garlawac
15.06.2024 14:45
,,Eje, sen ýüregiň saýlan ýigdine
Men bararyn, ýöne talyp bolamsoň"
"Ähli zady taşla, dolan gujagma,
Ejeň seni unudanok, köşegim.
Oba-gara halys sorap goyanok,
(Ýeňlejek-dä bir aýagňy duşasam)
Diýip jaň etmäni ýygjamladypsyň, A
men bolsa per bermeýän kejiriň.
Sen bilýän ahyry gursagmy ýaryp,
Arzuwlarymyň maňa berýän ejirin.
Arman bolup siňip galsam gujagňa,
Yeri, ondan ýagşymyşmy ol onsaň?
Eje, sen ýüregiň saýlan ýigdine
Men bararyn, ýöne talyp bolamsoň.
"Diýenme däl diýip aýak depip dur"
Diýip hergiz gaharlanma gyzyňa.
Arzuwmy kül edip, ähdimden dänip,
Ellerim boş gaýdyp bilmen yzyma.
Ogulnur ATAYEWA
23
154
garlawac
13.06.2024 16:48
Barybir, sen meni söýmän bilmersiň,
Ýaz ýaly ýazylar kinedir-öýkäň.
Köşeşer gyz göwnüň,
Düşüşer göwnüň,
Hem maňa ýene-de düşüner göwnüň,
Bilmersiň,
sen meni bilmersiň söýmän!
Sen nämäniň aryn alýarsyň menden,
Zerurlygy näme meni örtemäň?
Ýa ýalbaryp başym egeýinmi men,
Bagrym ezeýinmi,
Taýýar eger sen
Söýýän bolsaň peselende mertebäm!
Meň söýgimden başga etmişim näme!?
Ýaramady saňa yşgyň nämesi?!
Boýnum burup bakaýynmy?
Taýyn men
ÝA delmuryp gama bataýynmy men,
Gussa bolsa yşgyň subutnamasy!
Diýseň, ynjyk bolýar söýende gyzlar,
Gyzlar gyrpa bolýar, uçranda yşga.
Haýyş edýän, dymma!
Näme diýseň diý
Maňa şirin-şeker sözlerden başga!
Sygmasa kalbyňa kinedir-öýkäň,
Gygyryp bilersiň söýemok diýip.
Ýöne sen bilmersiň,
söýmän bilmersiň,
Çünki bir bakyşda köýdürip-köýüp,
Bir bakyşda şahyr eden dilbersiň!
— Nobatguly Rejebow.
25
63
garlawac
09.06.2024 14:37
Göwnün tapjak bolup, geçegçi günleň,
Ýalan dünýäň ýanan umydyn dörme.
Men seni söýmedim görmegiň üçin,
Gerek däl, artykmaç bezenip ýörme.
Gijäň gara saçyn daranda, ak Aý,
Yşk kölüňde ýüzsem, bolup men guwwas.
Men seni söýmedim gözleriň üçin,
Kirpikleň kürek bor, gollarma kuwwat.
Sözleriň söýgime bakylyk berer,
Kalbymda düşlände, yşkyň durnasy.
Men seni söýmedim sözleriň üçin,
Söýgiňdendir günleň gülüp durmasy.
...Men seni söýmedim görmegiň üçin,
Men seni söýmedim gözleriň üçin,
Men seni söýmedim sözleriň üçin,
Söýdüm DIŇE SENI söýenim üçin!
Söýdüm DIŇE MENI söýmegiň üçin!
Nury SAKÇYÝEW
22
105
garlawac
08.06.2024 18:43
Garaş maňa, men gelmerin.
Wysaldan soň aýralyk bar.
Dogruçyl hoş sözler bilen,
Söýgimizi aldadyk ýar.
Dünýä sygmaýan gursagma,
Dar eşigim giň bolup dur.
Menden daşlaşyp öýkelän,
Sabrym kalpda güýmenip dur.
Suwda ýanan, otda myžžyk
Pikirlere saraldym men.
Umyt keseline uçrap,
Dertlemänkäm sagaldym men.
Ýyllar günleri kowalap,
Juda ýaş etdi ömrümi.
...Aňlanymda düşünmedim,
Göwnüne deglen göwnüme.
Ýok, biz ahyr gowuşarys.
Hijran guranda gapanyn,
Seni ýagty ýollardan däl,
Aýdyň tümlükden taparyn.
Şonda göripler görüpler,
Ýagşy dileg eder bize.
(Berlende nä ýeke ömür,
Besdir, şolam ýeter bize).
Duşanmyzda bir-birege,
Gam-guwanç geýmin geýerin.
Ömür uzak, wagt haýaldyr
Maňa garaşma, gelerin!
© Nury SAKÇYÝEW
30
95
garlawac
03.06.2024 12:36
Gijaniñ gözünde ot ýakypdyr aý,
ýyldyzlañ ýüzünde görünýar ünji.
Eger arşda kürsde bar bolsañ Hudaý
sähelçe bolsa-da teselli görsem,
şu pursat şeýlebir zerur ol, çünki,
men häzir däli deý heserläp ýörün.
Bu dünýä oýunmy?!
Soñuny saýman
utanlar akmakdyr, utylan haýran...
A onsañ janymyñ ýangyjyna men,
şu pursat bir teññä çalşmaga taýýar,
agzyma aş gatykladan dünýänem.
Añlajak kim,
duýgularym perişan,
tende ruhym,
kalpda höwes sowapdyr.
Basyp bilmez ýagym boldy arzuwym,
Bar ynamym - umydyma togapka.
Egnimdäki perişdeleñ depderi,
günäm bilen garalandyr,
bilýärin.
