flowers_
18.02.2024 04:37
Umyt.



Eý, kalbyma ganat berýän umydym,
Dünýäň maňa özümden-de ýakyndyr.
Munda ähli gapyň ýapyk mahaly
Açyk duran ýalňyz seniň gapyňdyr.

"Agyr gazan giç gaýnaýar" diýdiň-de,
Ýuwmarladyň keç yşkymyň kösänin.
Gijeler seň bilen öňümden çykdy
Gündizler sergezdan eden wysalym.

Başdan agan başly-barat duýgular
Birigip, daşyma geçen pursady,
Bu gursakda seni gözläp, delmuryp,
Göwnüm seniň bilen özün dürsedi.

Sensiň üşän gyşy ýaza gowşuran,
Sen — gam-gussa zyndanyna penjire!
Özüni ýitirer seni ýitiren,
Seni tapan — eýe dünýäň genjine!

Bir pursat ýoklugyň çetindir maňa,
Bu ýürege sensiz oňmak ne kyndyr.
... Ýapmaga hiç kimiň güýji ýetmejek
ýalňyz gapy diňe seniň gapyňdyr!





Kakamyrat Rejebow.
36
73
2
flowers_
17.02.2024 23:10
SAŇA DUŞUP.


Saňa duşup, dünýä bilen alyşdym.
Saňa duşup, gorkýan boldum ölümden.
Gijeleri gündiz bilen çalyşdym,
Şondan başga zat gelmedi elimden.

Sag gulakdan girdi serime adyň,
Çep gulakdan çykyp gitdi huş onsoň.
Ýitdi ýörär ýolum.
Gowam bolaýdy!
Çünki uçýan boldum saňa duşamsoň.

Bilmen, ozal niçik ýetdi takadym?
Gelen çagyň many tapdy demlerim.
Goşarymda pytrap gitdi sagadym,
Dessemi ýok indi dähedemleriň.

Geldiň — süňňüm onkiligne ýetirdiň,
Çep gursagym halas boldy yzadan.
Saňa duşup, öňküligmi ýitirdim,
Şükür, indi bolup barýan düz adam.

Saňa duşup, boldum baky diri men,
Näçe menzil bolsa ýetiler indem!
Ýöne welin gorkýan, kimdir biriniň
Öňki meni tapyp getirerinden.




Mukam MUHAMOW.
37
55
1
flowers_
17.02.2024 18:25
GOŞGUDAN GALAN GYÝKYNDYLAR.



▪︎Her kimiň kalbynda öz Hudaýy bolmaly.

▪︎Özüňe däl, iş salyşýanyňa näme gerekdigini öwrenmeli.

▪︎Goşgyny şahyr däldigiňi bilýänçäň ýazybermeli.

▪︎Guba düýe berip, kitap alýan azmy, kitabyny alar ýaly — şahyr?!

▪︎Akar suwuň öňüni arçaşdyryp goýbermegem — sogap.

▪︎Halkyňy öz beýik işleriň bilen beýgeltmeli.

▪︎Kesel bilen tutluşaňda, özüň lukmanyň tarapynda bolmaly.

▪︎Duşmanyňy dostunyň ýanynda öwmeli.

▪︎Oňat sazanda aýdymçy küýsedenok.

▪︎Parany zorlap däl, horlap alýarlar.

▪︎Egri ýoldan dogry ýöräp bolanok.

▪︎Adamyň ganaty — göwnünde.

▪︎Diňe ekin meýdanyny däl, edebiýat meýdanyny hem hapa-haşal otlardan arassalap durmaly.

▪︎Pikir beýniň ýüküdir, ony ýazdyrman ýatsaň, gara basyp oýanarsyň.

▪︎Gursagyň dar bolsa, dünýäň giňliginiň haýry ýok.

▪︎Bir oňat iş etmedik günüňi köýdi bil.

▪︎Eňňeräniň öň ýanynda ýygnalýan terne-türneleredir gawun-garpyzlara “läşeki” diýilýänini bilýärmiň?

▪︎Ýeke agajy ýel ýykar.

▪︎Ýokaryk dyrmaşmaýanyň aýagyndan aslyşanoklar.


Atajan ANNABERDIÝEW.
27
58
2
flowers_
17.02.2024 06:41
Meşhur alymlar barada 20 fakt.


