini üzmän diline ilki gelen bahanasyny aýdyp göýberdi:
 - Wiý, neme, kaka... Eneş gelnejem ertir geläý diýdi. Buwagt keşde göçürip alar wagtdan gaty giç boldy ahyry, kaka.
 Serwiniň kakasy göwnüni bölmän, onuň sözlerine ynandy.
 - Hä, hawa, gyzym. Dogry aýdypdyr. Sen olarda köp eglenipsiňle. Ýagmyr goňşynyň maşgalasam "uky" diýse jany ýoklardan. Iliň öýüni agşam ara eýeläp oturmak hem gowy däl, gyzym. Indiki gezek irräjik gidip gelgin. Ýogsa-da ýeke özüň gitmegin, ýanyňa Akgözelem al.
 Serwi kakasy gürläp bolýança dymyp durdy. Kakasy ýüzi-gözüne üns bermeginden heder edip kellesini has hem aşak egip durdy. Ýüzi we gözleri çişipdi. Onuň tizräk öz otagyna giresi gelýärdi. Bagryny düşege berip ýassygy bilen dertleşesi gelýärdi. Kellesi sorkuldap agyrýardy.
 - Serwijan, düşündiňmi gyzym?
 Kakasynyň bu sözleri ony yzadan aýňalmaga mejbur etdi. Serwi kellesini galdyrman, diňleýänini bildirmek maksady bilen baş atdy. Gözlerini ýerden üzenokdy. Kakasy hem gyzynyň beýle dymyp durşundan nämedir bir zatlaryň bolanyny duýýan ýaly gyzyna sorag baryny ýagdyryp başlady.
 - Serwijan, sen tukat görünýäňle. Saňa näme boldy? Ýa Sülgün bilen sözüňiz azaşdymy? Ýüzüň hem soluk. Ýa özüňi ýarawsyz duýýarmyň?
 Ol Serwini ilkinji gezek beýle ýagdaýda görýärdi. Öňler kakasy Serwä ýüzlenende ýylgyryş bilen jogap bererdi. Her sözünde "kakajan" diýip mähir goşup geplemesini kem etmezdi. Serwi ýene kakasyny aldamaga mejbur bolýanyna içinden müň kerem ötünç sorady:
 - Bu gün işde gaty ýadapdyryn. Kelläm agyrýar.
 - Meniň dermanlarymyň arasynda agyryny aýyryjy derman bardyr. Ady nämedäý şonuň. Häk, içi gara galmyş, hakkyt dermanlaryň ady ýadymda duranokda. Garrylyk gursun. Gyzymjan, sen özüň menden gowy düşünýärsiňä! Şondan birjigini atda, ýeriňe geç. Ýa Akgözeli çagyryp çaý demledeýinmi?
 Kakasynyň öz aladasyny etýänini görüp Serwiniň gözlerine ýaş tegelendi. Özüni kakasynyň gujagyna atyp, aglasy gelýärdi. Emma ulugyzlyk duýgusy ony çekindirmäge mejbur etýärdi. Çaga wagty kakasynyň saçlaryny darap, örüp berişini küýsedi. Edil şu wagt çagalygyna dolanasy geldi. "Gör nähili ajaýyp döwürler eken" diýip içini hümletdi.
 - Ýok, kakajan. Özüm demlenerin. Sen alada etme. Ýönekeý bir kelle agyrysydyrda. Geçer gider.
 Gyzyndan şol öňküje mähirli sözüni eşidip Serwiniň kakasy rahatlady. Ýöne nämedir bolsa-da bir zatlar gyzyny biynjalyk etýändigini duýýardy. Aýdasy gelýän daldir diýip pikir etdi.
 - Bolýa, gyzym. Derman atmagy unutmagyn.
 Serwi ädiklerini synlap durşuna sesini çykarman baş atdy-da otagyna tarap ýol aldy.
Okyjylara: Harp ýalňyşlykaryna üns beren halatyňyzda teswirde belläp geçmegiňizi haýyş edýärin.
~Milana

4.bölüm
Güleş gelneje elini näçe çekip aljak bolsa-da ýigitden asgyn geldi, ýigitlik güýjünden doly ellerden gaçyp bilmedi, ýaşy gartaşypdy, garrylyk güýçli gelýärdi, hem uzak ýol ýöräp ýadapdy, hem-de gyzyny urup eliniň ysgyny gidipdi, ahyry bolmajagyny bilip garaňkyda görünse-görünmese ýiti gözüni Soltana dikdi.

