Belli çägi bolmaz zähmet wagtynyñ,
Dañ saz berse işlerine başlarlar.
Ýadamazlar, hyjuw bilen ýapyşyp,
Her işinden göwünlerni hoşlarlar.

Süpürip, ýuwarlar ähli ýerleri.
Keşde çekip, gaýma gaýaýan haýsy?
Hiñlenip ajaýyp owaz içinde,
Ojagny mährine boýaýan haýsy?

Şol işleriñ arasynda sypynyp,
Wagt-wagtyna naharynam atarlar.
Mukaddes öýüne hyzmaty bilen,
Olar Hakyñ alkyşyny götärler.

Şeýdip geçer gyşlar, tomuslar ýazlar,
Geçer tylla saçan ötegçi güýzler.
Bir manat hak soramazlar işine,
Hormat hemmäñize öýdeçi gyzlar.

Hajymyrat Goşaýew