1) Döwülmeýän aýna Eduard Benediktus tarapyndan oýlap tapylypdyr hem-de bolan waka duýdansyz bolup geçipdir.

2) Amerikaly astronomyň Ýujin Şumeýkeriň jesediniň küli Aýda ýatyr.

3) Meşhur Eýnşteýn öz golunyň satmak söwdasy bilen meşgullanypdyr.

4) Nils Bor futboly gowy gorýän eken.

5) Robert Çezbronyň işiniň başy kaşalotdan kerosin almak bilen synanşyp başlapdyr.

6) Amerika oýlap döredijisi Tomas Edison telekeçi hem bolupdyr.

7) Ylymyň meşgurlandyryjysy Stiwen Hoking diýip hasap edilýär.

8) Tomas Edison kömür sapakly gyzdyrma lampasyny oýlap döredipdir.

9) Hassalanan aýal maşgala elini degirmejek bolup Rene Laennek stetoskoby döredipdir.

10) Belli himik Dmitriý Mendeleýew örän üýtgeşik güýmenmesi bar eken. Ol çemodan döretmek halapdyr.

11) Meşgur Amerikan alymy Tomas Edison togyň täsiri bilen pili öldiripdir.

12) Belli alym Stiwen Hoking minutda diňe birje söz gürläp bilýär. Bu ysmaz sebäpli onuň ýaňagynda ýekeje myşsa hereket edýändigi bilen bagly.

13) Meşgur oýlap dörediji we alym Rudolf Dizel içki ýangynly hereketlendirijiniň döretmegi bilen belli bolýar.

14) Polşa alymy Mariýa Kýuri poloniý we radiý oýlap tapany sebäpli oňa Nobel baýragy berilipdir.

15) Amerikanyň alymlary erkekleriň köýnek ýakasy hemişe gysylyp durýan bolsa olaryň görüşi peselýandigini subut edipdirler.

16) Alymlar delfinlaryň atlary barlygy hakykaty subut edipdirler. Munda hem her kiçi delfiniň çagasy dogulanda öz adyna eýe bolýar.

17) Nils Bolryň giriş gapysynda elmydama nal asyk durýan eken.

18) Alymlaryň pikiri boýunça kimiň dişleri ak reňkde bolsa işinde üstinlik gazanýar.

19) 1869-njy ýylda Şweýsariýa alymy Iogann Fridrih Mişer DNK-ny açypdyr.

20) Aleksandr Borodin diňe meşhur himiki däl-de, kompozitor hem bolupdyr. Ol aýdym-sazyň taryhynda uly yz goýupdyr.



Taýýarlan: Akmuhammet GYLYJOW,
31
44
1
flowers_
16.02.2024 23:56
GIR DÜÝŞÜME!» - Ogulnur ATAÝEWA



Barlygyňy bagt saýyp,
Ýitirenmi wagt saýyp,
Kim bizden eýlesin aýyp?
Gir sen ýene-de düýşüme!

Oýanaýyn, begeneýin,
Görenime guwanaýyn,
Bir aýagma daýanaýyn,
Gir sen ýene-de düýşüme!

Bolmadygy bolsun edip,
Ikimizem tebsiredik.
Eý, dünýäme ýerlemedik,
Gir sen ýene-de düýşüme!

Düşüşýäň ulalyberseň,
Huş-da şu, ynanybilseň...
Sen bir zat edip bilersiň,
Gir sen ýene-de düýşüme!
35
31
0
flowers_
16.02.2024 20:27
"Gapma-garşylyk" Erazm Rotterdamskä öýkünme- Aşyrmät GARLYÝEW.



Howaýylyk däl bi, seljerip sözüm,
Dünýäň her zadynyň tap iki ýüzün.

 

Samsyklyk gizlenýär astynda görküň,
Tagaşyksyzlykdan däl, suluwdan gorkuň.

 

Düşünmek kynam däl, bilseň saýgaryp,
Baý, garyp däl, baý-garyp däl, baý – garyp.

 

Masgara bolmakdan çekinmeýänler,
Soň geliň, şöhratym çekiň diýýärler.

 

Alymlygyň gujagynda akmaklyk,
Güýçlülige mahsus maýyp çykmaklyk.

 

Ynsaplylyk garyplygy gyssaýar,
Şady-horramlyk bar, diýmek gussa bar.