 - Aýyr eliňi, maşgala dawasyna goşulma! Entäk saňa-da jogap bermek gezegi ýeter!
 -diýip oglany çekindirdi. Soltan ýuwaşlyk bilen onuň elini göýberdi. Boşadylan eli bilen Güleş gelneje bar güýjini jemlap gyzynyň ýüzüne soňky şarpygyny çalanam şoldy welin Serwi ysgyndan gaçdy, ýere dyzlaryny epdi, horkuldap aglaýardy, ol şeýlebir ozüni mejalsyz duýýardy, welin ýer sowugam bolsa ony bagyrtlap ýatyberesi gelýärdi. Soltan sandyraýan elleri bilen Serwini goltuklap turuzdy, bagryna gysdy. Söýgüli ýarynyň düşen ýagdaýyny görüp ýüregi dilim-dilim boldy, emma mert durmalydy. Ýigit gazapdan doly gözlerini Güleş gelnejä dikdi, gözleri gyzaryp gan öýene meňzeýärdi. Ol şuwagt garşysyndaky öz söýgüli ýarynyň ejesi duran bolsa-da, ýat adam durandyr öýtdi, ýat adam bolsa-da öz çagasyna beýtmezdi diýip beýnisinde pikir ýöretdi, ýüreginde oňa bolan sylagyň ýerini ýigrenç eýeledi. Azymly gürledi:
 - Haýsy ene öz çagasyna el batyrmaga dözýär? "Eje" dälmi gyzynyň goltgusy. Haýsy ýazygy üçin ene kalby çagasyny ynjydyp bildi? Beýdip ahyr-zaman inderer ýaly bolan zat ýok! Söýmek, söýüşmek aýyp zat däl ahyry. Meseläni dawa bilen çözmek bolmaz, urup-sögeniňiz bilen iş bitmez! Günäsiz adamy urmaga hakyňyz ýok, şuny unutmaň!
 - Maňa akyl öwretjek bolma, meniň hukuklarym seniň ýazylmadyk kanunlaryňda bardyr, nämäniň dogry ýa-da nädogrydygyny özüm gowy bilýärin, bolduň meň başyma ýurist. Söýgimi? Agzyndan süýdi gitmedik çagalar söýgini näbilsin? Söýgi edebiňi saklananda söýgi bolýar, siz ýaly ilden ýaşryn, gizlenip duşuşmaýarlar, ahlagyny bozmaýarlar! Terbiýesizler! Ýene-de bulaň biri wraç, beýlekisi ýuristmiş, ýokary bilimli adamlarmyş... hany siziň ýokary bilimiňiz? Ýokary bilimli, düşünjeli adam ogly beýle edepsizlige baş goşmaz!
 Güleş gelneje gyzyny urup içini sowatdy, yzyna öwrülmezden öň gyzyna ýigrenç bilen seretdi:
 - Ýa-ha şu oglany saýlarsyň, ýa-da bizi, ýogsam hem ejem-kakam bardyr diýip öýe aýagyňy sekäýme, sen ýaly gyzymyz ýokdur.
 Serwiniň ýüzünden gözüni aýyrman gollary bilen orap oturan Soltana seredip:
 - Ana, gyz. Gerek bolsa ýygna!
 Güleş gelneje diýjegini diýdi-de uludan demini alyp yzyna öwrüldi, ýere gaçan fonaryny almagam unutdy. Öýlerine ýetýänça hüňňürdenip gitdi, içinden-daşyndan gürlap gyzy bilen hyýalynda urşup barýardy. Ýol boýy bir aglady, bir diňdi.
 Soltan Güleş gelnejäniň yzyndan hiç zat diýmedi, düşündiresi-de gelenokdy. Onuň häzir bar aladasy Serwidedi. Dyzlaryny epip ony gujagyna aldy. Gyzaran ýaňaklary garaňkyda görünmese-de duýup durdy. Söýgüli ýaryna ýürek-bagry gyýym-gyýym boldy, söýýän gyzynyň özi sebäpli bu ýagdaýa düşeni üçin iç-etini ýyrtdy, özüni näletledi. Zordan seslendi:
 - Serwi, özüňe gel, Serwi. Tur hany, mert bol! Hiç zatdan gorkma, men seň ýanyňda ahyry. Ejizleme!
 Onuň şuwagt bar diyip biljek, berip biljek goltgusy şu sözler boldy. Saçlaryny sypap, maňlaýyndan öpdi. Şol oturyşyna özüni günäkärlemäge başlady.
 - Serwijan, bagyşla! Hemmesi men sebäpli boldy. Saňa habar ýollamadyk bolsam, çagyrmadyk bolsam bu zatlar bolmazdy. Wah, men guraýyn, näme üçin çagyrýaň diýsene? Ýene birki gün oňup bolmadymy diýsene? Ilki ejem dagyny ugratmaly ekenim, ejeň-kakaň razylygyny alyp soň gelen bolsam, beýle jepalar çekmezdiň. Bagyşla, Serwim!
Okyjylara: Harp ýalňyşlykaryna üns beren halatyňyzda teswirde belläp geçmegiňizi haýyş edýärin.
~Milana

Sorag:
Günlük ulanýan pul birligimiz bolan Türkmen manadyny aňlatmakda ulanylýan abrewiatura (gysgaldylan söz) bolan "TMT" söziniň doly ýazylyşy nähili? 🤓