gokgi
10.02.2024 15:29
🥕KÄŞIR🥕
Ululardan kiçilere çenli käşiri terligine iýmegi halaýarlar. Aslynda, köki miweli önümleri, şol sanda käşiri hem terligine iýenden, gaýnadyp iýmek has peýdalydyr. Ony suwda gaýnadtp ýa-da buglap bişirseňiz, ondaky witaminleriň hemmesine eýe bolarsyňyz.
•••••••••••••●●●●●●••••••••••••••
🥒HYÝAR🥒
Hyýaryň gabygy gaty bolmagy ähtimal, şol sebäpli onuň daşyny aýryp iýýärler. Bu nädogry hereketdir. Çünki hyýaryň gabygy köp mukdarda witamin A we beýleki elementleri özünde jemleýär. Mundan başgada ony daşy bilen iýlende ajykdyrman dok saklaýar. Şol sebäpli berhiz tutýan adamlara ýa-da horlanmak isleýänlere hyýar iýmek maslahat berilýär.
••••••••••••●●●●●●••••••••••••••
🍓ÝERTUDANA🍓
Eýsem, ýertudanany kesip iýmek dogrymy? Ýertudana peýdaly elementlere baýdyr. Şol sebäpli ony kesip iýeniňde içki öýjüklerine ýagtylyk düşüp, howanyň degmegi sebäpli onuň düzümindäki C witamini ýitýär. Ir-iýmişler kesilen wagty has tagamly bolup biler, emma olaryň peýdaly taraplary azalýar. Şol sebäpli ýertudananyň üstki ýaşyl ýaprajygyny iýjek mahalyňyz aýryp, terligine iýseňiz, onuň peýdasy uly bolar.
•••••••••••••●●●●●●••••••••••••••
🥔ÝERALMA🥔
Ýeralmanyň daşyny aýryp bişirip iýmek köpleriň endigidir. "Onuň gabygyny aýyrman iýmeli" diýen düşünje bize gülkünç bolup eşdilmegi ahmal. Emma berilýän maglumatlara görä, ýeralmany gabygy bilen iýmek örän peýdalydyr. Onuň gabygy kaliý, kalsiý, sink we demir ýaly elemenlere baýdyr. Bişirmeziňizden öň ony, ilki bilen, gowy ýuwup, soň gaýnatsaňyz ýagda gyzartsaňyz ýa-da ondan işdäaçar taýýarlasaňyz hem bolar.
Taýýarlan Selbi Nuryýewa
33
84
gokgi
31.01.2024 16:46
Iňňä - iňňä,
Ujy diňňä,
Büý-ä -- daýa,
Bü-de -- ýeňňä,
Bu -- dogana,
Bu -- ýegene,
Bu -- çykana,
Bu-da -- ine,
Giýew atly
Al kakana!
Iňňä - iňňä,
Ujy diňňä,
Büý-ä Illä,
Bü-de Jümmä,
Bulaň birem --
Nartäç töňňä,
Bu artybam --
Eltip beriň
Menden öňňä,
Menden öňňä!
Iňňä-iňňä,
Ujy diňňä,
Hany dur, gyz,
Bulaň bary
Daýy bolup,
Dogan bolup,
Ýeňňe bolup,
Ýegen bolup,
Degenog-a
Ýeke teňňä!
Bal-balyn-a,
Şek-şekin-ä,
Asyl bulaň,
Ählisinden
Şahlysyndan,
Şahsyzyndan,
Biziň üçin
Gök ýakyn-a,
Gök ýakyn-a!
Soňam, bilýän,
Ikibaşdan,
Görjek zadyň
Garyndaşdan
Öýke-kin-ä,
Öýke-kin-ä!
Asyl-asyl,
Kim bolaýsyn,
Zat berjek däl,
Güm bolaýsyn!
Geňeşem ýok,
Sala-da ýok,
Toplaň,
Gulplaň!
Barnyň
Bogusun
Çek!
Saňa-da, gyz,
Bela-da ýok --
Hapbaň,
Hupbaň,
Ýaryl,
Böwsül,
Çyk!
Annaberdi AGABAÝEW
26
125
gokgi
28.01.2024 05:52
Men kiçijik wagtym,
Çaga mahalym,
Ýüze çykaýdygy kiçijik sowal
Iñ anyk jogaby eşitmek üçin
Kakamyñ ýanyna eñerdim şo hal.
Men kiçijik wagtym,
Çaga mahalym,
Bir garagol aljak bolsa zadymy,
Dessine: "Kakama aýdaryn!" diýip,
Gorkuzardym,
Ýatyrardym badyny.
Men kiçijek wagtym,
Çaga mahalym,
Iñ güýçli kakam diýip edipdirin çen.
...Indi, görsem, ýalñyşmanam ekenim,
Bu özi, aslynda, şeýle-de eken!
TIRKIŞ SADYKOW
27
27
gokgi
27.01.2024 16:38
TÜRKMEN
BEÝIK ALLANYŇ ADY BILEN,
Eziz halkym!
Mähriban milletim!
Gudraty güýçli, bu täsin dünýäni döreden eziz Taňrynyň ýüregime salan emri esasynda dörän kitap -- türkmeniň Ruhnamasydyr.
Adamzat döräli bäri Beýik Alla türkmen milletini taryhyň dürli döwürlerinde uly-uly synaglardan geçirdi. Meniň halkym ol synaglaryň öňünde durup bildi. Aňyrsy 5 müň ýyl mundan ozal milletbaşymyz Oguz han Türkmenden gaýdýan türkmen halky Gündogarda Hindistan, Günbatarda Ortaýer deñzi aralygynda döredilen dünýä gymmatlyklaryna dürli ugurlarda saldamly goşandyny goşdy, öz topragynda Änew, Altyndepe, Marguş, Parfiýa şalygyny, seljuk türkmenleriň şalyklaryny, Köneürgenç türkmen döwletini --- jemi 70-den gowrak döwlet döretdi.
Türkmen halkynyň Nuh alaýhassalamdan gaýdýan uly taryhy ýoly bar.
Nuh alaýhassalam öz ogullaryndan Ýafesiň zürýatlaryna Türkmenistan yklymyny ýer-ýurt edip berdi.
Beýik Taňry türkmene KÖPELGIÇLIK berdi. Ol köpelip, örňäp gitdi. Taňry oň iki sany häsiýet berdi: RUHYBELENTLIK WE GAÝDUWSYZLYK. Ýagtylgyç berende bolsa, onuň Köňlüne we Aňyna Paýhas Çyragyny guýdy. Şundan soň öz bendelerine umumy at dakdy: TÜRK IMAN ( Türk - asyl, iman - nur ). TÜRK IMAN -- TÜRKMEN şeýle many aňladýar. Asly nurdan. Türkmen dünýäde şeýdip döredi.
31
74