 

Düşünmek diýmeklik – köýmek diýmekdir,
Dostluk diýmek – duşmançylyk diýmekdir.

 

Bähbidiň goýnunda saklanýar zyýan,
Bimöçber hyruç bar süňňünde haýaň.

 

Öli ýaly bolup ýören adamlar,
Diriligiň bar lezzetin dadarlar.

 

Ýaşaýşyň goýnunda saklanýar biliň,
Ömrüň jemlenmesi, ahyry – ölüm. 
 
26
36
0
flowers_
16.02.2024 15:32
Siziň ýanyňyzda kim bar?


Iki adam goňşuçylykda ýaşaýardy. Olaryň biri danalygy, ynsanperwerligi bilen şöhrat gazanypdy. Ony hormatlaýardylar, onuň ýanyna ýygy-ýygydan maslahat sorap gelýärdiler. Beýleki tüçjar baýdy, ýöne garasöýmezdi. Bir sapar olar ýolda gabatlaşdylar.

— Meniň durmuşymda kem zadym ýok. Men baý hem-de meniň täsirim örän uly. Ýöne şäherde seni menden aşa sylaýarlar. Maňa aýt, seniň pikiriňçe, men kime meňzeýärin? — diýip, baý kişi goňşusyna ýüzlendi.

— Sen perişdä meňzeýärsiň.

Bu sözlere ýaňky adam özüne göwnüýetijilik bilen ýylgyrdy hem-de goňşusyna garaşylmadyk sözler bilen ýüzlendi:

— Sen bolsa ýolda ýatan zir-zibile meňzeýärsiň. Ýeri, muňa näme diýersiň?

Dana kişi ýylgyrdy-da, onuň masgaralaýjy sözlerine jogap bermedi. Bu ýagdaý onuň goňşusyny geň galdyrdy. Ol ýene sowal berdi.

— Sen näme üçin meniň sözlerimi göwnüňe almadyň: sen-ä meni perişdä deňediň, men bolsa seni hapa zada meňzetdim.

— Bu ýerde göwnüňe alar ýaly hiç zat ýok — diýip, parasatly adam sowukganlylyk bilen jogap berdi. — Kimde-kim özüni perişde hökmünde görýän bolsa, ol ony özgelerde hem görýär. Kimiň kalby hapadan doly bolsa, ol özgeleri hem şonuň ýaly kabul edýär.

— Eýsem, siz ýanyňyzda kimi görýärsiňiz?



Uzukjemal HOMMADOWA.
28
20
0
flowers_
16.02.2024 07:04

Men seni ynjytmak islemeýärin
(ýazyp gutarylmadyk goşgy)

Men seni ynjytmak islemeýärin..
Islemeýän gözleriň göwherini dökmegiň,
gündizlerne ýüpegim
gijelerne mahmalym

Men seni ynjytmak islemeýärin..
Ýaşaýyşa bolan soňky umydym…
harçlanam bolsam
Seniň bilen agyr ýola başlanam bolsam…
Başgaça durmuşy islänem bolsam…

Saba deý ýylgyrşyň bilen
ýylgyrmagyň isleýän
Säherlerme
Baharlarma
Gül bolmagyň isleýän.
Gyşda ýalňyz galan çagym
gapym kakyp geleniň
sen bolmagyn isleýän.

Pyşyrdylaň ykbalyma
heň bolmagyn isleýän.

Men seni ynjytmak islemeýärin.
gaty kyn bolsa-da,
agyr bolsa-da,
Ýoluň soňy bolaýmagam
mümkin bolsa-da,
şu lälik gyz seň dünýäňde
hiç kim bolsa-da…
Men seni ynjytmak islemeýärin…






Suraý BABANYÝAZOWA.
29
60
4
flowers_
15.02.2024 18:57
Paýhaslar.


