Geziberiñ müñ bolşuñyz görkezmän.

Şonda bu dünýe hem dogurrak bolar.

Arkamdaky geplerñizem azaldyñ,

Bir kellä iki ýüz agyrrak bolar.

Hajymyrat Goşaýew

Bu gün adyň setirlerime salsam,

Güýjüme däl, saňa daýanyp galsam,

Işde eglenibräk, ýadawrak gelseñ,

Derdinşip biz bilen çaýlardyñ kaka.

Ýagşy gylyklaryñ geçip ganyma,

Goşdy meni, il-ulusyñ sanyna,

Käte-de döz gelip, şirin janyña,

Durmuşyñ çuñlugyn boýlardyñ kaka.

Ykbal sepende-de çaly başyña,

Galkan bolup durduñ kakyp döşüñe,

Seretmän ol artyp barýan ýaşyña,

Çaga deý biz bilen oýnardyñ kaka.

Kemsinmedim, il içinde özümden,

Tejribe alardym, her bir sözüñden,

Şemala-da ýetdirmän kä yzymdan,

Begenjimden joşup ýaýnardym kaka.

Direlýän bolsady bägüller solsa,

Armanym ýok gowlukda adyñ galsa,

Ýitirsegem, ýene berilýän bolsa,

Men ýene-de seni saýlardym kaka.

Hajymyrat Goşaýew

Güneş batdy, iñrik ýene garaldy.

Ykbal ýene saldy meni duzagna.

Tüm gijede yns-jyns görünmese-de,

Ýene seniñ keşbiñ geldi göz öñme.

Saçlaryñ ýaýylan, meñzär gülzara,

Gowşdyr diýip el serdim Biribara,

Mähre suwsan kalbym salyp lerzana,

Ýene seniñ keşbiñ geldi göz öñme.

Bir pursat bolsa-da ýeñledi ýüküm,

Tersligine döndi, durmuşda akym,

Boýnumdan ildirip, gussalañ ýüpün,

Ýene seniñ keşbiñ geldi göz öñme.

Söz bersemem gaýta ýatlaman diýip,

Dändim sözlerimden bolsa-da aýyp,

Nädeýin özgäni bilmedim söýüp,

Gaty görme, sen hakynda ýazanma,

Ýene seniñ keşbiñ geldi göz öñme.

Hajymyrat Goşaýew

Gerekmez kaşañ jaý , ýa gowy ulag.

Bolubersin hemme zadym köneje.

Aýfonam gerek däl , gerek däl pulam,

Maña bir gezek zat olam sen eje.

Hazynamsyñ hiç bir zada çalyşman.

Berselerem maña soñky dereje.

Diñeje barlygyñ üçin söýýärin,

Maña bir gerek zat olam sen eje.

Her günümde ýanymda bol meñ bilen,

Bagtly güni göreli biz bileje.

Daşymda hiç kimem gerek däl maña,

Her alýan demime sebäp sen eje,

Maña bir gerek zat olam sen eje.

Hajymyrat Goşaýew