Tenim ýerde gördi dowzah ezýetin,
ruhym çeker jebrini o dünýäniñ.
...Boýn almaly ýalñyşlarñy,
başarsañ,
ýaşap, ömrüñ bir gününe degmedik.
Janym ýerde,
ruhym arşda elener:
Ol bagtly bolmak islän betbagt,
Men betbagt, bagtly bolup bilmedik.
Sorag
Pikirleriň aýanlykdan daşdamy,
Ýa-da özümmikäm aňardan ejiz.
Uzakdamy säwlikleriň yzasy,
Ýazgaryp günäsin öterden heniz?!
Bu ykbala gün-ä diýmek gerek däl,
Ýolumyzy özümizdik başgalan.
Gadyrmyza gadyr goýup bilmedik
Ýitirmeklik gorkusyndan daşdakak.
Düşünemok, bu gün bagt dymyp dur -
Birmahalky öz ýanyna çagyran.
Ýa-da söýgi salymyza aslyşyp,
Aýralyga taşladykmy labyryn.
Senem meni mençeräjik söýüpdiň,
Gizlemegiň hajaty ýok sözlemän.
Bu gün seniň gözleriňden agtaryp,
Edilmedik günälermi gözleýän.
...Dogrusy, men hakda arzuwňy gizläp,
Senem öz göwnüňi aldamadyňmy.
Ýa-da soňky gezek jaňymy alman,
Gyzyl düwmä basyp aglamadyňmy?!
Kine...
Gijäň gözi gussa bilen gamaşdy,
umut ýok säheriň şatlyk bererne.
Agtaranym,
düýşlerimde azaşdyň,
kine galdy ýorgudymyň deregne.
(Eger söýgä oýun diýip düşünseň,
irde giçde ýeňiş bolýar aýralyk.)
Bagyşlara bir azajyk üşügmiz,
awara deý gezip ýörkä,
aýňalyp,
sämän pikir bilen özün aklaýar iň we
sensizlik derdiniň melhemi saýyp.
Aý ýüzüne perde çeken bulutlar,
gijäň gussasyna kölgesin çaýyp,
unutjak zatlarmy ýadyma salýar.
Seni bagyşlara sebäp gözleýän,
tapyljagy gümanama ýakynka,
hem gijäni oýarmaga dözmeýän,
senli düýşli hyýallarym ýatyrka.
...Gowy arzuwlarňy, ýitirmän sakla,
teselli bor,
birgün dünýeden irseň,
hem tutaryk gözläp özüňi akla,
eger men şu gije düýşüňe girsem...
24
80
garlawac
31.05.2024 18:52
Men senden hiç zady göremok gaty,
Öýke-kine menden juda daşda, ýar.
Ýöne ýalňyzlygyň kemsinen wagty,
Göwräm özün gam laýyna taşlaýar.
Men seni unudyp ýörendir öýtme,
Tupanda elenýän ýelken ýaly men.
Derdimi sorama,öýkäňi aýtma,
Öňem heser uran düňle,däli men.
Ýöne käte meniň gözlerime garap,
Seniň bilen diridigime ynan, ýar.
Hemem bolmaz ýaly hallarym harap,
Ýodalary unutma-da,dolan, ýar!
Garaşaryn garaşan deý sähere,
Alnyma ak Günüm dogan sen.
Öwrensoň kalbymy baky bahara,
Dolan sen!
© Dürnabat AŞYROWA.
Gitme, gitseň günüm dogmaz ir säher,
Gitme, gitseň bahar dolanmaz gaýdyp.
Sensiz gama batar Daşoguz şäher,
Sensiz yşgym hakda ýazylmaz aýdym.
Gitseň goşgularym edilmez tankyt,
Bu ellerim asla tutmaz galamy.
Sen meniň göwnüme ýeke tesellim,
Sen—çynym içinde şunça ýalanyň.
Sen gitseň ýalňyz men garabaşyma,
Sensiz meni kynçylykly ýol ezýär.
Ýaş gider, yşk gider (goy gitse gitsin)
Ýöne sen bir gitmäweri poeziýa!
©Aýsapar Emelowa
Mydar edýän ýürek bilen
Müň ýamaly.
Aglasyň gelende aglap bilmeseň
Iň ýamany.
Aýaň, yşka duşmadygy,
Synlap öň ýanany.
Aşyk ýöne ýerden gysmaz
Galamy.
Undup bolýa ähli derdem,
Unutma ýok,
Dert salany.
Bar zat ýazgydyňa görä,
Pozup bilmersiň
Sen ony…
Noldan başlap ýene nola
Getirýän yşkyň jemini.
Bu bir durmuş kadasy
Görüp gelen ýok
Soňuny…
Çaklaýşymdan juda ýeser,
Gör, ony.
Mydama söýüp ýaşadym,
A sen meni?
#Ogulnur Ataýewa/font>
19
63
garlawac
29.05.2024 18:34
Meni häli-häzirlerem byjyklap,
Senli günleň gujagyna getirýän,
Götermeklik arzuwymdy iň eziz,
Seniň familýaň.
Bir ýazgyda sataşaýsam tötänden,
Kän zatlaryň başyn alyp otyrýan,
Maňa eziz şunça adyň içinden,
Seniň familýaň.
Hemişe şu pursat ýetdi dadyma,
Aýna bakyp goşup gördüm adyma,
Hatda adymdan öň düşýär ýadyma,
Seniň familýaň.
Arzuwlar bir başga, durmuş bir başga,
Göwnüň gökde bolýar, gögele ýaşda,
Soň utduran zadym boldy durmuşda,
Seniň familýaň.
— Ogulnur Ataýewa.
24
179
