Tämizlikde deñi bolmaz,
Päkdir zenanlañ söýgüsi.
Hiç bir güýjiñ çeni bolmaz,
Hakdyr, zenanlañ söýgüsi.

Sowuk gyşda ýagan gardan,
Ak däneli gyrmyz nardan,
Pamykdan alynan tardan,
Akdyr zenanlañ söýgüsi.

Saña nesip eder belki,
Ezizlegin, goýup ilki,
Bilenimi aýtmak meñki,
Täkdir zenanlañ söýgüsi.

Söýülseñ hormatlap ýaşa,
Täç edingin hergiz başa,
Halalyndan özge kişä,
Ýokdur zenanlañ söýgüsi.

Hajymyrat Goşaýew