Bi­li­me go­ýul­ýan ser­ma­ýa he­mi­şe köp gir­de­ji ge­tir­ýär.
#Ben­ja­min Frank­lin

Be­de­niň bag­ty sag­lyk­da, aňyň bag­ty bi­lim­de bol­ýar.
#Fa­les Miletskiý

Bi­li­miň muk­da­ry däl-de, hi­li mö­hüm­dir. Adam iň ze­rur zat­la­ry bil­män, köp za­dy bi­lip ba­şa­rýar.
Bil­mez­lik aýyp we zy­ýan­ly däl. Her kim hem­me za­dy bilip bilmeýär, ýöne bil­me­ýän za­dy­ňy­ bil­ýän ýa­ly edip gör­kez­jek bolmak aýyp we zy­ýan­ly­dyr.
#L.N. Tols­toý

Hem­me za­dy bil­me­giň ze­rur­ly­gy ýok, ýö­ne sen özü­ňe nä­mä­niň ge­rek­di­gi­ni, ony ni­re­den we nä­dip tap­ma­ly­dy­gy­ny bil­me­li­siň.
#G. Ford

Bi­lim­de be­ýik­lik we gö­zel­lik bar, bi­lim mer­jen ha­zy­na­syn­dan has gym­mat­ly­dyr. Bi­lim­li adam he­mi­şe ze­rur­dyr.
#Abd ar-Razzak Sa­mar­kan­di

He­re­ket bi­li­miň ýe­ke-täk ýo­lu­dyr.
#B. Şou

Bir ada­ma bi­li­miň ze­rur­dy­gy­ny su­but et­mek, ony gör­me­giň peý­da­ly­dy­gy­na ynan­dyr­mak ýa­ly­dyr.
#M. Gor­kiý

Sa­byr we yh­las et­se­ňiz, eki­len bi­lim to­hum­la­ry hök­man go­wy gö­ge­riş be­rer.
#Leo­nar­do da Win­çi

Bilimde di­ňe go­wu­lyk bar, na­dan­lyk­da bol­sa di­ňe er­bet­lik.
Bi­le­si­ge­li­ji bol­sa­ňyz, bi­lim­li bo­lar­sy­ňyz.
#Sok­rat

Bi­lim şeý­le bir gym­mat­ly zat we­lin, ony is­len­dik çeş­me­den öw­ren­mek aýyp däl.
#Abul-Fa­raj bin Ha­run

Kän za­dy däl-de, ze­rur za­dy bil­ýän paý­has­ly­dyr.
#Mon­tesk­ýo

Bi­li­me bo­lan is­leg­den has te­bi­gy is­leg ýok.
#Mi­şel de Mon­ten

Bi­ziň bil­ýän­le­ri­miz çäk­li­, bil­me­ýän­le­ri­miz çäk­siz­dir.
#Apu­leý

Bi­lim – bu ýag­ty­lyk we er­kin­lik­dir. Ada­ma bi­lim­den baş­ga er­kin­lik ber­ýän güýç ýok­dur.
#I. S. Tur­ge­new

Yn­san di­ňe bil­me­ýän zat­la­ryn­dan gork­ýar; bi­lim äh­li gor­ky­ny ýeň­ýär.
#W.G. Be­lins­kiý"
34
83
0
flowers_
15.02.2024 10:22

Psihologiýa:
Ilki diňlänimizde näme üçin halamaýarys?!!




Gündelik durmuşymyzda gabat gelýän bu ýagdaý, şübhesiz käbir adamlaryň başyna gelýän bolsa gerek?! Bu ýagdaýa «mere exposure effect» diýilýär. Ýagny gysgaça tanyşlyk ýa-da öwrenişiklilik. Bir zady ýa-da adamy näçe köp görseňiz ýa-da onuň sesini eşitseňiz, şonça-da halap başlaýarsyňyz. Bu ýagdaý hem şol täsiriň esasynda döreýändir.

Alym Robert Zajongyň 1968-nji ýylda geçiren barlaglarynyň esasynda, adamlarda deň bolmadyk käbir nyşanlaryň bardygyny görkezip, obýekt näçe köp görüldigiçe, şonça-da halanmaga başlanýar diýen netijä gelipdir.

Mysal üçin, birinji gezek diňleýän aýdymymyzy ilki halaman yzygiderli diňlemegiň netijesinde halap bileris. Aýdymy ilkinji gezek diňlänimizde: “gowy däl”, ikinji gezek diňlänimizde: “ýaman däl, boljak”, üçünji gezek diňlänimizde bolsa: “gowy” diýen ýaly sözler size tanyş bolup biler.

Bu effekt, esasan, telewizorlarda köp ulanylýar. Has takygy, kärhanalar reklamalaryny yzygiderli görkezip, harytlarynyň adamlaryň aňynda galmagyny başarýarlar. 

«TürkmenGazet».
38
250
13
Yene yükle